Yesaia 8:13 - Ṅmãle̱ Kroṅkroṅ Le̱

¹³ Ši moṅ, Iehowa Zebaot le̱, le̱ moṅ *nyefeale̱ kroṅkroṅ, ni †le̱ efe nyegbe-yeišemo̱ ke̱ nyetšuifā̃! *29,23. †Mat. 10,28. 1 Pet. 3,16.

ŊMALƐ KRƆŊKRƆŊ LƐ

¹³ Shi moŋ nyɛbua Yehowa, Taiatsɛ lɛ, akɛ Mɔ Krɔŋkrɔŋ, ni lɛ moŋ gbeyei nyɛshea, ni lɛ ehe ŋmiŋmi amɔa nyɛ,

Yesaia 8:13 ပူးပေါင်းရင်းမြစ်များ

1 Mose 31:53

Abraham Nyoṅmo̱ le̱ ke̱ Nahor Nyoṅmo̱ le̱ ke̱ ame̱tše̱ Nyoṅmo̱ le̱ afe *ko-dšolo̱ ye̱ wo̱teṅ. Ni Iakob kã etše̱ Isak †gbeyeišeme̱ le̱ kitã. *16,6. †31,42.

Lalai 76:7

Bo, Iakob Nyoṅmo̱, oyiṅā̃ nā le̱ wo̱ ní tšī enyõ ta-ſīli ke̱ okpo̱ṅo̱ le̱ fẽ no̱.

2 Mose 20:20

Ni Mose kē̱ maṅ le̱ ake̱: Nyekašea gbeyei; edšake̱ ka Nyoṅmo̱ banye kā, koni ehe gbeyei ahĩ nyehĩe, ní nyekafe eša.

Yesaia 29:23

Ši ké̱ le̱ ke̱ ebii le̱ na mininenā nitšumo̱i le̱ ye̱ ame̱teṅ le̱, ame̱ahã migbei le̱ afe kroṅkroṅ, ni ame̱ahã Iakob Mokroṅkroṅ le̱ afe kroṅkroṅ, ni ame̱aše Israel Nyoṅmo̱ le̱ gbeyei.

Yesaia 5:16

ni aawó Iehowa Zebaot no̱ ye̱ kodšomo̱ mli, ni Mawu Mokroṅkroṅ le̱ aafele̱ kroṅkroṅ ye̱ dšale̱ mli.

Ezekiel 38:16

Ni oofă ke̱-aba mimaṅ Israel no̱, tamo̱ atatu ní baha šikpoṅ le̱ no̱. Nāgbē gbĩĩ le̱ amli le̱ eeba mli ake̱ mahã obatua mišikpoṅ le̱, koni dšeṅmãdši le̱ aná alemi, beni aafemi kroṅkroṅ ye̱ omli ye̱ ame̱hĩe le̱, ō Gog!

3 Mose 10:3

Ni Mose kē̱ Aaron ake̱: Ene̱ dši noni Iehowa wie ekē̱: Mei ni *be̱ṅke̱o̱mi le̱ amli aafe mihe kroṅkroṅ ye̱, ni maṅ mū le̱ fẽ hĩe aawo mihĩe nyam ye̱. Ni Aaron bu enā. *1 Pet. 4,17.

3 Mose 22:32

Ni nyekabulea migbe̱i kroṅkroṅ le̱, ni afe mihe kroṅkroṅ ye̱ Israelbii le̱ ateṅ; midši Iehowa, moni feo̱nye kroṅkroṅ le̱, K. 9. 16.

Maleaki 2:5

Mikpãṅmo̱ le̱ dši wala ke̱ hedšo̱le̱ hãle̱, ni miṅõ-hãle̱, beni afe ni eše gbeyei, ni ešemi gbeyei ni ehe kpokpo ye̱ migbe̱i le̱ hewo̱.

4 Mose 27:14

edšake̱ nyekũ migbẽi ano̱ ye̱ Zin ṅã le̱ no̱, ye̱ asafo le̱ béi le̱ mli, beni kũle̱ sa ake̱ nyefemi kroṅkroṅ ye̱ nu le̱ hewo̱ ye̱ ame̱hĩe le̱. No dši Meriba nu le̱ ye̱ Kadeš ye̱ Zin ṅã le̱ no̱. 20,12. 13.

Mateo 10:28

Ni nyekašea mei ni gbeo̱ gbomotšo le̱ ní ame̱nyẽẽ susuma le̱ amegbe le̱ agbeyei; ši moṅ nyešea *moni nyẽo̱ susuma ke̱ gbomotšo fẽ hĩe ekpãtãa ye̱ gehena mli le̱ gbeyei. *Iak. 4,12.

Luka 12:5

Ši matšõnye mo gbeyei ní nyeše: nyešea moni ké̱ egbe se̱ ní eyo̱ hegbe̱ ake̱ eešé̱ efõ gehena mli le̱. Hē̃, mīkē̱nye ake, le̱ gbeyei nyešea!

Romabii 4:20

ni eyiṅ efeele̱ ko̱šiko̱ši ye̱ Nyoṅmo̱ šiwō le̱ he tamo̱ ake̱ ehee eyee, ši moṅ ená hewale̱ ye̱ hemo̱-ke̱-yeli mli, ni ewo Nyoṅmo̱ hĩe nyam, Heb. 11,7. 11.

5 Mose 14:23

ni oye ye̱ Iehowa, o-Nyoṅmo̱ le̱, hĩe ye̱ heni ehala, koni ehã egbe̱i le̱ ahĩ dše̱i le̱, oble ke̱ owein ke̱ omū le̱ amlidšāi nyoṅma mli ekomekome ke̱ otšinai ke̱ otōi akromo̱bii le̱ fẽ, koni okase Iehowa, o-Nyoṅmo̱ le̱, gbeyeišemo̱ owala gbĩĩ abo fẽ. 12,18.

Kpojiemɔ 15:4

Namo po šeṅo gbeyei, Nuṅtšo̱, ni ewoṅ ogbe̱i le̱ hĩe nyam? Edšake̱ bo okometō dši mokroṅkroṅ; edšake̱ dšeṅmãdši le̱ fẽ *aaba ni ame̱badšá ye̱ ohĩe, edšake adšie odšalenii le ašĩ faṅṅ. *Lal. 86,9.

1 Samuel 11:7

Ni emõmo̱ tšinai enyo̱ eflo ame̱mli kukudši, ni eṅõ-hã bo̱foi le̱ ni ame̱ke̱-yakpa Israel mãdši le̱ fẽ no̱ ni ame̱kē̱: Mofẽmo ni baa ebanyiee Saul ke̱ Samuel se̱ le̱, bo̱ni abafe etšinai ne̱! Ke̱ke̱ ni Iehowa he ṅmiṅmi mõ maṅ le̱, ni ame̱dše kpo ke̱-ba tamo̱ nū kome. Kodš. 19,29.