Yesaia 50:1 - Ṅmãle̱ Kroṅkroṅ Le̱

¹ Bo̱ni Iehowa kē̱ ne̱: Nẽgbe̱ nyenye *mligblamo̱wolo ní mike̱-ſiele̱ yo̱? alo minyõdšiatše̱mei lo̱ ateṅ namo †mihõnye mihã? Na, nyenišaianii le̱ ahewo̱ ahõnye, ni nyeno̱tõmo̱i le̱ ahewo̱ aſie nyenye. *5 Mose 24,1. Ies 54,6. †52,3.

ŊMALƐ KRƆŊKRƆŊ LƐ

¹ Bɔ ni Yehowa kɛɛ nɛ, “Nɛgbɛ nyɛnyɛ shwiemɔ wolo ni mikɛshwie lɛ lɛ yɔɔ? Minyɔjiatsɛmɛi lɛ ateŋ namɔ mihɔɔ nyɛ miha? Dabida! Nyɛnishaianii lɛ ahewɔ ni ahɔɔ nyɛ, ni nyɛtɔ̃mɔi lɛ ahewɔ ashwie nyɛnyɛ.

Yesaia 50:1 ပူးပေါင်းရင်းမြစ်များ

1 Maŋtsɛmɛi 21:25

Ši mokomoko be̱ ní hō ehe ehã efõṅfemo̱ ye̱ Iehowa hĩe tamo̱ Ahab, edšake̱ eṅã Izebel tšire̱ eyi se̱.

2 Maŋtsɛmɛi 17:17

Ni *ame̱hã ame̱bihĩĩ ke̱ ame̱biyei tšṍ la mli, ni ame̱klaklai, ni ame̱sā ame̱-yeyē ṅkũnyāi, ni ame̱hõhō̃ ame̱he ame̱-hã efõṅfemo̱ ye̱ Iehowa hĩe, koni ame̱ke̱wo emlila. *16,3.

2 Maŋtsɛmɛi 4:1

Ni gbaloi abihĩĩ le̱ aṅãmei le̱ ateṅ mokome blo̱ tšé̱ Eliša ni ekē̱: Otšũlo̱ ni dši miwù le̱ egbo, ni bodientše̱ ole ake̱ otšũlo̱ šeo̱ Iehowa gbeyei; ni agbe̱ne̱ nyõmo̱tše̱ le̱ eba ebamõmo̱ mibihĩĩ enyo̱ le̱ eyafe etšũdši.

Nehemia 5:5

Nto wo̱helo tamo̱ wo̱nyemimei le̱ ahelo noṅṅ, ni wo̱bii le̱ tamo̱ ame̱bii le̱, ši na, wo̱ le̱ wo̱ṅõo̱ wo̱bihĩĩ ke̱ wo̱biyei wo̱woo̱ nyṍṅyeli mli, ni ame̱tšṍmo̱ nyṍdši, ni wo̱biyei le̱ ateṅ meikomei ye̱ nyṍṅyeli mli momo; ni wo̱nyẽẽ he eko wo̱fe, ni wo̱ṅmõdši ke̱ wo̱weintromi ye̱ meikrokomei adeṅ.

Ester 7:4

Edšake̱ ahõwo̱, mi ke̱ mimaṅ le̱, ní akpãtã wo̱hĩe, ní agbewo̱, ní aplenē-wo̱. Ni edši ahõwo̱ afe nyṍdšihĩĩ ke̱ nyṍdšiyei ke̱ke̱ dšiṅṅ, mikē̱ē̱ noko; ši henye̱lo̱ le̱ nyẽṅ maṅtše̱ nii ní bafite le̱ nãdšiaṅ ato!

Lalai 44:12

Oṅõwo̱ ohã ni ayewo̱ tamo̱ tōi, ni ogbe̱wo̱ oſã dšeṅmãdši le̱ ateṅ.

2 Mose 21:7

Ni ke̱dši nū ko hõ ebiyō ni etšṍ abawa le̱, no le̱ ekayaye ehe tamo̱ *tšũdšihĩĩ le̱. *K. 2.

Yesaia 1:28

Ši mlatõlo̱i ke̱ ešafelo̱i le̱, aakpãtã amefe ame̱hĩe, ni aaplenē mei ní kwaa Iehowa le̱.

Yesaia 27:8

Beni oſiele̱ le̱, *susumo̱ nā oke̱le̱ ye ye̱; †gbĩ ní bokã kō̱yo̱ le̱ tſaä le̱ oke̱ kō̱yo̱ ní nä wa le̱ lōle̱ ke̱-te. *Ier. 30,11. †Ier. 18,17.

Yesaia 43:27

Okleṅkleṅ tše̱ le̱ fe eša, ni mei ní damoo̱ mli hãao le̱ tõ mino̱: Dan. 9,6. 8.

Yesaia 46:8

Nyekaia ene̱, ni nyefĩa ši; nyeke̱woa nyetšuiiaṅ, nye no̱tõlo̱i!

Yesaia 52:3

Ši bo̱ni Iehowa kē̱ ne̱: Ahõnye le̱ ake̱nye hee noko, ni dšee šika hũ ake̱akpōnye. 50,1.

Yesaia 54:6

Ši Iehowa etšé̱o tamo̱ yō ko ní akwale̱ ni yeo̱ ṅko̱mo̱ ye̱ emumo̱ mli, lo tamo̱ oblahĩaṅ ṅã ní *aſiele̱, o-Nyoṅmo̱ le̱ kē̱. *50,1.

Yesaia 54:7

Hĩṅmeitſā ke̱ke̱ mikwao, ši mũsũṅtšõle̱i kplei mike̱-abua onā. Lal. 30,6.

Yesaia 58:1

Blo̱mo̱ wā: kāhã onā mība ši! Wó ogbē no̱ tamo̱ te̱tre̱mantre̱, ni odšadše *mimaṅ le̱ no̱tõmo̱i le̱ otšõame̱, ni otšõ Iakob we le ame̱he ešai le̱! *Mika 3,8.

Yesaia 64:6

[7.] Ni moko be̱ ni tšē̱o̱ ogbe̱i le̱ ni eteo̱ ši ni emõ omli; edšake̱ oke̱ ohĩe etēwo̱, ni ohã wo̱lādše ye̱ wo̱nišaianii le̱ ahewo.

Yeremia 3:1

Ekē̱: Kē̱ *nū ko ſie eṅã, ni edše eṅõ eyatšṍ nū kroko ṅã le̱: ani ekũo̱ ese̱ eyaṅõo̱le̱ ekoṅ? ani dšee bulemo̱ ababule nakai šikpoṅ le̱? Ši bo le̱ oke̱ šientše̱mei babaō eyabo̱ adſamaṅ, ni ōkũ ose̱ oba miṅõ ekoṅ? Iehowa kē̱. *5 Mose 24,1-4.

Yeremia 3:8

Ni enyemiyō Iuda, *kũtũmpo̱fo le̱, ena fā ake̱ miſie †se̱se̱yalo̱ Israel ye̱ egblāfitemo̱ le̱ fẽ hewo̱, ni mihãle̱ ſiemo̱wolo moṅ, ši kẽle̱ ešee gbeyei; ši moṅ le̱ hũ eyiṅ ete ni eyaho adſamaṅ. *Ezek. 23,2-11. †2 Maṅ. 17,18. 19.

Yeremia 4:18

Ogbe̱ ke̱ onifemo̱nii le̱ feo ene̱ ne̱: onifõdšianii le̱ dši noni hã edšō, ni eše̱ otšui mli tō̃ ne̱.

Hosea 4:5

Nohewo̱ le̱ oogbē ši ſane, ni gbalo̱ tete ke̱o aagbē ši nyõṅ, ni makpãtā onye hĩe!

3 Mose 25:39

Ni ke̱dši efĩ onyemi ní yo̱ omase̱i, ni *ehõ ehe ehão le, kāyele̱ nyṍṅ; *2 Mose 21,2.

Mateo 18:25

Ši ake̱-ní ebe̱ noko ní eke̱-awole̱ le̱, enuṅtšo̱ le̱ fã́ ake̱ ahõle̱ ke̱ eṅã ke̱ ebii ke̱ nii fẽ ní eyo̱, ní aṅõ-wo nyõmo̱ le̱.

5 Mose 32:30

Kũle̱ té aye tẽṅ ní mokome ſieo̱ mei akpeṅ, ní mei enyo̱ woo̱ mei akpei-nyoṅma foiṅ, ké̱ dšee hō̃mo̱ ame̱te̱sā le̱ ehõame̱, ni Iehowa eṅõame̱ ehã le̱? 3 Mose 26,8. 36. 37.