Yesaia 31:1 - Ṅmãle̱ Kroṅkroṅ Le̱

¹ Kpóo hã mei ní yaä Mizraim yataoo̱ yelike̱-buamo̱, ni ame̱ke̱ ame̱he fõo̱ okpo̱ṅo̱i ano̱, ni ame̱ṅõo̱ ame̱hĩe ame̱fõo̱ ſīlii ano̱, edšake̱ ame̱yi fá, ke̱ okpo̱ṅo̱iatše̱mei hũ ano̱, edšake̱ ame̱he wa naakpa, ši ame̱kwe̱e̱ Israel Mokroṅkroṅ le̱, ni ame̱taoo Iehowa se̱gbe̱ le̱! 30,1. 2.

ŊMALƐ KRƆŊKRƆŊ LƐ

¹ Kpoo hã mɛi ni yaa Ijipt amɛyataoɔ yelikɛbuamɔ ni amɛkɛ amɛhiɛ fɔ̃ɔ okpɔŋɔi anɔ, mɛi ni kɛ amɛhiɛ fɔ̃ɔ tayaa shwiilii anɔ ejaakɛ amɛfa, kɛ okpɔŋɔnɔtalɔi hu anɔ, ejaakɛ amɛhe wa naakpa, shi amɛkɛ amɛhiɛ efɔ̃ɔɔ Israel Mɔ Krɔŋkrɔŋ lɛ moŋ nɔ, loo amɛbiii Nuŋtsɔ lɛ dɛŋ yelikɛbuamɔ po!

Yesaia 31:1 ပူးပေါင်းရင်းမြစ်များ

1 Mose 47:17

Ni ame̱ke̱ ame̱koloi le̱ hahā Iosef, ni Iosef hãame̱ niyenii eṅõ-tšake okpo̱ṅo̱i ke̱ tõkui ke̱ tšinakui ke̱ tedšii, ni ehãame̱ niyenii eke̱-he ame̱koloi fẽ nakai afi le̱.

2 Kronika 16:7

Ni nakai be le̱ mli le̱ Hanani, ninalo̱ le̱, ba Iuda maṅtše̱ Asa ṅõ ni eba-kē̱le̱ ake̱: Ake̱ni *oke̱ ohĩe fõ Aram maṅtše̱ le̱ no̱, ši oke̱ ohĩe efõõ Iehowa, o-Nyoṅmo̱ le̱, no̱ hewo̱ le̱, Aram maṅtše̱ le̱ ta le̱ edše odeṅ. *Ier. 17,6.

2 Kronika 16:9

Edšake̱ Iehowa yo̱ ne̱, ehĩṅme̱ii kpaä šikpoṅ mū le̱ fẽ no̱, ni edšieo̱ ehewale̱ kpo ehãa mei ní ame̱tšui ehĩ ke̱-wula ši ye̱ egbe̱fãṅ le̱ le̱. Oye kwašiai asane ye̱ ene̱ mli; nohewo̱ le̱ ke̱-dše̱ ṅme̱ne̱ no̱ ke̱-yaã ne̱ tai aate ši awoö!

Hiob 39:11

Ani oke ohĩe aafo eno̱ ye̱ ehewale̱ ní fá le̱ hewo̱, ni oošĩ onitšumo̱ ohãle̱ lo?

Lalai 20:7

Agbe̱ne̱ mile ake̱ Iehowa ehere moni efo̱le̱ mũ le̱ yiwala, ni eebole̱ toi ke̱-adše eṅwei kroṅkroṅ le̱, ni eke̱ *eninedšũrõ hewale̱ le̱ aaherele̱. *2 Mose 15.6.

Yesaia 10:17

Ni Israel kane le̱ aatšṍ la, ni e-Mokroṅkroṅ le̱ aatšṍ lalilei, ni eetšo ni eešã eṅmeii ke̱ ekpitikpitii le̱ gbĩ kome. 5 Mose 4,24.

Yesaia 2:7

Ame̱šikpoṅ le̱ no̱ eyi obõ ke̱ dſie̱te̱i ke̱ šika, ni ame̱dſetri le̱ be̱ nāgbē; ame̱-šikpoṅ le̱ no̱ eyi obõ ko̱ *okpo̱ṅo̱i, ni ame̱ſīlii le̱ be̱ nāgbē. *5 Mose 17,16. Mika 5,9.

Yesaia 20:5

Ni ame̱he aakpokpo ni ame̱hĩe aagboi ye̱ Kuš ní ame̱hĩe kã eno̱ le̱ ke̱ Mizraim ni dši ame̱hĩe nyam le̱ hewo̱.

Yesaia 22:11

ni nyeagba nudšō̱ ye̱ gbogboi enyo̱ le̱ ateṅ, koni nyeke̱-bua kpākpo momo le̱ṅ nu le̱ nā. Ši nyehĩe tšṍṅ moni fe ene̱ le̱, ni moni to ke̱-dše̱ dšeeṅmõ le̱, nyekwe̱ṅle̱ gbe̱.

Yesaia 30:16

ni nyekē̱ ake̱: “Dabi! ši wo̱o̱trá okpo̱ṅo̱i ano̱ ke̱-dšo foi!” nohewo̱ le̱ foi kẽ nyeadšo! ni “wo̱o̱trá koloi ní he yo̱ oyá no̱!” nohewo̱ le̱ mei ní aatiunye le̱ hũ ahe aafe oyá!

Yesaia 36:6

Na, ohĩe kã ne̱ke̱ gălã ní amla ní dši Mizraim ne̱ no̱, noni ke̱dši moko kpasa ní egbuo̱ edẽ ke̱-dšeo̱ kpo le̱. Nakai Farao, Mizraim maṅtše̱ le̱, feo̱ mei fẽ ní ṅõo̱ ame̱hĩe ame̱fõo̱ eno̱ le̱.

Yesaia 36:9

Ni té oofe tẽṅ ni oonyẽ ohã minuṅtšo̱ tšũdšĩ bibii le̱ ateṅ asafoiatše̱ kome etšṍ ese̱ ahão hũ? Ni ohĩe kã Mizraim no̱ ye̱ ſīlii ke̱ okpo̱ṅo̱iatše̱mei ahewe̱, be̱?

Yesaia 43:15

Mi, Iehowa, dši nye-Mokroṅkroṅ le̱, Israel bo̱lo̱ le̱, nyemaṅtše̱ le̱.

Yesaia 5:12

ni ame̱hĩeo̱ *saṅkŭ ke̱ obenta ke̱ milẽ ke̱ ble̱ ke̱ wein ye̱ ame̱kplõi le̱ ahe, ši Iehowa †nifemo̱ le̱, ame̱kwe̱e̱, ni eninenā nitšumo̱ hũ ame̱naa! *Amos 6,5. 6. †Lal. 28,5.

Yesaia 57:9

Ni oke̱ mũ te yahã maṅtše̱ le̱, ni ohã otšofãi-ke̱-ṅmai fá pī, ni otšũ obo̱foi le̱ ke̱-te šoṅṅ, ni oba ohe ši ke̱-te gbohĩĩadše tō̃.

Yesaia 64:7

[8.] Ni agbe̱ne̱, Iehowa, bo *dši we̱tše̱: wo̱ le̱, †sũ dšiwo̱, ni bo dši wo̱šõlo̱, ni oninenā nitšumo̱ dši wo̱fẽ. *63,16. †45,9.

Yesaia 9:12

[13.] Ši maṅ le̱ ekũũ ese̱ ebaa moni yile̱ le̱ ṅõ, ni ame̱taoo Iehowa Zebaot se̱gbe̱ hũ.

Yesaia 9:13

[14.] Hewo̱ le̱ Iehowa *aafo yitšo ke̱ lei, pãmpã ke̱ gãlã gbĩ kome ye̱ Israel. *10,3.

Yeremia 17:5

Bo̱ni Iehowa kē̱ ne̱: Alomo̱ gbomo ní ṅõo̱ ehĩe efõo̱ ádesã ne̱, ní eṅõo̱ helo efeo̱ enine, ní etšui edše Iehowa he le̱! Lal. 118,8; 146,3.

Yeremia 2:13

Edšake̱ mimaṅ le̱ efe nifõdši enyo̱: ame̱šĩmi ní dši *wala nubu le̱, ni ame̱yakpe̱kpē̱ bui ní edſăra ní nyẽẽ nu ato ame̱hã amehe. *17,13. Lal. 36,10.

Yeremia 37:7

Bo̱ni Iehowa, Israel Nyoṅmo̱ le̱, kē̱ ne̱: Nyeyakē̱a Iuda maṅtše̱ le̱ ní tšũnye ke̱-ba miṅõ nyebabimi nii le̱ ake̱: Na, Farao ta ní fã ke̱-ba ni ebaye ebuanye le̱, aakũ ame̱se̱ ke̱-ate ame̱šikpoṅ ní dši Mizraim le̱ no̱ ekoṅ;

Yeremia 42:14

ni nyekē̱ ake̱: Dabi! ši wo̱e̱te Mizraim šikpoṅ le̱ no̱, heni wonaṅ ta ye̱, ni wo̱nuṅ te̱tre̱mantre̱ gbē̱mo̱, ni asaṅ abolo hõmo̱ yeṅwo̱, ní wo̱yahĩ ši ye̱ dše̱i le̱!

Ezekiel 17:15

Ši kẽle̱ etše ehĩe atũa, ni etšũ ebo̱foi ke̱-te Mizraim, koni ahãle̱ okpo̱ṅo̱i ke̱ ta ní fá. Aso eehĩ ehãle̱? Aso moni feo ene̱mei ne̱, eedše mli? Aso eekũ kpãṅmo̱ le̱ṅ, ni eedše mli?

Ezekiel 29:16

Ni efeṅ noni Israel we le̱ ke̱ ame̱hĩe fõo̱ no̱ doṅṅ, ni eehã akai ame̱nišaianii le̱, ni ame̱atšṍ ame̱he ke̱-yanyie ame̱se̱, ni ame̱aná ame̱le ake̱ midši Iehowa le̱.

Daniel 9:13

Bo̱ni aṅmã ye̱ Mose mla le̱ mli le̱, nakai ne̱ke̱ efõṅ ne̱ fẽ eba wo̱no̱ ne̱; ši kẽle̱ wo̱kpaa Iehowa, wo̱-Nyoṅmo̱ le̱, fai, koni wo̱kpale ke̱-dše̱ wo̱nišaianii le̱ ahe, ni wo̱dſẽṅ ano̱kwale le̱ he.

Hosea 11:5

Ekũṅ ene̱ ke̱-yaṅ Mizraim šikpoṅ le̱ no̱ doṅṅ, ši Ašur dši emaṅtše̱; edšake̱ ame̱kplẽẽ se̱kū̃.

Hosea 11:9

Mifeṅ ye̱ mimlifũ ní nā wa le̱ ta; mikũṅ mise̱ mĩtafiteṅ Efraim; edšake̱ Nyoṅmo̱ dšimĩ, ši dšee gbomo, mokroṅkroṅ ní yo̱ oteṅ le̱, ni mibaṅ ke̱ mlila. Yãfó 3,31-35.

Hosea 14:3

Nyeṅõa wiemo̱i nyehĩea nyedẽ, ni nyekũa nyese̱ nyeyaä Iehowa ṅõ! Nyeyakē̱ale̱ ake̱: “Ṅõ nišaianii fë ofa, ni omli ahĩ ahãwo̱, ni *wo̱o̱ṅō wo̱nābui wo̱fe tšinahĩĩ wohão. *Heb. 13,15.

Hosea 7:7

Ame̱fẽ-tſẽm ame̱mli edo̱ la tamo̱ flõnõ, ni ame̱šãa ame̱kodšolo̱i le̱; ame̱maṅtše̱mei le̱ fẽ nyõnyõo̱, ni mokomoko be̱ ame̱teṅ ni tšé̱o̱mi!

Habakuk 1:12

Iehowa, aui dšee nāno̱ odše̱, mi-Nyoṅmo̱, mi-Mokroṅkroṅ? *Wo̱gboiṅ; Iehowa, otole̱ ohã kodšomo̱, ni bo, te̱sã, oke̱le̱ emã ši ohā kãmo̱. *Ier. 10,24.

Habakuk 3:3

Nānyoṅmo̱ dše̱ Teman mība, ni Mokroṅkroṅ le̱ dše̱ Paran goṅ le̱ no̱. (Sela.) Enumnyam le̱ eha ṅwei, ni eyidšiemo̱ eyi šikpoṅ le̱ no̱ to̱. 5 Mose 33,2. Kods. 6,4.

Zakaria 10:5

Ni ame̱atamo̱ kãkãlo̱i ní nānāa blohũiaṅ ṅmiamo̱ no̱ ye̱ ta le̱ṅ, ni ame̱awu ta; edšake̱ Iehowa ke̱ame̱ ye̱, ni mei ní trá okpo̱ṅo̱i ano̱ le̱ ahĩe aaſie ši.

5 Mose 17:16

Ši ekahĩ okpo̱ṅo̱i pī, ni asaṅ eke̱ maṅ le̱ akakũ se̱ ke̱-mīya Mizraim ye̱ okpo̱ṅo̱i *ayifále̱ hewo̱; edšake̱ Iehowa ekē̱nye ake̱: Nyekakũa nyese̱ nyeyatšṍa nakai gbe̱ le̱ no̱ gbĩkogbĩko doṅṅ! *1 Maṅ. 10,25. 28.

5 Mose 20:1

Ke̱dši ōya ní oke̱ ohenye̱lo̱i ayawu ta, ni ona okpo̱ṅo̱i ke̱ ſīlii ke̱ maṅ ní yi fá fèo le̱, kāšeame̱ gbeyei, edšake̱ Iehowa, o-Nyoṅmo̱ le̱, ní dšieo ke̱-dše̱ Mizraim šikpoṅ le̱ no̱ le̱, ke̱o ye̱.