Yesaia 48:17 - Ṅmãle̱ Kroṅkroṅ Le̱

¹⁷ Bo̱ni Iehowa, okpõlo̱ le̱ ke̱ Israel Mokroṅkroṅ le̱, kē̱ ne̱: Midši Iehowa, o-Nyoṅmo̱ le̱, moni tšõo̱o nii ní hĩ hao, moni tšõo̱o gbe̱ ní onyie no̱ le̱.

ŊMALƐ KRƆŊKRƆŊ LƐ

¹⁷ Bɔ ni Yehowa, bo-Kpɔ̃lɔ, Israel Mɔ Krɔŋkrɔŋ lɛ kɛɛ nɛ, “Mi ji Yehowa, oNyɔŋmɔ lɛ, mɔ ni tsɔɔ bo nii ni hi ha bo, mɔ ni tsɔɔ bo gbɛ ni esa akɛ onyiɛ nɔ lɛ.

Yesaia 48:17 ပူးပေါင်းရင်းမြစ်များ

1 Mose 24:48

ni mimã miyi ši, ni midšá Iehowa, ni midšie Iehowa, minuṅtšo̱ Abraham Nyoṅmo̱ le̱, yi ake̱ etšõmi gbe̱ kpakpa, ní mike̱-yaṅõ minuṅtšo̱ nyemibi mihã ebi le̱.

1 Maŋtsɛmɛi 8:36

no le̱ bo toi ye̱ ṅwei ni oṅõ otšũdši ke̱ omaṅ Israel he eša le̱ oſaame̱, ní otšõame̱ gbe̱ kpakpa ní ame̱nyie no̱, ni oha nyoṅmo̱ abane̱ aſie šikpoṅ le̱ ní oṅõ-hã omaṅ le̱ ake̱ ame̱nõ le̱ no̱!

Hiob 36:22

Na, Mawu dše agbo ye̱ ehewale̱ le̱ mli; namo dši *tšõlo̱ tamo̱le̱? *Lal. 25,9.

Lalai 25:12

Mofẽmo ní šeo̱ Iehowa gbeyei le̱, le̱ le̱ *eetšõle̱ gbe̱ ní eko̱. *Lal. 82,8.

Lalai 32:8

Magble odſẽṅmo̱ mli ni matšõo gbe̱ ní onyie no̱; mawoö ṅā, mihĩṅme̱i kã ohe. Lal. 26,12.

Lalai 71:17

Nyoṅmo̱, otšõmi nii ke̱-dše̱ miblahĩaṅ, ni midšadše onākpe̱ nitšumo̱i le̱ *ke̱-baši ṅme̱ne̱. *1 Sam. 7,12.

Lalai 73:24

oke̱ oṅāwō le̱ aatšõmi gbe̱, ni ké̱ fe se̱ le̱, ooṅõmí ke̱-ate anumnyam mli.

Yesaia 2:3

ni mãdšimãdši pī aate ayakē̱ ake: Nyebaä ní wo̱yakwo̱a Iehowa goṅ le̱, ke̱-yaä Iakob Nyoṅmo̱ le̱ we le̱, koni etšõwo̱ egbè̱i le̱, ni wo̱nyie etempõṅi le̱ ano̱! Edšake̱ mla le̱, Zion ebadše̱, ni Iehowa wiemo le̱, Ierusalem ebadše̱. Ioh 4,22.

Yesaia 28:9

“Bĕle̱ namo nilẽ ebatšõ mo̱? ni namo eehã enu sane le̱ šiši? mei ní etše fufo̱, lo mei ní atšeame̱ fufo̱ le̱?

Yesaia 30:20

Ni Nuṅtšo̱ le̱ aahãnye amanehũlũ abolo ke̱ haomo̱ nu moṅ, ši ake̱ otšõlo̱i le̱ etēṅ doṅṅ, ši ohĩṅme̱ii aana otšõlo̱i le̱;

Yesaia 30:21

ni otoii hũ aana wiemo̱ ko ye̱ ose̱ ake̱: Gbe̱ le̱ ne̱! nyenyiea no̱! *ninedšŭrõgbe̱ nyetšṍ dšio, abe̱kughe̱ nyetšṍ dšio. *5 Mose 5,29; 28,14.

Yesaia 41:14

Kāšegbeyei, bo gõgõmi Iakob, nye Israelbii ni nyeyi fáá! *maye mabuao, Iehowa kē̱, ni okpõlo̱ dši Israel Mokroṅkroṅ le̱. *43,3.

Yesaia 43:14

Bo̱ni Iehowa, nyekpõlo̱ le̱, ní dši Israel Mokroṅkroṅ le̱, kē̱ ne̱: Nyehewo̱ mitšũ ke̱-te Babel tō̃, ni miṅõ ame̱fẽ mitſia ši ake̱ foidšelo̱i, ke̱ Kaldeabii le̱ hũ ye̱ ame̱nyã́mo̱ le̱dši le̱ amli.

Yesaia 43:16

Bo̱ni Iehowa, — moni *dše gbe̱ ye̱ ṅšo̱ le̱ mli, ke̱ tempõṅ hũ ye̱ nui ní nā wa le̱ amli le̱, *2 Mose 14,22. Ios. 3,18.

Yesaia 45:11

Bo̱ni Iehowa, Israel Mokroṅkroṅ ke̱ efelo̱ le̱, kē̱ ne̱: Nii ní baba le̱ nyebiami; ši mibii ke̱ mininenā nitšumo̱ le̱ nyešĩa nyehãami!

Yesaia 48:20

*Nyedšea Babel, nyedšoa foi ke̱-dše̱a Kaldeabii ateṅ ke̱ nyã́mo̱ gbẽ! Nyedšadšea ene̱ nyetaoa, nyegbaä, nyehãa edšidšea ke̱-yaä šikpoṅ le̱ nāgbēhe! Nyekē̱a ake̱: Iehowa ekpo etšũlo̱ Iakob! *52,11. Ier 51,6. 2 Kor. 5,17. Kpods. 18,4.

Yesaia 49:26

Ni mahã ohaolo̱i le̱ aye ame̱dientše̱ ame̱helo, ni ame̱dientše̱ ame̱lá aatō̱ro̱ame̱ tamo̱ dā̃ do̱ko̱do̱ko̱; ni helo fẽ aaná ale ake̱ mi, Iehowa, dši oyiwalaherelo̱ le̱, ni okpõlo̱ dši Iakob hewalo̱ le̱.

Yesaia 49:7

Bo̱ni Iehowa, Israel kpõlo̱ ke̱ e-Mokroṅkroṅ le̱, kē̱ susuma ní agbeo ehe guo̱, ní dšeṅmaṅ hũ hĩo̱ ehĩe, moni dši no̱yelo̱i yiwalo̱i atšũlo̱ le̱ ne̱: Maṅtše̱mei aana ni ame̱ate ši, lume̱i hũ aana, ni ame̱akoto ši ame̱adšá ye̱ Iehowa ni dši ano̱kwafo ke̱ Israel Mokroṅkroṅ le̱ ni ehalao le̱ hewo̱.

Yesaia 54:13

ni obii le̱ fẽ aafe *Iehowa kaselo̱i, ni mahã obii le̱ hedšo̱le̱ babaō. *Ioh. 6,45.

Yesaia 54:5

Edšake̱ *owù dši ofelo̱ le̱: Iehowa Zebaot dši egbe̱i; ni okpõlo̱ dši Israel Mokroṅkroṅ le̱: aatšé̱le̱ šikpoṅ le̱ fẽ Nyoṅmo̱! *Hos. 2,21.

Yesaia 54:8

Mimlifũ ní eteke no̱ le̱ mli le̱ mike̱ mihĩe tēo hĩṅme̱itſā, ši nā-no̱ mlihĩle̱ mimũsũṅ ke̱-atšõmi ye̱ ohewo̱, Iehowa, okpõlo̱ le̱, kē̱. 60,10.

Yeremia 6:16

Bo̱ni Iehowa kē̱ ne̱: Nyehoa nyedamo̱a gbè̱i le̱ ano̱, ni nyekwe̱a, ni nyebia năno̱ tempõṅi le̱ aši, heni gbe kpakpa le̱ yo̱ le̱, ni nyenyie no̱, ni *nyeana hedšō̱mo̱ nyehã nyesusumai le̱! Ši ame̱-kē̱o ake̱: †Wo̱nyiee no̱! *Mat. 11,29. †Ier. 44,16.

Mika 4:2

ni dšeṅmãdši pī aate ayakē̱ ake̱: Nyebaä ní wo̱yakwo̱a Iehowa goṅ le̱, ke̱-yaä Iakob Nyoṅmo̱ le̱ we le̱, koni etsõwo̱ egbè̱i le̱, ní wo̱nyie etempõṅi le̱ ano̱! Edšake̱ mla le̱, Zion ebadše̱, ní Iehowa wiemo̱ le̱, *Ierusalem ebadše̱. *Luk. 24,47.

Yohane 6:45

Aṅmā ye̱ *gbalo̱i le̱ amli ake̱: “Ame̱fẽ ame̱afe Nyoṅmo̱ kaselo̱i.” Mofẽmo ni enu ye̱ tše̱ le̱ nā ni ekase hũ le̱, ebaã miṅõ. *Ies. 54,13. Ier. 31,33. 34.

Efesobii 4:21

ke̱dši eye̱ mli ake̱ nyenu ehe, ni atšõnye ye̱ emli hũ, take̱ bo̱ni dši ano̱-kwale ye̱ Iesu mli le̱,

Yoshua 3:4

kẽle̱ gbe̱ akã nyeke̱le̱ teṅ, bo̱ni ké̱ asusu ni aafe ninetalo̱i akpei-enyo̱; nyekabe̱ṅke̱ale̱, beni afe ní nyele nõ gbe̱ no̱ ní nyeatšṍ; edšake̱ nyetšṍko gbe̱ le̱ no̱ dã.