Yoshua 1:6 - Ṅmãle̱ Kroṅkroṅ Le̱

⁶ *Wadšemo̱ ohe ni ofe ekã; edšake̱ bo obadša šikpoṅ ni mikã ne̱ke̱ maṅbii ne̱ atše̱mei le̱ akitã ake̱ mike̱-bahãame̱ le̱ mli ohãame̱. *5 Mose 3,28; 31,7. 28.

ŊMALƐ KRƆŊKRƆŊ LƐ

⁶ Wajemɔ ohe ni ofee ekãa; ejaakɛ shikpɔŋ lɛ ni mikã maŋbii nɛɛ atsɛmɛi lɛ ehe kitã akɛ mikɛbaahã amɛ lɛ, bo obaahã etsɔ̃ amɛnɔ.

Yoshua 1:6 ပူးပေါင်းရင်းမြစ်များ

1 Mose 12:7

Ni Iehowa dšie ehe kpo etšõ Abram ni eké̱: *Oseši le̱ maṅõ ne̱ke̱ šikpoṅ ne̱ mahā. Ni emã afo̱lešãlate̱ ye̱ dše̱i ehã Iehowa, moni dšie ehe kpo etšõle le̱. *18,15; 15,18; 17,8; 24,7; 28,3. 4; 28,13; 36,12. 2 Mose 6,4. 8; 32,13. Ios. 21,43. Bo̱f. 7,5.

1 Mose 26:3

to gbo̱ ye̱ šikpoṅ ne̱ no̱, ni mike̱o aahĩ ši ni madšō̱o; ši bo ke̱ *oseši ma-ṅõ ne̱ke̱ šikpõdši ne̱ fẽ mahã, ni maye †kitã ni mikā otše Abraham le̱ no̱. *12,7. †22,13.

2 Samuel 10:12

Femo̱ ekã ni ohã wo̱damo̱ ši ake̱ hĩĩ wo̱hã wo̱maṅ ke̱ wo̱-Nyoṅmo̱ le̱ mãdšĩ le̱; ni Iehowa afe noni sa ehĩe!

1 Maŋtsɛmɛi 2:2

Mi le̱ miya dšeṅdšeṅ fẽ gbe̱ le̱: nohewo̱ le̱ ohe awa, ni ofe onii ake̱ nū;

1 Kronika 22:13

Ke̱dši odſẽṅ no̱ ni oye akpo̱i ke̱ mlai ni Iehowa wo Mose ye̱ Israel hewo̱ le̱ ano̱ le̱, no le̱ ooſere; ohe awa ni ofe ekã; kāše gbeyei ni otšui akafã hũ! 1 Maṅ. 2,2. 3

1 Kronika 28:10

Kwe̱mo̱ ohe ní ahĩ! Edšake̱ Iehowa ehalao, ní omã šĩa ni ake̱-fe hekroṅkroṅ; wadšemo̱ ohe ni ofe!

1 Kronika 28:20

Ni David kē̱ ebi Salomo ake̱: *Wadšemo̱ ohe ni ofe eka; kāše gbeyei ni otšui akafã! edšake̱ Iehowa Nyoṅmo̱, ni dši mi-Nyoṅmo̱ le̱, ke̱o ye̱; ekwaṅo ni esā ešĩṅo ke̱-yaši beyino̱ ní oogbe Iehowa we le̱ súomo̱ le̱ he nitšumo̱ le̱ fẽ nā. *22,13. 5 Mose 31,5.

2 Kronika 15:7

Ši nye le̱ nyewadšea nyehe ni nye-kahãa nyenidšiaṅ mīdsea wui; edšake̱ aawo nyenitšumo̱ le̱ he nyõmo̱! 1 Kor. 15,58.

2 Kronika 20:11

kwe̱ bo̱ni ame̱too̱wo̱ nãdšiaṅ ni ame̱-ba ame̱baſiewo̱ ke̱-dše̱ ogbe̱fãṅnõ ni oke̱-hãwo̱ ake̱ wo̱nõ le̱ no̱!

2 Kronika 20:7

Ani dšee bo ni dši wo̱-Nyoṅmo̱ le̱, oſie ne̱ke̱ šikpoṅ ne̱ no̱ bii le̱ ke̱-dše̱ omaṅ Israel hĩe, ni oṅõ-hã ošientše̱ Abraham sešibii le̱ ke̱-mīya nāno̱?

Lalai 27:14

Kwe̱mo̱ Iehowa gbe̱! Wadšemo̱ ohe ni oná tšui, ni okwe̱ Iehowa gbe̱! Lal. 31,25.

Daniel 10:19

ni ekē̱: *Kāše gbeyei, bo nū ni asumoo̱ osane naakpa! hedšo̱le̱ ahão! ohe awa, hē̃, ohe awa! Ni beni eke̱mi wie le̱, miná hewale̱, ni mikē̱: Wiemo̱, minuṅtšo̱, edšake̱ owomi hewale̱! *Kpods. 1,17.

Hagai 2:4

Ši kẽle̱ agbe̱ne̱, wadšemo̱ ohe ko, Zerubabel! Iehowa kē̱, ni wadšemo̱ ohe, Iošua, Iehozadak bi, ni odši oso̱fonukpa! ni wadšemo̱ ohe, bo šikpoṅ le̱ no̱ maṅ le̱ fẽ! — Iehowa kē̱, ni nyetšua nii; edšake̱ mike̱nye ye̱, Iehowa Zebaot kē̱.

Zakaria 8:9

Bo̱ni Iehowa Zebaot kē̱ ne̱: *Nyewadšea nynidšiaṅ, nye mei ni ne̱ke̱ gbĩī ne̱ amli ní nyenuo̱ ne̱ke̱ wiemo̱i ne̱ ye̱ gbalo̱i, ní yo̱ gbĩ ní ato Iehowa Zebaot we ke̱ ní dši so̱lemo̱we ke̱ šiši, koni amã le̱, anā ke̱! *Ies. 35,3.

4 Mose 26:53

Adša šikpoṅ le̱ mli ahã mene̱mei ye̱ ame̱gbe̱ii le̱ ayibo̱ nā, ní etšṍ ame̱nõ.

4 Mose 33:53

Ni nyeṅõ šikpoṅ le̱ ni nyehĩ no̱; edšake̱ miṅõ šikpoṅ le̱ mihãnye, koni nyeye no̱.

1 Korintobii 16:13

Nyebua, nyedamo̱a ši šiṅṅ ye̱ hemo̱-ke̱-yeli le̱ mli, nyefea hĩĩ, ni *nyehe awaä! *Ef. 6,10.

Efesobii 6:10

Noni eſe̱ le̱, minyemimei, nye-he awaä ye̱ Nuṅtšo̱ le̱ ke̱ ehewale̱ nyẽmo̱ le̱ mli. 1 Kor. 16,13. 1 Ioh. 2,14.

5 Mose 1:21

Na, Iehowa, o-Nyoṅmo̱ le̱, eṅõ šikpoṅ le̱ efõ ohĩe; ya ní oyaṅõ, take̱ bo̱ni Iehowa, otše̱mei a-Nyoṅmo̱ le̱, ke̱o ewie le̱. Kāše gbeyei ni otšui akafã! 9,23.

5 Mose 1:8

Na, mike̱ šikpoṅ le̱ efõ nyehĩe; nyeyaä ní nyeyaṅõa šikpoṅ ní Iehowa kã nyetše̱mei Abraham ke̱ Isak ke̱ Iakob kitã ye̱ he ake̱ eke̱ahãame̱ ke̱ ame̱sešibii ní baä ye̱ ame̱se̱ le̱.

5 Mose 11:8

Nohewo̱ le̱ nyeyea kitãi ní mi-woo̱nye ṅme̱ne̱ ne̱ fẽ no̱, koni nyehe awa, ni nyeya nyeyaṅõ šikpoṅ ní nye-foo̱ mli ke̱-ya nyeyaṅõ le̱;

5 Mose 31:23

Ni ewo Iošua, Nun bi le̱, kitã ake̱: Ohe awa ni ofe ekã; edšake̱ bo oke̱ Israelbii le̱ baya šikpoṅ ní mikãame̱ kitã ye̱ he le̱ no̱, ni mike̱o aahĩ ši!

2 Timoteo 2:1

Agbe̱ne̱ bo le̱, mibi, ohe awa ye̱ dromo̱ ni ye̱ Kristo Iesu mli le̱ mli;

Yoshua 1:18

*Mofẽmo ni aatše owiemo̱ hĩe atũa ní eboṅ ogbē toi ye̱ nofẽno ni oowowo̱ he kitã mli le̱, aagbele̱; *wadšemo̱ ohe ni ofe ekã dšogbāṅ ke̱ke̱! *K. 3.

Yoshua 1:7

Wadšemo̱ ohe ni ofe ekã dšogbāṅ ke̱ke̱, ní odſẽṅ no̱ ni oye mla le̱ ni mitšũlo̱ Mose woö le̱ fẽ no̱; kādše he *ke̱-mīya ninedšũrõ lo abe̱ku, †beni afe ní ohĩe akã ši ye̱ nofẽno ni ofeo̱ mli. *5 Mose 6,32. †1 Maṅ. 2,5.

Yoshua 1:9

Ani dšee mi mifã́o? Wadšemo̱ ohe ni ofe ekã. Kāhã ṅmiṅmi mīmõo, ni asaṅ otšui akafã; edšake̱ Iehowa, o-Nyoṅmo̱ le̱, fĩ ose̱ ye̱ hefẽhe ní oyaä.

Yoshua 10:25

Ni Iošua kē̱ame̱ ake̱: Nyekašea gbeyei, ni nyetšui hũ akafãã! nyehe awaä ni nyefea ekã; edšake̱ ne̱ke̱ Iehowa bafe nyehenye̱lo̱i le̱ fẽ ní nyeke̱wuo̱ le̱!

Yoshua 13:6

Mei fẽ ni hĩo̱ goṅ le̱ no̱ ke̱-dše̱ Lebanon he ke̱-yaši *Misrefot-Maim nä ni dši Zidonbii le̱ fẽ le̱, midientše̱ mibaſieame̱ ke̱-adše̱ Israelbii le̱ ahĩe; fõ ošiki ke̱ke̱ ni oke̱-dša mli ohã Israel; ní etšṍ ame̱nõ, take̱ bo̱ni miwoö kitã le̱. *11,8.

Yoshua 18:3

Ni Iošua kē̱ Israelbii le̱ ake̱: Mẽ beyino̱ noṅṅ nyeašašao ši ke̱-yaši, dãni nyeba ni nyebaṅõ šikpoṅ ni Iehowa, nyetše̱mei a-Nyoṅmo̱ le̱, eṅõ-hãnye le̱?

Yoshua 21:43

Ni Iehowa ke̱ šikpoṅ le̱ fẽ ní *ekã he kitã ake̱ eeṅõ-hã ame̱tše̱mei le̱ hã Israel, ni ame̱ṅõ ni ame̱hĩ no̱. *1 Mose 12,7.

Yoshua 5:6

Edšake̱ afii nyoṅmai-edſe̱ so̱ṅṅ Israelbii le̱ nyie ṅã le̱ no̱, ke̱-yaši beyino̱ ni *maṅ le̱ mli tabilo̱i ní dše̱ Mizraim le̱ fẽ tã, edšake̱ ame̱boo Iehowa gbē toi, ni Iehowa kãame̱ kitã ake̱ ehãṅ ame̱nà šikpoṅ ní Iehowa kã ame̱tše̱mei le̱ akitã ake̱ eeṅõ-hãwo̱, ní dši šikpoṅ ní fufo̱ ke̱ wò hoo̱ ye̱ no̱ le̱. *4 Mose 14,22. 23.

1 Samuel 4:9

Nyewadšea nyehe, ni nyefea hĩĩ, nye Filistibii, koni nyekasúmo̱ Hebribii le̱, tamo̱ bo̱ni *ame̱súmo̱nye le̱! Nyefea hĩĩ, ni nyewua! *Kodš. 13,1.