Yoshua 11:15 - Ṅmãle̱ Kroṅkroṅ Le̱

¹⁵ Bo̱ni Iehowa wo etšũlo̱ Mose kitã le̱, nakai noṅṅ Mose wo Iošua kitã, ni nakai Iošua fe; nii ní Iehowa wo Mose he kitã le̱ ešĩĩ mli eko eko ní efee.

ŊMALƐ KRƆŊKRƆŊ LƐ

¹⁵ Bɔ ni Yehowa wo etsulɔ Mose kitã lɛ, nakai nɔŋŋ Mose hu wo Yoshua kitã lɛ, ni nakai pɛpɛɛpɛ Yoshua fee. Nii fɛɛ ni Yehowa wo he kitã lɛ, Yoshua shiii mli ekoeko ni etsuuu he nii.

Yoshua 11:15 ပူးပေါင်းရင်းမြစ်များ

2 Kronika 30:12

Asaṅ Nyoṅmo̱ nine kã Iuda he, ni ehãame̱ tšui kome, ni ame̱ye maṅtše̱ le ke̱ onukpai le̱ akitã ni ame̱wo ye̱ Iehowa wiemo le̱ nā le̱ no̱.

4 Mose 33:50

Ke̱ke̱ ni Iehowa ke̱ Mose wie ye̱ Moab ṅã kplenē le̱ no̱ ye̱ Iordan se̱ ye̱ Ieriko ṅe̱le̱no̱ ni ekē̱:

4 Mose 33:52

no le̱ nyeſiea šikpoṅ le̱ no̱ bii le̱ fẽ ke̱-dše̱a nyehĩe, ni nyekpãtãa ame̱te̱-mfonirii le̱ fẽ hĩe, ni ame̱mãgãi ní aſie le̱ hũ nyekpãtãa fẽ hĩe, ni nyefitea ame̱hei groṅṅi le̱ fẽ.

Mateo 23:23

Kpóo hã nye, woloṅmãlo̱i ke̱ Farisifoi, osatofoi! ake̱-ni *nyehãa kowe̱ ke̱ anisi ke̱ kumino mlidšā nyoṅmanyoṅma, ši †mla le̱ mli nii ní he dšraä ní dši kodšomo̱ ke̱ mo̱bo̱nale̱ ke̱ hemo̱-ke̱-yeli le̱ moṅ le̱ nyešĩo̱; ši kũle̱ edša ake̱ nyefeo̱ ene̱mei, ni nyekašī eko le̱ hũ. *3 Mose 27,30. †Mika 6,8.

Luka 11:42

Ši kpóo hã nye, Farisifoi, ake̱ nyehãa kowe̱ ke̱ ſie ke̱ bāi sro̱toi fẽ mlidšā nyoṅmanyoṅma, ní nyešĩo̱ dšale̱saneyeli ke̱ Nyoṅmo̱ suomo̱ le̱! Kũle̱ edša ake̱ nyefeo̱ ene̱mei, ni nyekašĩ eko le̱ hũ.

Bɔfoi 20:20

bo̱ni mišiuu nii ní he yo̱ se̱námo̱ hãnye le̱ eko no̱, ni midšadše mitšõnye ye̱ faṅṅ ke̱ šĩa-fẽ-šĩa hũ;

Bɔfoi 20:27

edšake̱ midšadše Nyoṅmo̱ yiṅtō mū le̱ fẽ mitšõnye ni mišiuu eko no̱.

5 Mose 31:3

Iehowa, o-Nyoṅmo̱ le̱, aanyie ohĩe ke̱-fo, le̱ noṅṅ eefite nakai dšeṅmãdši le̱ ye̱ ohĩe, ni ooye ame̱no̱; Iošua dši moni aanyie ohĩe ke̱-fo, tamo̱ bo̱ni Iehowa ekē̱ le̱. 3,28.

5 Mose 31:5

Ni Iehowa aatuame̱ awo nyedeṅ, ní nyefeame̱ *tamo bo̱ni miwonye kitã le̱ pe̱pē̱pe̱. *7,2.

5 Mose 31:7

Ni Mose tšé̱ Iošua ni ekē̱le̱ ye̱ Israel mū le̱ fe hĩe ake̱: Ohe awa ni ofe ekã; edšake̱ bo oke̱ ne̱ke̱ maṅ ne̱ baya šikpoṅ ní Iehowa kã ame̱tše̱mei le̱ akitã ake̱ eke̱-bahãame̱ le̱ no̱, ni bo noṅṅ oodša mli ohãame̱. Ios. 1,6.

5 Mose 4:2

Nyekaṅõa noko nyefataä kitã ní miwoo̱nye ne̱ he, ni asaṅ nyekadšiea noko ye̱ mli, ši nyeyea Iehowa, nye-Nyoṅmo̱ le̱, kitãi ní miwoo̱nye ne̱ no. 13,1. Abe̱i 30,8. Kpods. 22,18. 19.

5 Mose 4:5

Na, mitšõnye akpo̱i ke̱ mlai, take̱ bo̱ni Iehowa, mi-Nyoṅmo̱ le̱, ewomi kitã le̱, koni nyeye no̱ ye̱ šikpoṅ ní nyeyaä nyeyaṅõ le̱ no̱.

5 Mose 7:2

ni Iehowa, o-Nyoṅmo̱ le̱, tuame̱ ewo odeṅ ni ogbeame̱ le̱, no le̱ *femo̱ame̱ musu kwrā: oke̱ame̱ akakpãṅ kpãṅmo̱ ko, ni asaṅ kànaame̱ mo̱bo̱. *4 Mose 21,2.

Yoshua 1:7

Wadšemo̱ ohe ni ofe ekã dšogbāṅ ke̱ke̱, ní odſẽṅ no̱ ni oye mla le̱ ni mitšũlo̱ Mose woö le̱ fẽ no̱; kādše he *ke̱-mīya ninedšũrõ lo abe̱ku, †beni afe ní ohĩe akã ši ye̱ nofẽno ni ofeo̱ mli. *5 Mose 6,32. †1 Maṅ. 2,5.

Yoshua 11:12

Ni Iošua ṅõ ne̱ke̱ maṅtše̱mei ne̱ amãdši le̱ fẽ ke̱ ame̱mli maṅtše̱mei le̱ fẽ, ni eke̱ klante gbeame̱, ni efeame̱ musu, tamo̱ bo̱ni Iehowa tšũlo̱ Mose wo kitã le̱.

Yoshua 11:14

Ni ne̱ke̱ mãdši ne̱ amli nii fẽ ke̱ koloi le̱ Israelbii le̱ ha hã ame̱he; ši ame̱ke̱ klante gbe gbomei le̱ fẽ ke̱-yaši beyino̱ ni ame̱kpãtã ame̱hĩe, ni ame̱ſe̱e̱ mokomoko ní mũo̱.

Yoshua 11:16

Ni Iošua ṅõ nakai šikpoṅ le̱ fẽ, gõdšì ašikpoṅ le̱ ke̱ wuoyigbe̱ le̱ fẽ ke̱ *Gošen šikpoṅ le̱ fã ke̱ ṅãno̱ šikpoṅ le̱ ke̱ ṅã kpatã le̱ ke̱ Israel gõdši ašikpoṅ le̱ ke̱ ehe ṅã kplanā le̱; *10,41.

1 Samuel 15:11

Miſa mihe ake̱ miwo Saul maṅtše̱; edšake̱ ekpale ye̱ mise̱, ni eyee mikitãi le̱ ano̱. Ni edo̱ Samuel, ni eblo̱ etšé̱ Iehowa nyõṅnyõṅ fẽ.