Yesaia 37:4 - Ṅmãle̱ Kroṅkroṅ Le̱

⁴ Ekole̱ Iehowa, o-Nyoṅmo̱ le̱, enu Rabšake, moni enuṅtšo̱, Ašur maṅtše̱ le̱, tšũ le̱ ní ebasopa Nyoṅmo̱ hĩekãlo̱ le̱, wiemo̱i le̱, ni ebakã ehĩe ye̱ wiemo̱i ni Iehowa, o-Nyoṅmo̱ le̱, enu le̱ ahewo̱: nohewo̱ le̱ wó ofaikpamo̱ le̱ no̱ ohã mei ní eſe̱ ní yo̱ le̱!

ŊMALƐ KRƆŊKRƆŊ LƐ

⁴ Ekolɛ Yehowa, oNyɔŋmɔ lɛ, enu tsulɔnukpa lɛ, mɔ ni enuŋtsɔ Asiria maŋtsɛ lɛ tsu lɛ koni ebaye Nyɔŋmɔ hiɛkãalɔ lɛ he fɛo lɛ, wiemɔi lɛ. Aba mli akɛ Yehowa, oNyɔŋmɔ lɛ, enu ahorabɔɔ wiemɔi lɛ, ni ebaagbala mɔ ni wie lɛ toi. No hewɔ lɛ, sɔlemɔ okpa Nyɔŋmɔ fai yɛ wɔmaŋbii ni eshwɛ lɛ ahewɔ.”

Yesaia 37:4 ပူးပေါင်းရင်းမြစ်များ

2 Samuel 16:12

Ekole̱ Iehowa aakwe̱ mimanehũlũ ne̱, ni eke̱ ekpakpa aatomi lōmo̱ ni elomoo̱mi ṅme̱ne̱ ne̱ nãdšiaṅ.

2 Maŋtsɛmɛi 17:18

Nohewo̱ le̱ Iehowa mli fũ Israel naakpa, ni edšieame̱ ke̱-dše̱ ehĩe; eſe̱e̱ mokomoko ake̱ dša Iuda aku tšo le̱ kome ke̱ke̱.

2 Maŋtsɛmɛi 19:4

Ekole̱ Iehowa, o-Nyoṅmo̱ le̱, enu Rabšake moni enuṅtšo̱, Ašur maṅtše̱ le̱, tšũ le̱ ni *ebasopa Nyoṅmo̱ hĩekalo̱ le̱ wiemo̱i le̱ fẽ, ni ebakã ehĩe ye̱ wiemo̱i ní Iehowa, o-Nyoṅmo̱ le̱, enu le̱ ahewo̱: nohewo̱ le̱ wó ofaikpamo̱ le̱ ne̱ ohã mei ní eſe̱ ní yo le̱. *18,35.

2 Kronika 28:19

Edšake̱ Israel maṅtše̱ Ahaz hewo̱ lo̱ Iehowa eba Iuda ši; edšake̱ ebo̱ nye-nyeṅtſi ye̱ Iuda, ni etõ Iehowa no̱ babaō.

2 Kronika 34:21

Nyeyaä ní nyeyabia Iehowa nii nyehãa mi ke̱ mei ni eſe̱ ye̱ Israel ke̱ Iuda le̱, ye̱ wolo ní ana le̱ mli wiemo̱i le̱ ahewo̱; ši Iehowa mlifũ ni afo̱se aſie wo̱no̱ le̱ da, edšake̱ wo̱tše̱mei le̱ yee Iehowa wiemo̱ le̱ no̱ ni ame̱fe nibii fẽ ní aṅmã ye̱ wolo ne̱ mli le̱.

Lalai 106:23

Nohewo̱ le̱ kũle̱ ekē̱ eefiteame̱, ké̱ dšee Mose, ní ehala le̱, *badamo̱ eke̱ ame̱mligblamo̱ le̱ mli ye̱ ehĩe, ni edšō̱ emlifũ le̱ he, koni ekakpãtã ame̱hĩe le̱. *Ezek. 13,5.

Lalai 50:21

Ene̱mei ofeo̱, ši ake̱-ni *mife diō hewo̱ le̱, osusuo̱ ake̱ mitamo̱ bo noṅṅ. Ši maka ohĩe, ni mike̱-amãmo̱ ohãe pe̱pē̱pe̱! *Lal. 73,11.

Yesaia 1:8

Ni ašĩ Zion biyō le̱ tamo̱ weintrom mli asese ko, tamo̱ agorigo ṅmõ mli wō̱he, tamo̱ maṅ ní awo ehe ká.

Yesaia 1:9

*Efe ake̱ Iehowa Zebaot eſe̱e̱ ſē̱no bibiõ ko ehãāwo̱ kũle̱, wo̱tšṍ tamo̱ †Sodom, ni wo̱fe tamo̱ Gomora pe̱! *Rom. 9,29. †1 Mose 19,24. 25. 5 Mose 29,21-27.

Yesaia 10:20

Ni aaba mli ake̱ nakai gbĩ le̱ no̱ le̱, mei ní eſe̱ ye̱ Israel le̱, mei ni edše mli ye̱ Iakob we le̱ eṅõṅ amehe ame̱-kpasaṅ moni yiame̱ le̱ doṅṅ, ši ame̱aṅõ amehe ame̱kpasa Iehowa, Israel Mokroṅkroṅ le̱, ye̱ ano̱kwale mli.

Yesaia 10:22

Ši *ké̱ omaṅ Israel yifále̱ tamo̱ ṅšo̱nã šia po, mei ní eſe̱ le̱ ke̱ke̱ aakũ ame̱se̱ aba! Amã hĩekpãtãmo̱ no̱ mí, eyi eteke no̱ ke̱ dšale̱. *Rom. 9,27.

Yesaia 11:11

Ni aaba mli ake̱ nakai gbĩ le̱ no̱ le̱, Nuṅtšo̱ le̱ aakpã enine mli noni dši ši enyo̱, koni ekpõ emã le̱ṅ mei ní eſe̱ le̱, mei ní eſe̱ ke̱-dše̱ Ašur ke̱ Mizraim ke̱ Patros ke̱ Kuš ke̱ Elam ke̱ Šinear ke̱ Hamat ke̱ ṅšo̱ṅkpo̱i le̱ ano̱ le̱.

Yesaia 36:13

Ke̱ke̱ ni Rabšake ho damo̱ ši ni ebo ke̱ gbē wāle̱ ye̱ Iuda wiemo̱ le̱ mli ni ekē̱: Nyeboa *maṅtše̱ kpeteṅkple le̱ ni dši Ašur maṅtše̱ le̱ gbẽ toi! *K. 4.

Yesaia 36:18

Nyekahãa Hezekia mīlakaãnye ake̱: Iehowa bahere wo̱yiwala! Ani *dšeṅmãdši le̱ anyoṅmo̱i le̱ eko ehere ešikpoṅ yiwala ke̱-dše̱ Ašur maṅtše le̱ deṅ pẽṅ? *10,10; 37,12.

Yesaia 36:20

Ne̱ke̱ šikpõdši ne̱ anyoṅmo̱i le̱ fẽ ateṅ namei ehere ame̱šikpoṅ yiwala ke̱-dše̱ mideṅ, hewo̱ ni Iehowa le̱, le̱ le̱ eehere Ierusalem yiwala ke̱-adše̱ mideṅ le̱?

Yesaia 37:17

Gbo otoi ši, Iehowa, ni onu; gblemo̱ ohĩṅme̱ii, Iehowa, ni okwe̱! ni onu Sanherib wiemo̱i fẽ ní etšũ ake̱-basopa Nyoṅmo̱ hĩekãlo̱ le̱!

Yesaia 37:31

Ši Iuda we le̱ mei ni eſe̱ ní dši mei ní dše mli le̱ *aatšẽrẽ fāi ekoṅ ke̱-mõ ši, ni ame̱awo yibii ye̱ ṅweigbe̱. *27,6.

Yesaia 37:32

Edšake̱ ſē̱nõ ko kẽ aadše̱ Ierusalem aba, ni mei ní edše mli hũ aadše̱ Zion goṅ le̱ no̱ aba; Iehowa Zebaot hĩedō̱ le̱ bafe ene̱!

Yesaia 37:5

Ni maṅtše̱ Hezekia tšũdši le̱ ha Iesaia ṅõ.

Yesaia 41:14

Kāšegbeyei, bo gõgõmi Iakob, nye Israelbii ni nyeyi fáá! *maye mabuao, Iehowa kē̱, ni okpõlo̱ dši Israel Mokroṅkroṅ le̱. *43,3.

Yesaia 46:3

Nyeboami toi, nye Iakob we, mei fẽ ní eſe̱ ye̱ Israel we le̱, nye mei ní mihĩenye ke̱-dše̱ mũsũṅ bēbe, ní mitĕre-nye ke̱-dše̱ fo̱mo̱he le̱;

Yeremia 26:19

Ani gbe Iuda maṅtše̱ Hezekia ke̱ Iuda fẽ gbĕle̱? Ani dšee Iehowa gbeyei moṅ eše ni etao Iehowa hĩegbe̱, ni Iehowa hũ *ſa ehe ye̱ efõṅ ni ewie eši-ame̱ le̱ hewo̱? Ni wo̱ le̱ wo̱o̱fe efõṅ kple ne̱ wo̱ši wo̱susumai lo? *18,8.

Yeremia 42:2

ní ame̱bakē̱ gbalo̱ Ieremia ake̱: Agbe̱ne̱ hã wo̱faikpamo̱ asa ohĩe, ni *okpa Iehowa, o-Nyoṅmo̱ le̱, fai ohãwo̱ ke̱ mei ní eſe̱ ne̱ fẽ (edšake̱ mei babaō ne̱ ateṅ le̱, wo̱yi fiō pe̱ eſe̱, take̱ bo̱ni ohĩṅme̱ii naäwo̱ ne̱), *37,3.

Daniel 2:18

koni ame̱kpa ṅwei Nyoṅmo̱ le̱ fai, ní emũsũṅ atšõle̱ ye̱ ame̱hewo̱ ye̱ ne̱ke̱ tēmo̱sane ne̱ hewo̱, koni akakpãtã Daniel ke̱ enanemei le̱ able afata Babel nilelo̱i krokomei le̱ ahe.

Yoel 2:17

Hã ni oso̱foi, ni dši Iehowa súolo̱i le̱, afó ye̱ koi le̱ ke̱ afo̱lešãlate̱ le̱ teṅ, ni ame̱kē̱: Iehowa, na omaṅ le̱ mo̱bo̱, ni kãṅõ ogbe̱fãṅnõ le̱ ohã ahorabō̱, ni dšeṅmādši le̱ ke̱ame̱ mīfe ame̱dāṅ lala! *Mẽba aakē̱ ye̱ mãdšimãdši le̱ ateṅ ake̱: Nẽgbe̱ ame̱-Nyoṅmo̱ le̱ yo̱? *Lal. 79,10.

Amos 5:15

Nyenye̱a *nõfõṅ, ni nyesumo̱a nõkpakpa, ni nyehãa dšale̱ saneyeli adamo̱a ši ye̱ koi ši; ake̱ aleenõ Iehowa, Zebaot Nyoṅmo̱ le̱, aadro Iosef ſē̱nō le̱ lo! *Lal. 55,15. Rom. 12,3.

Amos 7:2

Ni eba mli ake̱, beni ame̱baye šikpoṅ le̱ no̱ bāi le̱ ame̱gbe nā le̱, ke̱ke̱ ni mikē̱: Nuṅtšo̱ Iehowa, ṅõ-fa! Té Iakob aafe tēṅ adamo̱ šiṅ? edšake̱ bibiō ke̱ke̱ dšile̱!

Romabii 9:27

Ši Iesaia bo ye̱ Israel hewo̱ ake̱: *“Ké̱ Israelbii le̱ ayibo̱ tamo̱ ṅšo̱nā šia le̱, mei ní †eſe̱ le̱ yiwala aahere. *Ies. 10,22. 23. †Rom. 11,5.

Yakobo 5:16

Nyedšadšea nyeno̱tõmo̱i nyetšõa nyehe, ni nyeso̱lea nyehãa nyehe, ni nyehe atã, Dšalo̱ so̱lemo̱ ni mli wa le̱ nyẽo̱ nii babaō etšuo̱.

Yoshua 14:12

Nohewo̱ le̱ agbe̱ne̱, ṅõ ne̱ke̱ goṅ ne̱ ní Iehowa wie he ye̱ nakai gbĩ le̱ no̱ le̱ ohãmi; edšake̱ nakai gbĩ le̱ bodientše̱ onu; edšake̱ Anakbii ye̱ dše̱i ke̱ mãdši wudši ní atſa gbogboi awo he; ekole̱ Iehowa aafata mihe, ní maſieame̱, take̱ bo̱ni Iehowa wie le̱. 11,21.

1 Samuel 12:19

Ni maṅ mū le̱ fẽ kē̱ Samuel ake̱: Kpa Iehowa, o-Nyoṅmo̱ le̱, fai ohã otšũ-dši, koni wo̱kagboi, edšake̱ wo̱ṅõ efõṅ wo̱fata wohe ešai le̱ fẽ he ke̱ maṅtše̱ ni wo̱bi wo̱hã wo̱he le̱.

1 Samuel 12:23

Ni mi hũ, ene̱ akagbalemi fō̃ṅfõ ake̱ mafe eša maši Iehowa ni *mafõ fai-kpamo̱ ke̱ nye hãmo̱, ši moṅ matšõnye gbe̱ kpakpa ke̱ dšale̱ gbe̱. *7,8.

1 Samuel 14:6

Ni Ionatan kē̱ oblanyo ni hĩe etawūnii le̱ ake̱: Ba ní wo̱te ne̱ke̱ fōlo̱i ne̱ asrafoi le̱ aṅõ! Ekole̱ Iehowa aatšu nii ahãwo̱; edšake̱ nokonoko etšĩĩ *Iehowa nā ake̱ eke̱ mei pī lo mei fiõ aahere yiwala! *Kodš. 7,7. 2 Kron. 14,10.

1 Samuel 17:26

Ke̱ke̱ ni David kē̱ hĩĩ le̱ ní eke̱-damo̱ ši le̱ ake̱: Meni aafe ahã moni aagbe Filistinyo ne̱, níi eedšie ahorabō̱ ne̱ ye̱ Israel no̱ le̱? Edšake̱ namo po dši ne̱ke̱ Filistinyo fõlo̱ ne̱, ni ebo̱ö̱ Nyoṅmo̱ hĩekãlo̱ le̱ tai le̱ ahora ne̱?

1 Samuel 17:36

Dšata ke̱ ošĩšĩbriši po le̱ otšũlo̱ egbe, ni ne̱ke̱ Filistinyo fõlo̱ ne̱ aatšṍ tamo̱ ame̱teṅ mokome, ake̱ nõ kẽ ní ebo̱ö̱ Nyoṅmo̱ hĩekãlo̱ le̱ tai le̱ ahora ne̱!

1 Samuel 7:8

Ni Israelbii le̱ kē̱ Samuel ake̱: *Kāfõ blo̱mo̱ ke̱ Iehowa, wo̱-Nyoṅmo̱ le̱, tšé̱mo̱ ke̱ wo̱ hãmo̱, koni ehere wo̱yiwala ye̱ Filistibii le̱ adeṅ! *12,23.