Yesaia 25:9 - Ṅmãle̱ Kroṅkroṅ Le̱

⁹ Ni aakē̱ ye̱ nakai gbĩ le̱ no̱ ake̱: Na, wo̱-Nyoṅmo̱ le̱ ní wo̱hĩe kã eno̱, ake̱ eehere wo̱yiwala le̱ ne̱! Mone̱ dši Iehowa ní wo̱hĩe kã eno̱ le̱! Nyehãa wo̱nyã́a ni wo̱mli afliawo̱ ye̱ eyiwalaheremo̱ le̱ hewo̱! Lal. 48,15.

ŊMALƐ KRƆŊKRƆŊ LƐ

⁹ Nakai be lɛ aaakɛɛ akɛ, “Naa, wɔNyɔŋmɔ lɛ nɛ. Wɔkɛ wɔhiɛ efɔ̃ enɔ akɛ eeehere wɔ. Yehowa ni wɔhiɛ kã enɔ lɛ nɛ; nyɛhãa wɔmii ashɛa, ni wɔnyaa yɛ edɛŋ yiwalaheremɔ lɛ hewɔ.”

Yesaia 25:9 ပူးပေါင်းရင်းမြစ်များ

1 Mose 49:18

Iehowa, owalaheremo̱ le̱ gbe̱ mikwe̱o̱ ne̱! Lal. 119,166. Hab 2,3.

Lalai 100:1

Šidā lala. Šikpoṅ le̱ fẽ, nyeboa oše nyehãa Iehowa!

Lalai 20:5

Ehão nii ní otšui ſeo̱ le̱, ni ehã oyiṅtōi fẽ aba mli. Lal. 31,8.

Lalai 21:1

David lala ni eke̱-hã lalatše̱ nukpa le̱.

Lalai 27:14

Kwe̱mo̱ Iehowa gbe̱! Wadšemo̱ ohe ni oná tšui, ni okwe̱ Iehowa gbe̱! Lal. 31,25.

Lalai 33:20

Wo̱susnma mīkwe̱ Iehowa gbe̱; le̱ dši wo̱bualo̱ ke̱ wo̱tše̱ṅ. Lal. 3,4.

Lalai 33:21

Emli wo̱náa tšuidšũrõ ye̱, edšake̱ egbe̱i kroṅkroṅ le̱ no̱ wo̱hĩe kã.

Lalai 40:17

Hã mei fẽ ni taoo̱ ose̱gbe̱ le̱ anyã́ ni ame̱mī aše̱ ame̱he ye̱ omli; hã mei ni sumoo̱ oyiwalaheremo̱ le hũ akē̱ dã ake̱: Iehowa dše agbo!

Lalai 9:14

Iehowa, nami mo̱bo̱! Kwe̱mo̱ mi-manehũlũ ní minaä ye̱ mei ní nye̱o̱mi le̱ adeṅ, bo moni owóo̱ mino̱ ke̱-dše̱o̱ gbĕle agbói le̱ amli,

Lalai 95:1

Nyebaã ni we̱laä wo̱hãa Iehowa, nyehãa wo̱bo̱a oše wo̱hãa wo̱yiwalaheremo̱ te̱sā le̱!

Yesaia 33:2

Iehowa, dromo̱wo̱, ši bo gbe̱ wo̱kwe̱o̱! Tšṍ nine ohãame̱ dā lebi, ke̱ wo̱yiwalaheremo̱ hũ ye̱ fĩmo̱ be le̱ mli!

Yesaia 33:22

Edšake̱ Iehowa dši wo̱kodšolo̱, Iehowa dši wo̱tatše̱, Iehowa dši wo̱maṅtše̱, le̱ noṅṅ eehere wo̱yiwala.

Yesaia 35:1

Ṅã kpatā ke̱ šikpoṅ gbiṅ le̱ aanyã́, ṅã kplanā le̱ hũ mlĩ aaflile̱, ni eegba afofro tamo̱ fo̱fo̱i! 32,15.

Yesaia 35:10

Mei ni Iehowa ekpõame̱ le̱ aakũ ame̱se̱ ke̱-aba ekoṅ, ni ame̱-aba Zion ke̱ nyã́mo̱ lala; nāno̱ mīše̱ aahĩ ame̱yiteaṅ, ame̱nine aaše̱ mliflimo̱ ke̱ mīše̱ ne̱, ni aw̌ere̱hō ke̱ ntšo̱idõmo aadšo foi. 51,11. Lal. 126,6. Kpods. 21,4.

Yesaia 35:2

Eegba afofro babaō ni emli aaflile̱, ni emli aaflile̱ ke̱ mīše̱ ke̱ nyã́mo̱ so̱ṅṅ; aaṅõ Lebanon anumnyam le̱ ahãle̱, ke̱ Karmel ke̱ Šaron wulamo̱ le̱ hũ. Ame̱-ana Iehowa anumnyam le̱, ke̱ wo̱-Nyoṅmo̱ le̱ wulamo̱ le̱ hũ.

Yesaia 35:4

Mei ní tšui fãa le̱, nyekē̱ame̱ ake̱: Nyewadšea nyehe, nyekašea gbeyei! Na, nye Nyoṅmo̱ le̱ miba ke̱ oweletō̱ ke̱ Nyoṅmo̱ nãdšiaṅtō, ni eehere nyeyiwala hũ. Lal. 94,1.

Yesaia 37:20

Ši agbe̱ne̱, Iehowa, wo̱-Nyoṅmo̱, mīkpao fai, heremo̱ wo̱yiwala ke̱-dše̱ edeṅ, *koni šikpoṅ le̱ no̱ maṅtše̱yelii fẽ aná ale ake̱ bo okometō dši Iehowa! *40,5.

Yesaia 40:9

Kwo̱ ke̱-ya goṅ ni kwo̱ ko no̱, bo sanekpakpadšadšelo̱ Zion! wó ogbē no̱ ke̱ hewale̱, sanekpakpadšadšelo̱ Ierusalem! Wó no̱, kāše gbeyei; kē̱mo̱ Iuda mãdši le̱ ake̱: Na, nye-Nyoṅmo̱ le̱ ne̱!

Yesaia 41:16

Ooša ame̱mli, ni kō̱yo̱ aalōame̱ ke̱-ate, ni lasũogbĕle aagbe̱ame̱ aſã; ši bo le̱, omli aaflio ye̱ Iehowa mli, ni ooſā ofõ Israel Mokroṅkroṅ le no̱.

Yesaia 49:23

Ni *maṅtše̱mei aatšṍmo̱ okwe̱lo̱i, ni ame̱maṅnyemei lo̱ aatšṍmo̱ ofufo̱hãlo̱i; †ame̱akotoö ni ame̱ke̱ ame̱hĩe aabumo̱ ši, ni ame̱ale̱mo̱ onādšiaši mlu, ni ooná ole ake̱ mi, midši Iehowa, ni mei ní hĩe kā mino̱ le̱ ahĩe gboiṅ! *60.16. †Lal. 72,9. Mika 7,17.

Yesaia 51:3

Ši Iehowa eše̱dše Zion mī, eše̱dše emaṅfõi le̱ fẽ amī, ni ehã eṅã le̱ no̱ etšṍ tamo̱ Eden, ni eṅã ole̱ṅle̱ le̱ no̱ etšṍ tamo̱ Iehowa trom. Mliflimo̱ ke̱ mīše̱ aana ye̱ mli, ke̱ šidā hũ ke̱ yidšiemo̱ lala gbē.

Yesaia 52:10

Iehowa *edšie enine kroṅkroṅ le̱ he ye̱ dšeṅmãdši le̱ fẽ ahĩe, koni šikpoṅ le̱ nāgbēhei le̱ fẽ ana wo̱-Nyoṅmo̱ le̱ yiwalaheremo̱ le̱. *53,1.

Yesaia 60:16

Ni oonu dšeṅmãdši afufo̱, ni ooye *maṅtše̱mei akpokuai, ni oole ake̱ mi, Iehowa, dši oyiwalaherelo̱, ni okpõlo̱ dši Iakob hewalo̱ le̱. *49,23.

Yesaia 61:10

Manyã́ ye̱ Iehowa mli, ni misusuma mli aaflile̱ ye̱ mi-Nyoṅmo̱ le̱ mli; edšake̱ ewomi *yiwalaheremo̱ atadei, ni eke̱ dšale̱ mama ehami, tamo̱ bo̱ni ayemforowu wulaä ehe ke̱ oso̱fo fai, lo bo̱ni ayemforo woo̱ dſinei le̱. *Mat. 22,11. 12.

Yesaia 64:4

[5.] Oke̱ moni ke̱ mīše̱ tšuo̱ dšale̱-nii le̱ kpeo̱: mei ni kaio̱o ye̱ ogbè̱i le̱ ano̱ le̱. Na, omli efũ, edšake̱ wo̱fe eša; nakai wo̱yo̱ ke̱-dše̱ dšeeṅmõ, aso aahere wo̱yiwala kẽ?

Yesaia 65:18

ši moṅ, nyenyã́a ni nyemli aflianye ke̱-yaä nāno̱ ye̱ nii ní mibo̱ö̱ le̱ ahewo̱; edšake̱ na, mībo̱ Ierusalem ní etšṍ mliflimo̱, ke̱ emli bii le̱ hũ ni ame̱tšṍ nyã́mo̱! 35,10.

Yesaia 8:17

Ši mīkwe̱ Iehowa, moni eṅö ehĩe etē Iakob we le̱, gbe̱ ni mihĩe kā eno̱.

Mika 7:7

Ši mi le̱, makwe̱ Iehowa gbe̱, mamẽ miyiwalaheremo̱ Nyoṅmo̱ le̱; mi-Nyoṅmo̱ le̱ aabomi toi!

Habakuk 3:18

Ši mi le̱, *manyã́ ye̱ Iehowa mli, mimli aaflimi ye̱ miyiwala-heremo̱ Nyoṅmo̱ le̱ mli! *Ies. 61,10.

Zakaria 10:7

Ni Efraim aatamo̱ kãkãlo̱, ni ame̱tšui aanyõ ame̱mli tamo̱ noni ame̱nu wein; ni ame̱bii hũ aana, ni ame̱mī aaše̱, ni ame̱mli aafliame̱ ye̱ Iehowa mli.

Zakaria 9:9

*Omli aflio pī, Zion biyō! Bo̱ oše, Ierusalem biyō! Na, omaṅtše̱ le̱ mība oṅō: dšalo̱ ke̱ yiwalaherelo̱ dšile̱; ebaä ehe ši, ni etá tedši no̱, ke̱ tedši oblanyo ní dši tedšiyō bi ko no̱. *Zef. 3,14. Mat. 21,5.

Luka 2:25

Ni na, nū ko ye̱ Ierusalem ní atšé̱o̱le̱ ake̱ Simeon, ni nakai nū le̱ dšalo̱ dšile̱ ni ešeo̱ Nyoṅmo̱ gbeyei, ēkwe̱ *Israel mīše̱dšemo̱ le̱ gbe̱, ni Mumo̱ kroṅkroṅ ye̱ eno. *Ies 40,1; 49,13.

Filipibii 3:1

Noni eſe̱ le̱, minyemimei, *nyemĩ aše̱a ye̱ Nuṅtšo̱ le̱ mli! Ké̱ miṅmãnye ne̱ke̱ nii ne̱ noṅṅ le̱, efeemi ahuntō, ši nye le̱ ehãa nyefĩo̱ ši. *2,18; 4.4

Filipibii 3:3

Edšake̱ wo̱ mei ni wo̱dšáa Nyoṅmo̱ ye̱ mumo̱ nā, ni wo̱ke̱ wo̱hĩe efõõ helo no̱, ši Kristo Iesu no̱ moṅ wo̱ſãa wo̱fõo̱ le̱, wo̱ moṅ dši ketiafolo̱i le̱; Rom. 2,29.

Tito 2:13

ni *we̱kwe̱ Nyoṅme̱ kpeteṅkple le̱ ke̱ wo̱yiwalaherelo̱ Iesu Kristo dšō̱mo̱-no̱hĩekāmo̱ le̱ ke̱ enumnyam le puemo̱ le̱ gbe̱; *1 Kor. 1,7. Fil. 3,20.

1 Petro 1:6

no *hãa nyemli flio̱nye, nye ní ṅme̱ne̱me̱, ké̱ ehĩa le̱, nyeyeo̱ ṅko̱mo̱ †fiō ko ye kāi sro̱toi amli le̱, *Rom 5,2. 2 Kor. 4.17. †1 Pet. 5,10.

1 Petro 1:8

moni *nyenakole̱ moṅ, ši nyesumoo̱le̱, mo hũ ni amrõmrõ ne̱ nyenaale̱ moṅ, ši nyehé eno̱ nyeye, hewo̱ le̱ nyemli flio̱nye ke̱ mīše̱ ní anyẽẽ agba ní yo̱ nyam babaō le̱, *Ioh. 20,29. 2 Kor. 5,7.

2 Petro 3:12

mei ni kwe̱o̱ gbe̱ ni ame̱ſeo̱ Nyo̱ṅmo̱ gbĩ le̱ bã le̱, no mli ni ṅwei aahere ke̱ la ni eešã, ni dšeṅšišidšēnii hũ aasĕre ye̱ lã mli,

Kpojiemɔ 1:7

Na, *ēba ke̱ atatui le̱, ni hĩṅme̱i-fẽ-hĩṅme̱i †aanale̱ ke̱ mei ní tšuro̱le̱ nii le̱ hũ, ni šikpoṅ le̱ no̱ akutšei le̱ fẽ aawo yăra ye̱ ehe-wo̱. Hē̃, amen. *Dan. 7,18. †Zak. 12.10. Ioh. 19,37.

Kpojiemɔ 22:20

Moni yeo̱ ne̱ke̱ nii ne̱ he odase le̱ mīkē̱ ake̱: Hē̃, miba oyá. Amen. Hē̃, ba, Nuṅtšo̱ Iesu!