Yesaia 40:26 - Ṅmãle̱ Kroṅkroṅ Le̱

²⁶ Nyeholea nyehĩṅme̱ii ano̱ ke̱-yaä ṅwei, ni nyekwe̱a: Namo bo̱ ene̱mei? Le̱ moni edšieo̱ ame̱safo le̱ kpo ye̱ yibo̱ nā, ni etše̱o̱ ame̱fẽ *ke̱ ame̱gbe̱ii; enyẽmo̱ ní fá ke̱ ehewale̱ kple le̱ hewo̱ le̱ ame̱teṅ ekomeflo po eſe̱e̱. *Lal. 147,4.

ŊMALƐ KRƆŊKRƆŊ LƐ

²⁶ Nyɛwoa nyɛhiɛ nɔ kɛyaa ŋwɛi ni nyɛkwɛa! Namɔ bɔ ŋulamii nɛɛ? Lɛ mɔ ni ejieɔ amɛsafoi lɛ kpo, ni ekaneɔ amɛyibɔ, ni ewoɔ amɛ fɛɛ gbɛi lɛ, lɛ ji mɔ ni fee. Ehewalɛ kpele kɛ enyɛmɔ naa lɛ, amɛteŋ ekome folo nɛkɛ elaajeee.

Yesaia 40:26 ပူးပေါင်းရင်းမြစ်များ

1 Mose 1:14

Ni Nyoṅmo̱ kē̱: Kanei aba ṅwei atatu le̱ mli, koni ame̱gbla ſane ke̱ nyōṅ mli, ni ame̱tšō okadii ke̱ bei ke̱ gbĩĩ ke̱ afii; Lal. 74,16.

1 Mose 1:16

Ni Nyoṅmo̱ fe kanei wudši enyo̱ le̱: kane wulu le̱ ní eye ſane no̱, ke̱ kane bibiō le̱ ni eye nyōṅ no̱, ke̱ ṅulamii le̱ hũ. Lal. 136,7-9.

Lalai 102:25

Mikē̱ ake̱: Mi-Mawu, kāṅõmi ke̱-mīya ye̱ *miwalabe le̱ teṅ! Bo le̱ ofii le̱ kã he ke̱ miya yino̱i fē no̱. Lal. 55,24.

Lalai 119:91

Ame̱ye̱ ke̱-baši ṅme̱ne̱ ye̱ ogbe̱ dšiano̱tōi le̱ anā, edšake̱ otšũdši dši ame̱fẽ.

Lalai 121:1

No̱kwo̱le̱i alala. Mihole mihĩṅme̱ii ano̱ makwe̱ gõdši le̱; nẽgbe̱ miyeli-ke̱-buame̱ badše̱ aba?

Lalai 19:1

David lala ni eke̱-hã lalatše̱ nukpa le̱.

Lalai 66:3

Nyekē̱a Nyoṅmo̱ ake̱: Onitšumo̱i le̱ ye̱ gbeyei pi! Ohewale̱ le̱ dale̱ nā le̱ ohenye̱lo̱i le̱ aaba amehe ši ame̱hão.

Yesaia 34:16

Nyetaoa ye̱ Iehowa wolo le̱ṅ ni nyekanea: nii ne̱ ateṅ ekomeflo eſe̱ṅ, eko eko hefatalo̱ ebo̱ṅle̱; edšake̱ minābu efã́, ni emumo̱ le̱ dši moni buaä nā.

Yesaia 42:5

Bo̱ni Nyoṅmo̱ Iehowa, — moni bo̱ ṅwei ni egble mli, ní elē̱ šikpoṅ ke̱ emli nibānii le̱ amli, ni eke̱ susuma hãa eno̱ bii le̱, ní eke̱ mumo̱ hãa mei ni nyieo̱ no̱ le̱, — kē̱ ne̱:

Yesaia 44:24

Bo̱ni Iehowa, okpõlo̱ le̱, ke̱ moni šõo ke̱-dše̱ onye mũsũṅ le̱, kē̱ ne̱: Mi, Iehowa, dši moni feo̱ nibii fẽ, moni eko-metō egbleo̱ ṅwei mli, ni elē̱o̱ šikpoṅ le̱ mli, ni moko fataa ehe le̱;

Yesaia 45:12

Mi mife šikpoṅ le̱, ni mibo gbomei mito no̱; mi minidši gble ṅwei mli, ni mifã́ ame̱safo le̱ fẽ.

Yesaia 45:7

Mišõo̱ la, ni mibo̱ö̱ duṅ hũ; mi mihãa hedšo̱le̱ baä, ni *mibo̱ö̱ efõṅ; mi, Iehowa, le̱ noṅṅ mifeo̱ ene̱mei fẽ! *Amos 3,6.

Yesaia 48:12

Bomi toi ko, Iakob, ke̱ Israel ní mitšé̱o: Mi ni, *midši kleṅkleṅmo, ni mi noṅṅ dši se̱kpēmo! *41,4.

Yesaia 48:13

Minine to šikpoṅ le̱ šiši, ni mininedšŭrõ le̱ ṅwei mli; mi mitšé̱ame̱, ni ame̱fẽ ame̱badamo̱ ši!

Yesaia 51:6

Nyeholea nyehĩṅme̱ii ane̱ ke̱-yaã ṅwei, ni nyekwe̱a šikpoṅ le̱ no̱ ye̱ šiši-gbe̱: ši *ṅwei aalādše tamo̱ lasũ, ni šikpoṅ le̱ aasū tamo̱ atade, ni eno̱ bii le̱ aagboi tamo̱ adõdõdši; ši miyiwalaheremo̱ le̱ aahĩ ši ke̱-ate nāno̱, ni midšale̱ le̱ hũ se̱ efoṅ. *Lal. 102,27.

Yesaia 66:2

Ši ene̱mei fẽ le̱, minine fe, ni nakai afe nii ne̱ fẽ, Iehowa ke̱. Ši moni *makwe̱ ne̱: moni nii yo̱ mo̱bo̱ ni emumo̱ tſiaä ši ke̱ do̱le̱, ni ehe kpokpoo̱ ye̱ miwiemo̱ le̱ nā le̱. *57,15.

5 Mose 4:19

ni ké̱ ohole ohĩṅme̱ii ano̱ ke̱-te ṅwei ni *okwe̱ hũlũ ke̱ nyoṅtšĕre ke̱ ṅulamii le̱ ní dši ṅwei asafo le̱ fẽ le̱, kāhã ame̱gblao ní oyadšáame̱ ni osúmo̱-ame̱; edšake̱ Iehowa, o-Nyoṅmo̱ le̱, sāame̱ eto ehã mãdši fẽ ní yo̱ ṅwei šiši le̱. *17,3.