Yohane 5:44 - Ṅmãle̱ Kroṅkroṅ Le̱

⁴⁴ Nye ni nyehaä nyeteṅ anumnyam he, ši *anumnyam ní dše̱o̱ Nyoṅmo̱ kome le̱ ṅõ le̱ nyedii se̱, té aafe tēṅ ní nyeanyẽ nyehé nyeyeṅ? *12,43.

ŊMALƐ KRƆŊKRƆŊ LƐ

⁴⁴ Te aaafee tɛŋŋ ni nyɛaanyɛ nyɛhe nyɛyeŋ, nyɛ ni nyɛtaoɔ anunyam yɛ nyɛteaŋ, shi anunyam ni jɛɔ Nyɔŋmɔ koome lɛ ŋɔɔ lɛ nyɛdii sɛɛ lɛ?

Yohane 5:44 ပူးပေါင်းရင်းမြစ်များ

2 Kronika 6:8

ši Iehowa kē̱ mitše̱ David ake̱: Gbĩĩabo kẽ ní oto oyiṅ ake̱ kũle̱ oomã šĩa ohã migbe̱i le̱, ofe dšogbāṅ ake̱ oto oyiṅ nakai le̱.

Yeremia 13:23

Ani modiṅ aanyẽ ehewolo atšake, alo kōtše̱ aanyẽ ehe ṅwãtãṅwãtã le̱ atšake? no le̱ nye hũ *nyeanyẽ ekpakpa nyefe, nye mei ní efõṅfemo̱ eka nyeno̱ le̱! *Lal. 55,20.

Mateo 23:5

Ši amenii fẽ le̱ ame̱feo̱ *koni mei ana. Edšake̱ ame̱hãa †ame̱kaimo̱boṅi le̱ lē̱o̱ ni ame̱feo̱ ame̱tadei anãmũi le̱ kplei; *6,1. †2 Mose 13,9. 4 Mose 15,38. 39.

Luka 19:17

Ni ekē̱le̱ ake̱: Ahekõ! tšũlo̱ kpakpa, ake̱-ní oye ano̱kwa ye̱ noko bibiō kwrā mli hewo̱ le̱, ye mãdši nyoṅma no̱. 16.10.

Yohane 12:43

edšake̱ ame̱mīsumo̱ gbomei ahĩenyam fè Nyoṅmo̱ nõ. 5,44.

Yohane 17:3

Ši ene̱ dši nāno̱ wala le̱, ake̱ ame̱le ho, *ano̱kwa Nyoṅmo̱ kome le̱, ke̱ Iesu Kristo, moni otšũ le̱. *1 Ioh. 5,20.

Yohane 3:20

Edšake̱ mofẽmo ni tšuo̱ nifõdšianii le̱ nye̱o̱ la le̱, ni ebaa la le̱ he, koni akakã enitšumo̱i le̱. Ef. 5,13.

Yohane 5:41

Mitaoo gbomei ahĩenyam.

Yohane 8:43

Ši mẽhewo̱ nyenaa miwiemo̱ nā le̱? Edše̱ miwiemo̱ toi ni nyeboo le̱.

Romabii 2:10

ši anumnyam ke̱ wō ke̱ hedšo̱le̱ aaba mofẽmo ní tšuo̱ nikpakpai anii le̱ no̱, Iudanyo tšutšu ke̱ Helanyo hũ.

Romabii 2:29

ši moṅ moni dši Iudanyo ye̱ mligbe̱ le̱ dši Iudanyo, ni tšuiṅ ketiafō ní yo̱ mumo̱ mli, ní dšee ṅmãle̱-okadi mli le̱, dši *ketiafō ní eyidšiemo̱ le̱ dše̱e̱ gbomei aṅõ, ši Nyoṅmo̱ ṅõ moṅ edše̱o̱. *5 Mose 30,6. Kol. 2,11.

Romabii 2:7

mei ní ke̱ ekpakpafemo̱ mli tšuišiṅmē̃ taoo̱ anumnyam ke̱ wō ke̱ šihĩle̱ ní fiteṅ le̱, aahãame̱ nāno̱ wala;

1 Korintobii 4:5

Nohewo̱ le̱ nyekakodšoa noko dãni še̱ be le̱, ke̱-yaši beyino̱ ní Nuṅtšo̱ le̱ aaba, moni ke̱ dũdšiaṅnibii nī aṅõ-tē le̱ tete aaba la hĩe, ni eedšie tšuiiaṅ-adšinai le̱ aši le̱; ni no mli le̱ *mofẽmo aaná eyidšiemo̱ ke̱-adše̱ Nyoṅmo̱ deṅ. *3,8.

2 Korintobii 10:18

Edšake̱ dšee moni dšieo̱ ehe yi le̱, dši moni sa, ši moṅ moni Nuṅtšo̱ le̱ dšiee̱ eyi le̱. 1 Kor. 4,5.

Filipibii 2:3

ni nyekaṅmēa mligblamo̱i lo *yaka anumnyam taomo̱ gbe̱, ši moṅ nyeke̱ hešibãdſẽṅmo̱ †abubua nyenanemei fé nyedientše̱ nyehe; *Gal. 5.26 †Rom. 12,10.

1 Tesalonikabii 2:6

asaṅ wo̱taoo gbomei ahĩenyam, ye̱ nyeṅõ dšio, meikrokomei aṅõ dšio, Ioh. 5,41. 44.

1 Timoteo 1:17

Ši nāno̱i amaṅtše̱ le̱, moni gboo, moni anaa, moni dši Nyoṅmo̱ *kome le̱, aṅõ wō ke̱ anumnyam ahãle̱ ke̱-yaši nāno̱i anāno̱ le̱! Amen. — *Rom. 16,27.

Hebribii 3:12

Nyekwe̱a ní ahĩa, anyemimei, koni nyeteṅ moko akahĩ tšui fõṅ ní hee yee ni ekpale ke̱-dše̱ Nyoṅmo̱, hĩekãlo̱ le̱, he;

Yakobo 2:1

Minyemimei, nyeke̱ meiahĩeaṅkwe̱mo̱ akahīea wo̱-Nuṅtšo̱ Iesu Kristo ni dši *anumnyam nuntšo le̱ hemo-ke-yeli le̱. *1 Kor. 2,8.

1 Petro 1:7

koni ana nyehemo̱-ke̱-yeli sale̱ le̱ ake̱ edšra wa āhũ *fè šika ní fiteo̱ ní aka ye̱ la mli le̱, ke̱-yahã yidšiemo̱ ke̱ wō ke̱ anumnyam ye̱ Iesu Kristo kpodšiemo̱ le̱ mli, *Abe̱i 17,3. Mat 3.3.

Yuda 1:25

Nyoṅmo̱ ni dši nilelo̱ kōme ke̱ wo̱yiwalaherelo̱ ye̱ Iesu Kristo, wo̱-Nuṅtšo̱ le̱, hewo̱ le̱, le̱ aṅó̱ anumnyam ke̱ agbodšē, no̱yeli ke̱ hegbe̱ fẽ ahã agbe̱ne̱ ke̱ dã! Amen. Rom. 16,27. 1 Tim. 1,17.

1 Samuel 15:30

Ke̱ke̱ ni ekē̱: Mife eša; ši kẽle̱ wo mihĩe nyam ye̱ mimaṅ onukpai le̱ ke̱ Israel hĩe, ni oke̱mi akũ se̱ ke̱-ya, ni mayadšá Iehowa, o-Nyoṅmo̱ le̱!

1 Samuel 2:30

Nohewo̱ le̱ bo̱ni Iehowa, Israel Nyoṅmo̱ le̱, kē̱ ne̱: Eye̱ṅ moṅ ake̱ *mikē̱ ake̱ owe le̱ ke̱ otše̱ we le̱ aanyie mihĩe ke̱-ya nāno̱; ši agbe̱ne̱ bo̱ni Iehowa kē̱ ne̱: Ene̱ akagbalemi fō̃ṅfõ! edšake̱ mei ní woo̱ mihĩe nyam le̱, mawo ame̱hĩe nyam; ši mei ní gbeo̱ mihe guo̱ le̱, abuname̱ ahãṅ nokonoko. *2 Mose 28,1.