Yesaia 45:14 - Ṅmãle̱ Kroṅkroṅ Le̱

¹⁴ Bo̱ni Iehowa kē̱ ne̱: Mizraim nitšumo̱nii ke̱ Kuš dšrayeli mli se̱námo̱ ke̱ Sebabii, ní dši gbomei kãkãdãdši le̱, aaho ke̱-aba oṅõ ni ame̱atšṍmo̱ onii, ame̱anyie ose̱, gbokle̱i amli ame̱anyie ke̱-aba, ame̱akoto bo ni ame̱akpao fai ake̱: Le̱le̱ṅ, omli Mawu yo̱, ni Nyoṅmo̱ ko *be̱ se̱ doṅṅ! *K. 5.

ŊMALƐ KRƆŊKRƆŊ LƐ

¹⁴ Bɔ ni Yehowa kɛɔ Israel nɛ, “Nii ni Ijipt yɔɔ lɛ kɛ Kush hu jarayeli mli sɛɛnamɔnii lɛ fɛɛ aaatsɔ̃ onii; ni Sebahii, hii gojogojoo lɛ, aaatsɔmɔ onyɔji. Amɛaakamɔ gboklɛi amli kɛaanyiɛ osɛɛ; amɛaaba ni amɛaakoto bo. Amɛaakpa bo fai amɛkɛɛ, ‘Bo pɛ Nyɔŋmɔ kɛ yɔɔ, ni Lɛ esɛɛ lɛ, mɔ ko bɛ dɔŋŋ.

Yesaia 45:14 ပူးပေါင်းရင်းမြစ်များ

1 Mose 27:29

Mãdši asúmo̱o, ni dšeṅmãdši akotóö. Ye onyemimei le̱ ano̱ *nuṅtšo̱, ni onye bihĩĩ akotoö. Mofẽmo ni †lomoo̱o le̱, aalomo̱le̱; ni mofẽmo ní dšō̱o̱o le̱, aadšō̱le̱! *25,23. †12,3.

2 Samuel 21:20

Ni asaṅ ame̱wu ekoṅ ye̱ Gat; ni nū nyenyereṅṅ ko ye̱ dše̱i ke̱ eninewabii ekpa-ekpa ke̱ enanewabii ekpa-ekpa ni nā šio̱ nyoṅmai-enyo̱ ke̱ edſe̱, ni le̱ hũ oblãṅ le̱ bi ni.

Ester 8:17

Ni šikpoṅ-fẽ-šikpoṅ ke̱ maṅ-fẽ-maṅ no̱ ní maṅtše̱ le̱ kitã ke̱ ekpo̱ le̱ še̱ le̱, Iudafoi le̱ náa mīše̱ ni ame̱nyáa ni ame̱ṅmẽo̱ okplõ ni ame̱yeo̱ gbĩdšũrõ. Ni šikpoṅ le̱ no̱ bii le̱ ateṅ mei pi tšṍmo̱ Iudafoi tete; *edšake̱ Iudafoi le̱ ahe ṅmiṅmi emōmo̱ame̱. 2 Mose 15,14-19.

Hiob 1:15

ke̱ke̱ ni *Šebabii batuawo̱, ni ame̱-mõmo̱ame̱ ke̱-te, ni tšũdši le̱ ame̱gbeame̱ ke̱ klante; ni mikometō pe̱ midše mli, ni mibatſao adafi ne̱. *1 Mose 10,1. 28; 25,3.

Hiob 11:19

Asaṅ *ookã ši hũ, ni moko woṅ ohe gbeyei; ni mei babaō hū aatao ohĩe gbe̱. *Lal. 3,6; 4,9.

Lalai 149:6

Hã Mawu kafomo̱ akã ame̱dāṅ, ni ame̱hĩe klante ke̱ enā nta ye̱ ame̱dẽ,

Lalai 149:8

koni ame̱wowō ame̱maṅtše̱mei le̱ kõsõṅkõsõi, ni ame̱wowō ame̱bladei le̱ dade gbokle̱i,

2 Mose 11:8

Ke̱ke̱ ni otšũdši ne̱ fẽ aakpleke ši aba minõ, ni ame̱abakotomi ame̱akē̱: Dše kpo ní oya, bo ke̱ maṅ le̱ fẽ ní ye̱ ošiši le̱! ni no se̱ le̱ mate. Ni eke mlila dše Farao ṅõ ke̱-te.

Yesaia 10:33

Na, Nuṅtšo̱, Iehowa Zebaot, ke̱ hewale̱ ni yo̱ gbeyei aaflo̱ tšeianidši le̱: nii ni kwō̱lo̱ godšogodšõ le̱, aaflo̱ame̱ aſie ši, ni nii ni ehole amehe no̱ le̱, aaba ame̱ ši.

Yesaia 18:1

Ao! efĩdšiaṅ gbē̱mo̱ šikpoṅ ni yo̱ Kuš fāi le̱ ase̱,

Yesaia 18:7

Nakai be le̱ mli le̱ ake̱ maṅ ní kĕ̱le̱ ní ame̱he yo̱ trotro le̱ *aabake Iehowa Zebaot, ni asaṅ ake̱ meikomei aadše̱ maṅ ní ašeo̱le̱ gbeyei ke̱-yaä šoṅṅ le̱, dšeṅmaṅ ní he wa pam ní nānāa mei ano̱, ní fāi flo̱ ešikpoṅ le̱ mli le̱, ateṅ aba heni Iehowa Zebaot gbe̱i le̱ yo̱ ní dši Zion goṅ le̱ no̱ le̱. *Lal. 68,30. 32.

Yesaia 19:21

Ni Iehowa aadšie ehe ši atšõ Mizraim, ni Mizraimbii aale Iehowa ye̱ nakai gbĩ le̱ no̱, ni ame̱ke̱ afo̱le ke̱ nikēnii aaba-súmo̱le̱, ni ame̱awo Iehowa ši ni ame̱-aye no̱.

Yesaia 19:22

Ni Iehowa aatſia Mizraim nii: eetſia-ame̱ nii, ni esā eetšáame̱; ni ame̱akũ ame̱se̱ ke̱-aba Iehowa ṅõ, ni eeboame̱ toi, ni eetšáame̱.

Yesaia 23:18

Ši edšrayelinii ke̱ epābō̱nii le̱ aatšṍ kroṅkroṅ ahã Iehowa; atĩaṅ ni ake̱-bo̱ṅ dſetri, ši epābō̱nii le̱ aatšṍ mei ní hĩo̱ ši ye̱ Iehowa hĩe le̱ anõ, ní ame̱ye nii amè̱tŏ̱ro̱, ni ame̱bu mama kpakpa.

Yesaia 43:3

Ši mi, Iehowa, midši o-Nyoṅmo̱ le̱, Israel Mokroṅkroṅ, oyiwalaherelo̱ le̱! Miṅõ Mizraim mihā ake̱ okpõmo̱nii, ke̱ Kuš ko̱ Seba hũ *ye̱ onãdšiaṅ. *Abe̱i 11,8.

Yesaia 44:8

Nyehe akakpokpoa ni nyekašea gbeyei! Ani dšee blema bēbe midse̱ midšadše mitšõnye ni mihã nyenu? Ni nyedši midasefoi! Ani mise̱ le̱ Nyoṅmo̱ ko ye̱? Ni te̱sã ko hũ be̱: milee eko!

Yesaia 45:24

Iehowa mli ke̱ke̱ *dšale̱ ke̱ hewale̱ yo̱; eṅõ mei aaba, ni mei fẽ ni mli ewole̱ la le̱ ahĩe aagboi. *Ier. 23,6.

Yesaia 49:23

Ni *maṅtše̱mei aatšṍmo̱ okwe̱lo̱i, ni ame̱maṅnyemei lo̱ aatšṍmo̱ ofufo̱hãlo̱i; †ame̱akotoö ni ame̱ke̱ ame̱hĩe aabumo̱ ši, ni ame̱ale̱mo̱ onādšiaši mlu, ni ooná ole ake̱ mi, midši Iehowa, ni mei ní hĩe kā mino̱ le̱ ahĩe gboiṅ! *60.16. †Lal. 72,9. Mika 7,17.

Yesaia 54:3

Edšake̱ oolē̱ omli ke̱-ate ninedšŭrõ ke̱ abe̱ku, ni oseši le̱ aaye dšeṅmãdši le̱ ano̱, ni ame̱ahe ši ye̱ amaṅfõi le̱ amli.

Yesaia 55:5

Na, ootšé̱ dšeṅmaṅ ní olee ke̱-aba, ni dšeṅmaṅ ní leeo hũ aadšo foi ke̱-aba oṅõ, ye̱ Iehowa, o-Nyoṅmo̱ le̱, ke̱ Israel Mokroṅkroṅ le̱ hewo̱, edšake̱ ewo ohĩe nyam!

Yesaia 60:3

Ni dšeṅmãdši aanyie ke̱-aba *ola le̱ he, ni maṅtše̱mei aaba kpe̱mo̱ ní kpe̱o̱ ye̱ ono̱ le̱ he. *Kpods. 21,24.

Yesaia 61:9

Ni aale ame̱sešibii le̱ ye̱ dšeṅmãdši le̱ ateṅ ke̱ ame̱ſĩeii hũ ye̱ mãdšimãdsi le̱ ateṅ; mei fẽ ní aanaame̱ le̱ aayoame̱ ake̱ ame̱dši seši ni Iehowa edšō̱.

Yeremia 16:19

Iehowa, mihewale̱ ke̱ mō̃ ní wa ke̱ mibobāhe ye̱ fĩmo̱ gbĩ no̱! bo noṅṅ oṅõ dšeṅmãdši le̱ aadše̱ šikpoṅ le̱ nāgbēhei aba abakē̱ ake̱: Wo̱tše̱mei le̱ agbošinii ní ame̱ná le̱, amale ke̱ke̱ ni, ke̱ yakayakanii ní se̱námo̱ ko be̱ṅ!

Ezekiel 23:42

ni anu nyã́mo̱ gbẽ kpeteṅkple ye̱ dše̱i, ni ayaṅõ dā̃to̱lo̱i ke̱-dše̱ ṅã le̱ no̱ ebafata mei babaō le̱ he; ni ame̱ke̱ ninešĩgai wo yei le̱ anidši, ni ame̱ke̱ akekrei fe̱fe̱dši fĩmo̱ ame̱yitsei.

Ezekiel 31:3

Na, Ašur le̱, Lebanon no̱ tšenedru ni ke̱ enidši fe̱fe̱dši kusukusū ní hãa hō̃ṅ, ni ekwo̱ groṅṅ, ni eyiteṅ ye̱ atatuiaṅ. Dan. 4,10-14.

4 Mose 13:32

Ni ame̱ta šikpoṅ ní ame̱yasra le̱ he sane fõṅ ame̱hã Israelbii le̱ ame̱kē̱: Šikpoṅ ní wo̱yakpa no̱ wo̱sra le̱, šikpoṅ ní yeo̱ eno̱ bii ni, ni mei ní wo̱na ye̱ no̱ le̱ hĩĩ oblãṅi so̱ṅṅ ni.

1 Korintobii 14:25

aadšie etšuiṅ tēmo̱nii akpo faṅṅ, ni no aahã eke̱ ehĩe abu ši edšá Nyoṅmo̱, ni eedšadše ake̱ Nyoṅmo̱ ye̱ nyeteṅ le̱le̱ṅ. Ioh. 14,8.

1 Tesalonikabii 1:9

Edšake̱ ame̱dientše̱ ame̱gbaä bo̱ni wo̱ná nyeteṅgbe̱ wo̱hã ke̱ bo̱ni *nye-kpale ke̱-dše̱ amãgãi ahe ke̱-ba Nyoṅmo̱ ṅõ, ni nyebasumo̱ ano̱kwa Nyoṅmo̱ hĩe-kãlo̱ le̱, *Bof. 14,15. 1 Kor. 12,2.

Kpojiemɔ 3:9

Na, mike̱ meikomei ni dše̱ satan kpēhe le̱ ni kē̱o̱ ake̱ *Iudafoi dšiame̱ ši ebe̱ mli ši malemo̱ moṅ ame̱maleo̱ le̱ mīhã; na, mahã †ameba ni ameba koto onãdši anā, ní ame̱le ake̱ mi le̱ mīsumo̱o. *2,9. †Ies. 60,14; 49,23.