Yesaia 14:20 - Ṅmãle̱ Kroṅkroṅ Le̱

²⁰ Ake bo fataṅ ame̱he ye̱ fū̃ mli, edšake̱ ofite ošikpoṅ le̱, ni ogbe omaṅbii le̱; atšĩṅ efõṅfelo̱i aſĩei tã gbĩkogbĩko!

ŊMALƐ KRƆŊKRƆŊ LƐ

²⁰ Akɛ bo fataŋ amɛhe afuŋ, ejaakɛ bo diɛŋtsɛ okpãtã oshikpɔŋ lɛ hiɛ, ni ogbe omaŋbii lɛ. Atsiŋ efɔŋfeelɔi ashwiei atã dɔŋŋ gbi ko gbi ko.

Yesaia 14:20 ပူးပေါင်းရင်းမြစ်များ

2 Maŋtsɛmɛi 9:35

Ni ame̱yiṅ ame̱tele̱ fũ; ši ame̱naa ehe nokonoko, ake̱ dša eyitšoṅoṅo ke̱ enãdši ke̱ enine ko̱ko̱i ke̱ke̱.

Hiob 18:16

Ešišifãi le̱ aagbĩ ye̱ šišigbe̱, enidši hũ aaṅãlã ye̱ ṅweigbe̱.

Hiob 18:17

Ekaimo̱ aalādše ye̱ šikpoṅ le̱ no̱, ni atšĩṅ egbe̱i atã ye̱ blohũṅ. Abe̱i 10,7.

Hiob 18:19

Enáṅ bi lo nābi ye̱ emaṅbii ateṅ; asaṅ eſe̱ṅ mokomoko ye̱ ehĩle̱he le̱.

Lalai 109:13

Hã aflo̱ ese̱bii aſie, ni agbe ame̱-gbe̱i ye̱ yino̱bii ni baä le̱ ateṅ.

Lalai 21:10

Beni oodšie ohe kpo le̱, oohã ame̱tšṍmo̱ tamo̱ la-flõnō; Iehowa aamĩame̱ ye̱ emlifũ le̱ mli, ni la aašãame̱.

Lalai 37:28

Edšake̱ Iehowa sumoo̱ dšale̱ saneyeli, ni ekwaa emei kroṅkroṅi le̱. Abaa ame̱yi ke̱-yaã nāno̱; ši meifõdši asešibii le̱ aaflo̱ame̱ aſie. Lal. 11,7.

Jajelɔ 6:3

Ke̱dši moko fo̱ oha, ni eye afii pī, ni efii ní eye le̱ amli gbĩĩ le̱ fá babaō, ši esusuma eto̱o̱ ke̱ nii kpakpai, ni asaṅ enáá fū̃ kpakpa le̱, le̱ le̱ mīkē̱ ake̱: fãṅ šrãkemo̱bi āhũ fèle̱.

Yesaia 1:4

Ao! dšeṅmaṅ ní feo̱ eša, maṅ ní sõ kã ame̱no̱, efõṅfelo̱i aſĩei, bii ni efite! Ame̱kwa Iehowa, amegbe Israel Mokroṅkroṅ le̱ he guo̱, ame̱kũ ame̱se̱ ke̱-te!

Yesaia 31:2

Ši le̱ hũ, nilelo̱ dšile̱, eke̱ *efõṅ aaba, †etšé̱ṅ ewiemo̱i le̱ ayise̱; ši eete ši ewo efõṅfelo̱i awe le̱ ke̱ mei ni tšuo̱ nišaianii le̱ ayeli-ke̱-buame̱ le̱, *Amos 3,6. †4 Mose 23,19.

Yesaia 9:17

[18.] Ši efõṅfemo̱ tšoo̱ tamo̱ la, ešãa kpitikpitii ke̱ ṅmeii, ehereo̱ ye̱ kõ-hayīi amli, ni elasũ teo̱ ši kpī ke̱-yaä ṅwei.