Zefania 1:13 - Ṅmãle̱ Kroṅkroṅ Le̱

¹³ Ni ame̱nii le̱ aatšṍmo̱ hānii, ni ame̱-wei le̱ hũ aatšṍmo̱ amaṅfõ; *ame̱amãmo̱ tšũi, ši ame̱hĩṅ mli, ni ame̱afe †weintromi, ši ame̱nuṅ mli wein le̱ eko. *Amos 5,11. †6 Mose 28,39.

ŊMALƐ KRƆŊKRƆŊ LƐ

¹³ Abaaha amɛjarayeli nibii, ni amɛshĩai hu baatsɔ̃mɔ amaŋfɔ̃. Amɛaamamɔ tsui nɛ, shi amɛwɔŋ mli, ni amɛaafee waintromi, shi amɛnuŋ amɛmli wain lɛ eko.”

Zefania 1:13 ပူးပေါင်းရင်းမြစ်များ

Yesaia 6:11

Ni mikē̱: Nuṅtšo̱, ke̱-yaši mẽ beyino? Ni ekē̱: Ke̱-yaši beyino ní mãdši le̱ aatšṍmo̱ amaṅfõ, ní mokomoko be̱ mli, ni šĩai le̱ hũ mokomoko be̱ mli, ni šikpoṅ le̱ aatšṍ amaṅfõ kwrā,

Yeremia 15:13

Nyenii ke̱ nyedſetrii le̱, mahã aha ní awoo nyõmo̱, ye̱ nyehe ešai fẽ ní nyefe ye̱ nyekpokpai fẽ no̱ le̱ hewo̱;

Yeremia 17:3

Migoṅ ni yo̱ ṅãno̱, maṅõ onii ke̱ odſetrii le̱ fẽ ke̱ ohei groṅṅi le̱ hũ ma-hã nī aha, ye̱ eša ní ofe ye̱ okpokpai fẽ no̱ le̱ hewo̱.

Yeremia 4:20

Āblo̱ ake̱: Hĩekpãtãmo̱ nyie hĩekpãtãmo̱ se̱! edšake̱ afite šikpoṅ le̱ fẽ; afite mibūi le̱ trukā, ke̱ mibūi ahe mamai le̱ hũ hĩṅme̱itfā mli.

Yeremia 4:7

Dšata ko edše kpo ke̱-dše̱ ekō ku-sū le̱ṅ ke̱-mība, dšeṅmãdši le̱ afitelo̱ le̱ efã ke̱-dše̱ ehĩle̱he le̱ ke̱-mība, ni ebafe ošikpoṅ le̱ amaṅfõ, ni ekpãtã omãdši le̱ ahĩe, ni moko ehĩṅ mli doṅṅ.

Yeremia 5:17

Ni ame̱aye onikpamo̱nii ke̱ obolo le̱, ame̱aye obibĩĩ ke̱ obiyei le̱, ame̱aye otoi ke̱ otšinai le̱, ame̱aye oweĩntšei ke̱ ogbãmitšei le̱, ame̱ke̱ klante aadſăra omãdsi ní atſa gbogboi awo he ní ohĩe kã no̱ le̱.

Yeremia 9:11

Ni mafe Ierusalem kóikói, ṅãṅgbēi ašihĩle̱he, ni mafe Iuda mãdši le̱ amaṅ-fõ ni moko ehĩĩ mli. 26,18.

Yeremia 9:19

Edšake̱ anu yāfó gbē ke̱-dše̱ Zion: Kwe̱ bo̱ni akpãtã wo̱hĩe ahã! wo̱hĩe eſie ši naakpa; edšako̱ ahã wo̱ši wo̱šikpoṅ le̱; edšake̱ atšire̱ wo̱šihĩle̱hei le̱ atſia ši!

Yāfó 5:2

Wo̱gbošinii le̱ etšṍ gbo̱i anõ; wo̱-šĩai le̱ hũ etšṍmo̱ meikpõdši anii.

Ezekiel 22:31

Nohewo̱ le̱ mifo̱se mimlila le̱ miſie ame̱no̱, mike̱ mimlifũ la le̱ plenēame̱, mihã ame̱gbe̱ le̱ bua ame̱yiteṅ! Nuṅtšo̱ Iehowa kē̱. 21,36.

Ezekiel 7:19

Ame̱dſie̱te̱i le̱ ame̱aše̱re̱ ame̱ſie blohũi le̱ amli, ni ame̱abu ame̱šika le̱ ake̱ noko ní anyãṅeo̱; *ame̱dſie̱te̱i ke̱ ame̱šika le̱ nyẽṅ ame̱yiwala ahere ye̱ Iehowa mlifũ gbĩ le̱ no̱; ehãṅ ame̱susumai atŏ̱ro̱, ni eyiṅ ame̱mlinii obõbõ; edšake̱ ame̱nõša le̱ he pāmpi ni. *Abe̱i 11,4. Zef. 1,18.

Ezekiel 7:21

Ni maṅõ-wo meikpõdši adeṅ, ní ame̱ha, ke̱ šíkpoṅ le̱ no̱ meifõdši adeṅ, ní ame̱ṅõ ake̱ nomnii, ni ame̱abulele̱.

Ezekiel 7:24

Nohewo̱ le̱ mahã wo̱ṅdšálo̱i le̱ ateṅ meifõdši fè fẽ aha ni ame̱abaṅõ ame̱šĩai le̱ amefe ame̱nii; ni mahã hewalo̱i le̱ ahewõ le̱ se̱ afo, ni aabule ame̱hei kraṅkroṅi le̱.

Amos 5:11

Nohewo̱ le̱ ake̱-ni nyenāa ohĩafo no̱ ni nyetšũo̱le̱ able onĩa hewo̱ le̱, nyeke̱ te̱i ni ako emãmo̱ mõdši moṅ, ši *nyehĩṅ mli; nyefe weintromĩ fe̱fe̱dši moṅ, ši nyenuṅ ame̱mli wein! *Zef. 1,13.

Mika 3:12

Nohewo̱ le̱ nyehewo̱ le̱ *aahũ Zion tamo̱ ahũo̱ ṅmõ, ni Ierusalem aatšṍ kóikói, ni šĩa le̱ goṅ le̱ aatšṍ kōṅ he groṅṅ ko! Ier. 9,11; 26,18.

Mika 6:15

oodũ nii; ši okpaṅ; ooṅã̀ mũtšoyibii; ši okpaṅ mũ, ke̱ wein hē hũ, ši onuṅ wein. 5 Mose 28,38-40.

Zefania 1:9

Ni nakai gbĩ le̱ no̱ le̱ mawo mei fẽ ní huruo̱ tekeo̱ kpoku ni ame̱ke̱ yiwale̱ ke̱ šišiumo̱ woo̱ ame̱nuṅtšo̱mei awei obõbõ le̱ anyõmo̱.

5 Mose 28:30

Ootše̱ yō he bā, ši nū kroko ke̱le̱ aawo̱; *oomã tšũ, ši ohīṅ mli; oofe †weintrom, ši oyeṅ emli yibii. *Ies. 66,22. †5 Mose 20,6.

5 Mose 28:39

Oofe weintromi ni oohũ mli, ši onuṅ wein le̱ eko ni otseṅ yibii le̱ hũ eko, edšake̱ gõgõmii aaye.

5 Mose 28:51

ni eeye okoloi abii ke̱ ošikpoṅ no̱ nibānii le̱ ke̱-yaši beyino̱ ní oofite; edšake̱ eſe̱ṅ able lo wein lo mũ lo otšinabii lo otōbii le̱ eko ehãṅo, ke̱-yaši beyino̱ ní eekpãtã ohĩe kwrā,