१ कोरिन्थी 1:12 - परमेश्‍वरए ताँ तमु क्युइर

¹² क्‍हेमैं न्‍होंर कोइइ “ङ पावलए चेला ग,” कोइइ “ङ अपोल्‍लसए चेला ग,” कोइइ “ङ पत्रुसए चेला ग,” कोइइ “ङ ख्रीष्‍टए चेला ग,” बिम् रो।

१ कोरिन्थी 1:12 ပူးပေါင်းရင်းမြစ်များ

मत्ती 23:8

“दिलेया खाबज्यै या क्‍हेमैंने ‘गुरु’ आबिरिगे, तलेबिस्याँ क्‍हेमैंलाइ लोमिंबै गुरु घ्रि मत्‍त्रे मुँ, छतसि क्‍हेमैं ताँन् आघें-अलिमैं ग।

यूहन्‍ना 1:42

अन्द्रियासइ सिमोन येशू ङाँर पखइ। येशूजी च ङाँइ ङ्‍ह्‍योसि बिइ, “क्हि योआनेसए च्ह सिमोन ग, दिलेया ङइ क्हिने केफास बिब्मुँ।” (केफासए अर्थ युमा ग। ग्रिक क्युइरि पत्रुस बिम्।)

चेला चिब्मैंए केमैं 18:24

अलेक्‍जेन्‍ड्रियाथें अपोल्‍लस मिं मुँबै यहूदी म्हि घ्रि एफिससर खइ। च बेल्‍ले पोंल् ह्रब नेरो परमेश्‍वरए छ्वेर्बै ताँमैं ताँन् ह्रब मुँल।

चेला चिब्मैंए केमैं 19:1

अपोल्‍लस कोरिन्‍थ सहरर मुँमा पावल एशिया ह्‍युलउँइँले एफिसस सहरर खइ। चर्बै को-कोइ चेलामैंने त्होसि

१ कोरिन्थी 1:11

तलेबिस्याँ ओ ङए अलि अङाँमैं, क्‍हेमैं ह्रों-ह्रोंसए न्‍होंर्न प्होंगि कैगि लम् बिबै ताँ क्‍लोए बिबै म्हिए परवार्बै म्‍हिमैंइ ङने बिल।

१ कोरिन्थी 15:5

च लिउँइँ येशू पत्रुस नेरो च्युसे ङ्हिं कुल्मिंबै चेला चिब्मैंने या त्‍होखइ।

१ कोरिन्थी 15:50

छतसि ओ अलि-अङाँमैं, ङइ बिल् म्हैबै ताँ तो जा बिस्याँ, से कोए ज्युनेन् ङ्यो परमेश्‍वरए ग्याल्सर, अथवा स्‍वर्गर, होंल् आयों। धै नास तल् त्‍हुबै ज्युइ खोंयोंइ नास आतबै प्ल्हर ज्यु योंल् आखाँ।

१ कोरिन्थी 16:12

अलि अपोल्‍लसए बारेर्बै ताँ तो जा बिस्याँ, चलाइ अरू अलिमैंने क्‍हेमैं ङाँर ह्‍यारिगे बिसि ङइ ल्‍हेन् यो छ्युँ लइ। तिंयाँ समा चइ ह्‍याबै सैं आल, दिलेया लिउँइँ बिस्याँ मौका योंस्‍याँ खबै सैं लइमुँ।

१ कोरिन्थी 4:6

ओ अलि-अङाँमैं, क्हेमैं बिब् धों तरिगे बिसि ङइ क्हेमैंने अपोल्‍लस नेरो ङए नमुना उँइँसि चु ताँमैं प्ह्रिइमुँ। तलेबिस्याँ ङि धोंलेन् क्हेमैं या परमेश्‍वए छ्वेर बिब् धोंले छ्ह थोल् खाँरिगे, धै क्हेमैं न्होंरि खाबज्यै या कोइलाइ थेब् लब कोइलाइ च्योंब् लबै के आतरिगे।

१ कोरिन्थी 7:29

ओ अलि-अङाँमैं, ङइ बिल् म्हैबै ताँ चुन् ग: प्रभु युबै त्हिंइ चेंदोन् तखइमुँ। छतसि ब्ह्‍या लब्मैं ब्ह्‍या आलब्‍मैं धों तसि प्रभुए के लद्।

१ कोरिन्थी 9:5

पत्रुस, प्रभु येशूए अलिमैं नेरो अरू कुल्मिंबै चेला चिब्मैं धोंलेन् ङज्यै या प्रभु येशूए फिर बिश्‍वास लबै च्हमिरि ब्ह्‍या लसि प्रल् आयों रो वा?

२ कोरिन्थी 10:7

क्‍हेमैंइ ह्रोंसए मिइ म्रोंबै सैमैं मत्‍त्रे ङ्ह्‍योम्। क्हेमैंए न्होंरि खाबज्यै या “ङ येशू ख्रीष्‍टए म्‍हि ग!” बिम् बिस्याँ च धोंलेन् ङि या ख्रीष्‍टए म्हिन् ग बिसि चइ क्होल् त्हुम्।

२ कोरिन्थी 9:6

खाबइ च्‍युगुदे प्‍लु प्‍लुमुँ चइ च्‍युगुदेन् रा-रोमैं खुब्‍मुँ, खाबइ ल्हें प्‍लु प्‍लुमुँ चइ ल्‍हेन् खुब्‍मुँ।

गलाती 2:9

याकूब, पत्रुस नेरो यूहन्‍ना बिश्‍वासीमैं न्होंर्बै चिब्मैं मुँल। परमेश्‍वरए दयाम्हाँया ङए फिर मुँबइले ङइ छ्याँबै के लइमुँ बिब् चमैंइ क्होसि ङ नेरो बारनाबासलाइ खेंमैंने संगतिर घ्रि तल् पिंइ। छले खेंमैंइ यहूदीमैं न्होंर, ङिइ अरू ह्रेंमैं न्होंर परमेश्‍वरए के लबै ल्हागिर चमैं ङिने सैं क्ह्रिइ।

गलाती 3:17

ङइ बिल् म्हैबै ताँ चुन् ग: परमेश्‍वरजी अब्राहामने फैबै बाछा प्लिब्रासे सोंच्‍यु बर्ष लिउँइँ पिंबै ठिमइ प्लिंल् आखाँ, आस्याँ बाछा केर आफेब् तयामल।