Yoshua 13:31 - Ṅmãle̱ Kroṅkroṅ Le̱

³¹ ke̱ Gilead fã ke̱ Aštarot ke̱ Edrei, Og ní yo̱ Bašan le̱ maṅtše̱yelihe le̱ mli mãdši le̱, Manase bi Makir bii le̱, ni dši Makir bii le̱ aſã le̱ nõ etšṍ ye̱ ame̱wekui le̱ anā.

ŊMALƐ KRƆŊKRƆŊ LƐ

³¹ kɛ Gilead shikpɔŋ lɛ fã kɛ agbɛnɛ Ashtarot kɛ Edrei, ni ji Bashan maŋtsɛ Og maŋtsɛyelihe lɛ mli maji wuji lɛ. Akɛ shikpɔŋ nɛɛ hã Manase bi Makir shwiei lɛ yɛ amɛwekui lɛ anaa akɛ Manasebii akutso lɛ fã lɛ gbɛfaŋ nɔ.

Yoshua 13:31 ပူးပေါင်းရင်းမြစ်များ

Lalai 60:7

Koni adšie mei ni osumoo̱ le̱, oke̱ oninedšũrõ ahere wo̱yiwala, ni oto he ohã wo̱!

Ezekiel 48:4

Ni Naftali hũsũ le̱ mase̱i, ke̱-dše̱ bokãgbe̱ hũsũ le̱ no̱ ke̱-yaši anaigbe̱ hũsũ le̱ no̱ le̱: Manase nõ ni.

Yoshua 12:4

ke̱ Bašan maṅtše̱ Og ni dši oblãṅi ni eſe̱ le̱ ateṅ mokome ní hĩ Aštarot ke̱ Edrei, 4 Mose 21,33. 5 Mose 8,11.

Yoshua 13:12

Og maṅtše̱yelihe ní yo̱ Bašan le̱ fẽ; edšake̱ le̱ eye maṅtše̱ ye̱ Aštarot ke̱ Edrei, ni le̱ dši moni eſe̱ ye̱ oblãṅi ní ſe̱ le̱ ateṅ, edšake̱ Mose gbeame̱ ni eſieame̱.

Yoshua 13:32

Mene̱mei dši mei ní Mose hãame̱ ame̱gbe̱fãṅnõ, ye̱ Moab ṅã kplanā le̱ no̱, ye̱ Iordan se̱, ye̱ Ieriko ṅe̱le̱no̱ ye̱ bokãgbe̱ le̱.

Yoshua 17:5

Ni Manase ná susumo̱ kpãi aafe nyoṅma, sŏro Gilead ke̱ Bašan šikpoṅ le̱ ní yo̱ Iordan se̱ le̱;

Yoshua 17:6

edšake̱ Manase biyei le̱, ná ame̱gbe̱fãṅnõ ye̱ ebihĩĩ le̱ ateṅ, ni Gilead šikpoṅ le̱ tšṍ Manase bii ní eſe̱ le̱ anõ.

Yoshua 9:10

ke̱ nibii fẽ ni efe Amorbii amaṅtše̱mei enyo̱ le̱, ní yo̱ Iordan se̱ le̱, Hešbon maṅtše̱ Sihon ke̱ Bašan maṅtše̱ Og ni yo̱ Aštarot le̱. 4 Mose 21,21-35.

Kojolɔi 10:6

Ni Israelbii le̱ fe efõṅ ye̱ Iehowa hĩe ekoṅ, ni ame̱yasúmo̱ Baalim ke̱ Aštarot ke̱ Aram nyoṅmo̱i le̱ ke̱ Zidon nyoṅmo̱i le̱ ke̱ Moab nyoṅmo̱i le̱ ke̱ Amonbii le̱ anyoṅmo̱i le̱ ke̱ Filistibii le̱ anyoṅmo̱i le̱, ni ame̱kwa Iehowa, ni ame̱súmo̱o̱le̱.

Kojolɔi 5:17

Gilead tá ši ye̱ Iordan se̱. Ni Dan hũ, mẽba elilaä Si ye̱ le̱dši amli? Ašer esẽ koni ke̱-tá ṅšo̱ nā, etá eṅšo̱-blei le̱ anā.

1 Samuel 12:10

Ni ame̱sā ame̱blo̱ ame̱tšé̱ Iehowa ni ame̱kē̱: Wo̱fe eša, edšake̱ wo̱kwa Iehowa, ni wo̱yasúmo̱ Baalim ke̱ Aštarot; ši agbe̱ne̱ le̱ dšiemo̱wo̱ ke̱-dše̱ wo̱henye̱lo̱i le̱ adeṅ, ni wo̱o̱súmo̱o!

1 Samuel 7:3

Ke̱ke̱ ni Samuel kē̱ Israel we le̱ fẽ ake̱: Ke̱dši nyeke̱ nyetšui fẽ mīkũ nyese̱ ke̱-ba Iehowa ṅõ le̱, no le̱ *nyedšiea maṅse̱ nyoṅmo̱i le̱ ke̱ Aštarot le̱ ke̱-dšea nyeteṅ, ni nyesãa nyetšuii nye-hãa Iehowa, ní nyesúmo̱ale̱ kometō, ni eedšienye ke̱-adše̱ Filistibii le̱ adeṅ. *1 Mose 35,2. Ios 24,23.