Yeremia 7:20 - Ṅmãle̱ Kroṅkroṅ Le̱

²⁰ Nohewo̱ le̱, bo̱ni Nuṅtšo̱ Iehowa kē̱ ne̱: Na, aafo̱se mimlifũ ke̱ mimlila aſie ne̱ke̱ šihĩle̱he ne̱ no̱, gbomei ke̱ koloi ano̱, ṅãno̱ tšei ke̱ šikpoṅ le̱ no̱ nibānii le̱ ano̱, ni eetšo ní anyẽṅ agbe.

ŊMALƐ KRƆŊKRƆŊ LƐ

²⁰ No hewɔ lɛ, mi, Yehowa, bɔ ni mikɛɔ nɛ, ‘Naa, mimli baafu, ni mimli baawo Sɔlemɔ we nɛɛ, gbɔmɛi kɛ kooloi kɛ ŋa nɔ tsei kɛ ŋmɔshi niyenii fɛɛ la. Mimlila lɛ naa baawa tamɔ la ni miitso, ni anyɛŋ agbe.’ ”

Yeremia 7:20 ပူးပေါင်းရင်းမြစ်များ

2 Maŋtsɛmɛi 22:17

ake̱-ní ame̱šīmi ni ame̱yašã tšofã-ke̱-ṅma ame̱hã nyoṅmo̱i krokomei, koni ame̱ke̱ ame̱nine nā nitšumo̱i le̱ fẽ awo mimlila, hewo̱ le̱ mimli bawo la awo bie̱ ne̱, ni agbeṅ. 5 Mose 31,29; 32,21-28.

Yesaia 10:17

Ni Israel kane le̱ aatšṍ la, ni e-Mokroṅkroṅ le̱ aatšṍ lalilei, ni eetšo ni eešã eṅmeii ke̱ ekpitikpitii le̱ gbĩ kome. 5 Mose 4,24.

Yesaia 42:25

Nohewo̱ le̱ efo̱se mlifũ ní nā wa ke̱ ta ní mli wa hũ eſie ame̱no̱; ni eše̱re la ewo ame̱he ke̱-kpe, ši ame̱lee; ešãame̱, ši ame̱ke̱-woo ame̱tšui mli.

Yesaia 66:24

Ni ame̱adše kpo ame̱yakwe̱ mei ní etõ mino̱ le̱ agbohĩĩ le̱; edšake̱ *ame̱gõgõmi le̱ gboṅ, ni ame̱la le̱ hũ agbeṅ, ni ame̱he aafe helo fẽ nyãṅemo̱. *Mar. 9,44.

Yeremia 11:16

Iehowa woö gbe̱i ake̱ mũtšo ní ebu kusū fe̱fe̱o ní woo yibii kpakpai; ši agbe̱ne̱ eke̱ hōfemo̱ gbē̱mo̱ wulu eše̱re la ewo ehe ni enidši le̱ ekũmo̱.

Yeremia 12:4

Mẽ beyino̱ noṅṅ po šikpoṅ le̱ aaye ṅko̱mo̱ ni ṅã le̱ fẽ no̱ bāi aagbĩ ke̱-yaši? Eno̱ bii le̱ anõfõṅfemo̱ hewo̱ le̱ *koloi ke̱ lofõdši fẽ etã; edšake̱ ame̱kē̱o̱ ake̱: Enaṅ wo̱nāgbē! *9,10.

Yeremia 14:16

Ni maṅ ní ame̱gbaä ame̱hãa-ame̱ le̱, aaše̱re̱ame̱ aſie Ierusalem blohũiaṅ ye̱ hõmo̱ ke̱ klante le̱ noṅṅ hewo̱, ni amenáṅ mokomoko *afũame̱, ame̱ ke̱ ame̱ṅãmei ke̱ ame̱bihĩĩ ke̱ ame̱biyei fẽ; ni mafo̱se ame̱nifõdšianii le̱ maſie ame̱no̱! *8,2.

Yeremia 17:27

Ši ke̱dši nyeboṅmi toi, ní nyeafe hedšō̱mo̱gbĩ le̱ kroṅkroṅ, ni nyekatĕre dšatšu ko dšatšu ko ke̱-mītšṍ Ierusalem agbói le̱ amli ye̱ hedšō̱mo̱gbĩ le̱ no̱ le̱: no le̱ maše̱re la ye̱ egbói le̱ amli, ni eešã Ierusalem mõdši le̱, ni anyẽṅ agbe.

Yeremia 17:4

Ni bodientše̱ ooṅmē̃, ono̱yelinõ ní miṅõhão le̱ he ofõ ši, ni mahã osúmo̱ ohenye̱lo̱i ye̱ šikpoṅ ko ní olee no̱; edšake̱ nyeše̱re *la ye̱ mimlifũ le̱ mli, ni eetšo ke̱-ate nāno̱! *15,14.

Yeremia 18:23

Ši bo, Iehowa, ole miyi no̱ adšina fẽ ní ame̱yaä, koni ame̱gbemi le̱: *kāṅõ ame̱nōša le̱ ofa, ni asaṅ kāgbe ame̱he eša le̱ ke̱-mīdše̱ ohĩe; ši moṅ hã ame̱-gbēgbē ši ye̱ ohĩe; oke̱ame̱ aye ye̱ omlifũ-be le̱ mli! *Lal. 109,14. 15.

Yeremia 21:12

David we, bo̱ni Iehowa kē̱ ne̱: Nyekodšoa dšale̱ nā dā lebi, ni *nyedšiea moni ahaäle̱ le̱ ke̱-dše̱a amimyelo̱ le̱ deṅ, koni †mimlila le̱ akadše kpo tamo̱ la, ní etšo ní moko nyẽẽ agbe, ye̱ nyenifemo̱nii fõdši le̱ ahewo̱! *22,3. †7,20.

Yeremia 42:18

Edšake̱ bo̱ni Iehowa Zebaot, Israel Nyoṅmo̱ le̱, kē̱ ne̱: Take̱ bo̱ni afo̱se mi-mlifũ ke̱ mimlila le̱ aſie Ierusalembii le̱ ano̱ le̱, nakai noṅṅ ké̱ nyete Mizraim ni aafo̱se mimlila le̱ aſie nyeno̱, ni nyeatšṍ kitãkãmo̱nõ ke̱ nākpenõ ke̱ lōmo̱ ke̱ ahorabō̱, ni nyenaṅ bie̱ ne̱ doṅṅ!

Yeremia 44:6

Nohewo̱ le̱ afo̱se mimlila ke̱ mimlifũ le̱ aſie ši ni eyatšo ye̱ Iuda mãdši le̱ amli ke̱ Ierusalem blohũi le̱aṅ, ni ame̱tšṍmo̱ ole̱ṅle̱ ke̱ amaṅfõ, take̱ bo̱ni eyo̱ ṅme̱ne̱ ne̱.

Yeremia 6:11

Hewo le̱ Iehowa mlila le̱ eyimi obõ, etomi ke̱ nātsĩ. Fo̱semo̱ oſie gbe-kẽbii ni yo̱ blo̱hũiaṅ le̱ ke̱ oblahĩĩ asafo le̱ fẽ no̱ šikome; edšake̱ abamõ nū ke̱ eṅã, nūmo ke̱ moni eye gbĩĩ fẽ.

Yeremia 6:12

Ni ame̱šĩai aatšṍmo̱ meikrokomei anii, ke̱ ame̱šikpõdši ke̱ ame̱ṅãmei fẽ; edšake̱ makpã minine mli mawo šikpoṅ le̱ no̱ bii le̱, Iehowa kē̱.

Yeremia 8:13

Matšere̱ame̱ ni malōame̱ ke̱-ate, Iehowa kē̱, ní weinyibii akaſe̱ ye̱ weintšo le̱ no̱, ní agbãmii akaſe̱ ye̱ agbãmitšo le̱ no̱, ní bāi le̱ tete aṅălã; ni nii ní mihãame̱ le̱, aadše ame̱deṅ.

Yāfó 4:11

Iehowa egbe emlila le̱ nā; efo̱se emlifũ ní nā wa ke̱ eſie ši, ni eše̱re la ye̱ Zion ni no ešă ešišitōi le̱.

Ezekiel 22:22

Bo̱ni asĕreo̱ dſie̱te̱i ye̱ flõnõ mli le̱, nakai noṅṅ kẽ aasĕrenye ye̱ mli, ni nye-aná nyele ake̱ mi, Iehowa, mifo̱se mimlila le̱ miſie nyeno̱ le̱.

Ezekiel 7:12

Be le̱ eše̱, gbĩ le̱ ebe̱ṅke̱; nihelo̱ akanyã́, ni nihõlo̱ akaye ṅko̱me̱; edšake̱ mlifũ miba esafo le̱ fẽ no̱.

Ezekiel 7:14

Ame̱kpã te̱tre̱mantre̱, ni ame̱sā nii fẽ ame̱to, ši mokomoko eyaa ta le̱; edšake̱ mimlifũ kã esafo mū le̱ fẽ no̱.

Daniel 9:11

ši Israel fẽ etõ omla le̱, ni ame̱gbá afã, koni ame̱kabo ogbē toi; nohewo̱ le̱ afo̱se lōmo̱ ke̱ kitãkãmo̱ ni *aṅmã ye̱ Nyoṅmo̱ tšũlo̱ Mose mla le̱ mli le̱ aſie wo̱no̱, edšake̱ wo̱fe eša wo̱šile̱. 5 Mose 28,15-68. 3 Mose 26,14-39.

3 Mose 26:28

no le̱ mi hũ madše nyehe tše̱i ye̱ mlila nā, ni magbla nyetoi šii kpawo ye̱ nyehe ešai le̱ ahewo̱.

Nahum 1:6

Namo aanyẽ emlila le̱ nā adamo̱? ni namo aanyẽ ši ahĩ ye̱ emlifũ ní nā wa le̱ mli? Ehĩedō̱ le̱ fo̱seo̱ ſieo̱ ši tamo̱ la, ni te̱sāi gblaä ye̱ ehĩe.

Zefania 1:2

Makpãtã nii fẽ hĩe ke̱-adše̱ šikpoṅ le̱ no̱! Iehowa kē̱.

Zefania 1:3

Makpãtã gbomo ke̱ kolo hĩe; makpãtã ṅwei lofõdši ke̱ ṅšo̱ṅlōi ahĩe, ke̱ *pãmpii ke̱ meifõdši fẽ, ni maplenẽ gbomei ke̱-adše̱ šikpoṅ le̱ no̱! Iehowa kē̱. *Mat. 13,41.

Zakaria 7:12

ni ame̱fe ame̱tšui *tamo̱ diamentete̱, koni ame̱kanu mla le̱ ke̱ wiemo̱i ke̱ ni Iehowa Zebaot tšṍ Emumo̱ le̱ no̱ eke̱tšũ kleṅkleṅ gbalo̱i le̱; nohewo̱ ni mlifũ kpeteṅkple dše̱ Iehowa Zebaot ṅõ be ke̱. *Ies. 48,4.

Mateo 3:12

Moni hĩe ešātšeneye̱ edeṅ, ni ebabē̱ ešikpoṅ le̱ fitšofitšo, ni ebuá eṅmā̃ le̱ nā eto eboṅo mli; ši tutū le̱, eke̱ la ni gboo bašã. 13,30.

Kpojiemɔ 14:10

le̱ hũ eenu Nyoṅmo̱ *mlifũ dā̃ ní afutu le̱ kro̱ṅṅ awo emlifũ kpulu le̱ mli le̱ eko, ni †aapĩle̱ ye̱ la ke̱ swō̱ mli ye̱ bo̱foi kroṅkroṅi le̱ ahĩe ke̱ tōbi le̱ hĩe. *16,19. Ier. 25,15. †19,20.