Yeremia 7:10 - Ṅmãle̱ Kroṅkroṅ Le̱

¹⁰ dãni nyeba nyebadamo̱ mihĩe ye̱ šia ne̱ ní aṅõ migbe̱i awole̱ le̱, ni nyekē̱ ake̱: *Wo̱he edše mli! koni nyeyafe nihĩnii ne̱ fẽ ekoṅ lo? *4,10.

ŊMALƐ KRƆŊKRƆŊ LƐ

¹⁰ kɛkɛ lɛ nyɛba nyɛbadamɔ mihiɛ yɛ mishĩa nɛɛ ni nyɛmiikɛɛ akɛ, ‘Wɔhe eje mli;’ kɛkɛ lɛ no sɛɛ lɛ nyɛtee nyɛyafee nihiinii ni mihiɔ lɛ ekoŋŋ lo?

Yeremia 7:10 ပူးပေါင်းရင်းမြစ်များ

1 Maŋtsɛmɛi 9:3

Ni Iehowa kē̱le̱ ake̱: Minu oso̱lemo̱ ke̱ ofaikpamo̱ ní okpa ye̱ mihĩe le̱. Mife šĩa ní omã ne̱ kroṅkroṅ, koni mike̱ *migbe̱i ato dše̱i ke̱-ya nāno̱, ni mihĩṅme̱ii ke̱ mĩtšui aahĩ dše̱i dā. *8,29.

2 Maŋtsɛmɛi 21:4

Ni asaṅ emãmo̱ afo̱lešãlate̱i ye̱ Iehowa we le̱, heni *Iehowa kē̱ ye̱ he ake̱: Ierusalem dši heni mike̱ migbe̱i aato le̱. K. 7.

2 Kronika 33:4

Ni asaṅ emãmo̱ afo̱lešãlate̱i ye̱ Iehowa we le̱, he ní Iehowa *kē̱ ye̱ he ake̱: Ierusalem migbe̱i le̱ aahĩ ke̱-ate nāno̱ le̱. *5 Mose 12,5. 11. 1 Maṅ. 9,3.

2 Kronika 33:7

Ni eke̱ amãgã ni dši wo̱ṅ ni efe le̱ yamã Nyoṅmo̱ we le̱ ni Nyoṅmo̱ kē̱ David ko̱ ebi Salomo ye̱ be ake̱: Ne̱ke̱ šĩa ne̱ ke̱ Ierusalem ni mihala ye̱ Israel akutšei le̱ fẽ ateṅ le̱ maṅõ migbe̱i le̱ mato ke̱-ate nāno̱ le̱.

Abe̱i 15:8

Meifõdši afo̱le le̱, Iehowa mīhĩ; ši dšaloi aso̱lemo̱ le̱, enáa he mīše̱. K. 29. Y. 21,27; 28,9. 1 Mose 4,4. 6. Ies. 1,11. 16. Luk. 18,9-11.

Yesaia 48:2

Edšake̱ ame̱tšé̱o̱ ame̱he maṅ kroṅkroṅ le̱ mli bii, ni ame̱ke̱ ame̱he kpasaä Israel Nyoṅmo̱ le̱, Iehowa Zebaot dši egbe̱i!

Yeremia 32:34

Ši moṅ *ame̱ke̱ ame̱nihĩnii le̱ eto šĩa ní aṅõ migbe̱i awole̱ le̱, ni ame̱ke̱bulele̱; *7,30. 2 Maṅ. 21,4. 5.

Yeremia 34:15

Ni nye le̱ nyekpale ṅme̱ne̱, ni nyefe noni sa mihĩe, ni mofēmo ešie̱ heyeli eha enyemi, ni nyekpãṅ ye̱ mihĩe ye̱ sĩa ní ake̱ migbe̱i ewole̱ le̱.

Yeremia 44:9

Ani nyehĩe kpa nyetše̱mei le̱ ani-fõdši ke̱ Iuda maṅtše̱mei le̱ anifõdši ke̱ ame̱ṅãmei le̱ anifõdši ke̱ nyedientše̱ nyenifõdši ke̱ nyeṅãmei le̱ anifõdši ní amefe ye̱ Iuda šikpoṅ le̱ no̱ ke̱ Ierusalem blohũi le̱ amli le̱ ano̱?

Yeremia 7:11

Aso ne̱ke̱ šia ne̱ ní aṅõ migbe̱i awole̱ le̱ etšṍ *odšotſalo̱i abu ye̱ nyehĩe lo? Mi hũ, na, mina momo! Iehowa kē̱. *Mat. 21,13.

Yeremia 7:14

hewo̱ le̱, *mafe šĩa ne̱ ní aṅõ migbei awole̱, ní nyeṅõo̱ nyehĩe nyefõo̱ no̱ le̱, ke̱ šihĩle̱he le̱ ní miṅō-hã nye ke̱ nyetše̱mei le̱, teke bo̱ noṅṅ ni mife Šilo le̱; *26,6.

Yeremia 7:30

Edšake̱ Iudabii le̱ efe efõṅ ye̱ mihĩe, Iehowa kē̱. Ame̱ke̱ ame̱nihīnii le̱ eto šĩa ní aṅõ migbei awole̱ le̱, ní ame̱-ke̱-bulele̱; 32,34.

Ezekiel 20:39

Ši nye, Israel we, bo̱ni Nuṅtšo̱ Iehowa kē̱ ne̱: Nyeyaä ní nyeteṅ mofẽmo ayasúmo̱ ewo̱dši le̱; ši ké̱ fe se̱ le̱, nyeabomi toi kẽ, ni nyeke̱ nyenikē-nii ke̱ nyewo̱dši le̱ buleṅ migbe̱i kroṅkroṅ le̱ doṅṅ.

Ezekiel 23:29

Ni ame̱ke̱o aaye ye̱ nyē̱ nā, ni ame̱alō nii ní ogbo deṅme ye̱ he le̱ fẽ, ni ame̱ašĩo yayai ke̱ ohe pasā, ni aadšie odſamaṅbō̱ yayaiaṅ ke̱ onyenyeṅtſibō̱ ke̱ odſamaṅbō̱i le̱ fẽ kpo.

Ezekiel 23:37

Edšake̱ ame̱fite gblã, ni lá ye̱ ame̱dẽ; ni ame̱ke̱ ame̱wo̱dši le̱ efite gblã, ni ame̱hã *ame̱bii ní ame̱fo̱ ame̱hãmi le̱ etšṍmo̱ la mli ehãame̱ ame̱ye! *Ier. 7,31.

Ezekiel 23:39

Edšake̱ beni ame̱gbe ame̱bii le̱ ame̱hã ame̱wo̱dši le̱, ame̱ba mihekroṅkroṅ le̱ nakai gbĩ le̱ noṅṅ ni ame̱babulele̱; ni na, nakai noṅṅ amefe ye̱ mišĩa le̱ teṅ!

Ezekiel 33:25

Nohewo̱ le̱ kē̱mo̱ame̱ ake̱: Bo̱ni Nuṅtšo̱ Iehowa kē̱ ne̱: Nyeyee̱ nii ke̱ lá, ni nyeholeo̱ nyehĩṅme̱ii ano̱ nyekwe̱o̱ nyewo̱dši le̱, ni nyeſieo̱ lá ši: aso šikpoṅ le̱ aatšṍ nyenõ kẽ?

Ezekiel 33:31

Ni ame̱baã oṅõ tamo̱ maṅ baã, ni ame̱batráa ši ye̱ ohĩe tamo̱ mimaṅ, ni ame̱boo̱ owiemo̱i le̱ atoi, ši *ame̱yee no̱; edšake̱ ame̱ke̱ ame̱nābu wieo̱ do̱ko̱bī, ši ame̱tšui nyieo̱ ame̱se̱námo̱ se̱. *Ies. 53,1. Iak. 1,22.

Ezekiel 5:11

Nohewo̱ lo̱ gbĩĩabo̱ ní mihĩe kã ne̱, Nuṅtšo̱ Iehowa kē̱, ake̱-ní oke̱ otãṅtãṅnii le̱ fẽ ke̱ onihĩnii le̱ fẽ *ebule mihekroṅkroṅ le̱ hewo̱ le̱, mi hũ matã oyi, ni mihĩṅme̱i enaṅo mo̱bo̱, ni asaṅ mibāṅ oyi. *8,6-18.

Daniel 9:18

Ba otoi ši, mi-Nyoṅmo̱; ní obo toi! Gblemo̱ ohĩṅme̱ii, ní okwe̱ wo̱maṅfõi le̱ ke̱ maṅ le̱ ní ake̱ ogbe̱i ewole̱ le̱! Edšake̱ *dšee wo̱dšale̱ nitšimo̱i ahewo̱ wo̱ke̱ wo̱faikpamo̱i le̱ ſieo̱ ohĩe ne̱, ši moṅ ye̱ omũsũṅtšõle̱ babaō le̱ hewo̱. *Lal. 115,1.

Hosea 6:9

Ni bo̱ni odšotſalo̱i asafo woo̱ mo ká le̱, nakai oso̱foi asafoku le̱ yeo̱ awui ye̱ Šekem gbe̱teṅ, ni ame̱tšuo̱ nišaianii!

Amos 4:5

Ni nyeṅõa *măša nyešāa šidā-afo̱lei; ni nyešie̱a tšuidšũrõnā-nikē ní anua! edšake̱ nakai nyesumoo̱, nye Israelbii! Nuṅtšo̱ Iehowa kē̱. *3 Mose 2,11.

Zefania 1:5

ke̱ mei hũ ni dšáa ṅwei asafo le̱ ye̱ *tšũiayiteaṅ le̱, ke̱ mei ni dšáa Iehowa ni ame̱kãale̱ kitã ni ame̱sā ame̱kãmoo̱ †Malkam hũ kitā le̱, *Ier. 19,13. †Ier. 49,1.

Maleaki 3:15

Ši agbe̱ne̱ wo̱buo̱ hewolo̱i ake̱ mei ní adšō̱ame̱; mei ni feo̱ nifõdšianii le̱, amãa-ame̱; ame̱baä Nyoṅmo̱, ni adšieo̱-ame̱ kẽ.

Mateo 23:13

Kpóo hã nye, woloṅmãlo̱i ke̱ Farisifoi, osatofoi! ake̱-ní nyeṅáa ṅwei maṅtše̱yeli le̱ nā ye̱ gbomei ahĩe le̱; edšake̱ nyedientše̱ le̱ nyebotee mli, ni mei ní taoo̱ mli abote le̱ hũ, nyehããame̱ mlibotemo̱ gbe̱.

Yohane 13:18

Dšee nyefẽ nyehe miwieo̱; mi le̱ mile mei ni mihala; ši moṅ beni afe ni *noni aṅmã le̱ aba mli ake̱: “Moni ke̱mi yeo̱ abolo le̱, áwó enanetšitši no ẽšími.” *Lal. 41,10.

Yohane 18:28

Ke̱ke̱ ni ame̱kpla Iesu ke̱-dše̱ Kaiafa ṅõ ke̱-te kodšomo̱he le̱. Ni eše mãṅkẽ. Ni ame̱dientše̱ le̱ ame̱botee kodšomohe le̱, koni ame̱kabule ame̱he, beni afe ní ame̱wo Hehō le̱ yeli.