Yesaia 10:12 - Ṅmãle̱ Kroṅkroṅ Le̱

¹² Nohewo̱ le̱ aaba mli ake̱, ké̱ Nuṅtšo̱ le̱ tšu enii egbe nā ye̱ Zion goṅ le̱ no̱ ke̱ Ierusalem le̱: *mabawo Ašur maṅtše̱ le̱ hewō dſẽṅmo̱ yibii le̱ ke̱ ehewō hĩṅme̱ii anumnyam le̱ he nyõmo̱. *37,36.

ŊMALƐ KRƆŊKRƆŊ LƐ

¹² Kɛji Nuŋtsɔ lɛ gbe enitsumɔ lɛ fɛɛ naa yɛ Zion Gɔŋ lɛ nɔ, kɛ Yerusalɛm lɛ, ebaagbala Asiria maŋtsɛ toi yɛ eshwãa kɛ ehewoo lɛ hewɔ.

Yesaia 10:12 ပူးပေါင်းရင်းမြစ်များ

2 Maŋtsɛmɛi 19:31

Edšake̱ ſē̱nõ ko kẽ aadše̱ Ierusalem aba, ni mei ní edše mli hũ aadše̱ Zion goṅ le̱ no̱ aba; *Iehowa Zebaot hĩedō̱ le̱ bafe ene̱! *Ies. 9,6.

Lalai 18:27

hetšelo̱ le̱, oke̱ ohe tšõo̱le̱ ake̱ moni he tše; ši moni be̱ eṅe̱le̱no̱ le̱, oke̱ ohe tšõo̱le̱ tamo̱ moni be̱ eṅe̱le̱no̱.

Lalai 21:10

Beni oodšie ohe kpo le̱, oohã ame̱tšṍmo̱ tamo̱ la-flõnō; Iehowa aamĩame̱ ye̱ emlifũ le̱ mli, ni la aašãame̱.

Lalai 76:10

beni Nyoṅmo̱ te ši ebakodšo ni ehere šikpoṅ le̱ no̱ nõnalo̱i le̱ fẽ ayiwala le̱. (Sela.)

Lalai 76:5

Ohĩe ye̱ nyam ni ekpe̱o̱ fè niihā gõdši le̱!

Abe̱i 21:4

Hĩe ní mã ṅwei, ke̱ hewō tšui, efõṅfelo̱i akane le̱, eša ni. Ies. 2,11.

Abe̱i 30:13

yino̱ ko ye̱ ní holeo̱ ehĩṅme̱ii ano̱ ake̱ noko, ni ehĩṅme̱iiase̱ kwŏ̱lo̱; 21,4.

Yesaia 2:11

Gbomei *ahewö-hĩṅme̱ii le̱ aaba ši, aado̱ ádesãi aheno̱wómo̱ le̱ ke̱-aba ši, ni aawo Iehowa kometō no̱ ye̱ nakai gbĩ le̱ no̱! *6,16.

Yesaia 2:12

Edšake̱ Iehowa Zebaot gbĩ le̱ aaba noni kwo̱ ke̱ noni yo̱ godšō ke̱ nofẽno ni awó no̱ le̱ no̱, ni eeba ši;

Yesaia 24:21

Ni aaba mli ye̱ nakai gbĩ le̱ no̱ ake̱ Iehowa aawo ṅwei ta le̱ nyõmo̱ ye̱ ṅwei, ke̱ šikpoṅ le̱ no̱ maṅtše̱mei le̱ hũ ye̱ šikpoṅ le̱ no̱; Kpods. 19,18-21.

Yesaia 27:7

Ani eyile̱ tamo̱ bo̱ni eyi mei ní yile̱ le̱, alo egbele̱ tamo̱ bo̱ni agbe mei ní gbele̱ le̱?

Yesaia 27:9

Nohewo̱ le̱ ene̱ ake̱-tšumo̱ Iakob nõša le, ni yibii fẽ ní ehe eša le̱ dšiemo̱ le̱ wo ne̱, beni efe efo̱lešãlate̱ le̱ be te̱i le̱ fẽ tamo̱ kālote̱i ní efuflu le̱, ni *wo̱ṅkōi le̱ ke̱ †hũlũ amãgãi le̱ mãmo̱ṅ ši doṅṅ. *31,7. †3 Mose 26,30.

Yesaia 29:14

hewo̱ le̱, na, mike̱ ne̱ke̱ maṅ ne̱ aaye nākpe̱ sane, nākpe̱ sane ke̱ sane ní hãa mo he dšõo̱ ehe, ni ame̱nilelo̱i le̱ anilē aafite, ni ame̱hĩetẽlo̱i le̱ ahĩetē̃ le̱ aalādše! 44,25. 1 Kor. 1,19.

Yesaia 33:1

Kpóo hã bo fitelo̱ ní bo le̱ afitekoö, bo nihalo̱ ní bo le̱ ahakoö! Ké̱ ogbe fitemo̱ le̱ nā le̱, bo hũ aafiteo; ni ké̱ ofõ nihā le̱, ho hũ aaheo.

Yesaia 37:23

Namo ahora obo̱ ni owie musubō̱ wiemo̱i ošile̱ lo̱? namo no̱ owó ogbē no̱ ye̱ ni ohole ohĩṅme̱ii ano̱ ke̱-te ṅwei ye̱ le̱? Israel Mokroṅkroṅ le̱ ni!

Yesaia 37:29

Ake̱-ni ogri owomi ni *oſā̃ le̱ ekwo̱ ke̱-baše̱ mitoiiaṅ hewo̱ le̱, mike̱ mikpoṅ aawo ogugõṅ, ni mike̱ mimanyofle̱ le̱ aawo odāṅ, ni makpaleo ke̱-kũ se̱ ke̱-tšṍ gbe̱ ní otšṍ no̱ ke̱-ba le̱ no̱! *5 Mose 32,27.

Yesaia 5:15

Ni gbomo aaba ši, ni aaba nū hũ ši, ni hewolo̱i ahĩṅme̱ii hũ aaba ši; 2,11.

Yesaia 50:11

Na, nyefẽ ní nyeše̱reo̱ la, ní nyeke̱ gãimlibii ni tšoo̱ bo̱leo̱ nyehe le̱, nyeyaä nyelalile̱i ke̱ gãimlibii ni tšoo̱ ní nyeše̱re le̱ amli! Mideṅ nyeaná ene̱ ke̱-adše̱, aw̌ere̱hō mli nyeakãmo̱ ši ye̱!

Yesaia 65:7

ame̱dientše̱ ame̱nišaianii ke̱ ame̱tše̱meĩ ní šã tšofã-ke̱-ṅma ye̱ gõdši le̱ ano̱ ni ame̱bo̱mi ahora ye̱ goṅkpo̱i le̱ ano̱ le̱ anišaianii le̱ fẽ he nyõmo̱wo le̱ masusu mašãkã ame̱tšitši tſẽm dã, Iehowa kē̱.

Yesaia 9:9

[10.] Ntayāi le̱ ekũmo̱ eſie ši, ši wo̱ke̱ te̱i ní ako aatſa ekoṅ; atõ sikamoretšei le̱ aſie ši, ši wo̱o̱te̱o tšenedrutšei ye̱ ame̱nãdšiaṅ.

Yeremia 25:29

Edšake̱ na, *midše šiši mife maṅ ní aṅõ migbe̱i awole̱ le̱ efõṅ, ni nye ni nyeaṅõ nyehe nyeye kwrā lo? Nyeṅõṅ nyehe nyeyeṅ, ši moṅ matšé̱ klante ke̱-aba šikpoṅ le̱ no̱ bii fẽ no̱, Iehowa Zebaot kē̱. *49,12. 1 Pet. 4,17.

Yeremia 50:18

Nohewo̱ le̱ bo̱ni Iehowa Zebaot, Israel Nyoṅmo̱ le̱, kē̱ ne̱: Na, mibawo Babel maṅtše̱ le̱ ke̱ ešikpoṅ le̱ nyõmo̱, tamo̱ bo̱ni miwo Ašur maṅtše̱ le̱ nyõmo̱ le̱.

Yeremia 50:32

Ni hewolo̱ le̱ aate̱ ni eegbē ši, ni mokomoko be̱ ní aawó eno̱; ni maše̱re la ye̱ emãdši mãdši le̱ amli, ni eešã mei fiā ní bo̱lele̱ ke̱-kpe le̱.

Ezekiel 31:10

Nohewo̱ le̱ bo̱ni Nuṅtšo̱ Iehowa kē̱ ne̱: Ake̱-ní ekwo̱ groṅṅ, ní eyiteṅ ye̱ atatuiaṅ, ni ekwo̱le̱ le̱ hewo̱ le̱ *etsui wó ehe no̱ *28,2-10.

Ezekiel 31:14

beni afe ní tšei ní yo̱ nui ahe le̱ fẽ akawó ame̱he no̱ ye̱ ame̱kwo̱le̱ le̱ hewo̱, ni ame̱kawó ame̱yitšo no̱ ke̱-te atatuiaṅ, ni ame̱hewalo̱i le̱ akate ši ame̱mīdamo̱ ši ye̱ ame̱hewō le̱ṅ, nu nulo̱i le̱ fẽ; edšake̱ aṅõ ame̱fẽ ahã gbẽle ke̱-te šikpoṅ šiši tõ, ye̱ gbomei abii ateṅ, ye̱ mei hi ekpleke ši ke̱-te bu le̱ mli le̱ aṅõ.

Daniel 11:45

Ni eeši emō̃ le̱ṅ bui le̱ ye̱ ṅšo̱i le̱ ke̱ gõṅ kroṅkroṅ ní yo̱ fe̱o te teṅ; ni eeše̱ enãgbē, ni moko be̱ ní aaye abuale̱.

Daniel 4:37

Nohewo̱ le̱ agbe̱ne̱ mi, Nebukadnezar, mīdšie ṅwei maṅtše̱ le̱ yi, ni mīwó eno̱, ni mīwo ehĩe nyam; edšake̱ enitšumo̱i fẽ le̱ ano̱kwale ni, ni egbe̱i hũ dša, ni *mei ní yo̱ hewō dšeṅ le̱ enyẽo̱ame̱ ši ebaä. *5,20. Luk. 1,51; 18,14.

4 Mose 24:24

Ši le̱dši aadše̱ Kitim ṅšo̱nā aba, ni ame̱abahao Ašur, ni ame̱abahao Heber; ni le̱dientše̱ hũ, eete hĩekpãtãmo̱ mli!

Mateo 12:33

Nyete̱oa tšo kpakpa, ní ewo yibii kpakpai; alo nyete̱oa tšo fõṅ, ní ewo yibii fõdši; edšake̱ tšoyibii aṅõ-leo̱ tšo. 7.17.

Mateo 15:19

Edšake̱ *tšui mli ni susumo̱i fõdši, gbomogbē, gblãfitemo̱i, adſamaṅbō̱i, dšūi, amale odaseyelii ke̱ musubō̱i dše̱o. *1 Mose 8,21.

5 Mose 32:27

ké̱ dšee henye̱lo̱i le̱ ahĩyeli mišeo̱, ake̱ aleenõ ame̱haolo̱i le̱ aatšé̱le̱ ekroko, ni ame̱akē̱: Wo̱, wo̱nineši wa, ši dšee Iehowa fe nii ne̱ fẽ!

1 Petro 4:17

Edšake̱ be ni abadše kodšomo̱ šiši ke̱-dše̱ Nyoṅmo̱ *we le̱ eše̱ etã; ši ke̱ wo̱no̱ tšutšu edše̱ le̱, mei ní boo Nyoṅmo̱ sanekpakpa le̱ toi le̱, té ame̱nāgbē aafe tēṅ? *Ezek. 9,5. Ier. 25,29.