Yeremia 5:3 - Ṅmãle̱ Kroṅkroṅ Le̱

³ Iehowa, ani dšee ano̱kwayeli he ohĩṅme̱ii kã? *Otſiaame̱ nii, ši ewaa amehe; oplenēame̱, ši ame̱kplẽẽ tšo̱semo̱; †ame̱wadše ame̱hĩeaṅ fè te̱sā; ame̱kplẽẽ kpalemo̱ kwrā. *2,30. †Ies. 48,4.

ŊMALƐ KRƆŊKRƆŊ LƐ

³ Ao, Yehowa, aso jeee anɔkwayeli gbɛ okwɛɔ kɛjɛ amɛdɛŋ? Otswia amɛ nii, shi ewaaa amɛhe. Oplenee amɛ, shi amɛkɛkaseee nii. Amɛkpliŋ amɛtsui moŋ fe kũatɛ, ni amɛmiii tsuitsakemɔ.

Yeremia 5:3 ပူးပေါင်းရင်းမြစ်များ

1 Mose 19:34

Ni dšetše̱reno̱ lebi le̱ eba mli ake̱ onukpa le̱ kē̱ gbekẽ lē̱ akē̱; Na, nye nyōṅ le̱ mike̱ mitše̱ yawo̱; hã ni wo̱hãle̱ wein enu nyō ne̱ṅ hũ, ni bo hũ oya oke̱le̱ ayawo̱, koni wo̱ke̱ we̱tše̱ afo̱ bii.

1 Maŋtsɛmɛi 13:33

Ne̱ke̱ sane ne̱ se̱ le̱ Ierobeam kpalee ke̱-dšee egbe̱ fõṅ le̱ no̱, ši moṅ eṅõo̱ *mei ke̱-dše̱o̱ mã le̱ṅ hefẽhe ni ewoo̱ame̱ hei groṅṅi le̱ aso̱foi; mofẽmo ni sumoo̱ ke̱ke̱ le̱ †ewole̱ oso̱fo, bẽle̱ etšṍ hei groṅṅi le̱ aso̱foi le̱ eko. *13,31. †2 Mose 28,41.

2 Maŋtsɛmɛi 1:13

Ni asaṅ etšũ mei nyoṅmai-enumo̱ no̱ asafoiatše̱ ni dši etẽ ke̱ emei nyoṅmai-enumo̱ ekoṅ. Ni mei nyoṅmai-enumo̱ no̱ asafoiatše̱ ni dši etẽ le̱ yiṅ ete, ni eyakũla ši ye̱ enakutšei anā ye̱ Elia hĩe, ni ekpale fai ni ekē̱le̱ ake̱: Nyoṅmo̱ gbomo! mīkpao fai, hã misusuma ke̱ ne̱-ke̱ otšũdši nyoṅmai-enumo̱ ne̱ asusumai adšra awa ye̱ ohĩe!

2 Kronika 16:9

Edšake̱ Iehowa yo̱ ne̱, ehĩṅme̱ii kpaä šikpoṅ mū le̱ fẽ no̱, ni edšieo̱ ehewale̱ kpo ehãa mei ní ame̱tšui ehĩ ke̱-wula ši ye̱ egbe̱fãṅ le̱ le̱. Oye kwašiai asane ye̱ ene̱ mli; nohewo̱ le̱ ke̱-dše̱ ṅme̱ne̱ no̱ ke̱-yaã ne̱ tai aate ši awoö!

2 Kronika 28:22

Ši efĩmo̱ be le̱ mli le̱ ne̱ke̱ maṅtše̱ Ahaz ne̱ noṅṅ kã he ētõ Iehowa no̱ lolo.

Lalai 51:6

Bo okometō mife eša miši, ni mife efõṅ ye̱ ohĩe, *koni oye bem ye̱ owiemo̱ le̱ mli, ni ohe atše ye̱ okodšomo̱ le̱ mli. *Rom. 3,4. 19.

Lalai 51:8

Na, ano̱kwale otaoo̱ ye̱ mimli, hewo̱ le̱ hã male nii ye̱ mimligbe̱ tō̃!

Lalai 55:20

Mawu *ní yo̱ ke̱-dše̱ tetēte le̱ aanu ni eehãame̱ hetō. (Sela.) Edšake̱ ame̱tsakee, ni ame̱šee Nyoṅmo gbeyei. *Lal. 102,27.

Abe̱i 21:29

Gbomo fõṅ hãa ehĩe waä; ši dšalo̱ le̱, esaa egbè̱i.

Abe̱i 22:12

Iehowa hĩṅme̱ii bāa nilē yi, ni etsṍmoo̱ kũtũmpo̱fo wiemo̱i ahĩe ebumoo̱ ši.

Abe̱i 23:35

Ookē̱ ake̱: “Ame̱tſiami nii, ši ewaa mihe; ame̱yimi, ši minuu he. *Té be ní mihĩe aatšẽṅ? matao se̱gbe̱ ekoṅ kẽ!” *Ies. 56,13.

Abe̱i 27:22

Kē̱ oke̱ fufuitšomlibi ši bulu ye̱ fufuitšo mli tamo̱ ašio̱ able tete le̱, ebulufemo̱ le̱ edšeṅ ehe gbĩkogbĩko.

Yesaia 26:11

Iehowa, owó onine no̱, ši kẽle̱ ame̱naa; ši ame̱ana dšōmo̱ ní odšōo̱ ye̱ omaṅ le̱ he le̱, ni ame̱hĩe aagboi; la aašã ohenye̱lo̱i le̱.

Yesaia 42:25

Nohewo̱ le̱ efo̱se mlifũ ní nā wa ke̱ ta ní mli wa hũ eſie ame̱no̱; ni eše̱re la ewo ame̱he ke̱-kpe, ši ame̱lee; ešãame̱, ši ame̱ke̱-woo ame̱tšui mli.

Yesaia 48:4

Edšake̱ mile ake̱ *onuu nõ, ni okue̱ le̱ adabãṅ ni, ni ohĩeṅtšo le̱ akō̱ble ni; *Ier. 5,3.

Yesaia 9:13

[14.] Hewo̱ le̱ Iehowa *aafo yitšo ke̱ lei, pãmpã ke̱ gãlã gbĩ kome ye̱ Israel. *10,3.

Yeremia 15:7

Ni mike̱ *šātšene aaša ame̱mli ye̱ šikpoṅ le̱ agbói le̱ anā; makpakpā ame̱-bii ye̱ ame̱he, mafite mimaṅ le̱, edšake̱ ame̱kũũ ame̱se̱ ke̱-dše̱e̱ ame̱gbè̱i le̱ ano̱! *Mat. 3,12.

Yeremia 17:23

Ši ame̱boo toi, ni ame̱hãã ame̱toi aba no̱ hũ, ši ame̱fe ame̱he kue̱ṅtilo̱i, ni ame̱kanu, ni ame̱kakplẽ tšo̱semo̱. 11,8.

Yeremia 19:15

Bo̱ni Iehowa Zebaot, Israel Nyoṅmo̱ le̱, kē̱ ne̱: Na, mike̱ efõṅ fẽ ní miwie ye̱ ne̱ke̱ maṅ ne̱ ke̱ ehe mãdšimãdši le̱ fẽ he le̱ baba ame̱no̱, edšake̱ ame̱fe ame̱he kue̱ṅtilo̱i, koni ame̱kabo miwiemo̱i le̱ atoi.

Yeremia 2:30

Yakatſā po mitſia nyebii le̱ anii; *ame̱kplẽẽ tšo̱semo̱. Nyedientše̱ nyeklante yeo̱ nyegbalo̱i le̱, take̱ dšata hĩekpãtãlo̱! *Ies. 1,5.

Yeremia 3:3

Nohewo le̱ atšĩ nyoṅmo̱ne̱mo̱ nā, ni gbo nyoṅmo̱ ene̱e̱; ši ohĩe yō adſamaṅ hĩeṅtšo, ni ohĩe gboo nõ.

Yeremia 32:19

oda ye̱ ṅāwō gbe̱fāṅ, ni ohe wa ye̱ nitšumo̱ gbe̱fāṅ, bo ní ohĩṅme̱ii kãmo̱ hã gbomei abii agbé̱i fẽ, koni ohã mofẽmo bo̱ni sa *agbè̱i ke̱ enifemo̱nii ayibii le̱; *Rom. 2,6.

Yeremia 35:13

Bo̱ni Iehowa Zebaot, Israel Nyoṅmo̱ le̱, kē̱ ne̱: Ya ní oyakē̱ Iudahĩĩ le̱ ke̱ Ierusalembii le̱ ake̱: Aso nyekplẽṅ tšo̱semo̱ ní nyebo miwiemo̱i le̱ atoi? Iehowa kē̱.

Yeremia 44:10

Ame̱bako ame̱he ši ke̱-baši ṅme̱ne̱, ni asaṅ ame̱šeko gbeyei, ni ame̱nyieko mimla ke̱ mikpoi le̱ ni miṅõ-māmo̱ nye ke̱ nyetše̱mei le̱ ahĩe le̱ amli.

Yeremia 7:26

ši kẽle̱ ame̱boomi toi, ni asaṅ ame̱hãã ame̱toi aba no̱ hũ, ši moṅ amefe ame̱he kue̱ṅtilo̱i, ni ame̱fe efõṅ fè ame̱tše̱mei le̱. 16,12.

Yeremia 7:28

Nohewo̱ le̱ kē̱mo̱ame̱ ake̱: Dšeṅmaṅ ní boo Iehowa, ame̱-Nyoṅmo̱ le̱, gbē toi, ni ame̱kplẽẽ tšo̱semo̱ ne̱; *ano̱kwale elādše ni etã ye̱ ame̱dāṅ! *5,1.

Yeremia 8:5

Mēhewo̱ mo̱ ni ne̱ke̱ maṅ Ierusalem ne̱ ekpale ni ame̱ka mli kwrā ne̱? ame̱hĩe šišiumo̱ mli gbãgbā̃gbã, ame̱kplẽẽ se̱kū̃.

Ezekiel 2:4

Ni bii ní hĩe wa ni ame̱wadše ame̱tšui le̱ aṅõ mitšũo̱o, ní oyakē̱ame̱ ake̱: Bo̱ni Nuṅtšo̱ Iehowa kē̱ ne̱!

Ezekiel 24:13

Omũdšinii le̱ nyenyeṅtſibō̱ ye̱ mli; ake̱-ní mitšū ohe ni ohe tšee hewo̱ le̱, ohe tšeṅ ke̱-dše̱ṅ omũdšinii le̱ amli doṅṅ ke̱-yaši beyino̱ ní maṅmẽ *mimlila gbe̱ ke̱-aba ono̱. *5,13.

Daniel 9:13

Bo̱ni aṅmã ye̱ Mose mla le̱ mli le̱, nakai ne̱ke̱ efõṅ ne̱ fẽ eba wo̱no̱ ne̱; ši kẽle̱ wo̱kpaa Iehowa, wo̱-Nyoṅmo̱ le̱, fai, koni wo̱kpale ke̱-dše̱ wo̱nišaianii le̱ ahe, ni wo̱dſẽṅ ano̱kwale le̱ he.

3 Mose 26:23

Ni ke̱dši ne̱ke̱ toigblamo̱ ne̱ hũ hãã nyetšake, ni nyedše mihe tše̱i kẽ le̱,

Amos 4:10

Mitšu gbĕle-hela ni tamo̱ *Mizraim nõ le̱ ke̱-ba nyeteṅ, ni mike̱ klante gbegbē nyeblahĩĩ le̱; ni mihã aṅõ nyekpo̱ṅo̱i le̱ anom, ni mihã nyensrai le̱ amli fũdšē le̱ te ši ke̱-babote nyegugõdši amli tete; ni kẽle̱ nyekpaleko ke̱-bako miṅõ! Iehowa kē̱. *2 Mose 3,8.

Amos 4:11

Asaṅ mibutunye, tamo̱ bo̱ni *Nyoṅmo̱ butu Sodom ke̱ Gomora le̱; ni nyetamo̱ †latšo ní afã ye̱ la nā; ni kẽle̱ nyekpaleko ke̱-bako miṅõ! Iehowa kē̱. *1 Mose 19,24. 25. †Zak. 3,2.

Amos 4:6

Ni mi hũ mihãnye nyãnyõdši ano̱ tšemo̱ ye̱ nyemãdši fiā-kwa mli, ke̱ abolo hõmo̱ ye̱ nyehĩle̱hei le̱ fẽ; ni kẽle̱ nyekpaleko ke̱-bako miṅõ! Iehowa kē̱.

Amos 4:8

Ni mãdši enyo̱ lo etẽ didã ke̱-yagbā maṅ kome no̱, koni ame̱yanu nu, ši eše̱e̱ ame̱nā; ni kẽle̱ nyekpaleko ke̱-bako miṅõ! Iehowa kē̱.

Amos 4:9

Asaṅ mihã *latšā ke̱ nibii aṅālãmo̱ ba nyeno̱; nyebō̱i ke̱ nyeweintromi ke̱ nyigbãmitšei ke̱ nyemũtšeii babaō le, †agãi eye; ni kẽle̱ nyekpaleko ke̱-bako miṅõ! Iehowa kē̱. *Hag. 1,11. †Ioel 1,4.

Zefania 3:7

Mike̱ ake̱: Šemi gbeyei ke̱ke̱, kplẽmo̱ tšo̱semo̱! koni plenẽmo̱ ni mito mihãle̱ le̱ fẽ akaba ešibĩle̱he le̱ no̱; kẽle̱ amete ši mrã, ni ame̱fite amenifemonii le̱ fẽ!

Romabii 2:2

Ši wo̱le ake̱ Nyoṅmo̱ fo̱bū le̱ sa mei ní tšuo̱ nakai nii le̱ pe̱.

Hebribii 12:9

Asaṅ wo̱ye̱ helo gbe̱fãṅ tše̱mei ní tšo̱seo̱wo̱, ni wo̱buo̱ame̱: ani esaa wo̱ ake̱ wo̱ba wo̱he ši wo̱hã *mumo̱i atše̱ le̱ moṅ babaō koni wo̱yi aná wala? *4 Mose 16,22.