Yeremia 3:12 - Ṅmãle̱ Kroṅkroṅ Le̱

¹² Ya ni oyašie̱ ne̱ke̱ wiemo̱i ne̱ ke̱-ya kōyigbe̱ ni okē̱: Kũ ose̱, se̱se̱yalo̱ Israel! Iehowa kē̱; mitũṅ mihĩe miwoṅ-nye doṅṅ; edšake̱ *mo̱bo̱nalo̱ dšimi, Iehowa kē̱; mibè̱ṅnye miwoṅ mimli ke̱-yaṅ nāno̱! *Lal. 103,8. 9.

ŊMALƐ KRƆŊKRƆŊ LƐ

¹² Yaa kooyigbɛ shikpɔŋ lɛ nɔ koni oyashiɛ yɛ jɛi, ni okɛɛ akɛ, ‘Israel ni yeee ewu anɔkwa, kpalemɔ kɛba miŋɔɔ! Mituŋ mihiɛ miwoŋ nyɛ ejaakɛ mɔbɔnalɔ ji mi. Mi, Yehowa mikɛɛ. Mibɛŋ nyɛ miwoŋ mimli kɛyaŋ naanɔ.

Yeremia 3:12 ပူးပေါင်းရင်းမြစ်များ

1 Mose 4:7

Aso ke̱dši ofe ekpakpa le̱, ohĩe baṅ nyam lo? ši ke̱dši ofee ekpakpa le̱, eša *bu šĩnā le̱ ši, ni bo ose̱gbe̱ etaoo̱; ši bo le̱ †ye eno̱. *Gal. 6,17. †Rom. 6,12.

2 Maŋtsɛmɛi 15:29

Peka, Israel maṅtše̱ le̱, yino̱ le̱ Tiglat-Pileser, Ašur maṅtše̱ le̱, ba ni ebaṅõ Iyon ke̱ Abel-Bet-Maaka ke̱ Ianoa ke̱ Kedeš ke̱ Hazor ke̱ Gilead fẽ, ke̱ Galilea ní dši Naftali šikpoṅ le̱ fẽ, ni eṅõame̱ nom ke̱-te Ašur. 1 Kron. 6,26.

2 Maŋtsɛmɛi 17:23

ke̱-yaši beyino̱ ní Iehowa dšie Israel ke̱-dše̱ ehīe, *take̱ bo̱ni etšṍ etšùdši gbalo̱i le̱ fẽ no̱ ewie le̱, ni anõ Israelbii le̱ anom ke̱-dše̱ ame̱dientše̱ ame̱šikpoṅ le̱ no̱ ke̱-te Ašur ke̱-baši ṅme̱ne̱. *5 Mose 28,63. 64.

2 Maŋtsɛmɛi 17:6

Hošea yino̱ afi ní dši ne̱hũ le̱ no̱ le̱ Ašur maṅtše̱ le̱ ṅõ Samaria, ni eṅõ Israel nom ke̱-te Ašur, ni eṅõame̱ eyato Hala ke̱ Habor ke̱ Gozan fā le̱ nā ke̱ Mediabii amãdši le̱ amli.

2 Maŋtsɛmɛi 18:1

Ni eba mli ake̱ Israel maṅtše̱ Hošea, Ela bi le̱, yino̱ afi ni dši etẽ le̱ mli, *Hezekia ni dši Iuda maṅtše̱ Ahaz bĩ le̱ baye maṅtše̱ le̱. *13.20.

2 Kronika 29:10

Agbe̱ne̱ eye̱ mitšui mli ake̱ mike̱ Iehowa, Israel Nyoṅmo̱ le̱, aakpãṅ, koni emlifũ ní nā wa le̱ adše wo̱no̱.

2 Kronika 30:9

Edšake̱ kē̱ nyekpale ke̱-ba Iehowa ṅõ le̱, nyenyemimei ke̱ nyebii le̱, mei ni baṅõame̱ nom le̱ amũsũṅ aatšõame̱ ye̱ ame̱he, ni ame̱aku ame̱se̱ ke̱-ba šikpoṅ ne̱ no̱ ekoṅ. Edšake̱ odomfoo̱ ke̱ mo̱bo̱nalo̱ dši Iehowa, nye-Nyoṅmo̱ le̱, ni ke̱dši nyekpale ke̱-ba eṅõ le̱, edšieṅ ehĩe ye̱ nyehe.

Lalai 103:17

Ši Iehowa mo̱bo̱nale̱ le̱ ye̱ ke̱-dše̱ nāno̱ ke̱-mīya nāno̱ ye̱ mei ni šeo̱le̱ gbeyei le̱ ano̱, ni edsale̱ le̱ ye ha bii abii, Yāfó 3,22. Luk. 1,50.

Lalai 103:8

Mo̱bo̱nalo̱ ke̱ drolo̱ dši Iehowa, emli fũũ mrã, ni emo̱bo̱nale̱ fá. 2 Mose 34,5. Lal. 86,16.

Lalai 103:9

Ehĩee béi amli dā, ni ebe̱e̱ mo ewoo emli ke̱-yaa nāno̱. Ies. 57,16.

Lalai 145:8

Drolo̱ ke̱ mo̱bo̱nale̱ dši Iehowa, emli fũũ mrã ni emo̱bo̱nale̱ fá. 3 Mose 34,6.

Lalai 79:5

Iehowa, mẽ beyino̱ noṅṅ ni omli aafũ ne̱ke̱ ke̱-yaši, ni owuṅãyeli le̱ aatšo tamo̱ la po? Lal. 80,5.

Lalai 86:15

Ši bo, Nuṅtšo̱, Mawu mũsũṅtšõlo̱ ke̱ drolo̱ dšio, omli fũũ mrã ni omo̱bo̱nale̱ ke̱ ono̱kwale fá. 2 Mose 34,5.

Lalai 86:5

Edšake̱ bo, Nuṅtšo̱, ohĩ ni oṅõ-faä mrã, ní omo̱bo̱nale̱ fá hã mei fẽ ní blo̱ö̱ tšé̱o̱o le̱. K. 15.

Abe̱i 28:13

Moni tšīmoo̱ eno̱tõmo̱ no̱ le̱, eſereṅ; ši moni dšadšeo̱ ni efõo le, anaäle̱ mo̱bo̱. Lal. 32,3-6. 1 Ioh. 1,8. 9.

Yesaia 31:6

Nyekũa nyese̱ ke̱-baä moni nyedše ehe ke̱-te se̱ kwrā le̱ ṅõ, nye Israelbii!

Yesaia 44:22

*Migbe onõfõṅfemo̱i le̱ tamo̱ atatu ko, ke̱ ohe ešai le̱ hũ tamo̱ afua ko: Kpalemo̱ ke̱-ba miṅõ, ši mikpõo! *1,18; 43,25.

Yeremia 11:6

Ni Iehowa kē̱mi ake̱: Šie̱mo̱ ne̱ke̱ wiemo̱i ne̱ fẽ ye̱ Iuda mãdši le̱ ke̱ Ierusalem blohũi le̱ amli ake̱: Nyeboa ne̱ke̱ kpãṅmo̱ ne̱ wiemo̱i le̱ atoi, ni nyeyea no̱!

Yeremia 12:15

Ni aaba mli ake̱, beni mifãame̱ se̱ le̱, makũ se̱ mahã mimũsũṅ atšõmi ye̱ ame̱he, ni mike̱ame̱ aakũ se̱ ke̱-aba, mo-fẽmo aaba egbe̱fãṅnõ ke̱ ešikpoṅ ne̱.

Yeremia 23:8

ši moṅ: Gbĩĩabo̱ kẽ ní Iehowa, ní dšie Israel we le̱ seši le̱ ke̱-dše̱ kōyigbe̱ šikpoṅ le̱ no̱ ke̱ šikpõdši fẽ ní miſieame̱ ke̱-te no̱ le̱ no̱ ke̱-ba ni ame̱bahĩ ame̱dientše̱ ame̱šikpoṅ le̱ no̱ le̱, hĩe kã ne̱!

Yeremia 3:1

Ekē̱: Kē̱ *nū ko ſie eṅã, ni edše eṅõ eyatšṍ nū kroko ṅã le̱: ani ekũo̱ ese̱ eyaṅõo̱le̱ ekoṅ? ani dšee bulemo̱ ababule nakai šikpoṅ le̱? Ši bo le̱ oke̱ šientše̱mei babaō eyabo̱ adſamaṅ, ni ōkũ ose̱ oba miṅõ ekoṅ? Iehowa kē̱. *5 Mose 24,1-4.

Yeremia 3:14

Nyekũa nyese̱, nye bii se̱se̱yalo̱i! Iehowa kē̱; edšake̱ *midsi nyewù, ni maṅõnye, †mokome ke̱-adše̱ maṅ kome mli, mei enyo̱ hũ ke̱-adše̱ weku kome mli, ni mike̱nye aaba Zion ekoṅ. *Hos. 2,21. †Ies. 6,13.

Yeremia 3:18

Nakai gbĩĩ le̱ amli le̱ Iuda we le̱ aate Israel we le̱ ṅõ, ni ame̱yi enyo̱ le̱ fẽ ame̱adše̱ kōyigbe̱ šikpoṅ le̱ no̱ ke̱-aba šikpoṅ ni miṅõ-hã ame̱tše̱mei le̱ ake̱ ame̱gbe̱fāṅnõ le̱ no̱. Ies. 11,11-13.

Yeremia 3:22

Nyekũa nyese̱, nye bii se̱se̱yalo̱i, matšá nyese̱se̱yā le̱! *Na, wo̱mība oṅõ, edšake bo dši Iehowa, wo-Nyoṅmo le̱. *Hos. 6,1.

Yeremia 3:5

Ani eebè̱ mo ewo emli ke̱-ate nāno̱, alo eke̱ mlifũ aato ke̱-ate nāgbē? Na, bo̱ni owieo̱ ne̱, ši kẽle̱ okã he ōfe nifõdšianii.

Yeremia 3:7

Ni beni efe ene̱mei fẽ se̱ le̱, mikē̱: Kũ ose̱ ke̱-ba miṅõ! Ši ekũũ ese̱. Ni enyemiyō Iuda, kũtũmpo̱fo le̱, na.

Yeremia 30:11

Edšake̱ mike̱o ye̱, Iehowa kē̱, ko-ni mahere oyiwala. Edšake̱ mafite dšeṅ-mãdši ní migbe̱o miſã ame̱teṅ le̱ fẽ ke̱-mõ ši; ši bo le̱ mifiteṅo ke̱-mõṅ ši, ši moṅ magbla otoi *bo̱ni sa ke̱ke̱, ni mihãṅ oṅõ ohe oye kwrā. *10,24.

Yeremia 31:20

Aso mibinū dšŭrõ dši Efraim, alo bi ní mimī še̱o̱ ehe ni? edšake̱ šiiabo̱ fẽ ni miwieo̱ mišio̱le̱ le̱ *mikaio̱le̱ kẽ; nohewo̱ le̱ †mimli nṍmoo̱mi ye̱ ehewo̱, mimũsũṅ tšõo̱mi ye̱ ehe kẽ! Iehowa kē̱. *Ies. 49,15. †Hos. 11,8.

Yeremia 31:21

Mãmo̱ gbe̱kadimo̱nii ohã ohe, ni omãmo̱ gbe̱tšõmo̱tšei hũ ohã ohe, hã odſẽṅmo̱ akã gbe̱dšegbe̱ le̱, gbe̱ ní onyie no̱ ke̱-te le̱ no̱; kpalemo̱ ke̱-ba ko, Israel oblayō, kpalemo̱ ke̱-ba omãdši ne̱ amli!

Yeremia 31:8

Na, mayaṅõame̱ ke̱-adše̱ kōyigbe̱ šikpoṅ le̱ no̱ ke̱-aba, ni mayabua ame̱-nā ke̱-adše̱ šikpoṅ le̱ nāgbē tō̃, ni ſilafoi ke̱ ošīfoi, yeiho̱lo̱i ke̱ yeifo̱yei fẽ-tſẽm ye̱ mli: asafo yū aakũ ame̱se̱ aba bie̱ ne̱ ekoṅ! Ies. 36,8-10.

Yeremia 33:26

no le̱ makwa Iakob seši le̱, ke̱ mitšũlo̱ David nõ le̱ hũ, ni miṅõṅ esešibii le̱ ateṅ meikomei miwoṅame̱ Abraham ke̱ Isak ke̱ Iakob sešibii le̱ ano̱yelo̱i; edšake̱ *makpale ame̱nomṅō̃ le̱ ke̱-aba, ni mimũsũṅ aatšõmi ye̱ ame̱he! *32,45.

Yeremia 4:1

Israel, ké̱ ookũ ose̱ le̱, Iehowa kē̱, — kũ ose̱ ke̱-ba miṅõ! ni ke̱dši oodšie onihīnii le̱ ke̱-adše̱ mihĩe le̱, no le̱ aſieṅo doṅṅ;

Yāfó 3:22

Iehowa mo̱bo̱nale̱ nā ni wo̱plenēko ne̱, edšake̱ emũsũṅtšõle̱i le̱ etãã; Neh. 9,31.

Ezekiel 11:17

Nohewo̱ le̱ kē̱mo̱ ake̱: Bo̱ni Nuṅtšo̱ Iehowa kē̱ ne̱: Mabua nyenõ ke̱-adše̱ mãdšimãdši le̱ amli, ni mahã nyenā abatĩ ke̱-adše̱ šikpõdši ní agbe̱nye aſã no̱ le̱ ano̱, ni mike̱ Israel šikpoṅ le̱ aahãnye. Ier 29,14.

Ezekiel 33:11

Kē̱mo̱ame̱ ake̱: Gbĩĩabo̱ ní mihĩe kã ne̱, Nuṅtšo̱ Iehowa kē̱: *mináá efõṅfelo̱ gbĕle he mīše̱, ši moṅ ake̱ efõṅfelo̱ akpale ke̱-dše̱ egbe̱ le̱ no̱, ni eyi aná wala! †Nyekpalea, nyekpalea ke̱-dše̱a nyegbè̱i fõdši le̱ ano̱! Ši mẽba ni nyeagboi, Israel we? *18,23. 31. 32. †Ies. 55,7. Ioel 2,12. 13.

Ezekiel 39:25

Nohewo̱ le̱ bo̱ni Nuṅtšo̱ Iehowa kē̱ ne̱: Agbe̱ne̱ makpale Iakob nomṅō̃ le̱ ke̱-aba ekoṅ, ni mimũsũṅ aatšõmi ye̱ Israel we mū le̱ fẽ hewo̱, ni maye migbe̱i kroṅkroṅ le̱ he awuṅã. 16,53-63.

Hosea 6:1

“Nyebaä ní wo̱kũa wo̱se̱ wo̱yaä Iehowa ṅõ! Edšake̱ *le̱ etšere̱ wo̱mli, ni esā eetšáwo̱; le̱ etſiawo̱ nii, ni esā eefĩmo̱ no̱ ehãwo̱. *5,14.

3 Mose 26:40

Ke̱ke̱ ni *ame̱adšadše ame̱nifõdšianii ke̱ ame̱tše̱mei anifõdšianii le̱, bo̱ni ame̱yemi kũtũmpo̱o, ni asaṅ amedše mihe tše̱i, *5 Mose 4,30; 30,2.

Zakaria 1:4

Nyekafea tamo̱ nyetše̱mei le̱, mei ní kleṅkleṅ gbalo̱i le̱ šie̱ tšõame̱ ake̱: Boni Iehowa Zebaot le̱ ne̱: *Nyekpalea ke̱-dše̱a nyegbè̱i fõdši le̱ ano̱ ke̱ nyenifemo̱nii fõdši le̱ ahe! ni ame̱nuu ni ame̱sā ame̱boomi toi le̱, Iehowa kē̱.

5 Mose 30:2

ni *ookũ ose̱ ke̱-aba Iehowa, o-Nyoṅmo̱ le̱, ṅõ, ni oobo egbē toi, tamo̱ bo̱ni miwoo̱o kitã ṅme̱ne̱ gbĩ ne̱, bo ke̱ obii le̱, ke̱ otšui mū le̱ fẽ ke̱ osusuma mū le̱ fẽ le̱, *3 Mose 26,40.