१ कोरिन्थी 1:13 - परमेश्‍वरए ताँ तमु क्युइर

¹³ ख्रीष्‍ट ङ्हिंदे सोंदे मुँ रो वा? आङिं, घ्रिन् ग! क्‍हेमैंए ल्हागिर ङ पावल क्रूसर च्योसि सिल् रो वा? आसि! क्‍हेमैंइ ङए मिंर बप्‍तिस्‍मा किंल् रो वा?

१ कोरिन्थी 1:13 ပူးပေါင်းရင်းမြစ်များ

मत्ती 28:19

छतसि क्‍हेमैं ह्‍युलर्बै ताँन् ह्रेंमैं ङाँर ह्‍यासि चेलामैं लदु, धै परमेश्‍वर आबा, परमेश्‍वर च्‍ह नेरो पबित्र प्ल्हए मिंर क्‍युर प्‍ल्हुँमिंसि बप्‍तिस्‍मा पिंन्।

मत्ती 3:6

झाइले चमैं ताँनइ “ङिइ पाप लइमुँ,” बिसि यूहन्‍नाउँइँले यर्दन स्‍योंर प्‍ल्हुँसि बप्‍तिस्‍मा किंइ।

चेला चिब्मैंए केमैं 10:48

छतसि चइ येशू ख्रीष्‍टए मिंरि चमैं बप्‍तिस्मा पिंन् बिइ। धै चमैंइ “दे त्हिंइ गार आम्हाँदिन्ले चुर्न टिमिंन्,” बिसि पत्रुसने बिइ।

चेला चिब्मैंए केमैं 19:5

चु ताँ थेसि चमैंइ प्रभु येशूए मिंर बप्‍तिस्‍मा किंइ।

चेला चिब्मैंए केमैं 2:38

पत्रुसइ बिइ, “ङिइ आछ्याँबै केमैं लना बिसि क्‍हेमैं ताँनइ‍ ह्रों-ह्रोंसए आछ्याँबै केमैं पिसि परमेश्‍वरउँइँ सैं एद्, धै क्हेमैंए पाप क्षमा तबै ल्हागिर येशू ख्रीष्‍टए मिंर बप्‍तिस्‍मा किंन्। छलमा परमेश्‍वरउँइँले क्हेमैंइ पबित्र प्ल्हए बरदान योंब्मुँ।

चेला चिब्मैंए केमैं 8:16

तलेबिस्याँ च त्हे समा चमैं खाबै फिरै या पबित्र प्ल्ह आयुल। चमैंए बप्‍तिस्मा प्रभु येशूए मिंर मत्‍त्रे तल।

रोमी 14:9

तलेबिस्याँ येशू ख्रीष्‍ट सिब्‍मैं नेरो सोब्‍मैंए प्रभु तबै ल्हागिर सिसि धबै सोगों तइ।

१ कोरिन्थी 1:15

छतसि क्हेमैं खाबज्‍यै या “पावलए मिंर बप्‍तिस्‍मा किंल!” बिल् योंरिब् आरे।

१ कोरिन्थी 10:2

न्‍हाँम्‍स्योए लिलि नेरो मा ङ्युँइए म्हाँजोर [ओबानो घ्‍याँर] ह्‍यामा मोशाउँइँले चमैंइ बप्‍तिस्‍मा किंब् धों तइ [अथवा चए लिलि ल्‍हैदिबै सैं पिंइ]।

२ कोरिन्थी 11:4

क्‍हेमैं ङाँर म्‍हि घ्रि खसि ङिइ बिबै येशू भन्दा अर्कोन् येशूए बारेर्बै ताँ बिइ बिस्याँ, झाइले क्‍हेमैंइ योंबै पबित्र प्ल्ह भन्दा चइ बिबै अर्कोन् प्ल्हए ताँ क्हेमैंइ क्वेंइ बिस्याँ, छलेन ङिइ बिमिंबै सैं तोंबै ताँ भन्दा अर्को ताँमैं क्‍हेमैंइ क्वेंइ बिस्याँ, च म्हिए ताँ क्हेमैंइ सैं तोंन्ले थेमना!

गलाती 1:7

क्‍ह्रोंसेंन येशू ख्रीष्‍टउँइँले खबै सैं तोंबै ताँ बाहेक अर्को सैं तोंबै ताँ आरे। ख्रीष्‍टउँइले खबै सैं तोंबै ताँलाइ तो धोंइ आङ्हाँन्ले खेंमैंए सैंर्बै ताँ पोंब्मैं को-कोइ मुँ। चमैंइ क्हेमैंए सैं ङ्हिंरि लवाइमुँ।

एफिसी 4:5

प्रभु घ्रि मुँ, बिश्‍वास लबै घ्‍याँ घ्रिन् मुँ, बप्‍तिस्‍मा किंबै मतलबै या घ्रिन् मुँ,

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।