Yesaia 51:20 - Ṅmãle̱ Kroṅkroṅ Le̱

²⁰ Obii le̱ eto̱ *biti; ame̱kãmo̱kãmo̱ ši ye̱ blohũi le̱ fẽ akodši ano̱ tamo̱ bāyelo̱ ní adūle̱ ye̱ tšõne mli, ni ame̱yimo̱ obõbõ ke̱ Iehowa mlila ke̱ o-Nyoṅmo̱ le̱ kāmo̱ le̱. *Yāfó 2,11. 19.

ŊMALƐ KRƆŊKRƆŊ LƐ

²⁰ Obii lɛ etɔ biti; amɛkamɔkamɔɔ shi yɛ blohui lɛ fɛɛ akoji tamɔ baayelɔ ni adu lɛ yɛ tsɔne mli. Amɛyimɔ obɔ̃bɔ̃ kɛ Yehowa mlila kɛ oNyɔŋmɔ lɛ kãmɔ lɛ.

Yesaia 51:20 ပူးပေါင်းရင်းမြစ်များ

Yesaia 29:9

Nyehe adšõa nyehe ni nyenā akpe̱a nyehe! nyeſĩlaä nyehe ni nyetšṍmo̱a ſilafoi! Ame̱tŏ̱ro̱ dā̃, ši dšee ke̱ wein; ame̱mīdidã, ši dšee ke̱ dā̃ ní wa.

Yesaia 40:30

Oblahĩĩ ní edše no̱ le̱, ame̱gbo̱dšo̱ö̱ ni eto̱ö̱ame̱, ni mei ní eše̱ oblahĩĩ tete le̱, ame̱gbēgbēo̱ ši;

Yesaia 49:26

Ni mahã ohaolo̱i le̱ aye ame̱dientše̱ ame̱helo, ni ame̱dientše̱ ame̱lá aatō̱ro̱ame̱ tamo̱ dā̃ do̱ko̱do̱ko̱; ni helo fẽ aaná ale ake̱ mi, Iehowa, dši oyiwalaherelo̱ le̱, ni okpõlo̱ dši Iakob hewalo̱ le̱.

Yesaia 5:25

Ene̱ hewo̱ le̱ Iehowa mli wo emaṅ le̱ la, ni ekpa enine mli ewoame, ni eyiame̱ ní gõdši kpokpo, ni ame̱gbohĩĩ le̱ fe tamo̱ bē̱mo̱nii ye̱ blohũi le̱ amli. *Fẽ le̱ emlifũ le̱ edšo̱ko; ši enine le̱, ekpã mli lolo. *9,11.

Yesaia 51:17

Wó ohe no̱! wó ohe no̱! te ši odamo̱ ši, Ierusalem! bo ní onu Ieho-wa mlila kpulu le̱ ye̱ edeṅ; onu *didãmo̱ kpulu le̱, ni ole̱mo̱ mli. *Lal. 60,5. 76. 9. Ier. 25,15-18.

Yesaia 51:21

Nohewo̱ le̱ bo ni onii yo̱ mo̱bo̱, bo ni oto̱, ši dšee ke̱ wein, bo ene̱ toi!

Yesaia 66:15

Edšake̱ na, Iehowa ke̱ la baba, ni eſīlii le̱ aatamo̱ lasũogbĕle, ni eke̱ emlifũ le̱ aawo nyõmo̱ ke̱ mlila, ni eke̱ lalileii aakã mei. Kpods. 19,11-15.

Yesaia 8:21

ni ame̱atšṍ mli ke̱-aho, ni aawa ahãame̱ ni hõmo̱ aayeame̱; ni aaba mli ake̱, beni hõmo̱ yeo̱ame̱ le̱, ame̱mli aawo ame̱he la, ni *ame̱alomo̱ ame̱maṅtše̱ ke̱ ame̱-Nyoṅmo̱ le̱, ni ame̱atšṍmo̱ ame̱hĩe ke̱-ate ṅwei, *Kpods. 16,9. 11.

Yeremia 14:16

Ni maṅ ní ame̱gbaä ame̱hãa-ame̱ le̱, aaše̱re̱ame̱ aſie Ierusalem blohũiaṅ ye̱ hõmo̱ ke̱ klante le̱ noṅṅ hewo̱, ni amenáṅ mokomoko *afũame̱, ame̱ ke̱ ame̱ṅãmei ke̱ ame̱bihĩĩ ke̱ ame̱biyei fẽ; ni mafo̱se ame̱nifõdšianii le̱ maſie ame̱no̱! *8,2.

Yeremia 14:18

Ke̱dši miyiṅ mite ṅã le̱ no̱ le̱, na, mei ní enyõnyõi ye̱ klante nā ne̱! ni ke̱dši misā miba mã le̱ṅ le̱, na, mei ni hõmo̱ egbeame̱ ne̱! edšake̱ gbalo̱ ke̱ oso̱fo fẽ-tſẽm kpaä ši ye̱ šikpoṅ ní ame̱-lee no̱.

Yāfó 1:15

Nuṅtšo̱ le̱ ese̱re̱ mihĩĩ kãkãlo̱i ní yo̱ mimli le̱ fẽ eſie; etšé̱ kpē ewo mihe, ní ame̱kpãtã miblahĩĩ le̱ ahĩe. Nuṅtšo̱ le̱ enānā Iuda biyō oblayō le̱ *weinṅãtšõne le̱ no̱. *Ies. 63,3.

Yāfó 1:19

Mitšé̱ misuolo̱i le̱, ši ame̱šišiumi. Miso̱foi ke̱ minukpai le̱ eto̱ biti ye̱ mã le̱ṅ, beni *ame̱taoo̱ niyenii ame̱hã amehe ní ame̱ke̱-hã ame̱susumai ahĩe atšere̱-ame̱ le̱. *K. 11.

Yāfó 2:19

Te ši ni obo yāfó nyōṅ, ye̱ būbei le̱ ašišidšē mli; fo̱seme̱ otšui oſie ši tamo̱ nu ye̱ Nuṅtšo̱ le̱ hĩe; holemo̱ onidši ano̱ otšõle̱ ye̱ obii abifabii le̱ asusuma hewo̱, edšake̱ ame̱mīto̱ biti ke̱ hōmo̱ ye̱ blohũ-fẽ-blobũ kóṅ!

Yāfó 4:11

Iehowa egbe emlila le̱ nā; efo̱se emlifũ ní nā wa ke̱ eſie ši, ni eše̱re la ye̱ Zion ni no ešă ešišitōi le̱.

Yāfó 4:2

Zion bihĩĩ ni dšra wa le̱, mei ni aṅmēo̱ame̱ ke̱ šika kro̱ṅṅ le̱, kwe̱ bo̱ni abuo̱ame̱ tamo̱ sũ kpudši ní dši gbe̱šõlo̱ nidší ena nitšumo̱ le̱!

Yāfó 5:13

Obiahĩĩ le̱ tĕreo̱ w̌ie̱, ni gbekẽbii le̱ gbēgbēo ši ye̱ laii ašiši.

Ezekiel 12:13

Ni maṅõ *miyā le̱ malē̱ eno̱, ni eedũ mitšõne le̱; ni mike̱le̱ aate Babel ye̱ Kaldeabii le̱ ašikpoṅ le̱ no̱, ši no tete le̱ enaṅ, ni dše̱i noṅṅ eegbo ye. 17,20; 32,3-6.

Ezekiel 17:20

ni maṅõ *miyã le̱ malē̱ eno̱, ni eedũ mitšõne le̱, ni mike̱le̱ aate Babel tō̃, ni mike̱le̱ aayakodšo ye̱ dše̱i ye̱ mino̱ ní etõ le̱ hewo̱. *12,13.

Ezekiel 39:19

Ni nyeaye fo̱ ke̱-yaši beyino̱ ní nyeatŏ̱ro̱, ni nyeanu lá ke̱-yaši beyino̱ ní nyeatŏ̱ro̱ dā̃, ke̱ migbē-afo̱le ní migbeo̱ mahãnye le̱.

5 Mose 14:5

ofrote ke̱ bāyelo̱ ke̱ odabo̱ ke̱ soṅãi ke̱ duṅ ke̱ wuo ke̱ otrŏm;

5 Mose 28:20

Iehowa aaba lōmo̱ ke̱ dšidsāmo̱ ke̱ ahorabō̱ aba ono̱ ye̱ nofẽno ní oke̱ onine taä he ake̱ ofe le̱ mli, ke̱-yaši beyino̱ ní oofite ni ohĩe akpãtã trukā ye̱ odšeṅba fõṅ ní oke̱-kwami le̱ hewo̱.

Kpojiemɔ 14:10

le̱ hũ eenu Nyoṅmo̱ *mlifũ dā̃ ní afutu le̱ kro̱ṅṅ awo emlifũ kpulu le̱ mli le̱ eko, ni †aapĩle̱ ye̱ la ke̱ swō̱ mli ye̱ bo̱foi kroṅkroṅi le̱ ahĩe ke̱ tōbi le̱ hĩe. *16,19. Ier. 25,15. †19,20.