Yesaia 7:4 - Ṅmãle̱ Kroṅkroṅ Le̱

⁴ ni okē̱le̱ ake̱: Kwe̱ ohe ní ahĩ ní *ofe diō; kāše gbeyei ni otšui akafã ye̱ ne̱ke̱ latšei kukudši enyo̱ ni dšeo̱ lasũ ne̱ ahewo̱, ye̱ Rezin ke̱ Aram ke̱ Remalia bi le̱ mlila le̱ hewo̱! *30,15.

ŊMALƐ KRƆŊKRƆŊ LƐ

⁴ Kɛɛmɔ lɛ akɛ, ‘Kwɛ ohe ni ahi, ni ofee dioo; kaashe gbeyei, ni otsui hu akafã yɛ grimɔ waa ni Maŋtsɛ Rezin kɛ Siriabii kɛ Remalia bi Maŋtsɛ Peka egri lɛ hewɔ, ejaakɛ amɛtamɔ tsei kukuji ni miije lasu kɛkɛ.

Yesaia 7:4 ပူးပေါင်းရင်းမြစ်များ

2 Maŋtsɛmɛi 15:27

Iuda maṅtše̱ Azaria yino̱ afi ni dši nyoṅmai-enumo̱ ke̱ enyo̱ le̱ no̱ Peka, Remalia bi le̱, bõi Israel no̱ maṅtše̱yeli, ni eye maṅtše̱ afii nyoṅmai-enyo̱ ye̱ Samaria.

2 Kronika 20:17

Dšee nye nyebawu ta ne̱; nyetoa ni nyedamo̱a ši diṅṅ ni nyekwe̱a nyeyiwala ni Iehowa bahere, Iuda ke̱ Ierusalem! Nyekašea gbeyei ni nyetšui akafãa! Wó̱ le̱ nyefãa ni nyeke̱ame̱ ayakpea, edšake̱ Iehowa ke̱nye ye̱!

Yesaia 10:24

Nohewo le̱ bo̱ni Nuṅtšo̱, Iehowa Zebaot, kē̱ ne̱: Mimaṅ ní hĩo̱ Zion, kāše Ašur gbeyei! eke̱ tšo aayio, ní eewó edẽhĩemo̱tšo le̱ no̱ ye̱ ono̱, tamo̱ bo̱ni Mizraim fe le̱;

Yesaia 30:15

Ši bo̱ni Nuṅtšo̱ Iehowa, Israel Mokroṅkroṅ le̱, kē̱ ne̱: Se̱kũ ke̱ bā ke̱ *diṅṅ-femo̱ mli nyeyi aaná wala ye̱, kpōfemo̱ ke̱ hĩeno̱kãmo̱ mli nyeaná hewale̱ ye̱! ši nyekplẽẽ; *Lal. 37,7; 62,2. 1 Mose 14,14.

Yesaia 30:7

Ši Mizraim yeli-ke̱-buamo̱ le̱ yakatſā ni, ni enyẽẽ nokonoko efe: nohewo̱ mitšé̱le̱ ake̱: *Nāfūtše̱ ní táa ši dĩṅṅ le̱! *Lal. 87,4; 89,11.

Yesaia 35:4

Mei ní tšui fãa le̱, nyekē̱ame̱ ake̱: Nyewadšea nyehe, nyekašea gbeyei! Na, nye Nyoṅmo̱ le̱ miba ke̱ oweletō̱ ke̱ Nyoṅmo̱ nãdšiaṅtō, ni eehere nyeyiwala hũ. Lal. 94,1.

Yesaia 37:6

Ni Iesaia kē̱ame̱ ake̱: Nyeyakē̱a nye-nuṅtšo̱ ake̱: Bo̱ni Iehowa kē̱ ne̱: Kāše gbeyei ye̱ wiemo̱i ní onu ní Ašur maṅtše̱ le̱ tšũdši le̱ ke̱-babo̱ musu ame̱šimi le̱ hewo̱.

Yesaia 41:14

Kāšegbeyei, bo gõgõmi Iakob, nye Israelbii ni nyeyi fáá! *maye mabuao, Iehowa kē̱, ni okpõlo̱ dši Israel Mokroṅkroṅ le̱. *43,3.

Yesaia 7:1

Ni eba mli ye̱ Iuda maṅtše̱ Ahaz ni dši Uzia bi Iotam bi le̱ yino̱, ake̱ *Aram maṅtše̱ Rezin ke̱ Israel maṅtše̱ Peka ní dši Remalia bi le̱ fã ke̱-ba Ierusalem ni ame̱ke̱le̱ abawu, ši ame̱nyẽẽle̱. *2 Maṅ. 15,37; 16,5.

Yesaia 7:8

Edšake̱ Aram yitšo dši Damasko, ni Damasko yitšo dši Rezin; ni bie̱ afii nyoṅmai-ekpa ke̱ enumo̱ le̱ aabutu Efraim ni efeṅ maṅ doṅṅ!

Yesaia 7:9

Ni Efraim yitšo dši Samaria, ni Samaria yitšo dši Remalia bi le̱. *Ké̱ nyehea nyeyee le̱, nyedamo̱ṅ ši! *2 Kron. 20,20.

Yesaia 8:4

Ši dãni gbekẽnū le̱ *aale atā lo awó tšé̱mo̱ le̱, aalō Damasko nii le̱ ke̱ Samaria nomṅõnii le̱ ke̱-anyie Ašur maṅtše̱ le̱ hĩe ke̱-ate. *7,13. 2 Maṅ. 16,9; 15,29.

Yesaia 8:6

Ake̱ nõ kẽ ní maṅ ne̱ ekwa Šiloa nui ní hoo̱ *ble̱ō le̱, ni emli flio̱le̱ ye̱ Rezin ke̱ Remalia bi le̱ hewo̱ ne̱: *30,15.

Yāfó 3:26

Ehĩ ake̱ afe diõ amẽ Iehowa yiwalaheremo̱. Rom. 12,12.

Amos 4:11

Asaṅ mibutunye, tamo̱ bo̱ni *Nyoṅmo̱ butu Sodom ke̱ Gomora le̱; ni nyetamo̱ †latšo ní afã ye̱ la nā; ni kẽle̱ nyekpaleko ke̱-bako miṅõ! Iehowa kē̱. *1 Mose 19,24. 25. †Zak. 3,2.

Habakuk 2:3

Si ninā le̱ ye̱ hã he ní ato le̱ kẽ, ni eeye oyái ni eše̱ nāgbē, ni emaleṅ; ké̱ ešašao ši hũ dšiṅṅ, mēle̱ kẽ; edšake̱ ebaba le̱le̱ṅ, *ekpeṅ se̱! *2 Pet. 3,9.

Zakaria 3:2

Ke̱ke̱ ni Iehowa kē̱ satan ake̱; *Iehowa akã́o, satan! hē̃, Iehowa moni hala Ierusalem le̱ akão! Ani dšee latšo ní afã ye̱ la nā dši mone̱? *Iuda 9.

Mateo 10:28

Ni nyekašea mei ni gbeo̱ gbomotšo le̱ ní ame̱nyẽẽ susuma le̱ amegbe le̱ agbeyei; ši moṅ nyešea *moni nyẽo̱ susuma ke̱ gbomotšo fẽ hĩe ekpãtãa ye̱ gehena mli le̱ gbeyei. *Iak. 4,12.

Mateo 24:6

Ši nyeanu tai ke̱ tai atãtšĩĩ ahe; nyekahãa no mīfãa nyetšui; ši dša nii ne̱ fẽ eba mlĩ dã, ši kẽle̱ nāgbē le̱ še̱ko.

5 Mose 20:3

ni ekē̱ame̱ ake̱: Bo toi, Israel! Nyenina ta ṅme̱ne̱, ni nyeke̱ nyehenye̱loi le̱ bawu; nyetšui akafãa, nyekašea gbeyei, ni nyehe akakpokpoa ni nyekahãa ṅmiṅmi mīmõanye ye̱ ame̱hĩe;

1 Samuel 17:32

Ni David kē̱ Saul ake̱: Mokomoko tšuĩ akafã ye̱ ehewo̱: otšũlo̱ aate eke̱ ne̱ke̱ Filistinyo ne̱ ayawu.