Yesaia 10:20 - Ṅmãle̱ Kroṅkroṅ Le̱

²⁰ Ni aaba mli ake̱ nakai gbĩ le̱ no̱ le̱, mei ní eſe̱ ye̱ Israel le̱, mei ni edše mli ye̱ Iakob we le̱ eṅõṅ amehe ame̱-kpasaṅ moni yiame̱ le̱ doṅṅ, ši ame̱aṅõ amehe ame̱kpasa Iehowa, Israel Mokroṅkroṅ le̱, ye̱ ano̱kwale mli.

ŊMALƐ KRƆŊKRƆŊ LƐ

²⁰ Be miiba, ni nakai be lɛ gbɔmɛi ni eshwɛ yɛ Israel kɛ Yakob shwiei ni ahe eje gbele mli lɛ kɛ amɛhiɛ efɔŋ mɔ ni tswia amɛ nii lɛ nɔ dɔŋŋ, shi moŋ amɛkɛ amɛhiɛ aaafɔ Yehowa, Israel Mɔ Krɔŋkrɔŋ Koome lɛ, nɔ yɛ anɔkwale mli.

Yesaia 10:20 ပူးပေါင်းရင်းမြစ်များ

2 Maŋtsɛmɛi 16:7

Ke̱ke̱ ni Ahaz tšũ bo̱foi ke̱-te *Tiglat-Pileser, Ašur maṅtše̱ le̱ ṅõ ake̱: Otšũlo̱ ke̱ obi dšimi; ba ni obaheremi ye̱ Aram maṅtše̱ le̱ ke̱ Israel maṅtše̱ le̱ deṅ, ši ame̱te ši ame̱womi! *15,29.

2 Maŋtsɛmɛi 19:31

Edšake̱ ſē̱nõ ko kẽ aadše̱ Ierusalem aba, ni mei ní edše mli hũ aadše̱ Zion goṅ le̱ no̱ aba; *Iehowa Zebaot hĩedō̱ le̱ bafe ene̱! *Ies. 9,6.

2 Kronika 14:11

[12.] Ke̱ke̱ ni Iehowa tſia Kušbii le̱ anii ye̱ Asa ke̱ Iuda hĩe, ni Kušbii le̱ dšo foi.

2 Kronika 28:16

Nakai be le̱ mli le̱ maṅtše̱ Ahaz tšũ Ašur maṅtše̱mei le̱ aṅõ, koni ame̱baye ame̱buale̱.

2 Kronika 28:20

Ni Tiglat-Pilneser, Ašur maṅtše̱ le̱, ba eṅõ, ni ebahaole̱, ši ewoole̱ hewale̱ moṅ.

Ezra 9:14

Aso wo̱o̱kũ okitãi le̱ amli ekoṅ, ni wo̱ke̱ wo̱he ayabo̱ mãdši ní feo̱ nihĩniĩ ne̱ ahe ye̱ yōw̌ē̱ gbe̱făṅ lo? Aso omli fū̃ṅwo̱ ke̱-yašiṅ beyino̱ ní ookpãtã wo̱hĩe atã ní akaſe̱ mokomoko, ni asaṅ mokomoko akadše mli lo?

Yesaia 1:9

*Efe ake̱ Iehowa Zebaot eſe̱e̱ ſē̱no bibiõ ko ehãāwo̱ kũle̱, wo̱tšṍ tamo̱ †Sodom, ni wo̱fe tamo̱ Gomora pe̱! *Rom. 9,29. †1 Mose 19,24. 25. 5 Mose 29,21-27.

Yesaia 11:11

Ni aaba mli ake̱ nakai gbĩ le̱ no̱ le̱, Nuṅtšo̱ le̱ aakpã enine mli noni dši ši enyo̱, koni ekpõ emã le̱ṅ mei ní eſe̱ le̱, mei ní eſe̱ ke̱-dše̱ Ašur ke̱ Mizraim ke̱ Patros ke̱ Kuš ke̱ Elam ke̱ Šinear ke̱ Hamat ke̱ ṅšo̱ṅkpo̱i le̱ ano̱ le̱.

Yesaia 11:16

Ni eetšṍ tempõṅ ehã emaṅ le̱ mli mei ní eſe̱ le̱, mei ní eſe̱ ni badše̱ Ašur le̱, tamo̱ bo̱ni etšṍ ehã *Israel gbĩ no̱ ni edše Mizraim le̱. *2 Mose 14,29.

Yesaia 37:4

Ekole̱ Iehowa, o-Nyoṅmo̱ le̱, enu Rabšake, moni enuṅtšo̱, Ašur maṅtše̱ le̱, tšũ le̱ ní ebasopa Nyoṅmo̱ hĩekãlo̱ le̱, wiemo̱i le̱, ni ebakã ehĩe ye̱ wiemo̱i ni Iehowa, o-Nyoṅmo̱ le̱, enu le̱ ahewo̱: nohewo̱ le̱ wó ofaikpamo̱ le̱ no̱ ohã mei ní eſe̱ ní yo̱ le̱!

Yesaia 46:3

Nyeboami toi, nye Iakob we, mei fẽ ní eſe̱ ye̱ Israel we le̱, nye mei ní mihĩenye ke̱-dše̱ mũsũṅ bēbe, ní mitĕre-nye ke̱-dše̱ fo̱mo̱he le̱;

Yesaia 50:10

Nyeteṅ namo šeo̱ Iehowa gbeyei, ni eboo etšule̱ le̱ gbē toi? Ké̱ enyie duṅ mli po ni la etšoo hããle̱ le̱, hã eke̱ ehĩe afõ Iehowa gbe̱i le̱ no̱, ni eke̱ ehe ekpasa e-Nyoṅmo̱ le̱!

Yesaia 6:13

Ši ké̱ ſe̱ emlidšāi nyoṅma mli ekome ye̱ no̱ tete le̱, aakũ se̱ akpãtã ame̱hĩe; tamo̱ tšo kple ko lo odum ko ni atō agbē ši ní eſe̱ ekuku; seši *kroṅkroṅ dši ekuku le̱, *4,8.

Yeremia 3:23

Le̱le̱ṅ, goṅkpo̱i ke̱ gõdši le̱ ano̱ hōſemo̱ le̱, yakatſā ni! Le̱le̱ṅ, Iehowa, wo̱-Nyoṅmo̱ le̱, mli Israel yiwalaheremo̱ yo̱!

Yeremia 44:14

ni Iuda mei ní eſe̱ ní ete Mizraim šikpoṅ le̱ no̱ eyato gbo̱ ye̱ dše̱i le̱ ateṅ mokomoko edšeṅ mli lo eſe̱ṅ, ní ame̱akũ ame̱se̱ ke̱-aba Iuda šikpoṅ le̱ ní ame̱ſeo̱ ake̱ ame̱akũ ame̱se̱ ame̱bahĩ dše̱i le̱ no̱; edšake ame̱kũṅ ame̱se̱, ake̱ dša mei ní aadše mli komei ke̱ke̱!

Hosea 14:3

Nyeṅõa wiemo̱i nyehĩea nyedẽ, ni nyekũa nyese̱ nyeyaä Iehowa ṅõ! Nyeyakē̱ale̱ ake̱: “Ṅõ nišaianii fë ofa, ni omli ahĩ ahãwo̱, ni *wo̱o̱ṅō wo̱nābui wo̱fe tšinahĩĩ wohão. *Heb. 13,15.

Hosea 5:13

Ni beni Efraim na ehela le̱, ni Iuda hũ na epilamo̱ le̱, ke̱ke̱ ni Efraim yiṅ ete *Ašur ṅõ, ni etšũ ke̱-te maṅtše̱ †Iareb ṅõ; ši le̱ hũ enyẽẽnye etšá, lo ní eetšá nyepilamo̱ le̱. *7,11. †10,6.

Mika 5:3

Ni eedamo̱ ši ni *eelè̱ame̱ ye̱ Iehowa hewale̱ ke̱ Iehowa, e-Nyoṅmo̱ le̱, gbe̱i le̱ agbodšē mli, ni ame̱ahĩ ši ſeſēſe; edšake̱ agbe̱ne̱ eeda ke̱-yaši šikpoṅ le̱ nāgbēhei le̱. *Ezek. 34,23.

Zefania 3:13

Israel ſē̱nõ le̱ efeṅ nišaianii, ni ame̱maleṅ doṅṅ, ni asaṅ anaṅ šišinmo̱ lile̱i ye̱ ame̱dāṅ; edšake̱ ame̱aye nii ni ame̱abumo̱ ši, ni mokomoko woṅ ame̱he gbeyei.