Yesaia 48:8 - Ṅmãle̱ Kroṅkroṅ Le̱

⁸ Onuko, ni asaṅ oleko, ni ke̱-dše̱ blema bēbe le̱ otoi gbleko; edšake̱ mile ake̱ kũtũmpo̱oi anii ofeo̱, ni atšé̱o̱o no̱tõlo̱ ke̱-dše̱ mũsũṅ bēbe.

ŊMALƐ KRƆŊKRƆŊ LƐ

⁸ Onuko dã, ni oleee otooo sa; otoi egbeko dã kɛjɛ blema beebe; ejaakɛ mile akɛ kutumpɔfoi anii ofeɔ, ni kɛjɛ ofɔmɔ mli beebe lɛ ale bo akɛ atuatselɔ.

Yesaia 48:8 ပူးပေါင်းရင်းမြစ်များ

Lalai 40:6

Iehowa, mi-Nyoṅmo̱, onākpe̱nii ni otšuo̱ ke̱ odſẽṅmo̱i ní odfẽṅo̱ ye̱ wo̱he le̱ fá naakpa. Noko be̱ ni aanyẽ aṅō-to ohe! Ké̱ mikē̱ madšadše ni mawie he le̱, ame̱fá fè bo̱ni aanyẽ akane. Lal. 139,17. 18.

Lalai 51:5

Edšake̱ mino̱tõmo̱i le̱, midientše̱ mile, ni mihe eša le̱ ye̱ mihĩe dā. Lal. 32,5.

Lalai 58:3

Dabi, nyetšuo̱ nifõdšianii ye̱ nyetšuii amli, ni nyeṅmẽo̱ yiwale̱nii ni yo̱ nyedeṅ le̱ ye̱ šikpoṅ le̱ no̱.

Yesaia 21:2

Adšie ninā ko ní mli wa atšõmi: Halo̱ le̱ mīha nii, fitelo̱ le̱ mīfite nii. Elam, ba! Media, babo̱ nsra owo ehe! Mahã ame̱kē̃mo̱ fẽ se̱ afo.

Yesaia 26:11

Iehowa, owó onine no̱, ši kẽle̱ ame̱naa; ši ame̱ana dšōmo̱ ní odšōo̱ ye̱ omaṅ le̱ he le̱, ni ame̱hĩe aagboi; la aašã ohenye̱lo̱i le̱.

Yesaia 33:1

Kpóo hã bo fitelo̱ ní bo le̱ afitekoö, bo nihalo̱ ní bo le̱ ahakoö! Ké̱ ogbe fitemo̱ le̱ nā le̱, bo hũ aafiteo; ni ké̱ ofõ nihā le̱, ho hũ aaheo.

Yesaia 42:25

Nohewo̱ le̱ efo̱se mlifũ ní nā wa ke̱ ta ní mli wa hũ eſie ame̱no̱; ni eše̱re la ewo ame̱he ke̱-kpe, ši ame̱lee; ešãame̱, ši ame̱ke̱-woo ame̱tšui mli.

Yesaia 46:8

Nyekaia ene̱, ni nyefĩa ši; nyeke̱woa nyetšuiiaṅ, nye no̱tõlo̱i!

Yesaia 47:11

Nohewo̱ lo̱ efōṅ aaba ono̱, oleṅ bo̱ni oofe okpa ye̱ ono̱; ni ošrã aašrão, ni onyẽṅ okpãtã; ni hĩekpãtãmo̱ aaba eno̱ trukā ní olee be.

Yesaia 48:4

Edšake̱ mile ake̱ *onuu nõ, ni okue̱ le̱ adabãṅ ni, ni ohĩeṅtšo le̱ akō̱ble ni; *Ier. 5,3.

Yesaia 48:7

Kpāko abo̱, ni ebe̱ sá; onuko dã, dša ṅme̱ne̱, koni okakē̱ ake̱: Na, mile!

Yesaia 50:5

Nuṅtšo̱ Iehowa egble *mitoi, ni mitšee atũa, ni asaṅ mikũũ mise̱. *Lal. 40,7.

Yesaia 57:4

Namo he fe̱o nyeyeo̱ ne̱? namo nyegbe̱ nyedāṅ hatō nyewo, ni nyekpã nyelile̱ii amli ne̱? Ani dšee no̱tõmo̱-ſĩei ke̱ amale-sešibii dšinye?

Yeremia 3:20

Ši take̱ bo̱ni yō yeo̱ ewù he kũtũmpo̱o le̱, nakai nye hũ nyeye mihe kũtũmpo̱o, nye Israel we, Iehowa kē̱.

Yeremia 5:11

Edšake̱ Israel we le̱ ke̱ Iuda we le̱ fẽ eyemi kũtũmpo̱o naakpa, Iehowa kē̱.

Yeremia 5:21

*Nyeboa ene̱ toi ko, maṅ kwašiai ni be̱ dſẽṅmo̱, ní ame̱yo̱ hĩṅme̱ii, ši ame̱naa nii, ní ame̱yo̱ toii hũ, ši ame̱nuu nii! *Ies. 6,9. 10.

Yeremia 6:10

Namei mawie matšõ, ni maye odase, koni ame̱bo toi? Na, ame̱toii le̱, fō-toii ni, ni amenyẽẽ sane toi ame̱bo! Na, Iehowa wiemo̱ etšṍ ahorabō̱ ehãame̱, ni ame̱náá he mīše̱.

Hosea 5:7

Ame̱ye Iehowa kũtũmpo̱o, edšake̱ ame̱fo̱fō̱ maikpõdši abii. Agbe̱ne̱ nyõṅ hē aayeame̱ ke̱ ame̱gbe̱fãṅnii le̱!

Hosea 6:7

Ši ame̱ le̱ ame̱tõ kpãṅmo̱ le̱ *tamo̱ Adam, dše̱i ame̱yemi kũtũmpo̱o ye̱. *1 Mose 3,6.

Hosea 7:9

Gbo̱i eye ehewale̱, ši elee; wadši eſã eyiteṅ, ši elee.

Maleaki 2:11

Iuda eye kũtũmpo̱o, ni afe nihīnii ye̱ Israel ke̱ Ierusalem; edšake̱ Iuda ebule Iehowa hekroṅkroṅ ni esumoo̱ le̱, ni eyaw̌e̱ *maṅse̱ nyoṅmo̱ biyō. *Ezra 9,2.

Efesobii 2:3

nomei amli wo̱fē hũ wo̱ba wo̱dšeṅ ye̱ sá ye̱ wo̱helo ako̱no̱i le̱ amli, ni wo̱tšu nii ni helo ke̱ dſẽṅmo̱ sumoo̱ le̱, ni wo̱dši *mlifũ bii ye̱ wo̱fo̱mo̱su le̱ nā, tamo̱ mei ni eſe̱ le̱ noṅṅ: — *Kol. 3,6.

5 Mose 31:16

Ni Iehowa kē̱ Mose ake̱: Na, oke̱ otše̱mei le̱ yawo̱, ni ne̱ke̱ maṅ ne̱ bate ši ayabo̱ adſamaṅ ke̱-nyie šikpoṅ ní ame̱yaä no̱ le̱ no̱ nyoṅmo̱i kpõdši le̱ ase̱, ni ame̱ašĩmi, ni ame̱akũ mikpãṅmo̱ ní mike̱ame̱ kpãṅ le̱ mli.

5 Mose 31:18

Ši mi le̱, tēmo̱ mike̱ mihĩe aatē ye̱ nakai gbĩ le̱ no̱ ye̱ efõdši fẽ ní ame̱fe le̱ hewo̱, ake̱ noni ame̱kpale ke̱-te nyoṅmo̱i krokomei aṅõ le̱.