Yesaia 21:3 - Ṅmãle̱ Kroṅkroṅ Le̱

³ Nohewo̱ le̱ mihe̱ mli eyi obõ ke̱ pĩmo̱; kō̃mo̱ eta mihe tamo̱ yō ní bafo̱ kō̃mo̱; mišõ kwekwēkwe, hewo̱ le̱ minuu nii; midšidšã, hewo̱ le̱ minaa nii.

ŊMALƐ KRƆŊKRƆŊ LƐ

³ No hewɔ lɛ, mihɛ mli eyi obɔ̃ kɛ piŋmɔ, kɔ̃ɔmɔ eta mihe; kɔ̃ɔmɔ eta mihe tamɔ yoo ni baafɔ. Mishɔ kwekweekwe, hewɔ lɛ minuuu nii. Mijijaa hewɔ lɛ minaaa nii.

Yesaia 21:3 ပူးပေါင်းရင်းမြစ်များ

Lalai 48:6

Ame̱na ke̱ke̱ ni ame̱he dšõ ame̱he; ṅmiṅmi mõmo̱ame̱, ame̱te tſratſratſra.

Yesaia 13:8

ni ame̱adšidšā, ṅmiṅmi ke̱ kō̃mo̱ aamõmo̱ame̱; ame̱ababla ši tamo̱ yō ní kõmoo̱; ame̱akwe̱kwē̱ ame̱hĩeaṅ ke̱ nākpe̱, ni ame̱hĩeaṅ aatšu tamo̱ la.

Yesaia 15:5

*Mitsui mīblo̱ mīhã Moab, ni efoidšelo̱i le̱ eše̱ Zoar, ní dšĩ afii etẽ tšinayō le̱; ni ame̱ke̱ yāfó mīkwo̱ Luhit, ni Horonaim gbe̱ le̱ no̱ le̱ ame̱wó hĩekpãtãmo̱ he yāfó no̱. *16,9-11.

Yesaia 16:11

Hewo̱ le̱ mimlinii gbē̱o̱ tamo̱ saṅkũ ye̱ Moab hewo̱, mimũsũṅ hũ šãamĩ ye̱ Kir-Heres hewo̱. K. 9.

Yesaia 16:9

Nohewo̱ le̱ raike̱ Iazer fẽ *aafó Sibma weintšo le̱; mafó yāfónui maſie ono̱, Hešbon ke̱ Eleale! †edšake̱ ta-ošebō̱ ebagbẽ oweinyibii atšemo̱ ke̱ onikpamo̱ le̱ no̱, *15,5. †Ier. 4,19. Amos 2,2.

Yesaia 26:17

Tamo̱ *yō ní hĩe mũsũ ni eše̱ efo̱mo̱be kẽmoo̱ ni eblo̱ö̱ yo̱ ekō̃mo̱ le̱ mli le̱, nakai wo̱ hũ wo̱yo̱ ye̱ ohĩe ne̱, Iehowa. *Ioh. 18,21. Kpods. 12,2.

Yeremia 4:19

Mimũsũṅ! ō, mimũsũṅ! mitsui mli dientše̱ miwa mihe! mitšui kãã mimli! minyẽẽ diõ mafe! edšake̱ misusuma enu te̱tre̱mantre̱ gbē̱mo̱ ke̱ ta mli ošebō̱. Ies 16,9.

Yeremia 48:41

Aṅõ mãdši ní wa le̱, atua mõdši le̱, ni nakai gbĩ le̱ Moab hĩĩ kãkãlo̱i le̱ etšui aatšṍ tamo̱ yō ní kõmoo̱ tšui.

Yeremia 49:22

Na, eefã ke̱-aba, ni *eefliki tamo̱ okropoṅ, ni eegbe̱ efĩdšiaṅ ewo Bozra, ni nakai gbĩ le̱ Edomhĩĩ kãkãlo̱i le̱ atšui aatšṍ tamo̱ yō ní kõmoo̱ tšui. *48,40.

Yeremia 50:43

Babel maṅtše̱ le̱ nu ame̱he pe̱, ni enidšiaṅ dše wui; etšui fã, ekõmo̱ tamo̱ yō ni bafo̱.

Yeremia 6:24

Wo̱nu ame̱he: wo̱nidšiaṅ edše wui, wo̱tšui efã, wo̱mīkõmo̱ tamo̱ yō ní bafo!

Habakuk 3:16

Minu, ni mimũsũ kpokpo, minãbui dšo bliblibli ye̱ gbẽ le̱ hewo̱; šramo̱ bote miwui amli, ni mihe kpokpo ye̱ heni midamo̱ le̱, ake̱ matá ši diṅṅ ke̱-yaši haomo̱gbĩ le̱, beni moni ke̱ maṅ le̱ bawu le̱ aafã ke̱-aba le̱.

Yohane 16:21

Ké̱ yō mīkõmo̱ le̱, ehaoo̱, edšake̱ eṅmle̱tſã le̱ eše̱; ši beni éfó̱ bi le̱ se̱ le̱, ekaii hedšramo̱ le̱ doṅṅ ye̱ mīše̱ ní enáa ake̱ éfó̱ gbomo ke̱-ba dše le̱ṅ le̱ hewo. Ies. 26,17.

5 Mose 28:67

Lebi le̱ ookē̱: Miná ní dše na! ni gbe̱ke̱ le̱ ookē̱: Miná ní dše tše̱re! ye̱ otšuifā̃ ní hãa ohe kpokpoo̱ ke̱ ohĩenāno̱nii ní oona le̱ ahewo̱.

1 Tesalonikabii 5:3

Edšake̱ be mli ni ame̱akē̱ ake̱: *Hedšo̱le̱ ye̱ ni wo̱ye̱ ſeſēſe! le, no mli noṅṅ hĩekpãtãmo̱ aabatuaame̱ trukã, tamo̱ kõmo̱ tuaä yō ni mũsũ eda le̱, ni ame̱dšeṅ mli ko̱kō̱ko̱. *Ier. 6,14. Mat. 24,39.