Zakaria 13:9 - Ṅmãle̱ Kroṅkroṅ Le̱

⁹ Ni mike̱ mlidšā ni dši etẽ le̱ awo la mli, ni matšū amehe, tamo̱ atšūo̱ dſie̱te̱i he, ni makaame̱ makwe̱, tamo̱ akaä šika akwe̱o̱. Ame̱atšé̱ migbei, ni mahereame̱ no̱; makē̱ ake̱: *Mimaṅ dšiame̱! ni ame̱ hũ ame̱akē̱ ake̱: Iehowa dši mi-Nyoṅmo̱! *Hos. 2,25.

ŊMALƐ KRƆŊKRƆŊ LƐ

⁹ Nɛkɛ mlijaa etɛ̃ mli ekome ni aaashwɛ nɛɛ lɛ, mikɛ amɛ baawo la mli ni matsuu amɛhe, tamɔ akɛ la tsuɔ jwiɛtɛi he; makpa amɛ shi makwɛ tamɔ akpaa shika shi akwɛɔ lɛ. Amɛaasɔle kɛtsɛ mi, ni mahere amɛ nɔ. Makɛɛ akɛ, ‘Mimɛi ji amɛ,’ ni amɛ hu amɛaakɛɛ akɛ, ‘Yehowa ji wɔNyɔŋmɔ.’ Mi Yehowa, Taiatsɛ, mikɛɛ.”

Zakaria 13:9 ပူးပေါင်းရင်းမြစ်များ

2 Samuel 7:24

Ni omã omaṅ Israel no̱ mĩ́ ofe bodientše̱ omaṅ ke̱-mīya nāno̱, ni bo Iehowa otšṍ ame̱-Nyoṅmo̱.

Hiob 23:10

Ši ele gbe̱ ní minyie no̱ le̱; ké̱ ekami ekwe̱ le̱, madšie mihe ši tamo̱ šika. Lal. 17,3; 139,23. 24.

Hiob 28:1

Ši dſie̱te̱i ye̱ bu, ni šika ní asĕreo̱ hũ ye̱ edšē̱he.

Lalai 144:15

Adšō̱ maṅ ni yo̱ ne̱ke̱ le̱! Adšō̱ maṅ ní Iehowa dši e-Nyoṅmo̱ le̱! 5 Mose 33,29.

Lalai 43:4

No le̱ mate Nyoṅmo̱ afo̱lesãlate̱ le̱ he, ke̱ Mawu ni dši *mimliflimo̱ kpeteṅkple le̱ ṅõ, ni madšie oyi ke̱ saṅkũ, Nyoṅmo̱, mi-Nyoṅmo̱! *Lal. 63,6.

Lalai 50:15

Ni otšé̱mi ye̱ fīmo̱ gbĩ le̱ no̱: madšieo, ni oowo mihĩe nyam! Lal. 81,8; 91,15. Hiob 22,27.

Lalai 91:15

Eetšé̱mi, ni maherele̱ no̱; mike̱le̱ aahĩ ši ye̱ haomo̱ mli: madšiele̱ ni mawo ehĩe nyam.

Abe̱i 17:3

Niiahetšūmo̱ kukwe̱i le̱, eye̱ hã dſie̱te̱i, ni flõnõ ye̱ hã šika; ši Iehowa dši moni kaä tšuii ekwe̱o̱. Lal. 66,10.

Salomo Lalai 2:16

Minõ dši misuolo̱ le̱, ni mi hũ enõ dšimi, ofló̱-fo̱fo̱ii ateṅ elè̱o̱ etōi le̱ ye̱. 6,3.

Yesaia 43:2

Edšake̱ ke̱dši ōfo nu le̱, mike̱o ye̱, ni ke̱dši ōfo fāi hũ, ame̱suṅo. Ke̱dši onyie la mli le̱, ošãṅ, ni lalile̱i hũ ešãṅo. Lal. 66,12.

Yesaia 48:10

Na, mitšū ohe, ši dšee tamo̱ dſie̱te̱i; mikao mikwe̱ ye̱ amanehũlũ flõnõ mli. Lal. 66.10.

Yesaia 58:9

No le̱ *ootšé̱, ni Iehowa aahere no̱, ooblo̱, ni eekē̱ ake̱: Nami! Ke̱dši odšie gbokle̱ le̱ ke̱ wao ní ake̱-tšõo̱ mo ke̱ wiemo̱ fõṅ ke̱-dše̱ oteṅ, *30,19.

Yeremia 24:5

Bo̱ni Iehowa, Israel Nyoṅmo̱ le̱, kē̱ ne̱: Bo̱ni agbãmii kpakpai ne̱ yo̱ le̱, nakai makwe̱ Iuda nomi le̱ ní midšie-ame̱ ke̱-dše̱ bie̱ ke̱-te Kaldeabii le̱ ašikpoṅ le̱ no̱ ni mafeame̱ ekpakpa;

Yeremia 30:22

Ni ame̱atšṍ mimaṅ, ni mi hũ matšṍ ame̱-Nyoṅmo̱. 24,7.

Yeremia 31:33

Ši *kpãṅmo̱ ní mike̱ Israel we le̱ bakpãṅ ye̱ nakai gbĩĩ le̱ ase̱ le̱ ne̱, Iehowa kē̱: †Maṅõ mimla le̱ mawo ame̱mli ni maṅma ye̱ ame̱-tšui no̱, ni **matšṍ ame̱-Nyoṅmo̱, ni ame̱ hũ ame̱atšṍ mimaṅ! *Rom. 11,27. †Ies. 54,13. Heb. 10,16. 17. **Ier. 31.1.

Yeremia 32:38

Ni ame̱atšṍ mimaṅ, ni mi hũ matšṍ ame̱-Nyoṅmo̱; 24,7; 30,22; 31,1. 33.

Yeremia 9:6

Šišiumo̱ teṅ ošihĩle̱he yo̱, šišiumo̱ hewo̱ le̱ ame̱kplẽẽ ake̱ ame̱alemi! Iehowa kē̱.

Ezekiel 11:20

beni afe ní ame̱nyie ye̱ mikpo̱i le̱ anā, ni ame̱ye mimlai le̱ ano̱ ni ame̱fe, ni ame̱tšṍ mimaṅ, ni mi hũ matšṍ ame̱-Nyoṅmo̱. Ier. 31,33.

Ezekiel 14:11

beni afe ni Israel we le̱ akadše mihe ame̱yadũ gbe̱ ni ame̱ke̱ no̱tõmo̱i le̱ fẽ mībule ame̱he doṅṅ; ši moṅ ame̱tšṍ *mimaṅ, ni mi hũ matšṍ ame̱-Nyoṅmo̱, Nuṅtšo̱ Iehowa kē̱. *11,20.

Ezekiel 20:38

Ni madšie atũatšelo̱i le̱ ke̱ mei ní etõ mino̱ lo̱ ke̱-adše̱ nyeteṅ; madšieame̱ ke̱-adše̱ ame̱gbo̱tō šikpoṅ le̱ no̱ moṅ, ši ame̱baṅ Israel šikpoṅ le̱ no̱, ni nyeaná nyele ake midši Iehowa le̱.

Ezekiel 36:28

Ni nyeahĩ šikpoṅ le̱ ní miṅõ-hã nyetše̱mei le̱ no̱, ni *nyeatšṍ mimaṅ, ni mi hũ matšṍ nye-Nyoṅmo̱. *11,20.

Ezekiel 37:27

Ni mišihĩle̱he aahĩ ame̱no̱, ni matšṍ ame̱-Nyoṅmo̱, ni ame̱ hũ ame̱atšṍ mimaṅ.

Daniel 11:35

Ni mei ní le̱ nii le̱ ateṅ meikomei hũ aanyõnyõi, koni ake̱-kaame̱ akwe̱ ni ake̱-tšū ame̱he, ní ahă ame̱ye̱ futafuta ke̱-yaši nāgbē be le̱ mli; edšake̱ dša be ni ato to eše̱ dãni eeba mli.

Daniel 12:10

Aatšũ mei pī ahe ni aahã ame̱ye̱ futafuta, ni aakaame̱ akwe̱; ši mei fõdši le̱ aafe efõṅ, ni mei fõdši le̱ ateṅ mokomoko enaṅ šiši; ši mei ní le nii le̱ aana šiši.

3 Mose 26:12

Ni manyie nyeteṅ, ni matšṍ nye-Nyoṅmo̱, ni nye hũ nyeatšṍ mimaṅ.

Zakaria 10:6

Ni mawo Iuda we le̱ hewale̱, ni mahere Iosef we le̱ yiwala, ni mike̱ame̱ aakũ se̱ ke̱-aba ekoṅ; edšake̱ mimũsũṅ etšõmi ye̱ ame̱he, ni ame̱afe tamo̱ mei ní miſiekoame̱; edšake̱ midši Iehowa, ame̱-Nyoṅmo̱ le̱, ni mato he mahãame̱.

Zakaria 12:10

Ni *mafo̱se dromo̱ ke̱ faikpamo̱ mumo̱ le̱ maſie David we le̱ ke̱ Ierusalembii le̱ ano̱, ni †ame̱akwe̱ moni ame̱tsule̱ nõ le̱, ni ame̱awo ehe yăra tamo̱ mo woo̱ ebi kome he yăra, ni ame̱w̌ere̱ aaho ame̱he ye̱ ehewo̱ tamo̱ mo w̌ere̱ hoo̱ ehe ye̱ ekromo̱bi hewo̱. *Ioel 3,1. †Ioh. 19,37. Kpods. 1,7.

Zakaria 8:8

ni mĩke̱ame̱ aaba, ní ame̱bahĩ Ierusalem teṅ, ni *ame̱atšṍ mimaṅ, ni mi hũ matšṍ ame̱-Nyoṅmo̱ ye̱ ano̱kwale mli ke̱ dšale̱ mli! *Ier. 24,7.

Bɔfoi 2:21

Ni aaba mli ake̱ mofẽmo ní aabo atšé̱ Nuṅtšo̱ le̱ gbe̱i le̱, aahere eyi wala.” Rom. 10.13.

Hebribii 8:10

Ši ene̱ dši kpãṅmo̱ ní mike̱ Israel we le̱ bakpãṅ ye̱ nakai gbĩĩ le̱ ase̱ le̱, Nuṅtšo̱ le̱ kē̱: Mike̱ mimlai aawo ame̱dſẽṅmo̱ mli, ni maṅmã mawo ame̱tsui mli, ni matšṍ ame̱-Nyoṅmo̱, ni ame̱ hũ ame̱atšṍ mimaṅ.

Yakobo 1:12

Adšō̱ nū ni ṅmẽo̱ etšui ši ye̱ kã mli le̱, edšake̱, ké̱ akale̱ ni esa le̱, *eená wala akekre, ci Nuṅtšo̱ le̱ ewo ši ehã mei ni sumoo̱le̱ le̱. *2 Tim. 4,8.

1 Petro 4:12

Suomo̱meĩ, nyekahãa *amanehũlũ la ní aṅõ-kaänye le̱ mīfenye sane sro̱to ko, tamo̱ ake̱ noko sro̱to ko feo̱nye le̱, *1,6. 7.

Kpojiemɔ 21:7

*Kũnimyelo̱ le̱ aatšṍ ne̱ke̱ nii ne̱ fẽ yelo̱, ni †matšṍ e-Nyoṅmo̱, ni le̱ hũ eetšṍ mibi. *2,7. †Zak. 8,8.

Kpojiemɔ 8:10

Ni bo̱fo ní dši etẽ le̱ kpã́, ni *ṅulami kpeteṅkple ní tšoo̱ tamo̱ hã dše̱ ṅwei bagbe ši, ni egbe fāi le̱ amlidšāi etẽ mli ekome ke̱ nubui le̱ ano̱. *Ies. 14,12. Dan. 8,10.

Kpojiemɔ 8:11

Ni ṅulami le̱ gbe̱i dši apsinto (dšōmo̱tšo), ni nui le̱ amlidšāi etẽ mli ekome tšṍ dšōmo̱tšofã, ni gbomei pī gboi ye̱ nui le̱ ahewo̱, edšake̱ ame̱mīdšō.

Kpojiemɔ 8:12

Ni bo̱fo ni dši edſe̱ le̱ kpã, ni atſa *hũlũ mlidšāi eti mli ekome ke̱ nyoṅtšẽre mlidšāi etẽ mli ekome ke̱ ṅulamii amlidšāi etẽ mli ekome nõ, koni ame̱mlidšāi etẽ mli ekomekome le̱ †awo duṅ, ni ſane mlidšāi etẽ mli ekome le̱ dšeṅ tšee ni nyōṅ hũ nakai noṅṅ. *6,12. †2 Mose 10,21.

Kpojiemɔ 8:7

Ni kleṅkleṅ bo̱fo le̱ kpá, ni *nyoṅmo̱ṅte̱ ke̱ la ni lá futu mli ba ni ebaſĩe šikpoṅ le̱ no̱, ni šikpoṅ le̱ mlidšāi etẽ mli ekome šã, ni tšei amlidšāi etẽ mli ekome šã, ni dſe̱fo̱ fẽ šã. *2 Mose 9,23-26.

Kpojiemɔ 8:8

Ni bo̱fo ni dši enyo̱ le̱ kpã́, ni ašē̱ noko ni *tamo̱ goṅ ni šãa ke̱ la afo ṅšo̱ṅ, ni ṅšo̱ le̱ mlidšāi etẽ mli ekome tšṍ †lá, *Ier. 61,25. †2 Mose 7,20. 21.

Kpojiemɔ 8:9

ni ṅšo̱ le̱ mli bō̱nii ni yo̱ wala le̱ amlidšāi etẽ mli ekome gboi, ni le̱dši le̱ amlidšāi etẽ mli ekome fite.