Yoshua 15:11 - Ṅmãle̱ Kroṅkroṅ Le̱

¹¹ Ni hũsũ le̱ nyie Ekron mase̱i ye̱ kōyigbe̱ le̱, ni agba ke̱-yaši Šikeron, ni etšṍ Baala goṅ le̱ no̱ ke̱-yadše Iabneel, ni enā yamõ ṅšo̱ le̱.

ŊMALƐ KRƆŊKRƆŊ LƐ

¹¹ Husu lɛ tse mli, ni enyiɛ gɔŋ lɛ ni yɔɔ Ekron kooyigbɛ lɛ masɛi kɛtee Shikeron. No sɛɛ lɛ, etsɔ̃ Baala Gɔŋ lɛ nɔ kɛyaje Yamnia, ni enaa yamɔ Mediterenia Ŋshɔ lɛ.

Yoshua 15:11 ပူးပေါင်းရင်းမြစ်များ

2 Maŋtsɛmɛi 1:16

Ni ekē̱le̱ ake̱: Bo̱ni Iehowa kē̱ ne̱: Ake̱ nõ kẽ *ní otšũ bo̱foi ke̱-te ni ame̱-yabi nii ye̱ Baal-Zebub, Ekron nyoṅmo̱ le̱, ṅõ, tamo̱ ake̱ bĕle̱ Nyoṅmo̱ ko be̱ Israel ní aayabi edāṅgbē, hewo̱ le̱ sātšo ni oyakã no̱ ne̱, odšeṅ no̱ oyiṅ ši, ši moṅ gbo obagbo! *K. 3,4.

2 Maŋtsɛmɛi 1:6

Ni ame̱kē̱le̱ ake̱: Nū ko ke̱wo̱ bakpe, ni ekē̱wo̱ ake̱: Nyekũa nyese̱ ke̱-yaä maṅtše̱ ni tšũnye le̱ ṅõ, ni nyeyakē̱ale̱ ake̱: Bo̱ni Iehowa kē̱ ne̱: Aso Nyoṅmo̱ ko be̱ Israel, hewo̱ ni otšũo̱ ní ayabi nii ye̱ Baal-Zebub, Ekron nyoṅmo̱ le̱, ṅõ ne̱? Nohewo̱ le̱ sātšo ni oyakã no̱ ne̱, odšeṅ no̱ oyiṅ ši doṅṅ, ši moṅ gbo obagbo!

2 Kronika 26:6

Ni efã ta eke̱ Filistibii le̱ yawu, ni ekũmo̱ Gat gbogbo lo̱ ke̱ Iabne gbogbo le̱ ke̱ Ašdod gbogbo le̱, ni eto mãdši ye̱ Ašdod he ye̱ Filistibii le̱ ateṅ.

4 Mose 34:6

Ni nyenaigbe̱ hũsũ dši ṅšo̱ wulu le̱; no dši nyenaigbe̱ hũsũ le̱.

Yoshua 15:10

Ni hũsũ le̱ lo̱go̱ ši ke̱-dše̱ Baala ke̱-te anaigbe̱ ye̱ Seir goṅ le̱ he, ni etšṍ Iearim goṅ le̱ mase̱i ye̱ kōyigbe̱ le̱, no dši Kesalon, ni ekpleke ši ke̱-ba Bet-Šemeš ni ešrã Timna he.

Yoshua 15:12

Ni anaigbe̱ hũsũ le̱ dši ṅšo̱ wulu le̱ ke̱ enānā le̱. Ene̱mei dši Iudabii le̱ ahũsũi le̱ ke̱-kpe, ye̱ ame̱wekui le̱ anā.

Yoshua 15:45

*Ekron ke̱ ehe mãdši ke̱ ehe akrowai; *1 Sam. 5,10.

Yoshua 15:9

Ni agba hũsũ le̱ ke̱-dše̱ goṅ le̱ yiteṅ ke̱-yaši Neftoa nubu le̱ he, ni etšṍ Efron goṅ le̱ no̱ mãdši le̱ ahe; ni agba hũsũ le̱ ke̱-yaši *Baala, no dši Kiriat-Iearim. *K. 30.

Kojolɔi 1:18

Asaṅ Iuda yaṅõ Gaza ke̱ ehe šikpõdši le̱, ke̱ Aškelon ke̱ ebe šikpõdši le̱, ke̱ Ekron ke̱ ehe šikpõdši le̱.

1 Samuel 17:52

Ke̱ke̱ ni Israel ke̱ Iuda hĩĩ le̱ te ši, ni ame̱bo̱ oše, ni ame̱yanyie Filistibii le̱ ase̱ ke̱-yaši dšō̱ le̱ mli ke̱ Ekron agbói le̱ anā. Ni Filistibii le̱ apilafoi le̱ nyõnyõi ye̱ Šaaraim gbe̱ le̱ no̱ āhū ke̱-yaſie Gat ke̱ Ekron tō̃.

1 Samuel 5:10

Ni ame̱hã ake Nyoṅmo̱ adeka le̱ te Ekron. Ni eba mli ake̱, beni Nyoṅmo̱ adeka le̱ se̱ Ekron le̱, Ekronbii le̱ blo̱ ame̱kē̱: Ame̱ke̱ Israel Nyoṅmo̱ le̱ adeka le̱ eba wo̱ṅõ, koni ame̱ke̱-bagbewo̱ ke̱ wo̱maṅbii le̱.

1 Samuel 5:8

Ni ame̱tšũ ni ayabua Filistibii le̱ alumei le̱ fẽ nā ke̱-ba ame̱ṅõ ni ame̱kē̱: Té wo̱o̱fe Israel Nyoṅmo̱ le̱ adeka le̱ he tēṅ? Ni ame̱here no̱ ake̱: Áwó Israel Nyoṅmo̱ le̱ adeka le̱ ke̱-ya Gat. Ni awó Israel Nyoṅmo̱ le̱ adeka le̱ ke̱-te Gat.

1 Samuel 7:14

Ni asaṅ mãdšimãdši le̱ ni Filistibii le̱ šõ ye̱ Israel deṅ le̱, akpale ahā Israel ekoṅ ke̱-dše̱ Ekron āhũ ke̱-yaſie Gat, ni ame̱he šikpõdši le̱ hũ Israel šõ ye̱ Filistibii le̱ adeṅ. Ni toiṅdšo̱le̱ ba Israel ke̱ Amorbii le̱ ateṅ.