Yesaia 10:17 - Ṅmãle̱ Kroṅkroṅ Le̱

¹⁷ Ni Israel kane le̱ aatšṍ la, ni e-Mokroṅkroṅ le̱ aatšṍ lalilei, ni eetšo ni eešã eṅmeii ke̱ ekpitikpitii le̱ gbĩ kome. 5 Mose 4,24.

ŊMALƐ KRƆŊKRƆŊ LƐ

¹⁷ Nyɔŋmɔ, Israel kane lɛ atsɔ̃ la, ni Israel Mɔ Krɔŋkrɔŋ lɛ aaatsɔ̃ la lilɛi, ni ebaatso, ni ebaashã ŋmeii kɛ kpitikpitii ni yɔɔ Israel lɛ fɛɛ gbi ko.

Yesaia 10:17 ပူးပေါင်းရင်းမြစ်များ

Lalai 18:8

Ke̱ke̱ ni šikpoṅ le̱ hoso ni ekpokpo, ni gõdši le̱ ašišitōi le̱ tšire̱ ame̱he ni ame̱hoso, edšake̱ emli efũ.

Lalai 21:9

Onine aaše̱ ohenye̱lo̱i fẽ no̱; oninedšũrõ aaše̱ mei ni nye̱o̱o le̱ ano̱.

Lalai 27:1

David lala. Iehowa dši mila ke̱ miyiwalaheremo̱; namo po gbeyei maše? Iehowa dši miwala hewale̱; namo hĩe po ni mihe aakpokpo ye̱? Lal. 56,5. Ies. 12,3.

Lalai 50:3

Wo̱-Nyoṅmo̱ le̱ miba, ni efeṅ diō. La nyie ehĩe mīšã nii, ni ahum mĩtſa ke̱-mībo̱lele̱. Lal. 96,13.

Lalai 84:11

Edšake̱ gbĩ kometō ní aaye ye̱ okpoi le̱ ano̱ le̱ ehĩ fè gbĩĩ akpe; mīsumo̱ ni makã mi-Nyoṅmo̱ we le̱ šĩnā le̱ ši moṅ fè noni mahĩ ši efōṅfemo̱ būi le̱ amli le̱. Lal. 27,5.

Lalai 97:3

La nyieo̱ ehĩe ke̱-yaä, ni eyašãa ehenye̱lo̱i le̱ ke̱-kpeo̱. Hab 3,3-4.

Yesaia 26:11

Iehowa, owó onine no̱, ši kẽle̱ ame̱naa; ši ame̱ana dšōmo̱ ní odšōo̱ ye̱ omaṅ le̱ he le̱, ni ame̱hĩe aagboi; la aašã ohenye̱lo̱i le̱.

Yesaia 27:4

Mlifũ ko be̱ mimli. Miná ni kũle̱ kpitikpitii ke̱ ṅmeiĩ ke̱mi mīwu, kũle̱ mafã ke̱-yaninaame̱ ni mašã blublu tſēm!

Yesaia 27:7

Ani eyile̱ tamo̱ bo̱ni eyi mei ní yile̱ le̱, alo egbele̱ tamo̱ bo̱ni agbe mei ní gbele̱ le̱?

Yesaia 30:33

Edšake̱ asā šā̃he ato dšeeṅmõ bē-be, asā ato maṅtše̱ le̱, ekwo̱, elē̱; laiku ní yo̱ dše̱i le̱ la ke̱ lai babaō ye̱ mli, ni Iehowa mumo̱ ní emũo̱ ní tamo̱ swō̱ fā le̱ aamã nā la. Kpods. 19,20.

Yesaia 31:1

Kpóo hã mei ní yaä Mizraim yataoo̱ yelike̱-buamo̱, ni ame̱ke̱ ame̱he fõo̱ okpo̱ṅo̱i ano̱, ni ame̱ṅõo̱ ame̱hĩe ame̱fõo̱ ſīlii ano̱, edšake̱ ame̱yi fá, ke̱ okpo̱ṅo̱iatše̱mei hũ ano̱, edšake̱ ame̱he wa naakpa, ši ame̱kwe̱e̱ Israel Mokroṅkroṅ le̱, ni ame̱taoo Iehowa se̱gbe̱ le̱! 30,1. 2.

Yesaia 31:9

Ni *ete̱sā le̱ aaho aya ye̱ gbeyei nā, ni elumei le̱ ahe aakpokpo ye̱ aflaṅā le̱ hewo̱. Nakai Iehowa, moni ela yo̱ Zion ni eflõnõ yo̱ Ierusalem le̱, kē̱. *5 Mose 32,31

Yesaia 33:12

Ni aašã mãdši lo̱ ake̱ kālō, tamo̱ *ṅmei ní aflo̱ aſie ši ní ašãa ye̱ la mli. *Lal. 118,12.

Yesaia 33:14

Ešafelo̱i ní yo̱ Zion le̱ ahe mīkpokpo, ni ṅmiṅmi emõmo̱ osatofoi le̱ [ame̱-kē̱o̱ ake̱]: Wo̱teṅ namo aahĩ la ní šãa nii mase̱i? ni wo̱teṅ namo aahĩ la ni etšẽ ke̱-yaã nāno̱ le̱ mase̱i?

Yesaia 37:23

Namo ahora obo̱ ni owie musubō̱ wiemo̱i ošile̱ lo̱? namo no̱ owó ogbē no̱ ye̱ ni ohole ohĩṅme̱ii ano̱ ke̱-te ṅwei ye̱ le̱? Israel Mokroṅkroṅ le̱ ni!

Yesaia 37:36

Ke̱ke̱ ni Iehowa bo̱fo le̱ dše kpo ke̱-te Ašur nsra le̱ṅ ni eyagbe mei akpei-oha-ke̱-nyoṅmai-kpānyo̱-ke̱-enumo̱; ni beni ame̱te ši lebi mā̃ṅkpa le̱, na, ame̱fẽ-tſẽm ame̱tsṍmo̱ gbohĩĩ so̱ṅṅ. 17,14; 31,8.

Yesaia 47:14

Na, ame̱tamo̱ gbetšelĩĩ, la aašãame̱: ame̱nyẽṅ ame̱he ame̱dšie ke̱-dše̱ lalilei le̱ deṅ; edšee ṅãi-ke̱-la ní aw̌ereo̱, lo la ko ni atráa he.

Yesaia 60:19

Dšee *hũlũ batšṍ ola ſane doṅṅ, ni asaṅ dšee nyoṅtšĕre bakpe̱ ní dšeṅ atše ahão; ši moṅ Iehowa aatšṍ ola ke̱-ate nāno̱, ni o-Nyoṅmo̱ le̱ aatšṍ onumnyam. *24,23; 30,26. Kpods. 21,23.

Yesaia 66:24

Ni ame̱adše kpo ame̱yakwe̱ mei ní etõ mino̱ le̱ agbohĩĩ le̱; edšake̱ *ame̱gõgõmi le̱ gboṅ, ni ame̱la le̱ hũ agbeṅ, ni ame̱he aafe helo fẽ nyãṅemo̱. *Mar. 9,44.

Yesaia 9:18

[19.] Iehowa Zebaot mlifũ nā le̱ šikpoṅ le̱ ešã, ni maṅ le̱ etšṍ tamo̱ la niyenii; moko ebāā enyemi yi.

Yeremia 4:4

*Nyeflo̱a nyehe ketia nyehãa Iehowa, ni nyedšiea nyetšui mli fō le̱, nye Iudahĩĩ ke̱ Ierusalembii, ké̱ dšee nakai le̱, mimlila le̱ adše kpo tamo̱ la, ni eešã ní moko nyẽṅ agbe, ye̱ nyenifemo̱nii fõdši le̱ ahewo! *9,25. 5 Mose 10,16.

Yeremia 7:20

Nohewo̱ le̱, bo̱ni Nuṅtšo̱ Iehowa kē̱ ne̱: Na, aafo̱se mimlifũ ke̱ mimlila aſie ne̱ke̱ šihĩle̱he ne̱ no̱, gbomei ke̱ koloi ano̱, ṅãno̱ tšei ke̱ šikpoṅ le̱ no̱ nibānii le̱ ano̱, ni eetšo ní anyẽṅ agbe.

Nahum 1:10

Ši ké̱ ame̱tõtõ tamo̱ ṅmei, ni ame̱fo̱ tšō ke̱ ame̱dā̃ le̱, aašãame̱ kwrakwra tamo̱ gbetšelii gbĩdši pe̱.

Zefania 1:18

Asaṅ *ame̱dſie̱te̱i ke̱ ame̱šika fẽ nyẽṅame̱ adšie ye̱ Iehowa mlifũ gbĩ le̱ ne̱, ši ewuṅãyeli la le̱ aašã šikpoṅ mū le̱ fẽ; edšake̱ eke̱ plenēmo̱ ni baä trukā aaplenē šikpoṅ le̱ no bii le̱ fẽ. *Ezek. 7,19.

Zakaria 12:6

Nakai le̱ no̱ le̱ miṅõ Iuda asafoiatše̱mei le̱ mafe tamo̱ la ke̱ ṅe̱sũ ye̱ laii ateṅ, lo tamo̱ ko̱ti ní asu ye̱ *ṅmā̃kei ateṅ, ni ame̱ašã mãdšimãdši fẽ ní bo̱leame̱ le̱ ye̱ ninedšũrõ ke̱ abe̱ku, ni Ierusalem aahĩ egbe̱he, ní dši Ierusalem le̱ noṅṅ. *Obad. 18.

4 Mose 16:35

Ni *la dše̱ Iehowa ṅõ ni ebašã hĩĩ ohai-enyo̱ ke̱ nyoṅmai-enumo̱ le̱ ni ke̱ tšofã-ke̱-ṅma ba le̱. *3 Mose 10,1. 2. Lal. 106,18.

Mateo 3:12

Moni hĩe ešātšeneye̱ edeṅ, ni ebabē̱ ešikpoṅ le̱ fitšofitšo, ni ebuá eṅmā̃ le̱ nā eto eboṅo mli; ši tutū le̱, eke̱ la ni gboo bašã. 13,30.

5 Mose 4:24

Edšake̱ Iehowa, o-Nyoṅmo̱ le̱, la ní šãa mo kwrakwra dšile̱, Mawu awuṅãyelo̱ ni! 9,3. 2 Mose 20.5. Ies. 10,17. Heb. 12,29.

Hebribii 12:29

Edšake̱ wo̱-Nyoṅmo̱ le̱, la ní fiteo̱ mo hũ dšile̱. 5 Mose 4,24; 9,3.

Kpojiemɔ 21:23

Ni hũlũ lo nyoṅtšĕre ehĩaa maṅ le̱, ní etšo alo ekpe̱ ye̱ mli; edšake̱ Nyoṅmo̱ anumnyam le̱ tšoo̱ ye̱ mli, ni tōbi le̱ dši la ní kpe̱o̱ ye̱ mli. 22,5. Ies. 24,23; 60,19. 20.

Kpojiemɔ 22:5

Ni *nyōṅ be̱ dše̱i, ni kane lo hũlũ kpe̱mo̱ ehĩaṅame̱, edšake̱ Nuṅtšo̱ Nyoṅmo̱ le̱ aakpe̱ ahãame̱, ni †ame̱aye maṅtše̱ ke̱-ate nāno̱i anāno̱. *21,25. †5,10. Dan. 7,18. 27.