१ कोरिन्थी 1:9 - परमेश्‍वरए ताँ तमु क्युइर

⁹ तलेबिस्याँ परमेश्‍वर बेल्‍ले भर लल् खाँब मुँ, खीजी ह्रोंसए च्‍ह येशू ख्रीष्‍ट ङ्योए प्रभुने बालु टिबर क्‍हेमैंलाइ त्‍हाँइ।

१ कोरिन्थी 1:9 ပူးပေါင်းရင်းမြစ်များ

भजनमैं 100:5

तलेबिस्याँ याहवेह स्वाब मुँ, खीए म्हाँया खोंयोंन् बिलै तरिमुँ, पुस्ता-पुस्ता समान् खीए फिर ङ्योइ भर लल् खाँम्।

मत्ती 24:35

स्वर्ग नेरो पृथ्‍बी म्‍हयाब्‍मुँ, दिलेया ङइ बिबै ताँ खोंयोंइ या म्‍हरिब आरे।”

यूहन्‍ना 17:21

ओ आबा, चमैं ताँन् घ्रिन् तरिगे बिसि ङ प्राथना लम्। धै क्हि ङने बालु मुँ, ङ क्हिने बालु मुँब् धोंलेन् चमैं या ङ्योने बालु तरिगे। चमैं ताँन् घ्रिन् तमा क्हिजी ङ कुल्मिंब् ग बिसि ह्‍युलर्बै म्हिमैंइ क्वेंरिगे बिसि ङ प्राथना लम्।

रोमी 11:17

छलेन रोमैं रोबै सिं धुँए को-कोइ हाँगमैं चोवाब् धोंले कोइ यहूदीमैं या परमेश्‍वरउँइँले फ्रेयाइमुँ। धै क्‍हेमैं अरू ह्रेंर्बै म्‍हिमैं तबइले क्ह्‍योंर्बै सिं धुँए हाँग धोंन् तसि अरू छ्याँबै हाँगमैंए माँजोरि से घ्रिले गैंदिइमुँ। छतसि यहूदीमैंए जराउँइँले खुगु योंब् धोंले क्‍हेमैंइ तोगो भों नेरो आशिक योंइमुँ।

रोमी 8:28

परमेश्‍वरलाइ म्हाँया लब्मैं नेरो खीए सैंर मैंब् धोंले लरिगे बिसि त्हाँब्मैंए ल्हागिर खीए पबित्र प्ल्हजी तोन्दोंरि सैर छ्याँबन् लमिंम् बिब ङ्योइ सेइमुँ।

रोमी 8:30

छतसि परमेश्‍वरजी ओंसोंन् त्हाँब्‍मैं हुइइ, धै हुइब्‍मैंलाइ ह्रोंसए उँइँरि ठिक ठर्दिइ, ठिक ठर्दिब्‍मैंलाइ खीजी थेबै मान या पिंइमुँ।

रोमी 9:24

तलेबिस्याँ खीजी हुइबै म्‍हिमैं ङ्यो ग। खीजी यहूदीमैं मत्‍त्रे हुइब आङिं, अरू ह्रेंमैंलाज्यै या हुइमुँ।

१ कोरिन्थी 1:30

तलेबिस्याँ ख्रीष्‍टउँइँलेन् परमेश्‍वरजी ङ्योलाइ छ्ह पिंइमुँ, ख्रीष्‍टउँइँले ङ्योइ बुद्धि योंइमुँ, ख्रीष्‍टउँइँलेन् ङ्योइ ठिक के लल् खाँमुँ, ख्रीष्‍टउँइँलेन् ङ्यो पबित्र तइमुँ, ख्रीष्‍टउँइँलेन् परमेश्‍वरजी ङ्योलाइ जोगेमिंइमुँ।

१ कोरिन्थी 10:13

म्हिए फिर तखबै जाँच बाहेक अरू जाँच क्‍हेमैंए फिर आतइमुँ। दिलेया परमेश्‍वर भर लल् खाँब मुँ, खीजी फैबै बाछा पूरा लम्। छतसि क्‍हेमैंइ सैदिलै आखाँबै जाँचर खीजी फेल् आपिं। जाँचर फेमा सैदिल् खाँरिगे बिसि खीजी क्हेमैंलाइ जाँचउँइँले स्योरल् खाँबै घ्याँ या पिंमुँ।

१ कोरिन्थी 10:16

ङ्योइ प्रभु भोजरि परमेश्‍वरलाइ धन्‍यबाद पिंसि प्‍हेलाउँइँले थुँम्। छले थुँमा ङ्योइ ख्रीष्‍टए कोए भाग योंम्। छलेन क्‍हें चमा ङ्योइ ख्रीष्‍टए ज्युए भाग योंम्।

२ कोरिन्थी 1:18

छ आमैंन्! खैले परमेश्‍वर बिश्‍वास योग्यर्बै मुँ, छलेन ङिइ क्‍हेमैंलाइ बिबै ताँ या क्‍ह्रोंसेंन् ग। छतसि “ङिंबन् ग” नेरो “आङिं” बिसि ङ आपों।

गलाती 1:15

दिलेया परमेश्‍वरजी ह्रोंसए दयाम्हाँयाउँइँले ङ फिब् भन्दा ओंसोंन् खीए म्‍हि तबर ङलाइ त्‍हाँल् खाँल।

गलाती 2:20

ङ ख्रीष्‍टने बालुन् क्रूसर च्‍योसि सिइमुँ। छतसि तारे पिरु सोब ङ आङिं, दिलेया ख्रीष्‍ट ङए सैं न्‍होंर तसि सोइमुँ। तोगो चु ज्युर ङ सोरिबै छ्ह परमेश्‍वरए च्‍ह येशू ख्रीष्‍टए फिर बिश्‍वास लसि सोरिबै छ्ह ग, तलेबिस्याँ खीजी ङलाइ म्हाँया लसि ङए ल्हागिर खीए ज्युन् सुम्‍पिदिइ।

एफिसी 3:6

खीए सैंर्बै लोथेंबै चाँजो तो जा बिस्‍याँ चुन् ग: अरू ह्रेंमैंइ यहूदीमैंइ धोंलेन् सैं तोंबै ताँ क्‍वेंस्‍याँ चमैंज्यै या परमेश्‍वरउँइँले आशिक योंब्‍मुँ। अरू ह्रेंर्बै म्हि या ज्यु घ्रिर्बै भागमैं ग। परमेश्‍वरजी येशू ख्रीष्‍टउँइँले पिंम् बिसि फैबै बाछाए आशिक अरू ह्रेंमैंज्यै या योंइमुँ।

कलस्सी 1:24

क्हेमैंए ल्हागिर दुःखन् योंरिलेया ङ सैं तोंइमुँ, तलेबिस्याँ ख्रीष्‍टए ज्युए ल्हागिर, खी क्वेंब्मैंए ल्हागिर ङज्यै या नोल् त्हुबै दुःख ङ‍ए ज्युर्न नोसि पूरा लम्।

१ थेसलोनिकी 2:12

परमेश्‍वरजी खोबै छ्ह क्हेमैंइ थोरिगे बिसि ङिज्यै या क्‍हेमैंलाइ लोदा सैंदा लसि भों पिंइ बिसि क्हेमैंइ सेइमुँ। तलेबिस्याँ खीए मिं थेब् लबर परमेश्‍वरजी क्हेमैंलाइ खीए ग्याल्सर हुइब् ग।

२ थेसलोनिकी 2:14

ङिइ क्हेमैंने बिबै सैं तोंबै ताँउँइँले ङ्योए प्रभु येशू ख्रीष्‍टए मान क्हेमैंज्यै या योंरिगे बिसि परमेश्‍वरजी क्हेमैं हुइब् ग।

२ थेसलोनिकी 3:3

दिलेया प्रभु येशू भर पर्दिब् मुँ। खीजी क्‍हेमैंए सैं भोंब् लमिंब्मुँ धै दुष्‍टउँइँले जोगेमिंब्‍मुँ।

२ तिमोथी 1:9

परमेश्‍वरजी ङ्यो जोगेमिंसि खीए म्‍हिमैं लबै ल्हागिर त्‍हाँइ। ङ्योइ छ्याँबै केमैं लमा आङिं, ङ्योए फिर मुँबै खीए दयाम्हाँयाउँइँले परमेश्‍वरजी ङ्यो त्हाँबै सैं खइ। तलेबिस्याँ ह्‍युल बनेब् भन्दा ओंसों ओंनोंन् ख्रीष्‍ट येशूउँइँले खीजी च दयाम्हाँया ङ्योलाइ पिंल।

२ तिमोथी 2:13

ङ्योइमि स्योर तेलैया, खीजीम् खोंयोंइ स्‍योर आते, तलेबिस्याँ खीजी तो बिमुँ चन् लम्, खीजी पोंबै ताँ खोंयोंइ आस्यो।”

तीतस 1:2

खोंयोंन् बिलै स्योर आतेबै परमेश्‍वर आबाजी सृष्‍टि लब् भन्दा ओंसोंन् खोंयोंइ आखाँबै छ्ह चमैंलाइ पिंम् बिबै बाछा खीजी लल।

हिब्रू 10:23

ङ्योइ खीए फिर बिश्‍वास लसि थेंबै आशार सैं ङ्हिरि आलल्‍ले भोंसि तसि टिले, तलेबिस्याँ ङ्योने बाछा फैबै परमेश्‍वर भर लल् खाँब मुँ।

हिब्रू 11:11

बिश्‍वासउँइँलेन् साराज्यै माँब् तल् खाँबै लिउँइँ प्‍हसे नोबै भों योंइ, तलेबिस्याँ “प्हसे फिम् बिसि बाछा फैबै परमेश्‍वर बिश्‍वास योग्यर्बै मुँ” बिसि चइ मैंल।

हिब्रू 2:17

छतसि ताँन् सैर खी ह्रोंसए अलिमैं धोंबन् तल् त्हुइ, धै म्‍हिमैंए पाप त्होमिंसि क्षमा लबै ल्हागिर परमेश्‍वरए सेवा लबै ल्हागिर खी बिश्‍वास मुँब नेरो ल्हयो मुँबै ख्रो पिंबै खेगि क्रथे तइ।

हिब्रू 3:1

छतसि ओ परमेश्‍वरजी त्‍हाँबै ङिने स्वर्गर्बै हग योंबै अलि अङाँमैं, ङ्योइ बिश्‍वास लबै ङ्योए खेगि क्रथे येशूलाइ मैंन्।

हिब्रू 3:14

ङ्योइ ओंसों लब् धोंबै बिश्‍वास लिउँइँ समन् लरिस्याँ, ङ्योइ ख्रीष्‍टने बालुन् परमेश्‍वरजी पिंबै हग योंब्‍मुँ।

हिब्रू 6:18

खीजी फैबै बाछा नेरो खीजी चबै कसम ङ्हिंना ङ्हिंन् खोंयोंइ प्लिंल् आखाँ, तलेबिस्याँ खीजी खोंयोंइ स्‍योर आते। छतसि खीए फिर भर थेंब्‍मैंइ ङ्योलाइ पिंम् बिबै सै योंबर ङ्योइ थेबै भों योंइमुँ।

१ पत्रुस 5:10

दयाम्हाँया मुँबै परमेश्‍वरजी क्हेमैंलाइ येशू ख्रीष्‍टने घ्रिन् लमिंइमुँ, धै खीजी योंब् धों तबै खोंयोंइ आनुबै मान ङ्योज्यै या योंरिगे बिसि खीजी ङ्योलाइ त्‍हाँइमुँ। क्‍हेमैंइ तिस्याँदे दुःख योंबै लिउँइँ खीजीन् क्हेमैंलाइ धबै छारा लमिंसि, भोंसि लमिंब्मुँ धै बेल्‍ले शक्‍ति मुँब लमिंब्‍मुँ।

१ यूहन्‍ना 1:3

क्हेमैं या ङिने बालु सैं घ्रिन् तसि प्रल् खाँरिगे बिसि ङिइ थेबै ताँ नेरो म्रोंबै ताँ क्‍हेमैंने बिम्। परमेश्‍वर आबा नेरो खीए च्‍ह येशू ख्रीष्‍टने ङ्यो सैं घ्रिन् तसि प्रम्।

१ यूहन्‍ना 1:7

दिलेया येशू धोंले ङ्यो परमेश्‍वरए चारबै ह्‍वेर प्रइबिस्‍याँ ङ्योए सैं क्ह्रिसि ङ्योइ घ्रिइ-घ्रिने म्हाँया लमुँ, धै परमेश्‍वरए च्‍ह येशूए कोजी ङ्योए पाप ताँन् ख्रुमिंम्।

१ यूहन्‍ना 4:13

परमेश्‍वरजी ङ्योलाइ खीए प्ल्ह पिंबइले “ङ्यो परमेश्‍वरने घ्रिन् तसि टिमुँ, धै परमेश्‍वर ङ्योने घ्रिन् तसि टिम्” बिसि ङ्योइ क्ह्रोंसेंन्लेन् था सेम्।

दर्शन 19:11

ङइ स्वर्ग थोंब् म्रोंइ। चर फोस्रे ब्योंबै घोडा घ्रि मुँल। च घोडाए फिर क्रेबै म्‍हिए मिं “भर लल् खाँब नेरो क्ह्रोंसेंन” बिब् मुँल। खीजी ठिक निसाफ लम्, ठिक निसाफ लबै ल्हागिर खीजी ल्हडें लम्।