Yeremia 48:9 - Ṅmãle̱ Kroṅkroṅ Le̱

⁹ Nyehãa Moab fĩdši ní efliki ní eya; ši emãdši le̱ aatšṍmo̱ amaṅfõ, ni anáṅ mokomoko ahĩ mli!

ŊMALƐ KRƆŊKRƆŊ LƐ

⁹ Nyɛhãa Moab fiji koni ekɛfiliki kɛya, ejaakɛ emaji lɛ baatsɔ̃mɔ amaŋfɔ̃ ni mɔ ko mɔ ko ehiŋ jɛi.

Yeremia 48:9 ပူးပေါင်းရင်းမြစ်များ

Lalai 11:1

David lala ni eke̱-hã lalatše̱ nukpa le̱. Iehowa abo mibaä. Té tēṅ ni nyekē̱o̱ misusuma ake̱: Nyedšoa foi ke̱-yaä nyegōdši le̱ ano̱ tamo̱ loflõ le̱! 1 Sam. 26,20.

Lalai 55:6

Gbeyei ke̱ hekpokpomo̱ emõmi, ni tšuifā̃ so̱ṅṅ esumi.

Yesaia 16:2

Ni aaba mli ake̱, bo̱ni loflõ ní tšomloo̱ ke̱ loflõtšũ ní atšĕre̱ mli aſã yo̱ le̱, nakai Moab biyei le̱ aatšṍ ye̱ Arnon fā fohei le̱.

Yeremia 44:22

Iehowa nyẽẽ nyenifemo̱nii fõdši ke̱ nihĩnii ní nyefe le̱ doṅṅ le̱, nohewo̱ nyešikpoṅ le̱ etšṍ amaṅfõ ke̱ nākpe̱nõ ke̱ lōmo̱, ni mokomoko be̱ dše̱i, tamo̱ bo̱ni yo̱ ṅme̱ne̱ ne̱!

Yeremia 46:19

Sāmo̱ ohe ohã gbe̱fā̃, bo Mizraim biyō ni oyo̱ dše̱i; edšake̱ Nof batšṍ amaṅfõ, ni abašãle̱, ní moko ehĩṅ mli doṅṅ!

Yeremia 48:28

Nyešĩa mãdši le̱, ni nyeyahĩa te̱sāi amli, nye Moab-bii, ni nyetamo̱a okpo ní feo̱ etšũ ye̱ buiaṅ fo̱dši amli!

Zefania 2:9

Nohewo̱ le̱, gbĩĩabo̱ ní mihĩe kã ne̱, Iehowa Zebaot, Israel Nyoṅmo̱ le̱, kē̱, Moab aatšṍ tamo̱ *Sodom, ni Amonbii le̱ hũ aatamo̱ Gomora; sansrõi amā̃mo̱he ke̱ ṅõbui, ke̱ nāno̱ amaṅfõi: mimaṅ le̱ mli mei ni eſe̱ le̱ aahaame̱, ni mimaṅ le̱ mli mei ni eſe̱ le̱ aaṅõame̱ aye. *1 Mose 19,24.

Kpojiemɔ 12:14

Ni aṅõ okropoṅ kpeteṅkple le̱ fĩdši enyo̱ le̱ ahã yō le̱, koni efliki *ke̱-ya ṅã le̱ no̱ ye̱ egbe̱he le̱, heni alè̱o̱le̱ ye̱ †be ke̱ bei ke̱ be fã ke̱-dše̱ onũfũ le̱ hĩe le̱. *K. 6. †Dan. 7,25; 12,7.