Yeremia 50:9 - Ṅmãle̱ Kroṅkroṅ Le̱

⁹ Ši na, matšĩe dšeṅmãdši wudši asafo yū hĩe, ni mike̱ame̱ aadše̱ kōyigbe̱ šikpoṅ le̱ no̱ afã ke̱-ba Babel no̱, ni ame̱agba ta ame̱wole̱, ni dše̱i noṅṅ aadše̱ abaṅõle̱; ame̱gãimlibii le̱ aatamo̱ nū kãkãlo̱ ni he esa nõ, ní ekũṅ ese̱ yaka le̱.

ŊMALƐ KRƆŊKRƆŊ LƐ

⁹ Ejaakɛ naa, mitee maji wuji shi yɛ kooyigbɛ shikpɔŋ lɛ nɔ, ni mikɛ amɛ miiba abatua Babilon. Amɛbaagba ta amɛwo Babilon, ni jɛigbɛ abaajɛ aye Babilon nɔ kunim. Amɛgãii lɛ tamɔ hii kãkãlɔi ni jɛɛɛ ta mli baaa shĩa kɛ amɛniji nyɔŋma.

Yeremia 50:9 ပူးပေါင်းရင်းမြစ်များ

Yeremia 51:11

Nyešaä gãimlibii le̱ ahe kãṅkãṅ! nyekŏ̱lo̱a tše̱ṅi nyewoa! Iehowa etšĩe *Mediabii amaṅtše̱mei le̱ amumo̱ hĩe; edšake̱ eto eyiṅ ye̱ Babel he, ake̱ eekpãtã ehĩe. Edšake̱ Iehowa †oweletō̱ ni, eso̱lemo̱we le̱ he oweletō̱ ni. *Ies. 13,17. †Ier. 50,28.

Yeremia 50:29

Nyetšé̱a gãitšẽlo̱i le̱ nyewoa Babel be, mei ni dŏ̱ro̱ö̱ gãi le̱ fẽ! Nyeboa nsra nyewoa ehe ke̱-kpea! Nyekahãa mokomoko mīdšea mli! *Nyewoale̱ nyõmo̱ ye̱ enitsumo̱ le̱ nā! Bo̱fẽbo̱ ní efe le̱, nyefeale̱ nakai noṅṅ; edšake̱ ewó ehe ye̱ Iehowa no̱, ye̱ Israel Mokroṅkroṅ le̱ no̱! *K. 15.

Yeremia 50:26

Nyedše̱a nāgbēhei le̱ fẽ nyebaä! Nyegblea eboṅoi le̱ anā! Nyelōale̱ nye-buaã ši tamo̱ ṅmā̃ kuikui, nyefeale̱ musu tſẽm! Nyekahãa enokonoko mīſe̱a!

Yeremia 50:21

Fã oyatua atũatšemo̱ nta šikpoṅ le̱ ke̱ mei ni agblaä ame̱toi le̱! Gbe ni ofe musu ke̱-nyie ame̱se̱, Iehowa kē̱, ni ofe bo̱ni mifã́o le̱ pe̱pē̱pe̱!

Yeremia 50:14

Nyegbaä ta nyewoa Babel he ke̱-kpea, nye mei flā ní nyedŏ̱ro̱ö̱ gãii amli! Nyetšẽrẽale̱ nyekabäa gãimlibii ayi! edšake̱ efe eša eši Iehowa!

Yeremia 50:3

Ši dšeṅmaṅ ko edše̱ kōyigbe̱ efã ke̱-mība eno̱, ni eefe ešikpoṅ le̱ amaṅfõ, ni mokomoko ehĩṅ ši ye̱ no̱, gbomo ke̱ koloi fẽ aadšo foi ame̱ate.

Yeremia 15:14

ni mahã osúmo̱ ohenye̱lo̱i le̱ ye̱ šikpoṅ ko ni olee no̱; edšake̱ mimliſũ le̱ tamo̱ la ni aše̱re ni eetšo ye̱ nyeno̱. —

Yesaia 41:25

Mitē moko ši ke̱-dše̱ kōyigbe̱ ni ēba, ni eetšé̱ migbei ke̱-adše̱ hũlũ šitẽhe, ni eenā no̱yelo̱i tamo̱ anāa sũ, lo tamo̱ nišõlo̱ kpo̱to̱ö̱ sũ!

Yesaia 21:2

Adšie ninā ko ní mli wa atšõmi: Halo̱ le̱ mīha nii, fitelo̱ le̱ mīfite nii. Elam, ba! Media, babo̱ nsra owo ehe! Mahã ame̱kē̃mo̱ fẽ se̱ afo.

2 Samuel 1:22

Mei ní enyõnyõi le̱ alá ke̱ kãkãlo̱i le̱ hũ afo̱ le̱, Ionatan gãi le̱ ekũũ ese̱ ke̱-dše̱e̱ he, ni Saul klante le̱ hũ kpalee eflo.

Salomo Lalai 3:8

Ame̱fẽ-kwa amehĩe klante, ní ame̱he esa ke̱ tawū; mofēmo klante ṅmō ehe̱ ye̱ nyŏṅ gbeyeišemo̱ hewo̱,

Yeremia 25:14

edšake̱ aahã ame̱ hũ ame̱súmo̱ dšeṅmãdši babaō ke̱ maṅtše̱mei agboi, ni mawoame̱ nyõmo̱ ye̱ ame̱nifemo̱nii ke̱ ame̱nidsi anā nitšumo̱i le̱ anā.

Yeremia 25:26

ke̱ kōyigbe̱ maṅtše̱mei le̱ fẽ, mei ní be̱ṅke̱ ke̱ mei ní yo̱ šoṅṅ le̱ fẽ, ke̱ ši-kpoṅ le̱ no̱ maṅtše̱yelii fẽ ní yo̱ šikpoṅ le̱ no̱ le̱, ni ame̱fẽ ame̱se̱ le̱ *Šešak maṅtše̱ le̱ aana! *51,41.