Yesaia 5:23 - Ṅmãle̱ Kroṅkroṅ Le̱

²³ mei ní buo̱ efõṅfelo̱ bem ye̱ nyōṅnii ahewo, ni ame̱šõo̱ dšalo̱i adšale̱ ye̱ ame̱-deṅ le̱!

ŊMALƐ KRƆŊKRƆŊ LƐ

²³ Kpoo hã mɛi ni heɔ nyɔɔŋnii ni no hãa amɛŋmɛɔ mɔ ni efe efɔŋ he tswaa lɛ, ni amɛhãa mɔ ni sane ja gbɛnaanii ŋmɛɔ lɛ lɛ!

Yesaia 5:23 ပူးပေါင်းရင်းမြစ်များ

1 Maŋtsɛmɛi 21:13

Ni hĩĩ yakagbomei enyo̱ ba ni ame̱batrá emase̱i, ni hĩĩ yakagbomei le̱ ye odase ame̱ši le̱ Nabot le̱ ye̱ maṅ le̱ hĩe ame̱kē̱: Nabot lomo̱ Nyoṅmo̱ ke̱ maṅtše̱ le̱! Ke̱ke̱ ni ame̱kplale̱ ke̱-dše̱ mã le̱ṅ, ni ame̱yatſiale̱ te̱i ni egbo.

2 Kronika 19:7

Nohewo̱ le̱ agbe̱ne̱ nyehãa Iehowa gbeyeišemo̱ ahĩa nyemli! Nyekwe̱a dšogbāṅ ni nyefea; edšake̱ Iehowa, wo̱-Nyoṅmo̱ le̱, kũtũmpo̱o ke̱ hĩeaṅkwe̱mo̱ ke̱ nyōṅnihemo̱ be̱ ehe! 2 Mose 18,31. 5 Mose 10,17.

Lalai 94:21

Ame̱bo̱ō̱ dšalo̱ susuma he gwa, ni ame̱buo̱ lá ní eye bem le̱ fo̱.

Abe̱i 17:15

Moni buo̱ efõṅfelo̱ bem, ke̱ moni buo̱ dšalo̱ fo̱ le̱, Iehowa mīhĩ ame̱yi enyo le̱ fẽ. Ies. 5,23.

Abe̱i 17:23

Efõṅfelo̱ heo̱ nikēnii ke̱-dše̱o̱ mo mīnā ní eke̱-tšṍ kodšomo̱ hĩe ebu ši.

Abe̱i 24:24

Moni kē̱o̱ efõṅfelo̱ ake̱: “Dšalo̱ dšio!” le̱, maṅ aalomo̱le̱, mãdšimãdšĩ aanyãṅele̱.

Yesaia 1:23

Olumei le̱ kaniṅkadšelo̱i ke̱ dšulo̱i ananemei ni; ame̱teṅ mofẽmo sumoo̱ nyōṅnii, ni edio̱ nyõmo̱wo se̱; ame̱yee awusã sane ame̱hããle̱, ni okũlafo ko sane hũ baa ame̱hĩe. K. 17.

Yesaia 10:1

Kpóo hã akpo̱wolo̱i ní woo̱ akpoi ní edšaa, ke̱ woloṅmãlo̱i hũ ni ṅmãa musu nibii le̱,

Yesaia 10:2

koni ame̱tšṍ ohĩafoi akodšomo̱ hĩe ame̱bu ši, ni ame̱šõ mimaṅbii le̱ ateṅ nõnalo̱i le̱ agbe̱nā le̱ ye̱ ame̱deṅ, ní okũlafoi atšṍmo̱ ame̱nomṅõnii ni awusãi hũ atšṍmo̱ ame̱hānii!

Yesaia 28:7

Ši mene̱mei hũ mīdidã ke̱ wein, ni dā̃ ní wa ewoame̱ se̱ke̱! Oso̱fo ke̱ gbalo̱ fẽ mīdidã ke̱ dā̃ ní wa, wein emĩame̱ po, dā̃ ewoame̱ se̱ke̱, ame̱mīdidã ye̱ ni-nā mli, ame̱mīhaha momo ye̱ saneyeli mli.

Yesaia 29:21

ke̱ mei hũ ni hãa mo tõo̱ ye̱ sane mli, ni ame̱tšõ̀o̱ moni *kodšoo̱ame̱ le̱ tšōne ye̱ agbó nā, nĩ ame̱ke̱ yakayakasane tšṍo dšalo̱ sane hĩe ame̱buo̱ ši lo̱. *Amos 5,10.

Yesaia 32:7

Šišiulo̱ ṅă le̱, efõṅ ni; etoo̱ efõṅ he ṅā, koni eke̱ amale wiemo̱i akpãtã mei ní nii yo̱ mo̱bo̱ le̱ ahĩe, ké̱ ohĩafoi miwie noni dša tete le̱.

Yesaia 59:15

ni ano̱kwale elādše, ni moni tšio̱ ehe ke̱-dše̱o̱ efõṅ he le̱, ahaäle̱. Ni Iehowa na, ni esaa ehĩe ake̱ kodšomo̱ be̱ le̱.

Amos 5:12

Edšake̱ mile ake̱ nyemlatõmo̱i le̱ fá, ni nyehe ešai le̱ hũ amli wa! nye mei ni nyegbaä dšalo̱ nā, ni nyeheo̱ nyōṅnii, ni nyetšṍo̱ mei ní efĩame̱ le̱ asane hĩe nyebuo̱ ši ye̱ koi ši.

Mika 3:11

Emli onukpai le̱, nyõṅnii hewo̱ ame̱kodšoo̱, ni emli oso̱foi le̱, nyõmo̱wo hewo̱ ame̱tšõo̱ nii, ni emli gbalo̱i ie̱, šika hewo̱ ame̱gbaä; ni kẽle̱ ame̱ke̱ ame̱-he kpasaä Iehowa ni ame̱kē̱o̱ ake̱: *Nto Iehowa ye̱ wo̱teṅ? nõfõṅ ko nõfõṅ ko baṅ wo̱no̱! *Ier. 7,4.

Mika 7:3

Ame̱nidši dſere efõṅ no̱, ame̱mīfe le̱ mo̱deṅbō̱. Lumo le̱ bio̱ noko, ni kodšolo̱ le̱ kwe̱o̱ nyõmo̱wo ekodšoo̱; gbomo agbo le̱ wieo̱ noni esusuma taoo̱, ni ame̱lòo̱ mli ame̱too̱.

Mateo 23:35

Beni afe ní dšalo̱i alá fẽ ní aſie ši ye̱ šikpoṅ le̱ no̱ ke̱-dše̱ *Abel, dšalo̱ le̱, lá le̱ no̱ ke̱-baši †Zakaria, Barakia bi le̱, ní nyegbe ye̱ so̱lemo̱tšũ le̱ ke̱ afo̱lešãlate̱ le̱ teṅ le̱ lá le̱ no̱ le̱ aba nyeno̱. *1 Mose 4,8. †2 Kron. 24,20. 21.

5 Mose 16:19

Kākõdõ otoi oye sane; kākwe̱ mei ahĩeṅtšei ano̱, ni kāhe nyōṅnii hũ; edšake̱ nyōṅnii ſilaā nilelo̱i ahĩṅme̱ii, ni ehãa atšṍo̱ dšalo̱i asane hĩe abuo̱ ši. 1,17.

Yakobo 5:6

Nyebu dšalo̱ le̱ fo̱, ni nyegbele̱, etšĩĩ nyenā.