Zefania 2:7 - Ṅmãle̱ Kroṅkroṅ Le̱

⁷ Ni ṅšo̱ le̱ nā niiaṅ aatšṍ Iuda we le̱ mei ni eſe̱ le̱ anõ: dše̱i noṅṅ ame̱alē̱ ame̱koloi le̱ ye̱; gbe̱ke̱ le̱ ame̱abumo̱ ši ye̱ Aškelon šĩai le̱; edšake̱ Iehowa, ame̱-Nyoṅmo̱ le̱, aabasraame̱, ni eekpale *ame̱nomṅō̃ le̱ ke̱-aba ekoṅ! *3,20.

ŊMALƐ KRƆŊKRƆŊ LƐ

⁷ Ŋshɔnaa shikpɔŋ lɛ baatsɔ̃ Yudabii ni eshwɛ lɛ anɔ. Jɛi amɛbaalɛ amɛkooloi yɛ, ni Ashkelon maŋ lɛ shĩai lɛ baatsɔ̃mɔ kooloi lɛ awɔɔhei; ejaakɛ Yehowa, amɛNyɔŋmɔ lɛ, musuŋ baatsɔ̃ lɛ yɛ amɛhe, ni ebaahã amɛshwere ekoŋŋ.

Zefania 2:7 ပူးပေါင်းရင်းမြစ်များ

1 Mose 50:24

Ni Iosef ke̱ enyemimei le̱ ake̱: Mi le̱, mibagbo; ši Nyoṅmo̱ aabasranye kẽ, ni eedšienye ke̱-adše šikpoṅ ne̱ no̱ ke̱-ate šikpoṅ ni ekã Abraham ke̱ Isak ke̱ Iakob kitã ye̱ he le̱ no̱. Heb. 11,22.

Lalai 80:14

Ni kõ le̱ṅ batafo le̱ mīkpãtã hĩe, ni ṅãno̱ koloi le̱ mīye.

Lalai 85:1

Korabii le̱ alala ni ame̱ke̱-hã lalatše̱ nukpa le̱.

2 Mose 4:31

Ni maṅ le̱ he ye. Ni heni ame̱nu ake̱ Iehowa *ebasra Israelbii le̱ ni ena ame̱manehũlũ le̱, ke̱ke̱ ni ame̱mãme̱ ame̱yitšei aši ni ame̱so̱le. *3,16.

Yesaia 11:11

Ni aaba mli ake̱ nakai gbĩ le̱ no̱ le̱, Nuṅtšo̱ le̱ aakpã enine mli noni dši ši enyo̱, koni ekpõ emã le̱ṅ mei ní eſe̱ le̱, mei ní eſe̱ ke̱-dše̱ Ašur ke̱ Mizraim ke̱ Patros ke̱ Kuš ke̱ Elam ke̱ Šinear ke̱ Hamat ke̱ ṅšo̱ṅkpo̱i le̱ ano̱ le̱.

Yesaia 11:14

Ni ame̱afliki ame̱atrá Filistibii akue̱ no̱ ye̱ anaigbe̱, ame̱afe ekome ame̱aha bokãgbe̱bii le̱, ame̱ke̱ ame̱nine aafõ Edom ke̱ Moab no̱, ni Amonbii hũ aaboame̱ toi.

Yesaia 11:16

Ni eetšṍ tempõṅ ehã emaṅ le̱ mli mei ní eſe̱ le̱, mei ní eſe̱ ni badše̱ Ašur le̱, tamo̱ bo̱ni etšṍ ehã *Israel gbĩ no̱ ni edše Mizraim le̱. *2 Mose 14,29.

Yesaia 14:1

Ši Iehowa mũsũṅ aatšõle̱ ye̱ Iakob he, ni eená Israel he tšuidšũrũ *ekoṅ, ní eke̱ame̱ aato ame̱šikpoṅ le̱ no̱; ni gbo̱i aabafata ame̱he, ni ame̱akpe̱te̱ Iakob we le̱ he. *Zak. 1,17.

Yesaia 32:14

Edšake̱ aakwa mõdši le̱, ni aašĩ maṅ ní mli yo̱ so̱ko̱so̱ko̱ le̱ afõ ši, goṅkpo̱ le̱ ke̱ būmō̃ le̱ aatšṍmo̱ koloi abui ke̱-ate nāno̱, ke̱ ṅãṅ tedšii amīše̱nõ ke̱ kolokui alẽ̱̀he;

Yeremia 23:3

Ni mabua mitōi ní eſe̱ le̱ anā ke̱-adše̱ šikpõdši fẽ ní miſieame̱ ke̱-te no̱ le̱ ano̱, ni mike̱ame̱ aaba ame̱lẽ̱̀hei ekoṅ, ni ame̱afo̱fo̱i ni ame̱yi aafá pī.

Yeremia 29:10

Edšake̱ bo̱ni Iehowa kē̱ ne̱: Ké̱ *afii nyoṅmai-kpawo še̱ hã Babel le̱, mabasranye ni mahã miwiemo̱ kpakpa ni miwie ye̱ nyehe, ake̱ mahã nyekũ nyese̱ ke̱-ba bie̱ ne̱ le̱, aba mli! *25,11-13.

Yeremia 29:14

ni mahã nyenami, Iehowa ke̱. Ni *makpale nyenomṅō̃ le̱ ke̱-ba ekoṅ, ni mabua nyenā ke̱-adše̱ dšeṅmãdši fiā no̱ ke̱ hei fiā ni miſienye ke̱-te le̱, Iehowa kē̱, ni mike̱nye aakũ se̱ ke̱-aba bie̱ ne̱ heni mihã aṅõnye nom ke̱-dše̱ ke̱-te le̱ ekoṅ! *Lal. 126.4.

Yeremia 3:18

Nakai gbĩĩ le̱ amli le̱ Iuda we le̱ aate Israel we le̱ ṅõ, ni ame̱yi enyo̱ le̱ fẽ ame̱adše̱ kōyigbe̱ šikpoṅ le̱ no̱ ke̱-aba šikpoṅ ni miṅõ-hã ame̱tše̱mei le̱ ake̱ ame̱gbe̱fāṅnõ le̱ no̱. Ies. 11,11-13.

Yeremia 30:3

Ši na, gbĩĩ mība, Iehowa kē̱, ni *makpale mimaṅ Israel ke̱ Iuda nomṅō̃ le̱ ke̱-aba ekoṅ, Iehowa kē̱, ni mahã ame̱kũ ame̱se̱ ke̱-ba šikpoṅ ní miṅõ-hã ame̱tše̱mei le̱ no̱, ni ame̱abaṅõ ake̱ amenõ. *29,14.

Yeremia 31:7

Edšake̱ bo̱ni Iehowa kē̱ ne̱: Nyenyã́a Iakob he ke̱ mīše̱, nyeboa oše nyehãa dšeṅmãdši le̱ ayitšo le̱! nyehãa anua yidšiemo̱ lala ni nyekē̱a ake̱: Iehowa, heremo̱ omaṅ ní dši Israel mei ní eſe̱ le̱ ayiwala!

Yeremia 32:44

Ake̱ šika aahehẽ abō̱i, ni aaṅmã no̱ wodši, ni aaso̱o nā, ni aatšé̱ odasefoi abaye odase, ye̱ Benyamin šikpoṅ le̱ no̱ ke̱ Ierusalem niiaṅ ke̱ Iuda mãdši le̱ amli ke̱ goṅ no̱ mãdši le̱ amli ke̱ ṅãno̱ mãdši le̱ amli ke̱ wuoyigbe̱ mãdši le̱ amli: edšake̱ *makpale ame̱nomṅō̃ le̱ ke̱-aba ekoṅ! Iehowa kē̱. *29,14; 30,3.

Yeremia 33:12

Bo̱ni Iehowa Zebaot kē̱ ne̱: Bie̱ ne̱ ní hĩe ekpãtã ní gbomo be̱ṅ, kolo tete be̱ṅ le̱, ke̱ eno̱ mãdši le̱ fẽ aatšṍmo̱ tōkwe̱lo̱i ní hãa ame̱tōikui bumoo̱ ši le̱ ašihĩle̱hei;

Yeremia 33:7

Ni mahã Iuda ke̱ Israel *nomi le̱ akũ se̱ aba ekoṅ, ni mamãame̱ tamo̱ tšutšu le̱. *29,14; 30,3.

Yeremia 47:5

Yiteṅkpamo̱ eba *Gaza no̱, afite Aškelon ke̱ mei ní eſe̱ ye̱ ame̱dšō̱ le̱ṅ le̱. Mẽ beyino̱ noṅṅ †oobãmo̱ ohe ke̱-yaši? *Amos 1,6-8. Zef. 2,4. Zak 9.5 †Iei. 41,5; 48,37.

Ezekiel 39:25

Nohewo̱ le̱ bo̱ni Nuṅtšo̱ Iehowa kē̱ ne̱: Agbe̱ne̱ makpale Iakob nomṅō̃ le̱ ke̱-aba ekoṅ, ni mimũsũṅ aatšõmi ye̱ Israel we mū le̱ fẽ hewo̱, ni maye migbe̱i kroṅkroṅ le̱ he awuṅã. 16,53-63.

Hosea 6:11

Iuda, bo hū ato *nikpamo̱be ahão, beni †makpale mimaṅ le̱ nomṅō̃ le̱ ke̱-aba ekoṅ le̱. *Ioel 4,18. †Ioel 5,1.

Obadia 1:19

Ni wuoyigbe̱bii le̱ aaṅõ Edom goṅ le̱, ni ṅãno̱ šikpoṅ le̱ no̱ bii le̱ aaṅõ Filistibii ašikpoṅ le̱, ni ame̱aṅõ Efraim ṅã le̱ ke̱ Samaria ṅã le̱, ni Benyamin aaṅõ Gilead.

Mika 2:12

Buamo̱ mabua onā, bo Iakob mū le̱ ſẽ! Kpēmo̱ hũ makpē Israel mei ní eſe̱ le̱ ke̱-akpe! Maṅõame̱ mato hekome tamo̱ tōi ní yo̱ tšũ mli, lo tamo̱ tōiku ní yo̱ amelẽ̱̀he le̱ teṅ, ni ame̱afe hõ ye̱ mei le̱ afále̱ hewo̱. Ezek. 36,37.

Mika 4:10

Zion biyō kẽmo̱ ke̱ke̱, ní okõmo̱ tamo̱ yō ní bafo̱! Edšake̱ agbe̱ne̱ oodše kpo ke̱-adše̱ mã le̱ṅ, ní oyahĩ ṅã le̱ no̱, ní ooše̱ Babel tō̃; dše̱i aadšieo ye̱; dše̱i Iehowa akpõo ye̱ ke̱-adše̱ obenye̱lo̱i le̱ adeṅ.

Mika 4:7

Ni maṅõ mei ni tšo̱ö̱ le̱ maſe mei ní eſe̱, ni maṅõ mei ní aše̱re̱ame̱ aſie soṅn le̱ mafe dšeṅmaṅ agbo; ni Iehowa aaye ame̱no̱ maṅtše̱ ye̱ Zion goṅ le̱ no̱ ke̱-adše̱ ṅme̱ne̱ ke̱-ate nāno̱ fẽ.

Zefania 2:9

Nohewo̱ le̱, gbĩĩabo̱ ní mihĩe kã ne̱, Iehowa Zebaot, Israel Nyoṅmo̱ le̱, kē̱, Moab aatšṍ tamo̱ *Sodom, ni Amonbii le̱ hũ aatamo̱ Gomora; sansrõi amā̃mo̱he ke̱ ṅõbui, ke̱ nāno̱ amaṅfõi: mimaṅ le̱ mli mei ni eſe̱ le̱ aahaame̱, ni mimaṅ le̱ mli mei ni eſe̱ le̱ aaṅõame̱ aye. *1 Mose 19,24.

Zefania 3:13

Israel ſē̱nõ le̱ efeṅ nišaianii, ni ame̱maleṅ doṅṅ, ni asaṅ anaṅ šišinmo̱ lile̱i ye̱ ame̱dāṅ; edšake̱ ame̱aye nii ni ame̱abumo̱ ši, ni mokomoko woṅ ame̱he gbeyei.

Zefania 3:20

Nakai be le̱ mli le̱ maṅõnye ke̱-aba ekoṅ, ni nakai be le̱ mli le̱ mabua nyenã; edšake̱ maṅõnye mafe gbe̱i ke̱ yidšiemo̱ ye̱ sikpoṅ le̱ no̱ mãdšimãdši fẽ mli, beni *makpale nyenomṅō̃ le̱ ke̱-aba ekoṅ ye̱ nyehĩṅmeiiaṅ le, Iehowa kē̱. *Ier. 29,14. Zef. 2,7.

Hagai 1:12

Ke̱ke̱ ni Zerubabel, Šealtiel bi le̱, ke̱ Iošua, Iehozadak bi ni dši oso̱fonukpa le̱, ke̱ maṅ le̱ mli mei ni eſe̱ le̱ fẽ bo Iehowa, ame̱-Nyoṅmo̱ le̱, gbē ke̱ gbalo̱ Hagai wiemoi le̱ atoi, bo̱ni Iehowa, ame̱-Nyoṅmo̱ le̱, tšũle̱ le̱; ni maṅ le̱ še gbeyei ye̱ Iehowa hĩe.

Hagai 2:2

Agbe̱ne̱ kē̱mo̱ Zerubabel, Šealtiel bi, ni dši Iuda amralo le̱, ke̱ Iošua, Iehozadak bi, ni dši oso̱fonukpa le̱, ke̱ maṅ le̱ mli mei ni eſe̱ le̱ ake̱:

Luka 1:68

Adšō̱ Nuṅtšo̱, Israel Nyoṅmo̱ le̱, ake̱ *ebasra emaṅ le̱, ni etšu kpõmo̱nii ehãame̱. *7,16.

Luka 7:16

Ši gbeyei mõmo̱ame̱ fẽ, ni ame̱wo Nyoṅmo̱ hĩe nyam ame̱kē̱: Gbalo̱ kpeteṅkple éte ši ye̱ wo̱teṅ, ni *Nyoṅmo̱ ebasra emaṅ le̱. *1,68.

Bɔfoi 8:26

Ši Nuṅtšo̱ le̱ bo̱fo ko ke̱ Filipo bawie ake̱: Te ši ní oya wuoyigbe̱ ye̱ tempōṅ ní dše̱ Ierusalem ke̱-yaä Gaza ní efe amaṅfõ le̱ no̱.

Bɔfoi 8:40

Ši Filipo le̱, anale̱ ye̱ Azoto; ni beni efoo̱ mli le̱, edšadše sanekpakpa le̱ etšõ ye̱ mãdši le̱ fẽ mli ke̱-yaši ebaše̱ *Kaisarea. *21,8. 9.

Romabii 11:5

Nakai noṅṅ kẽ ṅme̱ne̱mei-bei ne̱ amli hũ eſe̱ meikomei *ye̱ dromo̱ halamo̱ nā. *9,27.

Rut Wolo Lɛ 1:6

Ke̱ke̱ ni eke̱ ešāyei le̱ yiṅ, ni ekũ ese̱ ke̱-dše̱ Moab šikpoṅ le̱ no̱; edšake̱ enu ye̱ Moab šikpoṅ le̱ no̱ ake̱ Iehowa ebasra emaṅ le̱, ni ehãame̱ niyenii.