Yeremia 5:7 - Ṅmãle̱ Kroṅkroṅ Le̱

⁷ Ene̱ le̱, té aafe tēṅ ní maṅõ-fao hũ? Obii le̱ ekwami, ni ame̱tšé̱o̱ mei ní dšee nyoṅmo̱i le̱ ame̱kãmoo̱ kitãi; ni beni mike̱ame̱ kpãṅ le̱, ame̱yafite gblã, ni ame̱yabua amehe nā asafoiaṅ ye̱ adſamaṅi awei.

ŊMALƐ KRƆŊKRƆŊ LƐ

⁷ “Te aaafee tɛŋŋ manyɛ mikɛfa bo hu? Obii lɛ kwa mi, ni amɛtsɛɔ nibii ni jeee nyɔŋmɔi amɛkɛkãa kitã. Kɛji mihã amɛ nii amɛye ni amɛtɔrɔ lɛ, kɛkɛ lɛ amɛje mi, amɛwu lɛ, sɛɛ amɛtee ajwamãŋi awe.

Yeremia 5:7 ပူးပေါင်းရင်းမြစ်များ

2 Kronika 13:9

Nto nyeſie Iehowa oso̱foi, ní dši Aaron bii le̱, ke̱ Levibii le̱, ni *nyewo oso̱foi nyehã nyehe tamo̱ bo̱ni šikpõdši krokomei ano̱ bii feo̱ le̱? Mofẽmo ní ke̱ tšina oblanyo ko ke̱ tōagboi kpawo baa ni awole̱ oso̱fo le̱, ke̱ke̱ le̱ etšṍ nii ní dšee nyoṅmo̱i le̱ aso̱fo. *11,15.

Hiob 31:12

edši la ní šãa ke̱-yašio̱ lãdšemo̱bu le̱ mli, ni eefãmo̱ minibānii fẽ eſie.

Lalai 50:18

Ké̱ ona dšulo̱ le̱, osumoo̱ esane, ni *gblãfitelo̱i po oke̱-bo̱ö̱. *Ef. 5,11.

Yeremia 12:16

Ni aaba mli ake̱, ke̱dši ame̱akase mimaṅ le̱ gbè̱i le̱ dšogbāṅ, ni *ame̱ke̱ migbe̱i aakã kitã ake̱: Gbĩĩabo̱ ní Iehowa hĩe kã ne̱! tamo̱ bo̱ni ame̱tšõ mimaṅ le̱ Baal kitãkãmo̱ le̱, no le̱ aaṅõame̱ amãmo̱ mimaṅ le̱ teṅ. *4,2. 5 Mose 3,19.

Yeremia 13:27

Mina onihĩnii ke̱ ogblãfitemo̱ ke̱ onyenyeṅtſibō̱ ke̱ odſamaṅbō̱ ní yo̱ nyãṅemo̱ le̱, ye̱ ṅãno̱ goṅkpo̱i le̱ ano̱. Kpóo hao, Ierusalem! atšūṅ ohe; mẽ beyino noṅṅ ebakã he ke̱-yaši?

Yeremia 16:11

no le̱ kē̱me̱ame̱ ake̱: Edšake̱ nyetše̱mei le̱ kwami, Iehowa kē̱, ni ame̱ya-nyie nyoṅmo̱i krokomei ase̱, ni ame̱súmo̱ame̱, ni ame̱dšáame̱, ši mi le̱ ame̱kwami, ni mimla le̱ hũ ame̱yee no̱,

Yeremia 16:20

Aso gbomo aafe nyoṅmo̱i ni dšee nyoṅmo̱i ahã ehe?

Yeremia 2:11

Ani dšeṅmaṅ ko etšake enyoṅmo̱i le̱ pẽṅ? tše̱ nomei po le̱ dšee nyoṅmo̱i ni! ši mimaṅ le̱ eṅõ *enumnyam le̱ etšake noni he be̱ se̱námo̱! *Rom. 1,23.

Yeremia 2:31

Nye ne̱ke̱ yino̱bii! nyekwe̱a Iehowa wiemo̱ le̱! Ani mitšṍ ṅãno̱ mihā Israel alo šikpoṅ ní eno̱ ewo duṅ kpī? Mẽhewo̱ mo̱ ni mimaṅ le̱ kē̱o̱ ake̱: Wo̱ye wo̱he! ni wo̱baa oṅõ doṅṅ ne̱?

Yeremia 23:10

Edšake̱ šikpoṅ le̱ no̱ eyi to̱ ke̱ gblãfitelo̱i, ni lōmo̱ hewo̱ le̱ šikpoṅ le̱ miye ṅko̱mo̱; ṅã le̱ no̱ hei ní yo̱ frõfrõ le̱ egbĩgbĩ; edšake̱ amenyiemo̱ le̱ efõṅ ni, ni ame̱-ekā̃femo̱ le̱ dšee ekpakpa ni.

Yeremia 3:19

Ši mi le̱ mikē̱: Kwe̱ boni mike̱o bato bii ateṅ, ni mike̱ šikpoṅ fe̱fe̱o ni dši dšeṅmãdši le̱ asafoi le̱ agbošinii ni yo̱ fe̱o fè fẽ le̱ bahão! Ni mikē̱: Nye-atšé̱mi ake̱: *Mitše̱l ni nyekpaleṅ ye̱ mise̱ doṅṅ. *K. 5.

Yeremia 3:8

Ni enyemiyō Iuda, *kũtũmpo̱fo le̱, ena fā ake̱ miſie †se̱se̱yalo̱ Israel ye̱ egblāfitemo̱ le̱ fẽ hewo̱, ni mihãle̱ ſiemo̱wolo moṅ, ši kẽle̱ ešee gbeyei; ši moṅ le̱ hũ eyiṅ ete ni eyaho adſamaṅ. *Ezek. 23,2-11. †2 Maṅ. 17,18. 19.

Yeremia 7:9

Aso nyeadšu, nyeaye awui, nyeafite gblã, nyeakãmo̱ apasa kitãi, ni nyeate nyeyašã tšofã-ke̱-ṅma nyehã Baal, ni nyeayanyie nyoṅmo̱i krokomei ní nyelee le̱ ase̱,

Yeremia 9:1

*Miná ní kũle̱ nu ye̱ miyitšoṅ, ni mihĩṅme̱ii tšṍmo̱ yāfónn nubui, ní mike̱-fó mimaṅ le̱ biyō le̱ mei ní enyõnyõi le̱ ſane ke̱ nyõṅ! *13,17. Yāfó 1,16.

Yeremia 9:2

Miná ní kũle̱ miye̱ gbe̱nyielo̱i atōhe ko ye̱ ṅã le̱ no̱, ní mašĩ mimaṅ le̱, ni madše ame̱teṅ maya! edšake̱ ame̱fẽ le̱, gblãfitelo̱i, kũtũmpo̱foi asafo dšiame̱.

Yāfó 3:42

Wo̱ le̱ *wo̱tõ ni wo̱tše atũa; bo le̱ oṅō-fako. *Lal. 108.6. Dan 9,5.

Ezekiel 22:11

Mo ke̱ enanyo ṅã feo̱ nihĩnii; moko hũ buleo̱ ešayō ye̱ nyenyeṅtſibō̱ mli, ni mokroko hũ tuaä enyemiyō ní dši etše̱ bi ye omli. 3 Mose 18,9. 15. 20.

Hosea 11:8

Té mafe tẽṅ maṅmē̃ oheṅ, Efraim? Té mafe tẽṅ madšieo mahãṅ, Israel? Té mafe tẽṅ mafeo tamo̱ *Adăma, ni maṅõo mamã ši tamo̱ Zeboim hũṅ? †Mitšui etšṍ ye̱ mimli, mimo̱bo̱nale̱ le̱ ehe mi-mli fẽ! *5 Mose 29,22. †Ier. 31,20.

Hosea 13:6

*Bo̱ni ame̱lẽ̱̀he le̱ yo̱ le̱, nakai ame̱tŏ̱ro̱. Ame̱tŏ̱ro̱ ni ame̱tšui wó ehe no̱; nohewo̱ le̱ ame̱hĩe ekpa mino̱. *5 Mose 32,15.

Hosea 4:2

Noni eſe̱ame̱ pe̱ dši kitãkãmo̱ ke̱ kũtũmpo̱oyeli ke̱ gbomogbē ke̱ dšū ke̱ gblãfitemo̱; ame̱gbulo̱ö̱ šĩai ame̱woo̱ mli, ni lášiſiemo̱ tša lášiſiemo̱ no̱.

Hosea 7:4

Amefẽ-tſẽm le̱, gblãfitelo̱i dšiame̱, ame̱tamo̱ flõnõ ní abološãlo̱ ewo la ye̱ mli, ni efõo̱ la le̱ mlitšimo̱, ke̱-dše̱ beyino̱ ni ekpo̱to̱ mã le̱ ke̱-yaši beyino̱ ni efũo̱.

3 Mose 20:10

Ni nū ní ke̱ nū ko ṅã kũo̱ gblã mli, ni eke̱ enanyo ṅã kũo̱ gblã mli le̱, gbe ágbele̱, gblãṅkũolo̱ le̱ ke̱ yō ni eke̱le̱ kũ gblã mli le̱ fẽ. 2 Mose 20,14. Ioh. 8,5.

Amos 8:14

mei ni ke̱ Samaria eša le̱ kãa kitã ni ame̱kē̱o̱ ake̱: “Gbĩĩabo̱ ní bo, Dan, onyoṅmo̱ le̱ hĩe kā ne̱!” ke̱ “gbĩĩabo̱ ní Beeršeba gbe̱ le̱ hĩe kã ne̱!” le̱, ame̱ le̱ ame̱anyõnyõi, ni ame̱teṅ ší doṅṅ!

Zefania 1:5

ke̱ mei hũ ni dšáa ṅwei asafo le̱ ye̱ *tšũiayiteaṅ le̱, ke̱ mei ni dšáa Iehowa ni ame̱kãale̱ kitã ni ame̱sā ame̱kãmoo̱ †Malkam hũ kitā le̱, *Ier. 19,13. †Ier. 49,1.

Maleaki 3:5

Ni matši mabe̱ṅke̱nye ní makodšo, ni matšṍ odasefonyo ni he yo̱ oyá maši ṅkũnyāyelo̱i ke̱ gblãfitelo̱i be̱ mei ní kãmoo̱ amale kitãi ke̱ mei ní yeo̱ apāfoi anyõmo̱wo, ni ame̱tšṍo̱ yō okũlafo ke̱ awusā ke̱ gbo̱ sane hĩe ame̱buo̱ ši, ni ame̱šeemi gbeyei le̱! Iehowa Zebaot kē̱.

1 Korintobii 6:9

Ani nyelee ake̱ amimyelo̱i anine še̱ṅ Nyoṅmo̱ maṅtše̱yeli le̱ no̱? Nyekabia alakaänye! Adſamaṅbo̱lo̱i lo wo̱ṅdšálo̱i lo gblãṅkũolo̱i lo mei ní ke̱ ame̱dientše̱ ame̱helo feo yakayakanii lo hĩĩ ni ke̱ hĩĩ feo yakayakanii,

1 Korintobii 8:4

Agbene ye̱ wo̱dši-afo̱lešãnii ayeli hewo̱ le̱, wo̱le ake̱ wo̱ṅ-ko-wo̱ṅ-ko be̱ dše ne̱ṅ, ni asaṅ nyoṅmo̱-ko-nyoṅmo̱-ko be̱, ake̱ dša mokome ke̱ke̱. 10,19.

Galatabii 4:8

Ši be mli ni nyelee Nyoṅmo̱ le̱, nyeke̱ nyehe fe nii ni dšee nyoṅmo̱i ye̱ ame̱bō̱su nā le̱ anyõdši;

5 Mose 32:15

Ši *Iešurun wo fo̱ ni eši ntia; †owo fo̱, oti, oſi! Ke̱ke̱ ni ešĩ Nānyoṅmo̱ ní bo̱le̱ le̱, ni eyiwalaheremo̱ te̱sā le̱ ebuule̱ fẽ̱i. *Ies. 44,8. †5 Mose 31,20.

5 Mose 32:21

Ame̱hã miye awuṅã ye̱ noni *dšee nyoṅmo̱ ko hewo̱, ame̱ke̱ ame̱yakayakanii le̱ wo mimli la. †Nohewo̱ le̱ mi hũ mahã ame̱ye awuṅã ye̱ mei ní dšee maṅ ko hewo̱, dšeṅmaṅ ko ní hĩe etẽẽ mike̱-awo ame̱mli la. *Ier. 2,11. †Rom. 10,19.

Hebribii 13:4

Awo gblã hĩe nyam ye̱ nyefẽ nyeteṅ, ni akabule gblãsā hũ; ši adſamaṅbo̱lo̱i ke̱ gblaṅkũolo̱i le̱, Nyoṅmo̱ bakodšoame̱. Gal. 5,19. 21. Ef. 5,5.

Yakobo 4:4

Gblãfitelo̱i! nyelee ake̱ dše ne̱ hedō̱ le̱ Nyoṅmo̱ nyē̱ ni lo? Nohewo̱ le̱ mofẽmo ni sumoo̱ ake̱ etšõ dše ne̱ hedo̱le̱ le̱ etšõ Nyoṅmo̱ henye̱lo̱. Luk. 6,26. Rom. 8,7. 1 Ioh 2,15.

Yoshua 23:7

koni nyeke̱ ne̱ke̱ dšeṅmãdši ní eſe̱ ye̱ nyeteṅ ne̱ akafutu, ni asaṅ *nyekatšĩa ame̱nyoṅmo̱i le̱ atã, ni nyeke̱ ame̱gbe̱i akakãa kitã, ni nyekasúmo̱aame̱, ni nyekadšáa-ame̱ hũ; *2 Mose 23,13. 24.