Yesaia 19:3 - Ṅmãle̱ Kroṅkroṅ Le̱

³ Ni Mizraim mumo̱ aatã ye̱ emli, ni mahã edšinatō afe yaka. Ni ame̱ate ame̱yafe nii ye̱ ame̱yakayakawo̱dši ke̱ ame̱klamo̱i ke̱ ame̱kõmfoi ke̱ ame̱wo̱dšiatše̱mei hũ aṅõ.

ŊMALƐ KRƆŊKRƆŊ LƐ

³ Mahã Ijiptbii awerɛ aho amɛhe fe nine, ni amɛyiŋtoi fɛɛ baafee yaka. Amɛbaaya amãgãi kɛ klamɔfoi kɛ sisai aŋɔɔ amɛyabi nii.

Yesaia 19:3 ပူးပေါင်းရင်းမြစ်များ

2 Samuel 15:31

Ni moko bagba David ake̱: Ahitofel ye̱ mei ní ke̱ Absalom ekpãṅ le̱ ateṅ! Ni David kē̱: Iehowa, ofai ne̱, ní ohã Ahitofel ṅāwō le̱ atšṍ kwašiai asane!

2 Samuel 17:14

Ke̱ke̱ ni Absalom ke̱ Israelbii le̱ fẽ kē̱: Hušai, Arkinyo le̱, ṅāwõ le̱ hĩ fè Ahitofel nõ le̱. Edšake̱ to *Iehowa eto ake̱ akwa Ahitofel ṅāwõ kpakpa le̱, beni afe ni Iehowa ke̱ efõṅ aba Absalom no̱. *15,31. 34.

2 Samuel 17:23

Ni beni Ahitofel na ake̱ ayee eṅāwō le̱ no̱ le̱, ewo etedši no̱ nii, ni ete ši ni eyiṅ ete ewe ye̱ emaṅ, ni eto ewe le̱ gbe̱dšiano̱, ni *eyawo esẽ kpã ni egbo, ni afũle̱ ye̱ etše̱ fū̃he le̱. *Mat. 27,5.

2 Maŋtsɛmɛi 1:2

Ni *Ahazia tšṍ eṅwei-asa ní yo̱ Samaria le̱ samfle̱ mli eyagbē ši, ni ehe mīye. Ni etšũ bo̱foi ni ekē̱ame̱ ake: Nyeyaä ni †nyeyabia Baal-Zebub, Ekron nyoṅmo̱ le̱, ake̱ mihe aawami ke̱-adše̱ ne̱ke̱ hela ne̱ mli lo? *1 Maṅ. 22,52. †Ies. 19.3.

1 Kronika 10:13

Ni Saul gbo ye̱ tõ ni etõ Iehowa no̱ ke̱ Iehowa *wiemo̱ ní ebuu le̱ hewo̱, ni asaṅ eyafe nii †ye̱ sisatšé̱lo̱ ṅõ eke̱bi nii, *1 Sam. 15,11. †1 Sam 28,8.

Lalai 107:27

ame̱kpaä ni ame̱didãa tamo̱ dšto̱lo̱, ni ame̱ṅā le̱ fẽ tãa;

Lalai 33:10

Iehowa hãa mãdšimãdši adšina le̱ feo̱ yaka, etſaä mãdši le̱ adſẽṅmo̱i efoo.

Lalai 76:12

Nyewoa Iehowa, nye-Nyoṅmo̱ le̱, ši ni nyeyea no̱! Mei fẽ ní bo̱le ehe le̱ ke̱ nikēnii abahã *moní he yo̱ gbeyei le̱. *2 Mose 16,11. 5 Mose 7,21.

Abe̱i 21:30

Nilē lo sanese̱ko̱mo̱ lo adšina ko be̱ ní ke̱ Iehowa aaši mple. Lal. 33,10. 11.

Yesaia 14:27

Edšake̱ Iehowa Zebaot eto eyiṅ, ni namo aakũ nā? ni ekpã enine mli, ni namo aakpalele̱?

Yesaia 15:2

Ete Bait ke̱ Dibon hei groṅṅi le̱ eyafó; Moab mīwo̱ lele mīſie Nebo ke̱ Medeba no̱. Ame̱fẽ *ame̱yĩteaṅ ekpakpai, ni akukū ame̱fẽ ame̱tšẽṅ. *Ezek. 7,18.

Yesaia 19:1

*Mizraim kodšomo̱ he gbalo̱: Na, Iehowa tá atatu ní he yo̱ oyá no̱ ke̱-mība Mizraim: ni Mizraim yakayakawo̱dši le̱ ahe aakpokpo ye̱ ehĩe, ni Mizraim tšui aafã ye̱ emli. *Ier. 45. Ezek. 22; 30.

Yesaia 44:25

moni hãa amale gbalo̱i akadii feo̱ yaka, ni ehãa klamo̱i yeo̱ se̱ke̱; moni kũo̱ nilelo̱i anā, ni ehãa ame̱nilē le̱ tšṍo̱ kwašiafemo̱; 29,14.

Yesaia 47:12

Agbe̱ne̱ te ši odamo̱ ši ke̱ okable̱fĩmo̱i, ke̱ *okūnyāyeliĩ babaō ní ogbo he deṅme ke̱-dše̱ ogbekẽbiiaši le̱: ake̱ aleenõ oonyẽ oke̱-fe noko, ake̱ aleenõ ohe aafe gbeyei lo! *Dan. 2,2.

Yesaia 57:16

Ši *mibéṅ ke̱-yaṅ nāno̱, ni dšee dā mimli aawo la; edšake̱ kũle̱ mumo̱i ke̱ susumai ní mife le̱ aato̱ biti ye̱ mihĩe. *Lal. 103,9.

Yesaia 8:19

Ni ke̱dši ame̱kē̱nye ake̱: Nyeyabia okõmfoi ke̱ klamo̱i ní wieo̱ gugõdšiaṅ ke̱ akromãgbē le̱ anii le̱ [nyekē̱a-ame̱ ake̱]: *Aso esaa ake̱ maṅ ko aabi e-Nyoṅmo̱ nii? alo gbohĩĩ moṅ anii abio̱ abaa hĩekãlo̱i? *2 Maṅ. 1,3.

Yeremia 46:15

Té aye tẽṅ ní atšire̱ ohewalo̱i le̱ atſia ši ne̱? Ame̱damo̱o̱ ši, edšake̱ Iehowa etšire̱ame̱ etſia ši.

Ezekiel 21:7

[2.] Gbomobi, tšṍ ohĩe ohã Ierusalem, ni ošie̱ otšõ hei kroṅkroṅi le̱, ni ogba oši Israel šikpoṅ le̱,

Ezekiel 22:14

Aso gbĩ ní mike̱o aaye le̱ otšui aanyẽ mli amõ, alo onidši amli aawa? Mi, Iehowa, miwie, ni mafe hũ.

Daniel 1:20

Ni ṅā ke̱ nilē sãdši fẽ ni maṅtše̱ le̱ biame̱ le̱ ena ye̱ mli ake̱ ame̱fē woloṅlelo̱i ke̱ okõmfoi fẽ ní yo̱ emaṅtše̱yelihei le̱ fẽ le̱ šii nyoṅma.

Daniel 2:2

Ni maṅtše̱ le̱ kē̱ ake̱ ayatšē̱ woloṅlelo̱i ke̱ okõmfoi ke̱ ṅkũnyāyelo̱i ke̱ Kaldeamei le̱ ke̱-ba, koni ame̱batšõ maṅtše̱ le̱ elamõi le̱. Ni ame̱ba, ni amebadamo̱ maṅtše̱ le̱ hĩe. Ies. 47,12. 13.

Daniel 5:7

Maṅtše̱ le̱ bo wā *ake̱ ayaṅō okõmfoi ke̱ Kaldeamei ke̱ ṅulamiiaṅkwe̱lo̱i lo̱ ke̱-ba. Ni maṅtše̱ le̱ wó enā no̱, ni ekē̱ Babel nilelo̱i le̱ ake̱: Mofẽmo ní aakane ne̱ke̱ ṅmãle̱ ne̱, ni eetšõmi šiši le̱, aawole̱ atade afaseo, ni aawo ekue̱ šika kõsõṅkõsõ, ní eetšṍ no̱yelo̱ moni dši etẽ ye̱ maṅtše̱yeli le̱ mli, *2,2; 4,6.

1 Samuel 25:37

Ni eba mli ake̱ lebi, beni wein le̱ etšere̱ ye̱ Nabal hĩe le̱, eṅã le̱ gbale̱ sã-dši ne̱ fẽ. Ke̱ke̱ ni etšui gbo tum ye̱ emli, ni efe šikplikpī tamo̱ te̱.