Yesaia 52:12 - Ṅmãle̱ Kroṅkroṅ Le̱

¹² Ši dšee *hedšodšōmo̱ nā nyeadše kpo ye̱, ni asaṅ dšee foidšē no̱ hũ nye-anyie ke̱-ate; edšake̱ Iehowa aanyie nyehĩe, ni Israel Nyoṅmo̱ le̱ aanyie nyese̱! *2 Mose 12,11.

ŊMALƐ KRƆŊKRƆŊ LƐ

¹² Shi moŋ nyɛshĩŋ nyɛyaŋ yɛ hejojomɔ naa; ni asaŋ jeee yɛ foijee naa hu; ejaakɛ Yehowa baanyiɛ nyɛhiɛ ni Israel Nyɔŋmɔ lɛ baanyiɛ nyɛsɛɛ.

Yesaia 52:12 ပူးပေါင်းရင်းမြစ်များ

1 Kronika 14:15

Ni aba mli ake̱, ké̱ onu nyiemo̱ gbē̱mo̱ ye̱ Bakatšei le̱ ano̱ le̱, ke̱ke̱ ni ofã ni oyawu; edšake̱ Nyoṅmo̱ edše kpo ke-nyie ohĩe ni eyatſia Filistibii ata le̱ nii.

2 Mose 12:11

Ni bo̱ni nyetšṍ nyeyele̱ ne̱: nyefimo̱a nyemliteaṅ, ni nyewoa nyetokotai ye̱ nyenãdši, ni nyedẽhĩemotšei ahĩa nyedẽ, ni nyeayele̱ *paopao; ši Iehowa Hehō ni. *Ies. 52,12.

2 Mose 12:33

Ni Mizraimbii le̱ *tšire̱ maṅ le̱ yi se̱, koni ame̱he afe oyã́ ní ame̱dše šikpoṅ le̱ no̱; edšake̱ ame̱kē̱: Wo̱fẽ wo̱mīgboi! *6,1.

2 Mose 12:39

Ni ame̱ṅõ mã le̱ ní ame̱ke̱-dše̱ Mizraim le̱ ame̱šã akpĩtĩ kakai; edšake̱ ešako, edšake̱ Mizraimbii le̱ ſieame̱ ni ame̱woo mẽ, ni ame̱sāko niyenii ame̱toko gbe̱nyiemo̱ le̱ hũ.

2 Mose 14:8

Ni Iehowa wadše Mizraim maṅtše̱ Farao tšui ni etiu Israelbii le̱. Ši Israelbii le̱ dše kpo *ke̱ nine ní tšī. *13,9.

Yesaia 26:7

Dšalo̱ gbe̱ le̱ dša tromō̃; bo odšadšeo̱ dšalo̱ tempõṅ le̱ pe̱pē̱pe̱.

Yesaia 28:16

Nohewo̱ le̱ bo̱ni Nuṅtšo̱ Iehowa kē̱ ne̱: Na, *mike̱ šišitō-te̱ ko emã ši ye̱ Zion, te̱ ni aka akwe̱, koṅte̱ ní dšra wa ní mã ši šiṅṅ. Moni heo̱ yeo̱ le̱ edšoo foi. *Lal. 119,22. Rom. 9,33; 10,11. 1 Pet. 2,6.

Yesaia 42:16

Ni mike̱ ſilafoi aatšṍ gbe̱ ko ní ame̱lee no̱, ni mahã ame̱nyie tempõṅ ko ní ame̱lee no̱; maṅõ duṅ mafe la ye̱ ame̱hĩe, ni heni yo̱ dokoidokoi le̱ mahã afe tre̱nē̱. Nii ne̱ mafe mahãame̱ ni miṅmē̃ṅ he. 35,5. 8.

Yesaia 45:2

Mi noṅṅ manyie ohĩe, ni mahã hei ni yo̱ dokoidokoi le̱ afe tre̱nē̱, ni madſāra akō̱ble šĩnāi le̱, ni maflo̱ ame̱se̱ adabãṅi le̱ amli,

Yesaia 49:10

Hõmo̱ yeṅame̱, ni kũmai hũ yeṅame̱, ni šia-ṅã ní no̱ edo̱ lo hũlũ esaṅ ame̱he; edšake̱ moni mũsũṅ tšõo̱le̱ ye̱ ame̱he le̱ aawaame̱, ni eetšõame̱ gbe̱ ke̱-ate nubui ahe. Kpods. 7,15.

Yesaia 49:11

Ni mafe migõdši le̱ fẽ gbe̱, ni aahole migbe̱dšegbe̱i ano̱.

Yesaia 51:14

Aafẽne gbokle̱fonyo le̱ oyá, ni egboṅ ni eete bu le̱ mli, ni ebolo hũ ebo̱ṅle̱.

Yesaia 57:18

Mina egbè̱i le̱ ni matšále̱, ni mawale̱, ni maše̱dše le̱ ke̱ eko̱mo̱yelo̱i le̱ amĩ ekoṅ.

Yesaia 58:8

No le̱ *ola le̱ aadšidše take̱ dšetše̱remo̱, ni otšámo̱ le̱ hũ aafe oyá, ni odšale̱ le̱ aanyie ohĩe, Iehowa anumnyam le̱ aanyie ose̱. *K. 10. Lal. 37,6.

Mika 2:13

Dſãralo̱ aafã ke̱-atšṍ ame̱hĩe; ame̱adſāra ni ame̱atšṍ agbó le̱ mli, ni ame̱sā ame̱adše kpo ekoṅ, ni ame̱maṅtše̱ ie̱ aatšṍ ame̱hĩe, ni *Iehowa aafe ame̱safokaṅ. *Ies. 52,12.

4 Mose 10:25

Ke̱ke̱ ni Dan bii ansra le̱ aflaṅā le̱ ní nyieo̱ nsrai le̱ ſẽ se̱ le̱ fã ye̱ ame̱safoi le̱ anā; ni moni tĕre eta le̱ dši Ahiezer, Amišadai bi le̱.

5 Mose 16:3

Oke̱ mãšanii akaye; gbĩĩ kpawo oye akpĩtĩ ní dši amanehũlũ abolo le̱, edšake̱ hedšodšōmo̱ nā odše kpo ke̱-dše̱ Mizraim šikpoṅ le̱ no̱, koni oṅo-kai gbĩ ní odše kpo ke̱-dše̱ Mizraim šikpoṅ le̱ no̱ le̱ owala gbĩĩ abo̱ fẽ.

5 Mose 20:4

edšake̱ Iehowa, nye-Nyoṅmo̱ le̱, dši moni kenye yaä ní eke nyehenye̱lo̱i le̱ ayawu ahãnye, ni eke̱-herenye.

Yoshua 4:11

Ni eba mli ake̱, beni maṅ mū le̱ fẽ efo etã le̱, ke̱ke̱ ni Iehowa adeka le̱ hũ fo, ni oso̱foi le̱ yayi maṅ le̱ hĩe.

Yoshua 6:9

Ni tabilo̱i le̱ nyie oso̱foi ni kpãa te̱tre̱mantre̱i le̱ ahĩe, ni se̱ ta le̱ nyie adeka le̱ se̱; beni anyie le̱ bẽle̱ ākpã te̱tre̱mantre̱i le̱.

Kojolɔi 4:14

Ke̱ke̱ ni Debora kē̱ Barak ake̱: Te ši, edšake̱ ṅme̱ne̱ gbĩ ne̱ Iehowa eṅõ Sisera ewo odeṅ! Ani dšee Iehowa efã ke̱-nyie ohĩe ne̱? Ke̱ke̱ ni Barak kpleke ši ke̱-dše̱ Tabor goṅ le̱ no̱, ni mei akpei-nyoṅma le̱ nyie ese̱.