Yeremia 3:13 - Ṅmãle̱ Kroṅkroṅ Le̱

¹³ Ná onišaianii le̱ ole ke̱ke̱, ake̱ otõ Iehowa, o-Nyoṅmo̱ le̱, no̱, ni oyakpa ši ye̱ ogbè̱i le̱ ano̱ ke̱-nyie meikpõdši ase̱, ye̱ tšo-fẽ-tšo ní ebu kusū šiši, ni nyeboko migbē toi! Iehowa kē̱.

ŊMALƐ KRƆŊKRƆŊ LƐ

¹³ Kpɛlɛ̃mɔ otɔ̃mɔi lɛ anɔ kɛkɛ akɛ oyakpa shi yɛ heihei kɛnyiɛ maŋsɛɛ nyɔŋmɔi asɛɛ yɛ tso fɛɛ tso ni ebu kusuu shishi, ni asaŋ obooo mi toi. Mi, Yehowa, mikɛɛ.

Yeremia 3:13 ပူးပေါင်းရင်းမြစ်များ

Nehemia 9:2

Ni Israel sešibii le̱ tše ame̱he ke̱-dše̱ meikpõdši abii le̱ fẽ he, ni ame̱ho ame̱damo̱ ši ame̱dšadše ame̱he ešai le̱ ke̱ ame̱tše̱mei atõmo̱i le̱.

Abe̱i 28:13

Moni tšīmoo̱ eno̱tõmo̱ no̱ le̱, eſereṅ; ši moni dšadšeo̱ ni efõo le, anaäle̱ mo̱bo̱. Lal. 32,3-6. 1 Ioh. 1,8. 9.

Yesaia 57:5

nye ní nyehĩe do̱ö̱ ye̱ tšei wudši ahe ye̱ tšo-fẽ-tšo ní ebu kusū šiši; nyegbeo̱ gbekẽbii ye̱ dšō̱i amli ye̱ te̱sāi afo̱dši ašiši. Ier 2,20. 24.

Yeremia 14:10

Bo̱ni Iehowa kē̱o̱ ne̱ke̱ maṅ ne̱ ne̱: Nakai ame̱sumoo̱ šikpā, ame̱tšĩĩ ame̱nã-dši anā; nohewo̱ le̱ Iehowa náá ame̱he tšui: agbe̱ne̱ eekai ame̱nišaianii le̱, ni eewo ame̱he ešai le̱ ahe nyõmo̱.

Yeremia 14:20

Iehowa, wo̱le wo̱nifõdšianii le̱ ke̱ wo̱tše̱mei le̱ anišaianii le̱; edšake̱ wo̱fe eša wo̱šio! K. 7.

Yeremia 2:20

Edšake̱ blema bēbe odše̱ okũ opã le̱, ni otšere̱ okpãi le̱, ni okē̱ ake̱: Misúmo̱o̱ moko! edšake̱ *goṅkpo̱-fẽ-goṅkpo̱ ní kwo̱ no̱ ke̱ tšo-fẽ-tšo ni ebu kusū šiši oyakãa ši obo̱ō̱ adſamaṅ ye̱. *5,6. Ies. 57,5. Ezek. 6,13.

Yeremia 2:25

Kwe̱mo̱ onane dšogbāṅ, ní ehe aka-kã, ke̱ osẽ hũ, ní kũmai akayeo! Ši okē̱ ake̱: Ehĩĩ fõmo̱! dabi! edšake̱ misumoo̱ meikpõdši, ni ame̱se̱ manyie!

Yeremia 3:2

Holemo̱ ohĩṅme̱ii ano̱ ke̱-ya gõdši kpatāi le̱ ano̱ ní okwe̱: Nẽgbe̱ ake̱o ebo̱ko adſamaṅ ye̱? Gbè̱i atoii po otáa omẽo̱ame̱, tamo̱ Arabianyo ye̱ ṅã le̱ no̱, ni oke̱ odſamaṅbō̱ ke̱ onifõdšianii le̱ buleo̱ šikpoṅ le̱.

Yeremia 3:25

Nyehãa wo̱kãmo̱a ši ye̱ wo̱hĩegbĕle le̱ mli, ni wo̱hĩešiſiemo̱ le̱ aha wo̱no̱; edšake̱ wo̱fe eša wo̱ši Iehowa, wo̱-Nyoṅmo̱ le̱, wo̱ ke̱ wo̱tše̱mei le̱ fẽ, ke̱-dše̱ wo̱gbekẽbiiaši ke̱-baši ṅme̱ne̱ gbĩ ne̱, ni wo̱boko Iehowa, wo̱-Nyoṅmo̱ le̱, gbē toi.

Yeremia 3:6

Ni Iehowa kē̱mi ye̱ maṅtše̱ Iosia yino̱ ake̱: Ona noni se̱se̱yalo̱ Israel efe lo? Eyiṅ ete *goṅ-fẽ-goṅ ní kwo̱ no̱ ke̱ tšo-fẽ-tšo ni ebu kusū šiši, ni eyabo̱ adſamaṅ ye̱ dše̱i. *2,20.

Yeremia 7:24

Ši ame̱boo toi, ni ame̱hãã ame̱toi aba no̱ hũ, ši moṅ ame̱dientše̱ ame̱ṅāwōi ke̱ ame̱tšui fõṅ le̱ wale̱ se̱ amenyie, ni ame̱tšṍ ame̱se̱ ame̱hãmi, ni dšee ame̱hĩe, 11,8. Ies. 65,2.

Yeremia 7:26

ši kẽle̱ ame̱boomi toi, ni asaṅ ame̱hãã ame̱toi aba no̱ hũ, ši moṅ amefe ame̱he kue̱ṅtilo̱i, ni ame̱fe efõṅ fè ame̱tše̱mei le̱. 16,12.

Ezekiel 16:15

Ši oṅõ ohĩe ofõ ohefe̱o le̱ no̱, ní ogbe̱i ní ehehe le̱ hewo̱ le̱ *obo̱ adſamaṅ, ni ofo̱fe odſamaṅbō̱i le̱ oſie mofẽmo ní hoo̱ le̱ no̱: eno ni! *2 Mose 34,16.

Hosea 5:15

Makũ mise̱ ke̱-ate migbe̱he le̱, ke̱-yaši beyino̱ ní ame̱akalẽ ame̱tõmo̱ le̱ ni ameabatao mihĩegbe̱; *ké̱ efĩame̱ le̱, ame̱-ataomi mrã. *Ies. 25,13.

5 Mose 12:2

Kpãtãmo̱ nyekpãtãa *hei fẽ ní dšeṅmãdši ní nyeyaſie le̱ dšáa ame̱nyoṅmo̱i le̱ ye̱ le̱ ahĩe, gõdši groṅṅi ano̱ dšio, goṅkpo̱i ano̱ dšio, tšei ní ebu kusū ašiši dšio; *7,5. 25.