Yesaia 17:8 - Ṅmãle̱ Kroṅkroṅ Le̱

⁸ ni ehĩe tšṍṅ afo̱lešãlate̱i le̱ ni dši eninenā nitšumo̱i le̱ doṅṅ, ni nii ní eninewābii fe le̱ hũ, wo̱ṅkōi le̱ ō, hũlũ amãgãi le̱ ō, ekwe̱ṅ doṅṅ.

ŊMALƐ KRƆŊKRƆŊ LƐ

⁸ Amɛbuŋ afɔleshãa latɛi ni amɛkɛ amɛniji fee lɛ amɛhaŋ nɔ ko nɔ ko. Amɛkɛ nii ni amɛkɛ amɛ diɛŋtsɛ amɛniji fee tamɔ Asherim wɔŋkoi lɛ loo tsofakɛŋmashãa latɛi lɛ efeŋ nɔ ko nɔ ko dɔŋŋ.

Yesaia 17:8 ပူးပေါင်းရင်းမြစ်များ

2 Samuel 22:42

Ame̱kwe̱ gbe̱, ši yiwalaherelo̱ ko be̱; ame̱kwe̱ Iehowa gbe̱, ši efoo ame̱dāṅ.

2 Kronika 14:5

[6.] Ni eto mãdši ni atſa gbogboi awo he ye̱ Iuda; edšake̱ šikpoṅ le̱ no̱ edšo̱, ni ake̱le̱ wuu ta ye̱ nakai afii le̱ amli; edšake̱ *Iehowa ehã ehe edšole̱. *15,15.

2 Kronika 31:1

Ni beni agbe ene̱ fẽ nā le̱, Israel mū le̱ fẽ ni yo̱ dše̱i le̱ dše kpo ke̱-te Iuda mãdši le̱ amli, nĩ ame̱yakũmo̱ amãgãi le̱, ni ame̱gbá wo̱ṅ-kōi le̱, ni *ame̱dſãra hei groṅṅi le̱ ke̱ afo̱lešãlate̱i le̱, ye̱ Iuda ke̱ Benyamin fẽ, ke̱ nii ni yo̱ Efraim ke̱ Manase le̱ hũ āhũ ke̱-yaši beyino̱ ni ame̱gbe nā. Ke̱ke̱ ni Israelbii le̱ fẽ kũ ame̱se̱ ke̱-te ame̱šikpõdši ano̱ ke̱ ame̱mãdšiaṅ. *5 Mose 7,5. 2 Maṅ. 19,4.

2 Kronika 34:4

Ni ame̱kũmo̱kũmō̱ Baalim afo̱lešãlate̱i le̱ ye̱ ehĩe, ni *hũlũ amãgãi le̱ ni mãmo̱ no̱ le̱ eflo̱ eſie ši; ni wo̱ṅ-kōi le̱ egbá ni wo̱dši le̱ ke̱ amãgãi le̱ edſãra ni ešime̱ame̱ mlumlu, ni eṅō-ſã mei ní šã afo̱lei hãame̱ le̱ asãṅi le̱ ano̱. *14,4. 3 Mose 26,30.

2 Mose 34:13

ši moṅ nyekũmoa ame̱fo̱lešãlate̱i le̱, ni nyedſãraā ame̱mãgãi le̱, ni ame̱krabatšai le̱, nyeflo̱a; 23,24.

Yesaia 1:29

Ši ame̱hĩe aagboi ye̱ tšei kplei ni nyedio̱ se̱ le̱ ahewo̱; ni ame̱hĩe aaſie ši ye̱ tromi ni saä nyehĩe le̱ ahewo. 65,3.

Yesaia 10:20

Ni aaba mli ake̱ nakai gbĩ le̱ no̱ le̱, mei ní eſe̱ ye̱ Israel le̱, mei ni edše mli ye̱ Iakob we le̱ eṅõṅ amehe ame̱-kpasaṅ moni yiame̱ le̱ doṅṅ, ši ame̱aṅõ amehe ame̱kpasa Iehowa, Israel Mokroṅkroṅ le̱, ye̱ ano̱kwale mli.

Yesaia 17:9

Nakai gbĩ le̱ no̱ le̱ emãdši ní wa le̱ aatšṍmo̱ tamo̱ hei ní ašĩ aſie ši ye̱ kōṅ lo goṅ yiteṅ, ní ašĩ aſie ši ye̱ Israelbii le̱ ahĩe, ni ame̱atšṍmo̱ amaṅfõ kwrā!

Yesaia 2:8

Asaṅ ame̱šikpoṅ le̱ no̱ eyi obō ke̱ yakayakawo̱dši, ame̱dientše̱ ame̱ninenā nitšumo̱, nii ní ame̱dientše̱ ame̱wābii fe le̱, ame̱dšáa.

Yesaia 27:9

Nohewo̱ le̱ ene̱ ake̱-tšumo̱ Iakob nõša le, ni yibii fẽ ní ehe eša le̱ dšiemo̱ le̱ wo ne̱, beni efe efo̱lešãlate̱ le̱ be te̱i le̱ fẽ tamo̱ kālote̱i ní efuflu le̱, ni *wo̱ṅkōi le̱ ke̱ †hũlũ amãgãi le̱ mãmo̱ṅ ši doṅṅ. *31,7. †3 Mose 26,30.

Yesaia 30:22

Ni *nyeabule odſie̱te̱i amãgãi le̱ ahehā le̱, ke̱ ošika amãgãi le̱ aheſiemo̱ le̱; ooše̱re̱ oſie tamo̱ nyãṅemo̱ noko; ookē̱ame̱ ake̱: Nyedšea dše̱i! *2,20; 27,9. 1 Mose 35,2. 4.

Yesaia 37:19

ni ame̱še̱re̱ ame̱nyoṅme̱ì le̱ ame̱ſĩe la mli; edšake̱ dšee nyoṅmo̱i dšiame̱, ši gbomei anidši anā nitšumo̱ ni, tšei ke̱ te̱i ni, nohewo̱ ni ame̱fiteame̱ le̱.

Yesaia 41:29

Na, ame̱fẽ le̱ yakayakanii dšiame̱, ni ame̱nitšumo̱i le̱ hũ dšee fē̱ifē̱i, *ame̱mãgãi le̱ hũ kō̱yo ke̱ nibii fodši ni! *Lal. 96,5.

Yesaia 44:15

ni etšṍo̱ lai ehãa gbomo: eṅõo̱ eko ew̌ereo̱, eše̱reo̱ eko ni eṅõ-šãa abolo; ni eṅõo̱ no noṅṅ eko efeo̱ nyoṅmo̱, ni edšáa! eke̱ eko feo̱ amãgã, ni akotoo̱le̱!

Yeremia 17:2

bo̱ni ame̱bii le̱ kaio̱ ame̱fo̱lešãlate̱i le̱ ke̱ ame̱krabatšai le̱ ye̱ tšei kusukusui le̱ ašiši ye̱ goṅkpo̱i groṅṅi le̱ ano̱ le̱.

Ezekiel 36:25

Ni maṅõ *nu ní mli tše maſã nyeno̱ ní nyehe atše, ni matsū nyehe ke̱-adše̱ nyehe mũdši le̱ fẽ ke̱ nyewo̱dši le̱ fẽ mli. *Zak. 13,1. Heb. 10,22.

Hosea 14:8

Mei ní yo̱ ehō̃ṅ le̱ šiši le̱ aakũ ame̱se̱, ame̱ahã ṅmā̃ le̱ yi aná wala, ni ame̱afro̱ke tamo̱ weintšo; egbe̱i aahehe tamo̱ Lebanon wein.

Hosea 14:9

Mẽ sane Efraim ke̱ wo̱dši yo̱ doṅṅ? Mi le̱ maherele̱ no̱ ni makwe̱le̱; mitamo̱ se̱se̱o ṅmõṅ; mino̱ aaná oyibii ke̱-adše̱!

Zefania 1:3

Makpãtã gbomo ke̱ kolo hĩe; makpãtã ṅwei lofõdši ke̱ ṅšo̱ṅlōi ahĩe, ke̱ *pãmpii ke̱ meifõdši fẽ, ni maplenẽ gbomei ke̱-adše̱ šikpoṅ le̱ no̱! Iehowa kē̱. *Mat. 13,41.

Zakaria 13:2

Ni aaba mli ake̱ nakai gbĩ le̱ no̱ le̱, Iehowa Zebaot kē̱, *makpãtä wo̱dši le̱ agbe̱ii ahĩe ke̱-adše̱ šikpoṅ le̱ no̱, ni atšĩṅ ame̱tã doṅṅ; ni asaṅ mahã gbalo̱i le̱ ke̱ mumo̱ ní he tšee te adše̱ šikpoṅ le̱ no̱ aya. *Mika 5,12.

5 Mose 7:5

Ši moṅ bo̱ni nyefeaame̱ ne̱. Ame̱fo̱lešãlate̱i le̱ nyekũmo̱a, ni ame̱te̱i ní ame̱mãmo̱ le̱ nyedſăraä, ame̱woṅ-kōi le̱ nyegbaä, ni ame̱mãgãi le̱ nyeke̱ la ašãa. 12,2. 3.