Yesaia 66:1 - Ṅmãle̱ Kroṅkroṅ Le̱

¹ Bo̱ni Iehowa kē̱ ne̱: *Ṅwei le̱, misẽi ni, ni šikpoṅ le̱, minaneši māṅō ni: mẽ tšũ nyeamã nyehãmi mo̱, lo nẽgbe̱ dši mihedšō̱mo̱he? *1 Maṅ. 8,27. Bo̱f. 7,49; 17,24.

ŊMALƐ KRƆŊKRƆŊ LƐ

¹ Bɔ ni Yehowa kɛɛ nɛ, “Ŋwɛi lɛ, mimaŋtsɛ sɛi ni; ni shikpɔŋ lɛ, minaneshi maaŋoo ni; belɛ mɛɛ tsu nyɛaama nyɛha mi mɔ, ni nɛgbɛ aaafee mihejɔɔmɔ he?

Yesaia 66:1 ပူးပေါင်းရင်းမြစ်များ

1 Maŋtsɛmɛi 8:27

Ši aso Nyoṅmo̱ aabahī šikpoṅ ne̱ no̱ le̱le̱ṅ? Na, *ṅwei ke̱ ṅweii amli ṅwei le̱ nyẽẽo ato, āhũ ní mbasroo tšũ ne̱ ní mimã ne̱! *Ies. 56,1. Bo̱f. 7,49; 17,25.

1 Kronika 28:2

Ke̱ke̱ ni maṅtše̱ David te ši damo̱ enãdši ano̱ ni ekē̱: Nyeboami toi, minyemimei ke̱ mimaṅ! *Kũle̱ eye̱ mitšui mli ake̱ mamã hedšō̱mo̱ šĩa ko mahã Iehowa kpãṅmo̱ adeka le̱, koni efe wo̱-Nyoṅmo̱ le̱ naneši māṅō; ni misā mihe mito ni mamã. *22,7-10.

2 Kronika 2:5

[6.] Ši namo po aanyẽ amã šĩa ahãle̱? Edšake̱ *ṅwei ke̱ ṅweii amli ṅwei nyẽẽle̱ ato! bĕle̱ namo dšimi ni mamã sĩa mahãle̱, ake̱ dša tšofã-ke̱-ṅma ni aašã ye̱ ehĩe le̱ ke̱ke̱ hewoṅ? *6,18. 1 Maṅ. 8,37.

2 Kronika 6:18

Ši aso Nyoṅmo̱ ke̱ gbomei aabahī ši ye̱ šikpoṅ ne̱ no̱ le̱le̱ṅ? Na, ṅwei ke̱ ṅweii amli ṅwei nyẽẽo ato, āhũ ní mbasroo šĩa ne̱ ni mimã ne̱! 2,5.

Lalai 11:4

*Iehowa ye̱ eso̱lemo̱we kroṅkroṅ le̱, Iehowa le̱, ṅwei †esẽi le̱ yo̱; ehĩṅme̱ii mīkwe̱, ehĩṅme̱iiase̱ mīka gbomei abii! *Hab. 2,20. †Ies. 66,1. Lal. 83,13. 14.

Lalai 132:7

Nyehãa wo̱yaä ešihĩle̱hei le̱, wo̱yakotoa ši ye̱ enaneši māṅō le̱ hĩe!

Lalai 99:9

Nyekafoa Iehowa, wo̱-Nyoṅmo̱ le̱, ni nyedšáa ye̱ egoṅ kroṅkroṅ le̱ he; edšake̱ kroṅkroṅ dši Iehowa, wo̱-Nyoṅmo̱ le̱!

Yesaia 57:15

Ši *bo̱ni moni kwo̱ ní awó eno̱, ní eyo̱ dā, ní gbe̱i dši Mokroṅkroṅ le̱ kē̱ ne̱: Ṅwei šoṅṅ ke̱ hekroṅkroṅ le̱ mihĩo̱; asaṅ †mike̱ moni tſiaä ši ke̱ do̱le̱ ni ebaä ehe ši ye̱ emumo̱ mli le̱ hĩo̱ ši, koni mahã hešibalo̱i amumo̱ aná wala hẽ, ní mei ní tſiaã ši ke̱ do̱le̱ le̱ atšui aná wala hẽ! *Lal. 113,5-9. †Ies. 66,1. 2. Lal. 51,19.

Yesaia 60:13

Lebanon anumnyam le̱ aaba oṅõ; se̱se̱o ke̱ odum ke̱ tšei ní nyẽo̱ dšale̱ le̱ fẽ, koni awula mihekroṅkroṅ le̱, ni mawo minãdšianāmo̱he le̱ hĩe nyam.

Yeremia 23:24

Ani moko aanyẽ atē ehe ye̱ tēmo̱hei komei, ní minaṅle̱ lo? Iehowa kē̱. Ani miyii ṅwei ke̱ ši-kpoṅ fẽ obõ lo? Iehowa kē̱.

Maleaki 1:11

Edšake̱ ka-dše̱ hũlũ šitē mli ke̱-yaši ešinyō mli le̱ migbe̱i le̱ da ye̱ dšeṅmãdši le̱ ateṅ, ni ašãa tšofã-he̱-ṅma ahãa migbe̱i le̱ ye̱ hefẽhe, ni ake̱ nikēnii ní he tše hũ baä; edšake̱ migbe̱i le̱ da ye̱ dšeṅmãdši le̱ ateṅ, Iehowa Zebaot kē̱. Ies. 60,1-7.

Mateo 12:6

Ši mīkē̱nye ake̱, moni fè so̱lemo̱we le̱ ye̱ bie̱.

Mateo 24:2

Ši Iesu kē̱ame̱ ake̱: Nto nyemīna nii ne̱ fẽ? Le̱le̱ṅ, mīkē̱nye ake̱: Ašĩṅ te̱ kome ye̱ eko no̱ ye̱ bie̱ ní akpaṅ aluṅ ši. Luk. 19,44.

Bɔfoi 17:24

Nyoṅmo̱ ní fe dše le̱ ke̱ emli nibii fẽ, nī dši ṅwei ke̱ šikpoṅ nuṅtšo̱ le̱, ehĩĩ so̱lemo̱tšũi ní ake̱ nidsi fe mli, 7,48.