Yohane 4:14 - Ṅmãle̱ Kroṅkroṅ Le̱

¹⁴ ši moni nuo̱ nu ni mi mahãle̱ le̱ eko le̱, kũmai yeṅle̱ doṅṅ ke̱-ate nāno̱; ši moṅ, nu ní mahãle̱ le̱, aatšṍ nu hĩṅme̱i nĩ baä ke̱-yaä nāno̱ wala mli ye̱ emli. 6,27. 35.

ŊMALƐ KRƆŊKRƆŊ LƐ

¹⁴ shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Yohane 4:14 ပူးပေါင်းရင်းမြစ်များ

Yesaia 49:10

Hõmo̱ yeṅame̱, ni kũmai hũ yeṅame̱, ni šia-ṅã ní no̱ edo̱ lo hũlũ esaṅ ame̱he; edšake̱ moni mũsũṅ tšõo̱le̱ ye̱ ame̱he le̱ aawaame̱, ni eetšõame̱ gbe̱ ke̱-ate nubui ahe. Kpods. 7,15.

Yesaia 55:1

Hūi! nye mei fẽ ní kũmai yeo̱nye le̱, nyebaä nu he! ni mei ní be̱ šika hũ, nyebaä nyebahea ní nyeyea! Nyebaä nyebahea wein ke̱ fufo̱, ši dšee šika alo yinii anā! Ioh. 7,37. Kpods. 22,17.

Yesaia 58:11

Ni Iehowa aawao dāne̱, ní eehã osusuma ato ye̱ hei gbīdši, ni eehã owuiaṅ awa, ni ootšṍ *tamo̱ trom ní nu hoo̱ ye̱ mli, lo tamo̱ nuhĩṅme̱i ní nu kpaa ye̱ mli. *Ier. 31,12.

Yeremia 2:13

Edšake̱ mimaṅ le̱ efe nifõdši enyo̱: ame̱šĩmi ní dši *wala nubu le̱, ni ame̱yakpe̱kpē̱ bui ní edſăra ní nyẽẽ nu ato ame̱hã amehe. *17,13. Lal. 36,10.

Yeremia 31:25

Ši *mahã susuma ní eto̱le̱ le̱ ato̱, ni susuma-fë-susuma ní eto̱ biti le̱ hũ aaye nii ato̱, *Mat. 11,28.

Ezekiel 47:9

Ni aaba mli ake̱ nofẽno ní hĩe kã ní tšio̱ ehe ye̱ hefẽhe ní ne̱ke̱ fāi ne̱ aaba le̱ yi aaná wala, ni emli lōi aafá babaō dientše̱; edšake̱ ne̱ke̱ nu ne̱ aaba dše̱i, ni aatšá nofẽno ye̱ heni ne̱ke̱ fā ne̱ aaba le̱, ni eyi aaná wala.

3 Mose 11:36

Ši kẽle̱ nubui-ahĩṅme̱ii ke̱ nubui ke̱ kpākpoi le̱, nomei ahe tše. Ši moni taä ame̱gbohĩĩ le̱ ahe le̱, ehe tšee.

Mateo 25:46

Ni mene̱mei le̱, ame̱ate nāno̱ hedšramo̱ mli; ši dšalo̱i le̱ aate nāno̱ wala mli. Ioh. 5,29.

Mateo 5:6

Adšō̱ mei ni dšale̱ he hõmo̱ ke̱ kũmai yeo̱ame̱ le̱; ši ame̱atŏ̱ro̱.

Yohane 10:10

Dšulo̱ baa yaka, ši dšū ke̱ gbē ke̱ hĩekpãtãmo̱ hewo̱ ebaä; mi le̱ miba beni afe ní ame̱ná wala ni ame̱ná ni ateke no̱. Lal. 23,1.

Yohane 11:26

ni mofẽmo ní hĩe kã ní eheo̱ mino̱ eyeo̱ le̱, egboṅ gbĩkogbĩko ke̱-ate nāno̱. Oheo̱ ene̱ oyeo̱ lo? 8,51.

Yohane 4:10

Iesu here no̱ ni ekē̱le̱ ake̱: Edši ole Nyoṅmo̱ nõkēnõ le̱ ke̱ moni kē̱o̱o ake̱: Hami eko manu le̱, kũle̱ bo moṅ oobale̱ ni eehão *wala nu. *7,38. 39.

Yohane 4:11

Yō le̱ kē̱le̱ ake̱: Nuṅtšo̱, obo̱ noni ooṅõ-ye̱, ni bu le̱ hũ mli kwo̱; nẽgbe̱ ooná wala nu le̱ ye̱ mo̱?

Yohane 4:13

Iesu here no̱ ni ekē̱le̱ ake̱: Mofẽmo ní nuo̱ nu ne̱ eko le̱, kũmai bayele̱ ekoṅ; 6,58.

Yohane 4:36

Ni moni kpaā le̱ náa enyōmo̱wo, ni ebuaä yibii anā etoo nāno̱ wala, koni moni dũo̱ le̱ ke̱ moni kpaā le̱ fẽ anyã́ šikome.

Yohane 6:27

Nyekatšua ṅmā̃ ní fite̱o̱ le̱ he nii, ši moṅ ṅmā̃ ní hĩo̱ ši *ke̱-yaä nāno̱ wala mli ní gbomobi le̱ aahãnye le̱ he nii, edšake̱ le̱ †enā Tše Nyoṅmo̱ le̱ eso̱o. *4,14. †5,36.

Yohane 6:35

Ši Iesu kē̱ame̱ ake̱: Midši wala abolo le̱; moni baä miṅõ le̱, hõmo̱ yeṅle̱ gbĩkogbĩko, ni moni heo̱ mino̱ eyeo̱ le̱, kũmai hũ yeṅle̱ gbĩkogbĩko. K. 48; 4,14; 7.37.

Yohane 6:58

Abolo ní dše̱ ṅwei ba ne̱, tamo̱o̱ mána ní nyetše̱mei le̱ ye ni ame̱gboi le̱; moni yeo̱ abolo ne̱, ehĩe aakã ke̱-ate nāno̱.

Yohane 7:37

Ši *nāgbēgbĩ ní dši gbĩĩ dšudši le̱ ateṅ gbĩ wulu le̱ no̱ le̱, Iesu yadamo̱ ši ni ebo ekē̱: Ke̱dši †kũmai miye moko le̱, hã mo le̱ aba miṅõ ni ebanu, *3 Mose 23,36. †Ioh. 4,10.

Romabii 5:21

koni bo̱ noṅṅ ni eša le̱ ye maṅtše̱ ye̱ gbĕle mli le̱, nakai noṅṅ dromo̱ le̱ atšṍ dšale̱ no̱ aye maṅtše̱ hũ ke̱-ya nāno̱ wala mli ye̱ Iesu Kristo, wo̱-Nuṅtšo̱ le̱, hewo̱. 5,23.

Romabii 6:23

Edšake̱ eša deṅ nyōmo̱wo le̱ gbĕle ni; ši Nyoṅmo̱ dromo̱-kēnõ le̱ nāno̱ walaṅ ye̱ Kristo Iesu, wo̱-Nuṅtšo̱ le̱, mli. 5,12.

2 Korintobii 1:22

le̱ noṅṅ ni eso̱o wo̱nā, ni eke̱ Mumo̱ le̱ yibāfonõ ehãwo̱ ye̱ wo̱tšuii amli hũ. 5,5. Rom. 8,16. Ef. 1,13. 14.

Efesobii 4:30

Ni *nyekafea Nyoṅmo̱ Mumo̱ kroṅkroṅ le̱ nidō̱nii, mo mli ni †aso̱onye nā ye̱ ato kpõmo̱ gbī le̱. *Ies. 63.10. †Ef. 1,13.

1 Petro 1:22

Ni ake̱ noni nyetšṍ mumo̱ le̱ no̱ nyetšū nyesusumai ahe ye̱ ano̱kwale le̱ toibō mli nyehã nyemimei ahedō̱ ní apasa be̱ mli hewo̱ le̱, nyeke̱ tšui kro̱ṅṅ asumo̱a nyehe dšogbāṅ,

1 Yohane 5:20

ši wo̱le ake̱ Nyoṅmo̱ bi le̱ éba, ni ébahãwo̱ dſēṅmo̱ koni wo̱le ano̱kwafo le̱; ni wo̱ye̱ ano̱kwafo le̱ mli, ye̱ ebi Iesu Kristo le̱ mli; mone̱ dši *ano̱kwa Nyoṅmo̱ le̱ ke̱ nāno̱ wala le̱. *Ioh. 17,3. Rom. 9,5.

Kpojiemɔ 7:16

Hõmo̱ yeṅame̱ doṅṅ, ni kũmai hũ yeṅame̱ doṅṅ, ni asaṅ hũlũ lo latšã ko esaṅ amehe doṅṅ; Ies. 49,10.

Kpojiemɔ 7:17

edšake̱ *tōbi le̱ ni yo̱ maṅtše̱sẽi le̱ teṅ le̱ aalè̱ame̱, ni †eetšõame̱ gbe̱ ke̱-ate wala nubui ahe, ni **Nyoṅmo̱ aatšumo̱ ame̱hĩeaṅ yāfónui fẽ. *5,6. †Lal. 23,2. **Kpods. 21,4. Ies. 25,8.