Yoshua 23:16 - Ṅmãle̱ Kroṅkroṅ Le̱

¹⁶ Ké̱ nyeto Iehowa, nye-Nyoṅmo̱ le̱, kpãṅmo̱ le̱ ní ewonye he kitã le̱ no̱, ni nyeto ni nyeyasúmo̱ nyoṅmo̱i krokomei, ni nyedšáame̱ le̱, no le̱ Iehowa mli aawo la awonye, ni nyehĩe aakpãtã oyá ke̱-adše̱ šikpoṅ kpakpa ni eṅõ-hãnye le̱ no̱.

ŊMALƐ KRƆŊKRƆŊ LƐ

¹⁶ Kɛji nyɛtɔ̃ Yehowa, nyɛNyɔŋmɔ lɛ, kpãŋmɔ ni ewo nyɛ ehe kitã lɛ nɔ, ni nyɛtee nyɛyasɔ̃mɔ nyɔŋmɔi krokomɛi, ni nyɛja amɛ lɛ, no lɛ Yehowa mli aaawo la awo nyɛ; ni oya ni nyɛhiɛ aaakpãtã yɛ shikpɔŋ kpakpa ni ekɛhã nyɛ nɛɛ nɔ.”

Yoshua 23:16 ပူးပေါင်းရင်းမြစ်များ

1 Maŋtsɛmɛi 14:15

Ni Iehowa aatſia Israel nii, tamo̱ ahosoo̱ gălã ye̱ nu mli le̱, ni *eefã Israel ke̱-dše̱ ne̱ke̱ šikpoṅ kpakpa ne̱ ní eṅõ-ha ame̱tše̱mei le̱ no̱, ni eegbe̱ame̱ eſä ke̱-ate fā le̱ se̱, ake̱-ní ame̱fe ame̱krabatšai le̱, ni ame̱ke̱-wo Iehowa mli la le̱. *2 Maṅ. 17,23.

1 Maŋtsɛmɛi 9:6

Ši ke̱dši nye lo nyebii aakpale ye̱ mise̱, ni nyeyeṅ mikitãi ke̱ mikpo̱i ni miṅõ-ſie nyehĩe ne̱ ano̱, ši nyeate nyeyasúmo̱ nyoṅmo̱i krokomei, ni nyedšáame̱ le̱:

1 Maŋtsɛmɛi 9:7

no le̱ *makpãtã Israel hĩe ke̱-dše šikpoṅ ní miṅõ-hãame̱ le̱ no̱; ni ne̱ke̱ †šĩa ne̱ ní mifele̱ kroṅkroṅ mihã migbe̱i le̱, maše̱le̱ mafõ ke̱-adše̱ mihĩe; ni Israel aatšṍ abe̱būnõ ke̱ kpā-lamo̱nõ ye̱ mãdši-mãdši fẽ ateṅ. *5 Mose 4,20; 8,19. 20; †Mat. 23,38.

2 Maŋtsɛmɛi 17:7

Ni eba mli nakai, edšake̱ Israelbii le̱ efe eša eši Iehowa, ame̱-Nyoṅmo̱ le̱, moni dsieame̱ ke̱-dše̱ Mizraim šikpoṅ le̱ no̱, ke̱-dše̱ Farao, Mizraim maṅtše̱ le̱, deṅ le̱, ni ame̱yaše nyoṅmo̱i krokomei agbeyei,

2 Maŋtsɛmɛi 24:20

Edšake̱ Iehowa mlifũ hewo̱ ni eba mli nakai ye̱ Ierusalem ke̱ Iuda no̱ āhũ *ke̱-yaši beyino̱ ní eše̱re̱ame̱ eſie ke̱-dše̱ ehĩe. Ni Zedekia tše Babel maṅtše̱ le̱ hĩe atŭa. *23,21.

Yesaia 24:5

Abule šikpoṅ le̱ ye̱ eno̱bii lo̱ ašiši; edšake̱ ame̱tõ mlai le̱, ni ame̱bule gbe̱nānii le̱, ni ame̱kũ nāno̱ kpãṅmo̱ le̱ mli.

Yeremia 32:23

ni ame̱ba ni ame̱baṅõ-fe ame̱nõ, ši ame̱boo ogbe toi ni ame̱nyiee omlai le̱ amli hũ; nibii fẽ ni owoame̱ kitã ake̱ ame̱fe le̱, ame̱fee ekomeflo, nohewo̱ ni ohã ne̱ke̱ efõṅ ne̱ fẽ ba ame̱no̱ ne̱.

Yeremia 32:24

Na, kpokui le̱ mīše̱ maṅ le̱ he, ni ame̱baṅõle̱, ni atu maṅ le̱ awo Kaldeabii ní ke̱le̱ wuo̱ le̱ adeṅ ye̱ klante ke̱ hõmo̱ ke̱ gbĕle-hela so̱ṅṅ nā, ni noni owie le̱ eba mli, ni na, ōna!

4 Mose 33:56

Ni aaba mli ake̱, bo̱ni misusu ake̱ mafeame̱ le̱, nakai mafenye.

5 Mose 17:3

ni eyiṅ ete ni eyasúmo̱ nyoṅmo̱i krokomei, ni edšáame̱, alo *hũlũ alo nyoṅtšĕre alo ṅwei asafo le̱ fẽ, noni miṅmẽẽnye gbe̱ le̱; *4,19.

5 Mose 28:15

Ši aaba mli ake̱, ke̱dši oboo Iehowa, o-Nyoṅmo̱ le̱, gbē toi, ní odſẽṅ no̱ ní oye ekitãi ke̱ ekpo̱i fẽ ní miwoo̱o ṅme̱ne̱ gbĩ ne̱ le̱ no̱ le̱, no le̱ ne̱ke̱ lōmo̱i ne̱ fẽ aaba ono̱ ni ame̱aninao. Dan. 9,11.

5 Mose 6:15

Edšake̱ Mawu *awuṅãyelo̱ dši Iehowa, o-Nyoṅmo̱ le̱, ní yo̱ oteṅ le̱, koni Iehowa, o-Nyoṅmo̱ le̱, mli akawoö la, ní ekpãtã ohĩe ke̱-dše̱ šikpoṅ le̱ no̱. *2 Mose 20,5.

Kojolɔi 2:14

Iehowa mli wo Israel la, ni eke̱ame̱ wo nihalo̱i adeṅ, ni ame̱bahaame̱, ni ehõame̱ ehã ame̱henye̱lo̱i ní be̱leo̱ame̱ ke̱-kpe le̱, ni ame̱nyẽẽ ame̱henye̱lo̱i le̱ ahĩe ame̱damo̱ doṅṅ.

Kojolɔi 2:20

Bĕle̱ Iehowa mli woo̱ la woo̱ Israel, ni ekē̱o̱ ake̱: Ake̱ noni ne̱ke̱ maṅ ne̱ etõ mikpãṅmo̱ le̱ ní miwo ame̱tše̱mei akitã ye̱ he le̱ no̱, ni ame̱boo migbē toi,

1 Samuel 12:25

Ši ke̱dši nyeakã he nyefe nifõdšianii le̱, no le̱ aakpãtã nye ke̱ nyemaṅtše̱ le̱ fẽ hĩe.