१ कोरिन्थी 1:8 - परमेश्‍वरए ताँ तमु क्युइर

⁸ ङ्योए प्रभु येशू ख्रीष्‍ट युबै त्हिंइर क्‍हेमैंलाइ तोइ छ्याब् आरेब लमिंरिगे बिसि खीजीन् लिउँइँ समा क्हेमैंए बिश्‍वासर भोंब लमिंब्मुँ।

१ कोरिन्थी 1:8 ပူးပေါင်းရင်းမြစ်များ

भजनमैं 37:17

तलेबिस्याँ दुष्‍ट म्हिमैंए भों याहवेहजी नास लवाब्मुँ, दिलेया ठिक के लब्मैंलाइ खीजी जोगेसि थेंब्मुँ।

भजनमैं 37:28

तलेबिस्याँ ठिक निसाफ लबै म्हिमैंलाइ याहवेहजी खोम्; खीए म्हिमैं खीजी पिरिब् आरे। चमैंलाइ खोंयोंन् बिलै खीजी जोगेसि थेंमुँ, दिलेया दुष्‍ट म्हिमैंए सन्तान बिस्याँ नास लवाब्मुँ।

लूका 17:24

तलेबिस्याँ मुर काँम्‍लि-तिम्‍लि रामा मुए छेउ घ्रिउँइँले अर्को छेउ समा चारमुँ, छलेन म्हिए च्ह युबै त्हिंइरै या छान् तब्मुँ।

लूका 17:30

म्हिए च्ह युबै त्हेरै या छान् तब्‍मुँ।

रोमी 14:4

प्रभुए के लबै म्हिए फिर छ्याब् ल्‍हैदिब क्‍हिल तोइ हग आरे। चइ लबै के ठिक मुँ उ आरे बिसि चए क्ल्हेजीन् निसाफ लब्‍मुँ। झाइले च के लबै म्हिए बिश्‍वास आभोंब मुँनबिलेया निसाफ लबै त्हिंइर च ठिक ठर्दिब्‍मुँ, तलेबिस्याँ के लबै म्हिलाइ ठिक ठर्दिबै शक्‍ति प्रभु येशूने मुँ।

रोमी 16:25

ङ्यो ताँनइ परमेश्‍वरए मिं थेब लले! खीजी क्‍हेमैंलाइ बिश्‍वासर भोंसि लमिंल् खाँम्। येशू ख्रीष्‍टउँइँले खबै सैं तोंबै ताँ ङइ बिप्रमा जुग जुग ओनोंन् लोथेंबै ताँ तारे छर्लङ्ग तसि ताँनइ सेइमुँ।

रोमी 8:19

परमेश्‍वरजी बनेबै तोन्दोंरि सैइ परमेश्‍वरए च्‍ह-च्हमिमैं खाब्मैं ङ्‍हे बिसि ङो सेबै त्हिंइ खैंमा ङ्‍हे बिसि ह्रेरिइमुँ।

१ कोरिन्थी 3:13

ख्रीष्‍टजी निसाफ लबै त्हिंइर ताँन् म्हिमैंइ लबै केमैं खीजी उँइँमिंब्मुँ। तलेबिस्याँ खीए ओंसों तोइ सै या लोल् आखाँ। म्हिमैंए के खैब मुँगे बिसि खीजी मिउँइँले जाँच लब्मुँ।

१ कोरिन्थी 5:5

तारेसेरो चइ छाबै पाप केमैं आलरिगे, धै प्रभु येशू युबै त्हिंइर चए प्ल्ह सोरिगे बिसि च म्हिलाइ दुष्‍टए योर पिंवाँन्।

२ कोरिन्थी 1:13

तलेबिस्याँ क्हेमैंइ खेल् आखाँबै ताँ नेरो क्होल् आखाँबै ताँ ङिइ आप्ह्रिइमुँ। छतसि चु प्ह्रिछ्यार्बै ताँ खेमा क्हेमैंइ छेनाले क्‍होब्मुँ बिब ङइ मैंइमुँ।

२ कोरिन्थी 1:14

तोगो समा क्‍हेमैंइ ङि छेनाले आसेइमुँ, दिलेया लिउँइँ ङ्योए प्रभु येशू युबै त्हिंइर ङिलाइ क्‍हेमैंइ छेनाले सेब्मुँ। क्हेमैं म्रोंसि ङि ङ्‍हो लोंब् धोंले च्हमा ङि म्रोंसि क्हेमैं या ङ्‍हो लोंब्मुँ।

२ कोरिन्थी 1:21

ङ्योलाइ त्‍हाँसि ख्रीष्‍ट येशूए फिर बिश्‍वास लबर भोंब लमिंब परमेश्‍वरन् ग।

एफिसी 5:27

बिश्‍वासीमैंलाइ पबित्र, छ्याब् आरेब, दाग आरेब, आच्युँब, तोइ खोट आरेब तसि ह्रोंसए ल्हागिर छ्याँबै प्ह्रेंस्यो लबर खीजी ह्रोंसए ज्यु पिंइ।

फिलिप्पी 1:10

छले क्हेमैंइ ज्ञान नेरो बुद्धि योंसि छ्याँबै ताँ सेल् खाँरिगे, धै येशू ख्रीष्‍ट युबै त्हिंइर क्‍हेमैंने तोइ छ्याब् आम्रोंरिगे।

फिलिप्पी 1:6

परमेश्‍वरजी क्हेमैंए न्होंरि छ्याँबै के तों लइ, खीजीन् येशू ख्रीष्‍ट युबै त्हिंइ समा च के नुमिंब्मुँ बिसि ङइ बिश्‍वास लइमुँ।

कलस्सी 1:22

दिलेया खीए उँइँर तोइ छ्याब् आरेल्‍ले पबित्र लमिंबै ल्हागिर म्हिए क्हो किंसि युबै ख्रीष्‍ट क्रूसर सिमिंबइले परमेश्‍वरजी क्‍हेमैं खीने क्ह्रिल् लमिंइमुँ।

कलस्सी 2:7

खैले सिं धुँए जरा सरि न्होंन्हों च्‍योंमु, छलेन क्‍हेमैं छ्ह थोमा ख्रीष्‍टलाइ सैं पिंसि भोंब् तद्। इपाफ्रासइ क्‍हेमैंलाइ लोमिंब् धोंलेन् ख्रीष्‍टए फिर अझै बिश्‍वास भोंब् लद्। धै खोंयोंन् बिलै धन्‍यबाद पिंबै सैं प्‍ह्‍याद्।

१ थेसलोनिकी 3:13

खीजी क्हेमैंलाइ भोंब् लमिंब्मुँ, धै प्रभु येशू खीए म्हिमैंने बालु धबै चु ह्‍युलर युमा क्हेमैं ङ्योए परमेश्‍वर आबाए उँइँर बेल्‍ले छ्याँब खोट आरेब तब्मुँ।

१ थेसलोनिकी 5:2

तलेबिस्याँ म्‍हुँइँसरि ह्‍यो खब् धोंले प्रभु युबै त्हिंइ तब्‍मुँ बिसि क्‍हेमैंज्यै छेनाले सेइमुँ।

२ थेसलोनिकी 2:2

“प्रभु युल् खाँइ बिसि पावलइ लोमिंइ,” बिबै स्योलिबै ताँ खाबज्यै या आक्वेंन्, क्‍हेमैंए सैं आआदिद्। ङिइ छले सुँइ आबि, प्ह्रिछ्यार आप्ह्रि, तोइ अगमबाणि आपों।

२ थेसलोनिकी 3:3

दिलेया प्रभु येशू भर पर्दिब् मुँ। खीजी क्‍हेमैंए सैं भोंब् लमिंब्मुँ धै दुष्‍टउँइँले जोगेमिंब्‍मुँ।

२ तिमोथी 1:12

छतसि तोगो ङइ चु दुःखमैं नोरिइमुँ, दिलेया ङ फापिसि सैं च्योंब् आल। तलेबिस्याँ ङइ खाबै फिर बिश्‍वास लइमुँ बिब ङइ सेइमुँ, ङलाइ ढुक्‍का मुँ तो सैमैं ङइ खीने थेंल् पिंइमुँ, च सैमैं खीजी छेनाले थेंमिंम्।

२ तिमोथी 1:18

प्रभुइ निसाफ लबै त्हिंइर चइ प्रभुउँइँले आशिक योंरिगे। ङ एफिससर मुँमै या चइ ङ बेल्‍ले ल्होमल बिसि क्‍हिज्यै सेइमुँ।

१ पत्रुस 5:10

दयाम्हाँया मुँबै परमेश्‍वरजी क्हेमैंलाइ येशू ख्रीष्‍टने घ्रिन् लमिंइमुँ, धै खीजी योंब् धों तबै खोंयोंइ आनुबै मान ङ्योज्यै या योंरिगे बिसि खीजी ङ्योलाइ त्‍हाँइमुँ। क्‍हेमैंइ तिस्याँदे दुःख योंबै लिउँइँ खीजीन् क्हेमैंलाइ धबै छारा लमिंसि, भोंसि लमिंब्मुँ धै बेल्‍ले शक्‍ति मुँब लमिंब्‍मुँ।

२ पत्रुस 3:10

दिलेया खाबज्यै आसेल्‍ले ह्‍यो खब् धोंले प्रभु खैलसे युब्‍मुँ। च त्हिंइर मु थेबै कैले म्हयाब्मुँ, मुर्बै ताँन् सैमैं मिइ ख्रोंसि नास तयाब्मुँ, धै चु ह्‍युल नेरो ह्‍युलर्बै सैमैं ताँन् म्हयाब्‍मुँ।

२ पत्रुस 3:14

छतसि ओ ङए थुमैं, च त्हिंइ खोंयों तब् ङ्‍हे बिसि क्हेमैं खीए घ्‍याँ ङ्ह्‍योब्मैं ग। छतसि प्रभुए उँइँर तोइ खोट नेरो छ्याब् आरेब् तसि ताँनने क्ह्रिसि टिबै भों लद्।