Yeremia 51:11 - Ṅmãle̱ Kroṅkroṅ Le̱

¹¹ Nyešaä gãimlibii le̱ ahe kãṅkãṅ! nyekŏ̱lo̱a tše̱ṅi nyewoa! Iehowa etšĩe *Mediabii amaṅtše̱mei le̱ amumo̱ hĩe; edšake̱ eto eyiṅ ye̱ Babel he, ake̱ eekpãtã ehĩe. Edšake̱ Iehowa †oweletō̱ ni, eso̱lemo̱we le̱ he oweletō̱ ni. *Ies. 13,17. †Ier. 50,28.

ŊMALƐ KRƆŊKRƆŊ LƐ

¹¹ “Yehowa etsiɛ Mediabii amaŋtsɛmɛi lɛ amumɔ hiɛ, ejaakɛ yiŋ ni eto yɛ Babilon maŋ lɛ he ji akɛ ebaakpãtã ehiɛ, ejaakɛ ekɛ no baatɔ eSɔlemɔ we lɛ he owele. Tabilɔi ni eba maŋ lɛ tuamɔ lɛ asafoiatsɛmɛi lɛ fã akɛ, ‘Nyɛjɔa gãimlibii lɛ anaa, ni nyɛkɔlɔa tsɛŋi!’

Yeremia 51:11 ပူးပေါင်းရင်းမြစ်များ

1 Maŋtsɛmɛi 11:14

Ni Iehowa tē henye̱lo̱ ko ši ewo Salomo, Hadad, Edomnyo le̱, ni dše̱ maṅtše̱ seši mli ye̱ Edom le̱.

1 Maŋtsɛmɛi 11:23

Ni Nyoṅmo̱ sā tē henye̱lo̱ kroko ši ewole̱, le̱ dši Rezon, Eliada bi le̱, ni dšo foi ke̱-dše̱ enuṅtšo̱ Hadadezer, Zoba maṅtše̱ le̱, ṅõ le̱.

1 Kronika 5:26

ke̱ke̱ ni Israel Nyoṅmo̱ le̱ tšē̱ *Pul, Ašur maṅtše̱ le̱, ke̱ †Tiglat-Pilneser, Ašur maṅtše̱ le̱, ewo ame̱he, ni ebaṅõ Rubenbii ke̱ Gadbii ke̱ Manase akutšo le̱ fẽ le̱ nom, ni elōame̱ ke̱-te Hala ke̱ Habor ke̱ Hara ke̱ Gozan fā le̱ nā ke̱-baši ṅme̱ne̱. *1 Maṅ. 15,19. †2 Maṅ. 15,29.

2 Kronika 36:22

Agbe̱ne̱ Koreš, Persia maṅtše̱ le̱, yino̱ kleṅkleṅ afi le̱ no̱ le̱, beni afe ni Iehowa wiemo̱ ni ewie ye̱ *Ieremia nā le̱ aba mli le̱, Iehowa tšĩe †Koreš, Persia maṅtše̱ le̱, mumo̱ hĩe, ni ehã ašie̱ ye̱ e-maṅtše̱yelihe le̱ fẽ, ni asã aṅmã hũ ake̱: *Ier. 29,10. †Ies. 44,28.

Ezra 1:1

Koreš, Persia maṅtše̱ le̱, yino̱ kleṅkleṅ afi le̱ no̱ le̱, beni afe ni Iehowa wiemo̱ ní ewie ye̱ *Ieremia nā le̱ aba mli le̱, Iehowa tšīe Koreš, Persia maṅtše̱ le̱, mumo̱ hĩe, ni ehã ašie̱ ye̱ emaṅtšeyelihe le̱ fẽ, ni asā aṅmã hũ ake̱: 2 Kron. 36,22. 28. *Ier. 26,11; 29,10.

Yesaia 10:26

Ni Iehowa Zebaot aatē kplebi ši awole̱, tamo̱ bo̱ni efe, *beni egbe Midian ye̱ Oreb te̱sā le̱ no̱ le̱, ni etšo †ní ewó no̱ ye̱ ṅšo̱ le̱ no̱ le̱, eewó no̱ tamo̱ bo̱ni efe Mizraim le̱. *Kodš. 7,25. †2 Mose 14.26.

Yesaia 21:2

Adšie ninā ko ní mli wa atšõmi: Halo̱ le̱ mīha nii, fitelo̱ le̱ mīfite nii. Elam, ba! Media, babo̱ nsra owo ehe! Mahã ame̱kē̃mo̱ fẽ se̱ afo.

Yesaia 21:5

Ame̱ṅmẽ okplõ, ame̱to bulo̱i, ame̱-mīye nii, ame̱mīnu dā̃i. Nye lume̱i, nyetea ši, nyefo̱a tše̱ṅ le̱ mũ!

Yesaia 41:25

Mitē moko ši ke̱-dše̱ kōyigbe̱ ni ēba, ni eetšé̱ migbei ke̱-adše̱ hũlũ šitẽhe, ni eenā no̱yelo̱i tamo̱ anāa sũ, lo tamo̱ nišõlo̱ kpo̱to̱ö̱ sũ!

Yesaia 45:1

Boni Iehowa kē̱o̱ moni efo̱le̱ mũ ní dši *Koreš le̱ ne̱, moni mimõ eninedšŭrõ mli, koni maba dšeṅmãdši aši ye̱ ehĩe, ni mafẽne maṅtše̱mei ahe̱fĩnii, ni magble šĩnāi ye̱ ehĩe, ni akaṅmẽ agbói le̱ amli le̱: 44,28; 41,2.

Yesaia 45:5

*Midsi Iehowa, ni moko be̱ doṅṅ, mise̱ le̱ Nyoṅmo̱ ko Nyoṅmo̱ ko be̱! Mimĩao, dãni olemi po, *44,6.

Yesaia 46:11

Mītšé̱ okropoṅ ko ke̱-mīdše̱ bokã, ke̱ miyiṅtō nā nū le̱ ke̱-mīdše̱ maṅse̱ šoṅṅ. Mi miwie, ni mi noṅṅ mahã aba mli; mito miyiṅ, ni mafe hũ! 41,2.

Yeremia 25:25

ke̱ Zimri maṅtše̱mei le̱ fẽ ke̱ Elam maṅtše̱mei le̱ fẽ ke̱ Media maṅtšemei lo̱ fẽ,

Yeremia 46:3

Nyesāa tše̱ṅi bibii ke̱ tše̱ṅi wudši, ni nyefãa ta!

Yeremia 46:4

Nyewoa okpo̱ṅo̱i le̱ anii ni nyetráa no̱, nye okpo̱ṅo̱iatše̱mei! Nyebumo̱a nyedadefai ke̱-damo̱a ši, nyetšumo̱a akplo̱i le̱ ahe kãṅkãṅ, ni nyewoa nyedamai le̱!

Yeremia 46:9

Nye okpo̱ṅo̱i, nyefãa ke̱-ba ni nye ſīlii, nyewoa foi ke̱-baä, ni nyehãa kãkãlo̱i le̱ adšea kpo, Kušbii ke̱ Putbii ní hĩeo̱ tše̱ṅi, ke̱ Ludbii ní hĩeo̱ gãii ní ame̱dŏ̱ro̱ö̱ le̱!

Yeremia 50:25

Iehowa egble etanii-atōhe le̱, ní edšie emlila tawūnii le̱; edšake̱ Nuṅtšo̱ Iehowa Zebaot ye̱ nitšumo̱ ko ní ebatšu ye̱ Kaldeabii le̱ ašikpoṅ le̱ no̱.

Yeremia 50:3

Ši dšeṅmaṅ ko edše̱ kōyigbe̱ efã ke̱-mība eno̱, ni eefe ešikpoṅ le̱ amaṅfõ, ni mokomoko ehĩṅ ši ye̱ no̱, gbomo ke̱ koloi fẽ aadšo foi ame̱ate.

Yeremia 50:45

Nohewo̱ le̱ nyeboa Iehowa yiṅ ní eſie ye̱ Babel he ke̱ eyiṅ ní eto ye̱ Kaldeabii le̱ ašikpoṅ le̱ he le̱ toi: Šãtãmo̱ kẽ aasãtã tōiku le̱ mli bibii le̱ ke̱-ate, ni ame̱niyelihe le̱ nā aakpe̱ ehe ye̱ ame̱he!

Yeremia 50:9

Ši na, matšĩe dšeṅmãdši wudši asafo yū hĩe, ni mike̱ame̱ aadše̱ kōyigbe̱ šikpoṅ le̱ no̱ afã ke̱-ba Babel no̱, ni ame̱agba ta ame̱wole̱, ni dše̱i noṅṅ aadše̱ abaṅõle̱; ame̱gãimlibii le̱ aatamo̱ nū kãkãlo̱ ni he esa nõ, ní ekũṅ ese̱ yaka le̱.

Yeremia 51:12

Nyešia aflaṅã nyewoa Babel gbogboi le̱ ahe! Nyehãa bū le̱ mli awaä! Nyetoa bulo̱i! Nyesāa káwolo̱i le̱ nyetoa! Edšake̱ Iehowa eto eyiṅ ni esā ebafe noni ewie ye̱ Babelbii le̱ ahe le̱.

Yeremia 51:24

Ni *mawo Babel ke̱ Kaldeabii le̱ fẽ amenifõdši fẽ ní ame̱fe Zion le̱ he nyõmo̱ ye̱ nyehĩṅme̱iiaṅ! Iehowa kē̱, *50,20.

Yeremia 51:35

Zionnyo aakē̱ ake̱: Yi ní awami ke̱ mihelo le̱ aba Babel no̱! Ierusalem aakē̱ ake̱: Milá aba Kaldeabii le̱ ano̱!

Yeremia 51:36

Nohewo̱ le̱ bo̱ni Iehowa kē̱ ne̱: Na, maye osane le̱ mahão, ni mato̱ ohe owele; ni mahã eṅšo̱ le̱ agbĩ, ni mahã enubu le̱ atã.

Daniel 5:30

Ši nakai nyõ le̱ṅ noṅṅ agbe Kaldeabii amaṅtše̱ Belšazar le̱.

3 Mose 26:25

Ni mike̱ *oweletō̱-klante aaba nyeno̱ ní eto̱ mikpãṅmo̱ le̱ he owele; ni ké̱ nyebua nyehe nā ye̱ nyemãdši le̱ amli le̱, mahã gbĕle-hela aba nyeteṅ, ni aaṅõnye awo henyelo̱ le̱ deṅ; *Ies. 1,20.

Zakaria 14:12

Ni ene̱ dši haomo̱ ní Iehowa ke̱-ahao mãdšimãdši fiā ni efã ta eši Ierusalem le̱: ame̱helo aakpo̱to̱ beni ame̱damo̱ ame̱nãdši anā lolo le̱, ni ame̱hĩṅme̱ii aakpo̱to̱ ye̱ amefo̱dši le̱ amli, ni ame̱lile̱i hũ aakpo̱to̱ ye̱ ame̱dāṅ.

Zakaria 14:2

Ni mabua *dšeṅmãdši fẽ nā mawo Ierusalem he ní ame̱ke̱le̱ abawu, ni aaṅõ maṅ le̱, ni aaha šĩai le̱, ni yei le̱, aatoame̱ kebonā, ni maṅ le̱ fã aadše kpo ke̱-ate nomṅō̃ mli, ni maṅ le̱ mli mei ní aaſe̱ le̱ aplenēṅame̱ ye̱ mã le̱ṅ. *12,3.