Yohane 19:24 - Ṅmãle̱ Kroṅkroṅ Le̱

²⁴ Nohewo̱ le̱ ame̱kē̱ ye̱ ame̱teṅ ake̱: Nyekahãa wo̱gblaã no mli, ši nyehãa wo̱fõa no̱ ošiki, ní wo̱na mo nõ ni aatšṍ. Koni ṅmãlo̱ ní kē̱ ake̱: *“Ame̱dša mitadei le̱ amli ame̱hã ame̱he, ni mihebo le̱ ame̱fõ no̱ ošiki” le̱ aba mli. Nohewo̱ asrafoi le̱ fe nakai le̱. *Lal. 22,19.

ŊMALƐ KRƆŊKRƆŊ LƐ

²⁴ No hewɔ lɛ, amɛkɛɛkɛɛ amɛhe akɛ, “Nyɛkahãa wɔgbalaa no, shi nyɛhãa wɔfɔ̃a nɔ oshiki ni wɔna mɔ nɔ ni aaatsɔ̃.” Koni ŋmalɛ ni kɛɛ akɛ, “Amɛja mitadei lɛ amli amɛhã amɛhe, ni mihebo lɛ amɛfɔ̃ nɔ oshiki lɛ aba mli. Enɛ ji nɔ ni asraafoi lɛ fee lɛ.”

Yohane 19:24 ပူးပေါင်းရင်းမြစ်များ

2 Maŋtsɛmɛi 15:12

Ene̱ dši Iehowa wiemo̱ ní *ekē̱ Iehu ake̱: Obii le̱ aatrá Israel sẽi le̱ no̱ ke̱-yaši yino̱ ní dši edſe̱ no̱. Ni eba mli nakai. *10,30.

Lalai 22:18

Manyẽ makane miwui fẽ po; ame̱ le̱ ame̱lōo̱ ame̱hīṅme̱ii ame̱kwe̱o̱mi.

2 Mose 28:32

Ni flo̱ akã yiteṅ; ake̱ bõṅ ní alò abãṅ flo̱ le̱ nā ke̱-kpe, tamo̱ dama nā flo̱, koni ekagba.

Yesaia 10:7

Ši le̱ le̱, dšee nakai esusu, ni dšee nakai edſẽṅ ye̱ etšui mli; ši noni yo̱ etsui mli dši ake̱ eekpãtã hĩe ni ebutu dšeṅmãdši ni dšee fiō ko. Zak. 1,15.

Mateo 27:35

Ni beni ame̱se̱ṅle̱ le̱, ame̱fõ ošiki ame̱ke̱-dša etadei le̱; koni gbalo̱ le̱ wiemo̱ le̱ aba mli ake̱: *“Ame̱dša mitadei le̱ eme̱hã amehe, ni mihebo le̱ ame̱fõ no̱ ošiki.” *Lal. 22,19.

Marko 15:24

Ni beni ame̱se̱ṅle̱ le̱, ame̱dša etadei le̱ amli, ni ame̱fõ no̱ ošiki, noni mo ako̱. Lal. 22,19.

Luka 23:34

Ši Iesu kē̱: *Atā, ṅõ-faame̱; ši ame̱lee noni ame̱feo̱. Ni †ame̱dša etadei le̱ amli, ni ame̱fõ no̱ ošiki. *Mat. 5,44. Ies. 53,12. †Lal. 22,19.

Yohane 10:35

Ke̱dši mei aṅõ ní Nyoṅmo̱ wiemo̱ le̱ ba le̱ tete le̱ etšé̱ame̱ nyoṅmo̱i, ni anyēṅ ṅmãle̱ le̱ mli akũ le̱, —

Yohane 13:18

Dšee nyefẽ nyehe miwieo̱; mi le̱ mile mei ni mihala; ši moṅ beni afe ni *noni aṅmã le̱ aba mli ake̱: “Moni ke̱mi yeo̱ abolo le̱, áwó enanetšitši no ẽšími.” *Lal. 41,10.

Yohane 19:28

Ni ene̱ se̱ le̱, ake̱-ní Iesu *le ake̱ ágbe nii fẽ nā momo le̱, beni afe ni †ṅmãle̱ le̱ aba mli le̱, ekē̱: Kũmai mīyemi. *13,3; 18,4. †Lal. 22,16.

Bɔfoi 13:27

Edšake̱ mei ní yo̱ Ierusalem le̱ ke̱ ame̱maṅ onukpai le̱, *ake̱-ní ame̱leele̱ hewo̱ le̱, ame̱hã gbaloi le̱ awiemo̱i ni akaneo̱ dā hedšō̱mo̱gbĩ no̱ le̱ ba mli ke̱ ame̱fo̱ ni ame̱bule̱ le̱, Ioh. 16.3.