Zakaria 10:9 - Ṅmãle̱ Kroṅkroṅ Le̱

⁹ Ni magbe̱ame̱ maſã mãdšimãdši ateṅ, ni ameakaimi ye̱ sikpõdši ní yo̱ soṅṅ le̱ ano̱, ni ame̱ke̱ ame̱bii ayi aaná wala, ni ame̱akpale ke̱-aba ekoṅ. Ies. 66,19.

ŊMALƐ KRƆŊKRƆŊ LƐ

⁹ Migbɛ amɛ mishwã maŋsɛɛ maji anɔ moŋ; shi kɛ̃lɛ, amɛaakai mi, yɛ hei ni amɛyɔɔ yɛ shɔŋŋ lɛ. Amɛ kɛ amɛbii fɛɛ yi aaana wala, ni amɛaaku amɛsɛɛ amɛaaba ekoŋŋ.

Zakaria 10:9 ပူးပေါင်းရင်းမြစ်များ

Nehemia 1:9

Ši ke̱dši nyekpale ke̱-ba mĩṅõ ni nyeye mikitãi le̱ ano̱ ni nyefe le̱, no le̱ ke̱dši nye mei ni *aše̱re̱ aſie le̱ yadše̱ ṅwei nāgbēbe tete le̱, mabua ame̱nā ke̱-adše̱ dše̱i tō̃ ni makplaame̱ ke̱-ba he ní mihala koni mahã migbei ahĩ dše̱i le̱. *5 Mose 30,1.

Ester 8:17

Ni šikpoṅ-fẽ-šikpoṅ ke̱ maṅ-fẽ-maṅ no̱ ní maṅtše̱ le̱ kitã ke̱ ekpo̱ le̱ še̱ le̱, Iudafoi le̱ náa mīše̱ ni ame̱nyáa ni ame̱ṅmẽo̱ okplõ ni ame̱yeo̱ gbĩdšũrõ. Ni šikpoṅ le̱ no̱ bii le̱ ateṅ mei pi tšṍmo̱ Iudafoi tete; *edšake̱ Iudafoi le̱ ahe ṅmiṅmi emōmo̱ame̱. 2 Mose 15,14-19.

Yesaia 44:21

Kaimo̱ ene̱mei, Iakob, ke̱ Israel hũ, edšake̱ *mitšũlo̱ dšio! ni †mišõo, ni mitšũlo̱ dšio; ō Israel, mihĩe kpaṅ ono! *41,6. †K. 2.

Yesaia 64:4

[5.] Oke̱ moni ke̱ mīše̱ tšuo̱ dšale̱-nii le̱ kpeo̱: mei ni kaio̱o ye̱ ogbè̱i le̱ ano̱ le̱. Na, omli efũ, edšake̱ wo̱fe eša; nakai wo̱yo̱ ke̱-dše̱ dšeeṅmõ, aso aahere wo̱yiwala kẽ?

Yesaia 65:23

Ame̱gboṅ deṅme yakatſā, ni ame̱fo̱ṅ ame̱hãṅ ošrã; edšake̱ mei ní Iehowa edšō̱ame̱ le̱ asešibii dšiame̱, ni ame̱ſĩei ke̱ame̱ aahĩ ši.

Yesaia 65:9

Ši mahã seši adše̱ Iakob mli aba, ni migõdši le̱ ayelo̱ ko aadše̱ Iuda mli: ni mei ní mihala le̱ aaṅõ ake̱ ame̱nõ, ni mitšũdši le̱ aahĩ dše̱i.

Yeremia 31:27

Na, gbĩĩ mība, Iehowa kē̱, ní madũ gbomei aseši ke̱ koloi aseši ye̱ Israel we le̱ ke̱ Iuda we le̱.

Yeremia 51:50

Nye mei ni nyedše klante nā, nyeyaä, nyekadamo̱a ši! Nyekaia Iehowa ke̱-dše̱a šoṅṅ, ni *nyehĩe abaä Ierusalem no̱! *Lal. 137,5.

Ezekiel 6:9

ni nyeteṅ mei ni aadše mli le̱ aakaimi ye̱ dšeṅmãdši ní aṅõame̱ nom ke̱-te mli le̱ ateṅ, beni mikũmo̱ ame̱dſamaṅbō̱ tšui ní etše ehe ke̱-dše mihe le̱ mli, ke̱ ame̱hĩṅme̱ii ní eyabo̱ adſamaṅ ke̱-nyie ame̱wo̱dšĩ le̱ ase̱ le̱; ni ame̱anyãṅe ame̱dĩentše̱ ame̱he ye̱ nifõdšianii ní amefe ye̱ ame̱nihĩnii le̱ fẽ mli le̱ ahewo̱. 5 Mose 30,2.

Hosea 2:23

[21.] Ni aaba mli ake̱ nakai gbĩ le̱ no̱ le̱ mabo toi, Iehowa kē̱, mabo ṅwei toi, ni ame̱ Ie̱ ame̱abo šikpoṅ toi,

Amos 9:9

Edšake̱ na, mafã́ ni maša Israel we le̱ mli ye̱ dšeṅmãdšimãdši fẽ ateṅ, tamo̱ ašaä nii amli ye̱ šānõ mli, ni kuli egbēṅ šikpoṅ!

Mika 5:7

Ni Iakob ſē̱nõ le̱ aatšṍ ye̱ dšeṅmãdši le̱ amli ke̱ mãdšimãdši pī ateṅ tamo̱ dšata ye̱ kōṅ koloi ateṅ, lo tamo̱ dšata oblanyo ye̱ tōikui ateṅ, ní ké̱ ebatšṍ mli ke̱-ho le̱, *enānāa no̱ ní etšere̱o̱ mli, ní dšielo̱ ko be̱ le̱. *Lal. 7,3. 6.

Bɔfoi 8:1

Ši egbē le̱ ṅõ *Saulo hũ nā. — Ni nakai gbĩ le̱ no̱ noṅṅ le̱ yiwale̱ kple te ši wo asafo ní yo̱ Ierusalem le̱; ni ame̱fẽ †ame̱gbe̱ ame̱ſã Iudea ke̱ Samaria niiaṅ, dša bo̱foi le̱ ke̱ke̱ ſe̱. *7,58. †11,19.

Bɔfoi 8:4

Ke̱ke̱ ni mei ní egbe̱ eſã le̱ yakpa ši, ni ame̱dšadše sanekpakpa le̱.

Romabii 11:24

Edšake̱, ke̱dši bo le̱, fo afoö ye̱ tšo ní dši ṅãṅmũtšo ye̱ bō̱su nā le̱ he, ni ate̱o bo awo mũtšo kpakpa le̱ mli, noni afo̱o̱ femo̱ le̱, mene̱mei ní dši tšo le̱ dientše̱ nidši le̱, aso ate̱oṅame̱ awoṅ ame̱dientše̱ ame̱mũtšo le̱ mli āhũ?