Yoshua 2:10 - Ṅmãle̱ Kroṅkroṅ Le̱

¹⁰ Edšake̱ wo̱nu, bo̱ni Iehowa hã *Ṅšo̱-tšuru le̱ mli nu gbĩ ye̱ nyehĩe, beni nyedše Mizraim le̱, ke̱ noni †nyefe Amorbii amaṅtše̱mei enyo̱ ni yo̱ Iordan se̱ le̱, Sihon ke̱ Og, mei ní nyefeame̱ musu le̱. *2 Mose 14,21. †4 Mose 21,24. 35.

ŊMALƐ KRƆŊKRƆŊ LƐ

¹⁰ ejaakɛ wɔnu bɔ ni Yehowa hã Ŋshɔ Tsuru lɛ mli nu lɛ gbi yɛ nyɛhiɛ be ni nyɛshi Ijipt lɛ. Asaŋ wɔnu bɔ ni nyɛfee Amorbii amaŋtsɛmɛi enyɔ, ni ji Sihon kɛ Og, ni yɔɔ Yordan bokãgbɛ lɛ musumusu nyɛhã lɛ.

Yoshua 2:10 ပူးပေါင်းရင်းမြစ်များ

Lalai 74:15

Bo noṅṅ *odše nubui ke̱ fāi, ni ohãa fāi ní hoo̱ dā le̱ mĩo̱. *Lal. 104,10.

4 Mose 20:14

Ni Mose tšũ bo̱foi ke̱-dše̱ Kadeš *ke̱-te Edom maṅtše̱ le̱ ṅõ ake̱: Bo̱ni †onyemi Israel kē̱ ne̱: Bodientše̱ ole amanehũlũi fẽ ní wo̱na, *1 Mose 32,4. Kods. 11,17. †5 Mose 23,7.

4 Mose 23:22

Mawu edšieame̱ ye̱ Mizraim, ehewale̱ tamo̱ wuo nõ.

4 Mose 24:8

Mawu edšiele̱ ye̱ Mizraim; ehewale tamo̱ wuo nõ. Eeye dšeṅmãdši ní dši ehenye̱lo̱i le̱, ni ame̱wui le̱ tete eedſăra, ni eeṅõ egãii le̱ etšẽrẽame̱.

5 Mose 2:30

Ši Hešbon maṅtše̱ Sihon le̱ ekplẽẽ ní wo̱tšṍ eṅõ ke̱-ho; edšake̱ Iehowa, o-Nyoṅmo̱ le̱, ewadše emumo̱ ni ehã etšui ekpliṅ, beni afe ní eke̱le̱ awo odeṅ, take̱ bo̱ni eba mli ṅme̱ne̱ ne̱.

Yoshua 24:12

Ni mitšũ *sosomo̱tii ke̱-tšṍ nyehĩe, ni ame̱ſieame̱ ke̱-dše̱ nyehĩe, Amorbii amaṅtše̱mei enyo̱ le̱, dšee oklante nā, ni dšee ogãi nā hũ ni. *2 Mose 23,28.

Yoshua 4:24

koni šikpoṅ le̱ no̱ mãdši fẽ ana ale Iehowa nine le̱ ake̱ eye̱ hewale̱, ni nyeše Iehowa, nye-Nyoṅmo̱ le̱, gbeyei dāne̱.

Yoshua 5:1

Ni eba mli ake̱, beni Amorbii amaṅtše̱mei fẽ ní yo̱ Iordan se̱ ye̱ anaigbe̱ le̱, ke̱ Kanaanbii amaṅtše̱mei fẽ ni yo̱ ṅšo̱ le̱ nā le̱ nu ake̱ Iehowa ehã *Iordan mli nu le̱ egbī ye̱ Israelbii le̱ ahĩe ke̱-yaši beyino̱ ni ame̱fo le̱, †ame̱tšui fã, ni ekã be̱ ame̱mli doṅṅ ye̱ Israelbii le̱ ahewo̱. *3,16. †2,24.

Yoshua 9:10

ke̱ nibii fẽ ni efe Amorbii amaṅtše̱mei enyo̱ le̱, ní yo̱ Iordan se̱ le̱, Hešbon maṅtše̱ Sihon ke̱ Bašan maṅtše̱ Og ni yo̱ Aštarot le̱. 4 Mose 21,21-35.