Yesaia 66:20 - Ṅmãle̱ Kroṅkroṅ Le̱

²⁰ Ni ame̱ke̱ nyenyemimei le̱ fẽ ni dše̱ dšeṅmãdši le̱ amli le̱ aaba abake Iehowa, ye̱ okpo̱ṅo̱i ano̱ ke̱ ſīlii amli ke̱ akpãkãii amli ke̱ tedšiokpo̱ṅo̱i ke̱ yomai ano̱, ye̱ Ierusalem, migoṅ kroṅkroṅ le̱ no̱, Iehowa kē̱, take̱ bo̱ni Israelbii le̱ hĩeo̱ ame̱nikēnii ye̱ nibii ní mli tše mli, ke̱-baä Iehowa we le̱, 60,3-7.

ŊMALƐ KRƆŊKRƆŊ LƐ

²⁰ Ni amɛ kɛ nyɛnyɛmimɛi lɛ fɛɛ ni jɛ jeŋmaji lɛ amli lɛ aaaba akɛ nikee abahã Yehowa. Amɛaatara okpɔŋɔi anɔ kɛ shwiilii kɛ akpakãii amli kɛ teji kɛ yoomai anɔ kɛba Yerusalɛm, migɔŋ krɔŋkrɔŋ lɛ nɔ, taakɛ bɔ ni Israelbii hiɛɔ amɛnikeenii yɛ nibii ni mli tse amli kɛbaa Yehowa we lɛ,” Yehowa kɛɛ.

Yesaia 66:20 ပူးပေါင်းရင်းမြစ်များ

Yesaia 11:9

Ame̱feṅ efõṅ ni ame̱fiteṅ nii ye̱ migoṅ kroṅkroṅ le̱ no̱ fẽ; edšake̱ *šikpoṅ le̱ no̱ aayi obõ ke̱ Iehowa he nilē le̱, tamo̱ bo̱ni nu ha ṅšo šiši le̱. *Hab. 2,14.

Yesaia 2:2

Ni aaba mli ake nāgbē gbĩĩ le̱ amli le̱, Iehowa we le̱ goṅ le̱ aamã ši ye̱ gõdši le̱ ayiteaṅ, ni aawo eno̱ fè goṅkpo̱i le̱; ni dšeṅmãdši fè aaho ke̱-aba he; Ier. 3,17.

Yesaia 2:3

ni mãdšimãdši pī aate ayakē̱ ake: Nyebaä ní wo̱yakwo̱a Iehowa goṅ le̱, ke̱-yaä Iakob Nyoṅmo̱ le̱ we le̱, koni etšõwo̱ egbè̱i le̱, ni wo̱nyie etempõṅi le̱ ano̱! Edšake̱ mla le̱, Zion ebadše̱, ni Iehowa wiemo le̱, Ierusalem ebadše̱. Ioh 4,22.

Yesaia 43:6

makē̱ kōyigbe̱ ake̱: Dšiemō̱ ohã! ke̱ wuoyigbe̱ hũ ake̱: Kātšī nä! Ṅõ mibihĩĩ le̱ ke̱-dše̱ šoṅṅ ke̱-ba, ke̱ mibiyei le̱ hũ ke̱-dše̱ šikpoṅ le̱ nãgbēhe le̱;

Yesaia 52:11

Nyetšia nyehe, nyetšia nyehe! nyedšea kpo ke̱-dše̱a dše̱i! Nyekataä noko ní he tšee he! Nyedšea kpo ke̱-dše̱a emli! Nye mei ní nyetĕreo̱ Iehowa nibii le̱, nyetšūa nyehe! 48,20. 2 Kor. 6,17.

Yesaia 54:3

Edšake̱ oolē̱ omli ke̱-ate ninedšŭrõ ke̱ abe̱ku, ni oseši le̱ aaye dšeṅmãdši le̱ ano̱, ni ame̱ahe ši ye̱ amaṅfõi le̱ amli.

Yesaia 56:5

mahãame̱ kaimo̱nõ ke̱ gbe̱i ní hĩ fè bihĩĩ ke̱ biyei ye̱ miwe le̱ ke̱ migbo-gboi le̱ amli; mahãame̱ nāno̱ gbe̱i ní fiteṅ!

Yesaia 56:7

ame̱ hũ mike̱ame̱ aaba migoṅ kroṅkroṅ le̱ no̱, ni mahã amenyã́ ye̱ miso̱lemo̱we le̱: ame̱šã-afo̱lei ke̱ ame̱gbē-afo̱lei le̱ aasa mihĩe ye̱ mifo̱lešālate̱ le̱ no̱; edšake̱ *miwe le̱, aatšé̱le̱ so̱lemo̱ we ahã mãdšimãdši fẽ. *Mar. 11,17.

Yesaia 65:11

Ši nye mei ní nyekwa Iehowa, ni nyehĩe ekpa egoṅ kroṅkroṅ le̱ no̱, ni nyeṅmẽo̱ okplõ nyehãa šadewo̱ṅ, ní nye fo̱seo̱ wein ní afutu mli nyeſieo̱ ši nyehãa šē̱-mli-wo̱ṅ le̱: —

Yesaia 65:25

*Klaṅ ke̱ tōgwanteṅbi aaye nii ye̱ hekome, ni dšata aaye dſe̱i tamo̱ tšina; ni onũfũ le̱, sũ aafe eniyenii: ayeṅ awui ni akpãtãṅ hĩe doṅṅ ye̱ migoṅ kroṅkroṅ le̱ no̱ fẽ, Iehowa kē̱. *11,6-9.

Daniel 11:45

Ni eeši emō̃ le̱ṅ bui le̱ ye̱ ṅšo̱i le̱ ke̱ gõṅ kroṅkroṅ ní yo̱ fe̱o te teṅ; ni eeše̱ enãgbē, ni moko be̱ ní aaye abuale̱.

Zefania 3:10

*Kuš fāi le̱ ase̱ tō̃ midšálo̱i le̱ ni dši mimei ni egbe̱ eſã le̱ asafo le̱ ke̱ ni-kēnii aadše̱ abahãmi. *Lal. 68,82. Bo̱f. 8,27.

4 Mose 7:3

Ni ame̱ke̱ ame̱nikēnii le̱ ba Iehowa hĩe, ni nii ní ame̱ke̱-ba le̱ ne̱: ſīlii ní aha yiteṅ ekpa ke̱ tšinai nyoṅma ke̱ enyo̱; ſīlii le̱, onukpai enyo̱ nõ ekome, ni tšinai le̱, mokome nõ ekome; ni ame̱ke̱-ba šihĩle̱he le̱ hĩe.

4 Mose 7:62

ke̱ šika awale kome ní nä šio̱ šekeli nyoṅma ní ake̱ emli tšofã-ke̱-ṅma ní ašãa obõ,

Romabii 15:16

koni mitšṍ Iesu Kristo *súolo̱ mihã dšeṅmãdši le̱, ní †mitšu Nyoṅmo̱ sanekpakpa le̱ he oso̱fonitšumo̱ le̱, ni dšeṅmãdši le̱ atšṍmo̱ afo̱le ní sa ehĩe dšogbāṅ ní atšū he ye̱ Mumo̱ kroṅkroṅ mli. *11,13. †Fil. 2.17.

Filipibii 2:17

Ši ke̱dši *afo̱se milá aſie nyehemo̱-ke̱-yeli afo̱le ke̱ dšámo̱ le̱ no̱ tete le̱, miye̱ he tšuidšũrõ ni mike̱nye fẽ aaná tšuidšũrõ; *2 Tim 4,6.

1 Petro 2:5

ni nye hũ, nyehãa aṅõanye tamo̱ te̱i ni hĩe kãmo̱ ake̱-tſaä mumo̱ṅ *tšũ ni afenye †oso̱foiaweku kroṅkroṅ, koni aṅõ-šã **mumo̱ṅ afo̱lei ní sa Nyoṅmo̱ hĩe ye̱ Iesu Kristo hewo̱.