Yohane 14:26 - Ṅmãle̱ Kroṅkroṅ Le̱

²⁶ Ši hefatalo̱ le̱, ni dši Mumo̱ kroṅkroṅ le̱, moni tše̱ le̱ batšũ ye̱ migbe̱i ano̱ le̱, le̱ eetšõnye nii fẽ, ni eekainye nii fẽ ní mikē̱nye le̱. K. 16.

ŊMALƐ KRƆŊKRƆŊ LƐ

²⁶ Shi Hefatalɔ lɛ ni ji Mumɔ Krɔŋkrɔŋ lɛ, mɔ ni Tsɛ lɛ baatsu yɛ migbɛi mli lɛ, lɛ eeetsɔ̃ɔ nyɛ nii fɛɛ, ni eeekai nyɛ nii fɛɛ ni mikɛɛ nyɛ lɛ.

Yohane 14:26 ပူးပေါင်းရင်းမြစ်များ

Lalai 51:11

Tēmo̱ ohĩe ke̱-dše̱ mihe ešai le̱ ano̱, ni ogbe minišaianii le̱ fẽ!

Yesaia 54:13

ni obii le̱ fẽ aafe *Iehowa kaselo̱i, ni mahã obii le̱ hedšo̱le̱ babaō. *Ioh. 6,45.

Yesaia 63:10

Ši ame̱ le̱, ame̱tše atũa, ni amefe Emumo̱ kroṅkroṅ le̱ nidō̱nĩi, hewo̱ le̱ etšṍ ame̱henye̱lo̱, ni le̱dientše̱ eke̱ame̱ wu.

Mateo 1:18

Ši boni Iesu Kristo fo̱mo̱ le̱ yo̱ ne̱: Enye Maria le̱, beni Iosef etšè̱ ehe bā ni ame̱náko ame̱bakpe le̱, ana ake̱ ehĩe mũsũ ke̱-dše̱ Mumo̱ kroṅkroṅ le̱ṅ. Luk. 1,35.

Mateo 1:20

Ši beni edſẽṅo̱ nii ne̱ ahe le̱, na, Nuṅtšo̱ le̱ bo̱fo dšie ehe kpo etšõle̱ ye̱ lamõ mli, ni ekē̱le̱ ake̱: Iosef, David bi, kāše oṅã Maria le̱ ṅō̃ gbeyei, ši *ho̱ ní ehĩe ne̱ edše̱ Mumo̱ kroṅkroṅ le̱ṅ; *K. 18.

Mateo 28:19

Nohewo̱ le *nyeyaä ní nyeyafea dšeṅmãdši fẽ mikaselo̱i, nyebaptisiaame̱ nyewoa Tše̱ le̱ ke̱ Bi le̱ ke̱ Mumo̱ kroṅkroṅ le̱ gbe̱i amli, *Mar. 16,15. 16.

Mateo 3:11

Mi le̱, nu mike̱-baptisio̱nye hā tšuitšakemo̱; ši moni baä ye̱ mise̱ le̱, ebe wa fèmi, etokotai tete misaa moni hĩeo̱, le̱ eke̱ Mumo̱ kroṅkroṅ ke̱ la aabaptisinye. Ioh. 1,26. 27. 33. Bo̱f. 1,5.

Marko 12:36

Edšake̱ *David dientše̱ kē̱ †ye̱ Mumo̱ kroṅkroṅ le̱ nā ake̱: “Nuṅtšo̱ le̱ kē̱ mi-Nuṅtšo̱ le̱ ake̱: Tá mininedšŭrõ no̱ ke̱-yaši beyino̱ ní maṅõ ohenye̱lo̱i mafe onanešĩšĩ mãṅō!” *Lal. 110,1. †2 Sam 23,2.

Marko 13:11

Ši ké̱ ame̱kplanye ke̱-te ame̱yahã le̱, nyekahaoa nyehe nyetoa ye̱ noni nyeawie hewo̱, ni asaṅ nyekayea he ṅko̱mo̱; ši moṅ noni ake̱-ahãnye ye̱ nakai ṅmle̱tſā le̱ no̱ le̱, no nyewiea; edšake̱ dšee nye nyewieo̱ le̱, ši moṅ Mumo̱ kroṅkroṅ le̱ ni.

Luka 1:15

Edšake̱ eetšõ agbo ye̱ Nuṅtšo̱ le̱ hĩe; ni enuṅ wein lo dā̃ ní wa ko, ni Mumo̱ kroṅkroṅ aayi emli obõ ke̱-adše̱ enye mũsũṅ bēbe. Kods. 13,4. 5.

Luka 1:35

Ni bo̱fo le̱ to he ekē̱le̱ ake̱: *Mumo̱ kroṅkroṅ aaba ono̱, ni Ṅweinyo le̱ hewale̱ aabaha ono̱, nohewo̱ le̱ nakai bi kroṅkroṅ le̱ hũ ní oofo̱ le̱, aatšé̱le̱ Nyoṅmo̱ bi. *Mat. 1,18. 20.

Luka 1:41

Ni eba mli ake̱, beni Elisabet nu Maria ṅãmo̱ le̱, abifao le̱ tũ *ye̱ emũsũṅ; ni Mumo̱ kroṅkroṅ yi Elisabet mli obõ; *K. 16.

Luka 1:67

Ni etše̱ Zakaria mli yi obõ ke̱ Mumo̱ kroṅkroṅ, ni egba ekē̱:

Luka 11:13

Bĕle̱ ke̱dši nye ní nyedši meifõdši le̱ nyele bo̱ni nyefeo̱ ní nyeke̱ nikēnĩi kpakpai keo̱ nyebii le̱, enyie noṅṅ nyetše̱ ní yo̱ ṅwei le̱ eṅõṅ Mumo̱ kroṅkroṅ ehãṅ mei ní bio̱le̱ le̱?

Luka 2:25

Ni na, nū ko ye̱ Ierusalem ní atšé̱o̱le̱ ake̱ Simeon, ni nakai nū le̱ dšalo̱ dšile̱ ni ešeo̱ Nyoṅmo̱ gbeyei, ēkwe̱ *Israel mīše̱dšemo̱ le̱ gbe̱, ni Mumo̱ kroṅkroṅ ye̱ eno. *Ies 40,1; 49,13.

Luka 24:49

Ni na, *mihã mitše̱ šiwō le̱ aba nyeno̱; nohewo̱ le̱ nyehĩa ši ye̱ Ierusalem mã le̱ṅ ke̱-yaši beyino̱ ni aadše̱ ṅwei awonye hewale̱. *Ioh. 15,26; 15,7. Bo̱f. 1,4.

Luka 3:22

ni Mumo̱ kroṅkroṅ le̱ kpleke ši ke̱ su ní tamo̱ okpo su ke̱-ba eno; ni gbē ko dše̱ ṅwei kē̱: *Bo dši misuomo̱bi le̱, bo ohe tšuidšŭrõ mináa! *9,35.

Yohane 1:33

Ni mi le̱ mileele̱, ši *moni tšũmi ake̱ mibabaptisi ye̱ nu mli le̱, le̱ noṅṅ ekē̱mi ake̱: Mo no̱ ní oona ake̱ Mumo̱ le̱ yio̱ ni ehĩo̱ eno̱ le̱, le̱ dši moni baptisio̱ ye̱ Mumo̱ kroṅkroṅ mli le̱. *Luk. 3,2.

Yohane 12:16

Ši ekaselo̱i le̱ enaa nii ne̱ ašiši mrã mli, ši beni awo Iesu hĩe nyam le̱, no dãni ame̱kai ake̱ aṅmã nii ne̱ ye ehewo̱, ni no afe ahãle̱ le̱.

Yohane 14:16

Ni mi le̱ mabi tše̱ le̱, ni eehãnye *hefatalo̱ kroko, koni eke̱nye ahĩ ši ke̱-ya nāno̱; *K. 26; 15,26; 16,7.

Yohane 14:25

Be mli ní mike̱nye yo̱ ne̱, mikē̱nye nii ne̱.

Yohane 15:26

Ši *hefatalo̱ le̱, ní †mibatšũle̱ nyeṅō ke̱-adše̱ tše̱ le̱ ṅõ le̱, moni dši ano̱kwale Mumo̱ le̱ ní dše̱o̱ tšo̱ le̱ ṅõ baä le̱, le̱, ké̱ eba le̱, eeye mihe odase; *14,26. †Luk. 24,49.

Yohane 16:7

Ši kẽle̱ mīkē̱nye ano̱kwale: ehĩ hãnye ake̱ mate; edšake̱, ke̱dši miyaa le̱, hefatalo̱ le̱ baṅ nyeṅõ; ši ke̱dši mite le̱, mabā eba nyeṅõ. 14,16. 26.

Yohane 2:22

Nohewo̱ le̱ beni ete ši ke̱-dše̱ gbohĩĩ ateṅ le̱, ekaselo̱i le̱ kai ake̱ ekē̱ ene̱, ni ame̱há ṅmãle̱ le̱ ke̱ wiemo̱ ní Iesu wie le̱ ame̱ye.

Yohane 20:22

Ni beni ekē̱ nakai le̱, emū eſie ame̱no̱, ni ekē̱ame̱ ake̱: Nyehea Mumo̱ kroṅkroṅ le̱!

Yohane 6:45

Aṅmā ye̱ *gbalo̱i le̱ amli ake̱: “Ame̱fẽ ame̱afe Nyoṅmo̱ kaselo̱i.” Mofẽmo ni enu ye̱ tše̱ le̱ nā ni ekase hũ le̱, ebaã miṅõ. *Ies. 54,13. Ier. 31,33. 34.

Yohane 7:39

Ši Mumo̱ le̱ ní mei ní heo̱ eno̱ yeo̱ le̱ baná le̱ hewo̱ ewie ne̱; ši Mumo̱ kroṅkroṅ le̱ náko aba, edšake̱ anáko awo Iesu hĩe nyam. 16,7.

Bɔfoi 1:2

ke-yaši gbĩ no̱ ní aṅõle̱ ke̱-te ṅwei, beni etšṍ Mumo̱ kroṅkroṅ le̱ no̱ ewo ebo̱foi ní ehala le̱ akitāi se̱ le̱;

Bɔfoi 1:4

Ni beni eke̱ ame̱nā kpe ši le̱, ewoame̱ akpo̱ ake̱ ame̱kadše Ierusalem, ši moṅ ame̱mẽ tše̱ le̱ šiwō le̱, ní *nyenu ye̱ mina le̱; *Ioh. 15,16. Luk. 24,49.

Bɔfoi 1:8

ši moṅ kē̱ Mumo̱ kroṅkroṅ le̱ ná ba nyeno̱ le̱, nyeaná hewale̱ ni nyeatšṍmo̱ midasefoi ye̱ Ierusalem ke̱ Iudea ke̱ Samaria fẽ, ke̱-yaši šikpoṅ le̱ nāgbēhei le̱.

Bɔfoi 11:16

Ni mikai Nuṅtšo̱ le̱ wiemo̱ le̱ ní ekē̱ ake̱: “Iohane le̱ eke̱ nu baptisi, ši nye le̱ aabaptisinye ye̱ Mumo̱ kroṅkroṅ mli le̱.” 1,5.

Bɔfoi 13:2

Ši beni ame̱dšáa Nuṅtšo̱ le̱ ní ame̱hīo̱ ṅmā̃ le̱, Mumo̱ kroṅkroṅ le̱ kē̱: Nyefãa Barnaba ke̱ Saulo nyehãami ke̱-ya nitšumo̱ ní *mitšé̱ame̱ ye̱ hewo̱ le̱. *9,15.

Bɔfoi 13:4

Agbe̱ne̱ mene̱mei le̱, noni Mumo̱ kroṅkroṅ le̱ etšũame̱ ake̱ ameya le̱, ame̱yĩṅ ame̱te Seleukia, ni ame̱bote le̱le̱ mli ye̱ dše̱i ni ame̱fã ke̱-te Kipro.

Bɔfoi 15:28

Edšake̱ esa Mumo̱ kroṅkroṅ le̱ hĩe ni esa wo̱ hũ wo̱hĩe ake̱, wo̱ke̱ dšatšu ko akafõ nyeno doṅṅ, ake̱ dša nii ní he hãaä ne̱ noṅṅ:

Bɔfoi 15:8

Ni Nyoṅmo̱ ni le tšuiiaṅnii le̱ yeame̱ odase ke̱-mīhãame̱ Mumo̱ kroṅkroṅ le̱, tamo̱ bo̱ni ehãwo̱ hũ le̱,

Bɔfoi 16:6

Ši ake̱-ní Mumo̱ kroṅkroṅ le̱ etšĩame̱ gbe̱ ake̱ ame̱kawie wiemo̱ le̱ ame̱tšõ ye̱ Asia hewo̱ le̱, ame̱fo mli ye̱ Frigia ke̱ Galatia šikpoṅ le̱ no̱; 18,23.

Bɔfoi 2:33

Agbe̱ne̱ ake̱ noni awo eno̱ ke̱-te Nyoṅmo̱ ninedšŭrõ no̱ ni ená Mumo̱ kroṅkroṅ le̱ he šiwō le̱ ke̱-dše̱ tše̱ le̱ dẽ hewo̱ le̱, efo̱se noni nyenaä ní nyenuo̱ ne̱ eſie šĩ.

Bɔfoi 2:4

ni Mumo̱ kroṅkroṅ bayimo̱ ame̱fẽ ame̱mli obõbõ, ni ame̱bõi wiemoi sro̱toi-sro̱toi awiemo̱, take̱ bo̱ni Mumo̱ le̱ ṅõ-wo ame̱nā le̱. 10,44-46.

Bɔfoi 20:28

Nohewo̱ le̱ nyelea nyehe no̱kwe̱mo̱ ke̱ tōiku le̱ fẽ ní Mumo̱ kroṅkroṅ le̱ éwonye ame̱no̱kwe̱lo̱i le̱, koni nyelè̱ Nyoṅmo̱ asafo le̱ ni eke̱ le̱dientše̱ elá hé le̱. 1 Tim. 4,16. 1 Pet. 5,2.

Bɔfoi 20:35

Mike̱ fẽ tšõnye ake̱ nakai sa ake̱ atšu nii ní ake̱-ye abua mei ní be̱ hewale̱, ni akai Nuṅtšo̱ Iesu wiemo̱i le̱, ake̱ le̱dientše̱ ekē̱: “Nõ hãmo̱ mli ye̱ dšō̱mo̱ fè hemo̱.”

Bɔfoi 28:25

Ni ake̱-ní ame̱yakpãã gbē hewo̱ le̱, ame̱yĩṅ ame̱te, beni Paulo wie wiemo̱ kome ne̱: Odšogbāṅ ní Mumo̱ kroṅkroṅ le̱ wie ye̱ gbalo̱ Iesaia le̱ nā etšõ wo̱tše̱mei le̱,

Bɔfoi 5:3

Ši Petro kē̱: Anania, mẽba *satan yi otšuiṅ obõ, ni omale otšõ Mumo̱ kroṅkroṅ le̱, ni oke̱ šikpoṅ le̱ yinii le̱ fã ko to se̱? *Ioh. 13,2.

Bɔfoi 7:51

Nye *kue̱ṅwalo̱i ke̱ †tšuiiaṅ ke̱ toiiaṅ fōlo̱i! nye le̱, dāne̱ nyekũo̱ Mumo̱ kroṅkroṅ le̱ nā; bo̱ni nyetše̱mei le̱ fe le̱, nakai nye hũ nyefeo̱. *2 Mose 32,9. †5 Mose 26,41.

Bɔfoi 7:55

Ši le̱ le̱, noni Mumo̱ kroṅkroṅ eyile̱ obõ le̱, ekwe̱ ṅwei gā̃, ni ena Nyoṅmo̱ anumnyam le̱ ke̱ Iesu ní edamo̱ Nyoṅmo̱ ninedšŭrõ no̱,

Romabii 14:17

Edšake̱ Nyoṅmo̱ maṅtše̱yeli le̱ dšee niyeli ke̱ numo̱ ni, ši moṅ dšale̱ ke̱ hedšo̱le̱ ke̱ Mumo̱ kroṅkroṅ mli mīše̱ ni; Luk. 17,20.

Romabii 15:13

Ši no̱hĩekãmo̱ Nyoṅmo̱ le̱ ke̱ mīše̱ ke̱ hedšo̱le̱ fẽ awonye obõbō̃bõ ye̱ hemo̱-ke̱-yeli mli, koni nyená hĩeno̱kãmo̱ ní ateke no̱ ye̱ Mumo̱ kroṅkroṅ hewale̱ mli.

Romabii 15:16

koni mitšṍ Iesu Kristo *súolo̱ mihã dšeṅmãdši le̱, ní †mitšu Nyoṅmo̱ sanekpakpa le̱ he oso̱fonitšumo̱ le̱, ni dšeṅmãdši le̱ atšṍmo̱ afo̱le ní sa ehĩe dšogbāṅ ní atšū he ye̱ Mumo̱ kroṅkroṅ mli. *11,13. †Fil. 2.17.

Romabii 5:5

ni *no̱hĩekãmo̱ le̱ woo mo hĩe-gbĕle; edšake̱ atšṍ Mumo̱ kroṅkroṅ ní aṅõ-hãwe̱ le̱ no̱ afo̱se Nyoṅmo̱ suomo̱ awo wo̱tšuii amli. *Heb. 6,18. 19.

1 Korintobii 12:3

Nohewo̱ le̱ mīhã nyele ake̱, moni wieo̱ ye̱ Nyoṅmo̱ Mumo̱ mli le̱, ekē̱ē̱ ake̱ Iesu dši musumo; ni moko nyẽṅ ekē̱ ake̱ Iesu dši Nuṅtšo̱ hũ, ake̱ dša ye̱ Mumo̱ kroṅkroṅ mli. Mar. 9,39. 1 Ioh. 4,2. 8.

1 Korintobii 6:19

Ani nyelee ake̱ nyegbomotšo le̱ Mumo̱ kroṅkroṅ ní yo̱ nyemli ni nyená ke̱-dše̱ Nyoṅmo̱ ṅō le̱ so̱lemo̱tšũ ni, ni nyedšee nyedientše̱ nyenõ lo? 3,16.

2 Korintobii 6:6

ye̱ *hetšemo̱ mli, ye̱ nilē mli, ye̱ dſẽṅmo̱ ní se̱ tše̱o̱ mli, ye̱ mlihĩle̱ mli, ye̱ Mumo̱ kroṅkroṅ mli, ye̱ suomo̱ ní pasaa mli, *1 Tim. 4,12.

Efesobii 1:13

le̱ noṅṅ eno̱ nye hũ nyeke̱ nyehĩe fõ, beni nyenu ano̱kwale le̱ wiemo̱ le̱ ni dši nyeyiwalaheremo̱ le̱ sanekpakpa le̱; le̱ noṅṅ emli ake̱ šiwõ le̱ Mumo̱ kroṅkroṅ le̱ *so̱o nyenã ye̱, beni nyehe nyeye le̱, *4,30.

Efesobii 1:17

koni wo̱-Nuṅtšo̱ Iesu Kristo Nyoṅmo̱ ni dši anumnyam tše̱ Ie̱ ahãnye nilẽ ke̱ kpodšiemo̱ mumo̱ ye̱ lē ni nyealele̱ dšogbãṅ le̱ mli,

Efesobii 4:30

Ni *nyekafea Nyoṅmo̱ Mumo̱ kroṅkroṅ le̱ nidō̱nii, mo mli ni †aso̱onye nā ye̱ ato kpõmo̱ gbī le̱. *Ies. 63.10. †Ef. 1,13.

1 Tesalonikabii 4:8

Hewo̱ le̱ agbe̱ne̱, moni kwáa le̱, dšee gbomo ko ekwáa, ši moṅ Nyoṅmo̱, moni ṅõ Emumo̱ kroṅkroṅ le̱ ewo nyemli le̱. Luk. 10,16.

2 Timoteo 1:14

nikpakpai ni atu awo odeṅ le̱ bu he ye̱ Mumo̱ kroṅkroṅ ni hĩo̱ wo̱mli le̱ hewale̱ nā! 1 Tim. 6,20.

Tito 3:5

no le, *dšee dšale̱ nitšumo̱i ni wo̱dientše̱ wo̱tšu nā, ši moṅ le̱dientše̱ emo̱bo̱nale̱ nā, etšõ †ehēfo̱mo̱ hedšū ke̱ Mumo̱ kroṅkroṅ ehēfemo̱ le̱ no̱ ehere wo̱yiwala, *Ef. 2,8. 9. †Ioh. 3,5. Ef. 5,26.

Hebribii 10:15

Ni Mumo̱ kroṅkroṅ le̱ hũ yeo̱wo̱ odase. Edšake̱ ekē̱ momo le̱ ake̱:

Hebribii 2:4

ni Nyoṅmo̱ dientše̱ hũ ke̱ okadii ke̱ nākpe̱nii ke̱ hewale̱nii sro̱toi ke̱ Mumo̱ kroṅkroṅ hãmo̱ le̱ miye *odase mīši no̱, ye̱ le̱dientše̱ esuomo̱ nā le̱. *Mar. 16,20. 1 Kor. 12,4. 11.

Hebribii 3:7

Hewo̱ le̱, take̱ bo̱ni Mumo̱ kroṅkroṅ le̱ kē̱ le̱, *“ṅme̱ne, ke̱dši nyenu egbē le̱, *Lal. 95,7-11.

Hebribii 9:8

Ene̱ Mumo̱ kroṅkroṅ le̱ ke̱-tšõo̱ faṅṅ, ake̱ gbĩĩ abo̱ ní kleṅkleṅ bū le̱ mã ši lolo ne̱, bĕle̱ gbe̱ ni *ake̱-yaä hekroṅkroṅ le̱ anako adšie ši atšõ, *10,19.

1 Petro 1:12

Ni adšie atšõame̱ ake̱, dšee ame̱dientše̱ ame̱hewo̱ ni, ši nye moṅ nyehewo̱ ame̱súmo̱ ye̱ ne̱ke̱ nii ne̱ ahe, nii ní agbe̱ne̱ mei ní dšadše sanekpakpa le̱ tšõnye ye̱ Mumo̱ kroṅkroṅ ní atšũ ke̱-dše̱ ṅwei le̱ mli le̱ dšadšeo̱ tšõo̱nye le̱, nii hũ ni *ṅweibo̱foi tete ſeo̱ ake̱ ame̱-ana mli le̱. *Ef. 3,10.

2 Petro 1:21

Edšake̱ gbale̱ ko bako ye̱ gbomo suomo̱ nā pẽṅ, ši moṅ Mumo̱ kroṅkroṅ le̱ tšire̱o̱ Nyoṅmo̱ gbomei kroṅkroṅi le̱ ni ame̱wieo̱. 2 Tim. 3,16. 17.

1 Yohane 2:20

Ni nye le̱, nyená mũfō̱ ke̱-dše̱ mokroṅkroṅ le deṅ, ni nyele nii fẽ. K. 27.

1 Yohane 2:27

Ni nye le̱, mũfō̱ ni nyená ye̱ eṅõ le̱ hĩo̱ nyemli, ni ehĩaanye ake̱ moko atšõnye nii, ši moũ bo̱ni emufō̱ le̱ tšõo̱nye nii fiā, ni edši ano̱kwale ni edšee amale, hewo̱ le̱ bo̱ni etšõnye le̱, nyehĩa emli. K. 20 Ioh. 16,13.

1 Yohane 5:7

Ši mei etẽ dši mei ni yeo̱ odase (ye̱ ṅwei: Tše̱ le̱, wie̱mo̱ le̱, ke̱ Mumo̱ kroṅkroṅ le̱, ni mei etẽ ne̱ ekomeṅ.

Yuda 1:20

Ši, suomo̱mei, nye le̱ *nyehāa nyenane amõa ši ye̱ nyehemo̱-ke̱-yeli ni yo̱ kroṅkroṅ fè fẽ le̱ no̱, ni nyeso̱lea ye̱ Mumo̱ kroṅkroṅ le̱ mli, *Kol. 2,7. 1 Tes 5,11.

Kpojiemɔ 2:11

Moni yo̱ toi le̱, hã ní enu noni Mumo̱ le̱ kē̱o̱ asafoi le̱. Kũnimyelo̱ le̱, afeṅle̱ noko fõṅ ko ye̱ *gbĕle ní dši enyo le̱ mli kwrā. *20,14.