Yeremia 3:18 - Ṅmãle̱ Kroṅkroṅ Le̱

¹⁸ Nakai gbĩĩ le̱ amli le̱ Iuda we le̱ aate Israel we le̱ ṅõ, ni ame̱yi enyo̱ le̱ fẽ ame̱adše̱ kōyigbe̱ šikpoṅ le̱ no̱ ke̱-aba šikpoṅ ni miṅõ-hã ame̱tše̱mei le̱ ake̱ ame̱gbe̱fāṅnõ le̱ no̱. Ies. 11,11-13.

ŊMALƐ KRƆŊKRƆŊ LƐ

¹⁸ Nakai be lɛ mli lɛ, Yuda akutso lɛ baaya ayafata Israel akutso lɛ he ni amɛaajɛ kooyigbɛ shikpɔŋ lɛ nɔ kutuu kɛaaba shikpɔŋ ni mikɛhã amɛtsɛmɛi lɛ akɛ amɛgboshinii lɛ nɔ.’ ”

Yeremia 3:18 ပူးပေါင်းရင်းမြစ်များ

1 Mose 12:7

Ni Iehowa dšie ehe kpo etšõ Abram ni eké̱: *Oseši le̱ maṅõ ne̱ke̱ šikpoṅ ne̱ mahā. Ni emã afo̱lešãlate̱ ye̱ dše̱i ehã Iehowa, moni dšie ehe kpo etšõle le̱. *18,15; 15,18; 17,8; 24,7; 28,3. 4; 28,13; 36,12. 2 Mose 6,4. 8; 32,13. Ios. 21,43. Bo̱f. 7,5.

Yesaia 43:5

*Kāše gbeyei, ši mi, mike̱o yo̱; maṅõ oseši ke̱-adše̱ bokã ke̱-ba, nĩ mabua onā ke̱-adše̱ anaĩgbe̱; 11,11-16.

Yesaia 43:6

makē̱ kōyigbe̱ ake̱: Dšiemō̱ ohã! ke̱ wuoyigbe̱ hũ ake̱: Kātšī nä! Ṅõ mibihĩĩ le̱ ke̱-dše̱ šoṅṅ ke̱-ba, ke̱ mibiyei le̱ hũ ke̱-dše̱ šikpoṅ le̱ nãgbēhe le̱;

Yeremia 16:15

ši moṅ: Gbĩĩabo̱ kẽ ní Iehowa ní dšie Israelbii le̱ ke̱-dše̱ kōyigbe̱ šikpoṅ le̱ ne̱ ke̱ šikpõdši fẽ ní eſieame̱ ke̱-te no̱ le̱ ano̱ ke̱-ba ekoṅ le̱ hĩe kã ne̱! Ni mayaṅõame̱ ke̱-aba ame̱sikpoṅ ní miṅõ-hā ame̱tše̱mei le̱ no̱ ekoṅ.

Yeremia 23:8

ši moṅ: Gbĩĩabo̱ kẽ ní Iehowa, ní dšie Israel we le̱ seši le̱ ke̱-dše̱ kōyigbe̱ šikpoṅ le̱ no̱ ke̱ šikpõdši fẽ ní miſieame̱ ke̱-te no̱ le̱ no̱ ke̱-ba ni ame̱bahĩ ame̱dientše̱ ame̱šikpoṅ le̱ no̱ le̱, hĩe kã ne̱!

Yeremia 3:12

Ya ni oyašie̱ ne̱ke̱ wiemo̱i ne̱ ke̱-ya kōyigbe̱ ni okē̱: Kũ ose̱, se̱se̱yalo̱ Israel! Iehowa kē̱; mitũṅ mihĩe miwoṅ-nye doṅṅ; edšake̱ *mo̱bo̱nalo̱ dšimi, Iehowa kē̱; mibè̱ṅnye miwoṅ mimli ke̱-yaṅ nāno̱! *Lal. 103,8. 9.

Yeremia 30:3

Ši na, gbĩĩ mība, Iehowa kē̱, ni *makpale mimaṅ Israel ke̱ Iuda nomṅō̃ le̱ ke̱-aba ekoṅ, Iehowa kē̱, ni mahã ame̱kũ ame̱se̱ ke̱-ba šikpoṅ ní miṅõ-hã ame̱tše̱mei le̱ no̱, ni ame̱abaṅõ ake̱ amenõ. *29,14.

Yeremia 31:8

Na, mayaṅõame̱ ke̱-adše̱ kōyigbe̱ šikpoṅ le̱ no̱ ke̱-aba, ni mayabua ame̱-nā ke̱-adše̱ šikpoṅ le̱ nāgbē tō̃, ni ſilafoi ke̱ ošīfoi, yeiho̱lo̱i ke̱ yeifo̱yei fẽ-tſẽm ye̱ mli: asafo yū aakũ ame̱se̱ aba bie̱ ne̱ ekoṅ! Ies. 36,8-10.

Yeremia 50:20

Nakai gbĩĩ le̱ amli ke̱ nakai be le̱ṅ le̱, Iehowa kē̱, aatao Israel nišaianii le̱, ši eko be̱, ke̱ Iuda he ešai le̱, ši anaṅ; edšake̱ *maṅõ-fa mei ní miſe̱ le̱. *31,34; 33,8.

Yeremia 50:4

Nakai gbĩĩ le̱ amli le̱ ke̱ nakai be le̱ mli le̱, Iehowa kē̱, Israelbii le̱ aaba, ame̱ ke̱ Iudabii le̱ fẽ-tſẽm; *ame̱abafó ke̱-nyie, ni ame̱abatao Iehowa, ame̱-Nyoṅmo̱ le̱, se̱gbe̱. *31,9.

Yeremia 50:5

Ame̱abi Zion ši, ame̱atšṍmo̱ ame̱-hĩeaṅ ame̱hã dše̱igbe̱: “Nyebaä ní wo̱ke̱ wohe ayadõmo̱a Iehowa ye̱ nāno̱ kpãṅmo̱ ní hĩe kpaṅ no̱ mli!”

Yeremia 7:7

no le̱ mahã nyehĩ ši ye̱ bie̱ ne̱, ye̱ šikpoṅ ni miṅō-hã nyetše̱mei le̱ ke̱-dše̱ nāno̱ āhũ ke̱-yašĩ nāno̱ le̱ no̱.

Ezekiel 11:17

Nohewo̱ le̱ kē̱mo̱ ake̱: Bo̱ni Nuṅtšo̱ Iehowa kē̱ ne̱: Mabua nyenõ ke̱-adše̱ mãdšimãdši le̱ amli, ni mahã nyenā abatĩ ke̱-adše̱ šikpõdši ní agbe̱nye aſã no̱ le̱ ano̱, ni mike̱ Israel šikpoṅ le̱ aahãnye. Ier 29,14.

Hosea 2:2

[11.] No Iudabii ke̱ Israelbii le̱ aabua amehe na ke̱-akpe, ni ame̱ato yitšo kome ame̱hã amehe, ni ame̱afã ke̱-adše̱ šikpoṅ le̱ no̱ ke̱-aba; edšake̱ Iezreel gbĩ ie̱ gbĩ wulu ni. Ies. 11,11-15. Ier. 3,18. Ezek. 37,22.

Amos 9:15

Ni mate̱oame̱ ye̱ ame̱šikpoṅ le̱ no̱, ni afãṅame̱ ke̱-dše̱ṅ ame̱šikpoṅ ni miṅõ-hãame̱ le̱ no̱ doṅṅ; Iehowa, o-Nyoṅmo̱ le̱, kē̱.

Zakaria 10:6

Ni mawo Iuda we le̱ hewale̱, ni mahere Iosef we le̱ yiwala, ni mike̱ame̱ aakũ se̱ ke̱-aba ekoṅ; edšake̱ mimũsũṅ etšõmi ye̱ ame̱he, ni ame̱afe tamo̱ mei ní miſiekoame̱; edšake̱ midši Iehowa, ame̱-Nyoṅmo̱ le̱, ni mato he mahãame̱.

Zakaria 2:6

[2.] Ni mikē̱: Nẽgbe̱ oyaä? Ni eke̱mi ake̱: Miyasusu Ierusalem, ní mana boni elē̱mo̱ ke̱ eke̱le̱ yo̱.